सुब्रह्मण्यकवचम् ३ Shri Subrahmanya Kavacham 3

ॐ श्रीगणेशाय नमः ।नारद उवाचदेवेश श्रोतुमिच्छामि ब्रह्मन् वागीश तत्त्वतः ।सुब्रह्मण्यस्य कवचं कृपया वक्तुमर्हसि ॥ १॥

oṃ śrīgaṇeśāya namaḥ |nārada uvācadeveśa śrotumicchāmi brahman vāgīśa tattvataḥ |subrahmaṇyasya kavacaṃ kṛpayā vaktumarhasi || 1||

ब्रह्मोवचमहर्षे शृणु मद्वाक्यं बहुना किं तवानघ ।मन्त्राश्च कोटिशः सन्ति शम्भुविष्ण्वादिदेवताः ॥ २॥

brahmovacamaharṣe śṛṇu madvākyaṃ bahunā kiṃ tavānagha |mantrāśca koṭiśaḥ santi śambhuviṣṇvādidevatāḥ || 2||

सहस्रनाम्नां कोट्यश्च ह्यङ्गन्यासाश्च कोटिशः ।उपमन्त्रास्त्वनेके च कोटिशः सन्ति नारद ॥ ३॥

sahasranāmnāṃ koṭyaśca hyaṅganyāsāśca koṭiśaḥ |upamantrāstvaneke ca koṭiśaḥ santi nārada || 3||

मालामन्त्राः कोटिशश्च ह्यश्वमेधफलप्रदाः ।कुमारकवचं दिव्यं भुक्तिमुक्तिफलप्रदम् ॥ ४॥

mālāmantrāḥ koṭiśaśca hyaśvamedhaphalapradāḥ |kumārakavacaṃ divyaṃ bhuktimuktiphalapradam || 4||

सर्वसम्पत्करं श्रीमद्वज्रसारसमन्वितम् ।सर्वात्मके शम्भुपुत्रे मतिरस्त्यत्र किं तव ॥ ५॥

sarvasampatkaraṃ śrīmadvajrasārasamanvitam |sarvātmake śambhuputre matirastyatra kiṃ tava || 5||

धन्योऽसि कृतकृत्योऽसि भक्तोऽसि त्वं महामते ।यस्येदं शरजं जन्म यदि वा स्कन्द एव च ॥ ६॥

dhanyo'si kṛtakṛtyo'si bhakto'si tvaṃ mahāmate |yasyedaṃ śarajaṃ janma yadi vā skanda eva ca || 6||

तेनैव लभ्यते चैतत्कवचं शङ्करोदितम् ।ऋषिश्छन्दो देवताश्च कार्याः पूर्ववदेव च ॥ ७॥

tenaiva labhyate caitatkavacaṃ śaṅkaroditam |ṛṣiśchando devatāśca kāryāḥ pūrvavadeva ca || 7||

ध्यानं तु ते प्रवक्ष्यामि येन स्वामिमयो भवेत् ।ओङ्कांररूपिणं देवं सर्वदेवात्मकं प्रभुम् ॥ ८॥

dhyānaṃ tu te pravakṣyāmi yena svāmimayo bhavet |oṅkāṃrarūpiṇaṃ devaṃ sarvadevātmakaṃ prabhum || 8||

देवसेनापतिं शान्तं ब्रह्मविष्णुशिवात्मकम् ।भक्तप्रियं भक्तिगम्यं भक्तानामार्तिभञ्जनम् ॥ ९॥

devasenāpatiṃ śāntaṃ brahmaviṣṇuśivātmakam |bhaktapriyaṃ bhaktigamyaṃ bhaktānāmārtibhañjanam || 9||

भवानीप्रियपुत्रं च महाभयनिवारकम् ।शङ्करं सर्वलोकानां शङ्करात्मानमव्ययम् ॥ १०॥

bhavānīpriyaputraṃ ca mahābhayanivārakam |śaṅkaraṃ sarvalokānāṃ śaṅkarātmānamavyayam || 10||

सर्वसम्पत्प्रदं वीरं सर्वलोकैकपूजितम् ।एवं ध्यात्वा महासेनं कवचं वज्रपञ्जरम् ॥ ११॥

sarvasampatpradaṃ vīraṃ sarvalokaikapūjitam |evaṃ dhyātvā mahāsenaṃ kavacaṃ vajrapañjaram || 11||

पठेन्नित्यं प्रयत्नेन त्रिकालं शुद्धिसंयुतः ।सत्यज्ञानप्रदं दिव्यं सर्वमङ्गलदायकम् ॥ १२॥

paṭhennityaṃ prayatnena trikālaṃ śuddhisaṃyutaḥ |satyajñānapradaṃ divyaṃ sarvamaṅgaladāyakam || 12||

अस्य श्रीसुब्रह्मण्यकवचस्तोत्रमहामन्त्रस्य परब्रह्म ऋषिः ।देवी गायत्री छन्दः । प्रसन्नज्ञानसुब्रह्मण्यो देवता । ॐ बीजं,श्रीं शक्तिः, सौं कीलकम् । प्रसन्नज्ञानसुब्रह्मण्य प्रसादसिद्।ह्ध्यर्थेजपे विनियोगः ।करन्यासःश्रीसुब्रह्मण्याय अङ्गुष्ठाभ्यां नमः ।शक्तिधराय तर्जनीभ्यां नमः । षण्मुखाय मध्यमाभ्यां नमः ।षट्त्रिंशत्कोणसंस्थिताय अनामिकाभ्यां नमः । सर्वतोमुखायकनिष्ठिकाभ्यां नमः । तारकान्तकाय करतलकरपृष्ठाभ्यां नमः ।एवं हृदयादिन्यासः । भूर्भुवस्सुवरोम् (इति दिग्बन्धः) ।ध्यानम्षड्वक्त्रं शिखिवाहनं त्रियनं चित्राम्बरालङ्कृतंशक्तिं वज्रमयीं त्रिशूलमभयं खेटं धनुश्चक्रकम् ।पाशं कुक्कुटमङ्कुशं च वरदं दोर्भिर्दधानं सदाध्यायामीप्सितसिद्धये शिवसुतं स्कन्दं सुराराधितम् ॥द्विषड्भुजं षण्मुखमम्बिकासुतंकुमारमादित्यसमानतेजसम् ।वन्दे मयूरासनमग्निसम्भवंसेनान्यमद्याहमभीष्टसिद्धये ॥गाङ्गेयं वह्निगर्भं शरवणजनितं ज्ञानशक्तिं कुमारंब्रह्मेशानामरेड्यं गुहमचलसुतं रुद्रतेजः स्वरूपम् ।सोनान्यं तारकघ्नं सकलभयहरं कार्तिकेयं षडास्यंसुब्रह्मण्यं मयूरध्वजरथसहितं देवदेवं नमामि ॥कनककुण्डलमण्डितषण्मुखं वनजराजिविराजितलोचनम् ।निशितशस्त्रशरासनधारिणं शरवणोद्भवमीशसुतं भजे ॥(लमित्यादि पञ्चपूजा ।)लं पृथिव्यात्मने गन्धं कल्पयामि ।हं आकाशात्मने पुष्पाणि कल्पयामि ।यं वाय्वात्मने धूपं कल्पयामि ।रं अग्न्यात्मने दीपं कल्पयामि ।वं अमृतात्मने अमृतं महानैवेद्यं कल्पयामि ।सं सर्वात्मने ताम्बूलादि सर्वोपचारपूजान् कल्पयामि ॥अथ कवचम् ।सुब्रह्मण्यः शिरः पातु शिखां पातु शिवात्मजः ।शिवः पातु ललाटं मे भ्रूमध्यं क्रौञ्चदारणः ॥ १३॥

asya śrīsubrahmaṇyakavacastotramahāmantrasya parabrahma ṛṣiḥ |devī gāyatrī chandaḥ | prasannajñānasubrahmaṇyo devatā | oṃ bījaṃ,śrīṃ śaktiḥ, sauṃ kīlakam | prasannajñānasubrahmaṇya prasādasid|hdhyarthejape viniyogaḥ |karanyāsaḥśrīsubrahmaṇyāya aṅguṣṭhābhyāṃ namaḥ |śaktidharāya tarjanībhyāṃ namaḥ | ṣaṇmukhāya madhyamābhyāṃ namaḥ |ṣaṭtriṃśatkoṇasaṃsthitāya anāmikābhyāṃ namaḥ | sarvatomukhāyakaniṣṭhikābhyāṃ namaḥ | tārakāntakāya karatalakarapṛṣṭhābhyāṃ namaḥ |evaṃ hṛdayādinyāsaḥ | bhūrbhuvassuvarom (iti digbandhaḥ) |dhyānamṣaḍvaktraṃ śikhivāhanaṃ triyanaṃ citrāmbarālaṅkṛtaṃśaktiṃ vajramayīṃ triśūlamabhayaṃ kheṭaṃ dhanuścakrakam |pāśaṃ kukkuṭamaṅkuśaṃ ca varadaṃ dorbhirdadhānaṃ sadādhyāyāmīpsitasiddhaye śivasutaṃ skandaṃ surārādhitam ||dviṣaḍbhujaṃ ṣaṇmukhamambikāsutaṃkumāramādityasamānatejasam |vande mayūrāsanamagnisambhavaṃsenānyamadyāhamabhīṣṭasiddhaye ||gāṅgeyaṃ vahnigarbhaṃ śaravaṇajanitaṃ jñānaśaktiṃ kumāraṃbrahmeśānāmareḍyaṃ guhamacalasutaṃ rudratejaḥ svarūpam |sonānyaṃ tārakaghnaṃ sakalabhayaharaṃ kārtikeyaṃ ṣaḍāsyaṃsubrahmaṇyaṃ mayūradhvajarathasahitaṃ devadevaṃ namāmi ||kanakakuṇḍalamaṇḍitaṣaṇmukhaṃ vanajarājivirājitalocanam |niśitaśastraśarāsanadhāriṇaṃ śaravaṇodbhavamīśasutaṃ bhaje ||(lamityādi pañcapūjā |)laṃ pṛthivyātmane gandhaṃ kalpayāmi |haṃ ākāśātmane puṣpāṇi kalpayāmi |yaṃ vāyvātmane dhūpaṃ kalpayāmi |raṃ agnyātmane dīpaṃ kalpayāmi |vaṃ amṛtātmane amṛtaṃ mahānaivedyaṃ kalpayāmi |saṃ sarvātmane tāmbūlādi sarvopacārapūjān kalpayāmi ||atha kavacam |subrahmaṇyaḥ śiraḥ pātu śikhāṃ pātu śivātmajaḥ |śivaḥ pātu lalāṭaṃ me bhrūmadhyaṃ krauñcadāraṇaḥ || 13||

भुवौ पातु कुमारो मे नेत्रे पातु त्रिनेत्रकः ।पायाद्गौरीसुतः श्रोत्रे गण्डयुग्मं हरात्मजः ॥ १४॥

bhuvau pātu kumāro me netre pātu trinetrakaḥ |pāyādgaurīsutaḥ śrotre gaṇḍayugmaṃ harātmajaḥ || 14||

दक्षनासापुटद्वारं प्राणरूपी महेश्वरः ।सर्वदेवात्मकः पातु जिह्वां सारस्वतप्रदः ॥ १५॥

dakṣanāsāpuṭadvāraṃ prāṇarūpī maheśvaraḥ |sarvadevātmakaḥ pātu jihvāṃ sārasvatapradaḥ || 15||

दन्तान् रक्षतु देवेशः तालुयुग्मं शिवात्मजः ।देवसेनापतिः पातु चुबुकं चाद्रिजासुतः ॥ १६॥

dantān rakṣatu deveśaḥ tāluyugmaṃ śivātmajaḥ |devasenāpatiḥ pātu cubukaṃ cādrijāsutaḥ || 16||

पार्वतीनन्दनः पातु द्वावोष्ठौ मम सर्वदा ।षण्मुखो मे मुखं पातु सर्वदेवशिखामणिः ॥ १७॥

pārvatīnandanaḥ pātu dvāvoṣṭhau mama sarvadā |ṣaṇmukho me mukhaṃ pātu sarvadevaśikhāmaṇiḥ || 17||

सिंहगर्वापहन्ता मे ग्रीवां पातु सनातनः ।तारकासुरसंहन्ता कण्ठं दुष्टान्तकोऽवतु ॥ १८॥

siṃhagarvāpahantā me grīvāṃ pātu sanātanaḥ |tārakāsurasaṃhantā kaṇṭhaṃ duṣṭāntako'vatu || 18||

सुभुजो मे भुजौ पातु स्कन्धमग्निसुतो मम ।सन्धियुग्मं गुहः पातु करौ मे पातु पावनः ॥ १९॥

subhujo me bhujau pātu skandhamagnisuto mama |sandhiyugmaṃ guhaḥ pātu karau me pātu pāvanaḥ || 19||

कराङ्गुलीः श्रीकरोऽव्यात् सुररक्षणदीक्षितः ।वक्षः स्थलं महासेनः तारकासुरसूदनः ॥ २०॥

karāṅgulīḥ śrīkaro'vyāt surarakṣaṇadīkṣitaḥ |vakṣaḥ sthalaṃ mahāsenaḥ tārakāsurasūdanaḥ || 20||

कुक्षिं पातु सदा देवः सुब्रह्मण्यः सुरेश्वरः ।उदरं पातु रक्षोहा नाभिं मे विश्वपालकः ॥ २१॥

kukṣiṃ pātu sadā devaḥ subrahmaṇyaḥ sureśvaraḥ |udaraṃ pātu rakṣohā nābhiṃ me viśvapālakaḥ || 21||

लोकेशः पातु पृष्ठं मे कटिं पातु धराधरः ।गुह्यं जितेन्द्रियः पातु शिश्नं पातु प्रजापतिः ॥ २२॥

lokeśaḥ pātu pṛṣṭhaṃ me kaṭiṃ pātu dharādharaḥ |guhyaṃ jitendriyaḥ pātu śiśnaṃ pātu prajāpatiḥ || 22||

अण्डद्वयं महादेव ऊरुयुग्मं सदा मम ।सर्वभूतेश्वरः पातु जानुयुग्ममघापहः ॥ २३॥

aṇḍadvayaṃ mahādeva ūruyugmaṃ sadā mama |sarvabhūteśvaraḥ pātu jānuyugmamaghāpahaḥ || 23||

जङ्घे मे विश्वभुक्पातु गुल्फौ पातु सनातनः ।वल्लीश्वरः पातु मम मणिबन्धौ महाबलः ॥ २४॥

jaṅghe me viśvabhukpātu gulphau pātu sanātanaḥ |vallīśvaraḥ pātu mama maṇibandhau mahābalaḥ || 24||

पातु वल्लीपतिः पादौ पादपृष्ठं महाप्रभुः ।पादाङ्गुलीः श्रीकरो मे इन्द्रियाणि सुरेश्वरः ॥ २५॥

pātu vallīpatiḥ pādau pādapṛṣṭhaṃ mahāprabhuḥ |pādāṅgulīḥ śrīkaro me indriyāṇi sureśvaraḥ || 25||

त्वचं महीपतिः पातु रोमकूपांस्तु शाङ्करिः ।षाण्मातुरः सदा पातु सर्वदा च हरप्रियः ॥ २६॥

tvacaṃ mahīpatiḥ pātu romakūpāṃstu śāṅkariḥ |ṣāṇmāturaḥ sadā pātu sarvadā ca harapriyaḥ || 26||

कार्तिकेयस्तु शुक्लं मे रक्तं शरवणोद्भवः ।वाचं वागीश्वरः पातु नादं मेऽव्यात्कुमारकः ॥ २७॥

kārtikeyastu śuklaṃ me raktaṃ śaravaṇodbhavaḥ |vācaṃ vāgīśvaraḥ pātu nādaṃ me'vyātkumārakaḥ || 27||

पूर्वस्यां दिशि सेनानीर्मां पातु जगदीश्वरः ।आग्नेय्यामग्निदेवश्च क्रतुरूपी परात्परः ॥ २८॥

pūrvasyāṃ diśi senānīrmāṃ pātu jagadīśvaraḥ |āgneyyāmagnidevaśca kraturūpī parātparaḥ || 28||

दक्षिणस्यामुग्ररूपः सर्वपापविनाशनः ।खड्गधारी च नैरृत्यां सर्वरक्षोनियामकः ॥ २९॥

dakṣiṇasyāmugrarūpaḥ sarvapāpavināśanaḥ |khaḍgadhārī ca nairṛtyāṃ sarvarakṣoniyāmakaḥ || 29||

पश्चिमास्यां दिशि सदा जलाधारो जितेन्द्रियः ।वायव्यां प्राणरूपोऽव्यान्महासेनो महाबलः ॥ ३०॥

paścimāsyāṃ diśi sadā jalādhāro jitendriyaḥ |vāyavyāṃ prāṇarūpo'vyānmahāseno mahābalaḥ || 30||

उत्तरस्यां दिशि सदा निधिकर्ता स पातु माम् ।शम्भुपुत्रः सदा पातु दिश्यैशान्यां महाद्युतिः ॥ ३१॥

uttarasyāṃ diśi sadā nidhikartā sa pātu mām |śambhuputraḥ sadā pātu diśyaiśānyāṃ mahādyutiḥ || 31||

ऊर्ध्वं ब्रह्मपतिः पातु चतुर्मुखनिषेवितः ।अधस्तात्पातु विश्वात्मा सदा ब्रह्माण्डभृत्परः ॥ ३२॥

ūrdhvaṃ brahmapatiḥ pātu caturmukhaniṣevitaḥ |adhastātpātu viśvātmā sadā brahmāṇḍabhṛtparaḥ || 32||

मध्यं पातु महासेनः शूरसंहारकृत्सदा ।अहङ्कारं मनो बुद्धिं स्कन्दः पातु सदा मम ॥ ३३॥

madhyaṃ pātu mahāsenaḥ śūrasaṃhārakṛtsadā |ahaṅkāraṃ mano buddhiṃ skandaḥ pātu sadā mama || 33||

गङ्गातीरनिवासी मामादियामे सदाऽवतु ।मध्ययामे सुरश्रेष्ठस्तृतीये पातु शाम्भवः ॥ ३४॥

gaṅgātīranivāsī māmādiyāme sadā'vatu |madhyayāme suraśreṣṭhastṛtīye pātu śāmbhavaḥ || 34||

दिनान्ते लोकनाथो मां पुर्वरात्र्यां पुरारिजः ।अर्धरात्रे महायोगी निशान्ते कालरूपधृत् ॥ ३५॥

dinānte lokanātho māṃ purvarātryāṃ purārijaḥ |ardharātre mahāyogī niśānte kālarūpadhṛt || 35||

मृत्युञ्जयः सर्वकालमन्तस्तु शिखिवाहनः ।बहिः स्थितं शक्तिधरः पातु मां योगिपूजितः ॥ ३६॥

mṛtyuñjayaḥ sarvakālamantastu śikhivāhanaḥ |bahiḥ sthitaṃ śaktidharaḥ pātu māṃ yogipūjitaḥ || 36||

सर्वत्र मां सदा पातु योगविद्यो निरञ्जनः ।पातु मां पञ्चभूतेभ्यः पञ्चभूतात्मकस्तदा ॥ ३७॥

sarvatra māṃ sadā pātu yogavidyo nirañjanaḥ |pātu māṃ pañcabhūtebhyaḥ pañcabhūtātmakastadā || 37||

तिष्ठन्तमग्निभूः पातु गच्छन्तं शूरसूदनः ।विशाखोऽव्याच्छयानं मां निषण्णं तु सुरेश्वरः ॥ ३८॥

tiṣṭhantamagnibhūḥ pātu gacchantaṃ śūrasūdanaḥ |viśākho'vyācchayānaṃ māṃ niṣaṇṇaṃ tu sureśvaraḥ || 38||

मार्गे मे नीलकण्ठश्च शैलदुर्गेषु नायकः ।अरण्यदेशे दुर्गे चाभयं दद्याद्भयापहः ॥ ३९॥

mārge me nīlakaṇṭhaśca śailadurgeṣu nāyakaḥ |araṇyadeśe durge cābhayaṃ dadyādbhayāpahaḥ || 39||

भार्यां पुत्रप्रदः पातु पुत्रान् रक्षेत् हरात्मजः ।पशून् रक्षेन्महातेजा धनं धनपतिर्मम ॥ ४०॥

bhāryāṃ putrapradaḥ pātu putrān rakṣet harātmajaḥ |paśūn rakṣenmahātejā dhanaṃ dhanapatirmama || 40||

राजराजार्चितः पातु ह्रस्वदेहं महाबलः ।जीवनं पातु सर्वेशो महामणिविभूषणः ॥ ४१॥

rājarājārcitaḥ pātu hrasvadehaṃ mahābalaḥ |jīvanaṃ pātu sarveśo mahāmaṇivibhūṣaṇaḥ || 41||

सूर्योदये तु मां सर्वो ह्यश्विन्याद्याश्च तारकाः ।मेषाद्या राशयश्चैव प्रभवाद्याश्च वत्सराः ॥ ४२॥

sūryodaye tu māṃ sarvo hyaśvinyādyāśca tārakāḥ |meṣādyā rāśayaścaiva prabhavādyāśca vatsarāḥ || 42||

अयने द्वे षडृतवो मासाश्चैत्रमुखास्तथा ।शुक्लकृष्णौ तथा पक्षौ तिथयः प्रतिपन्मुखाः ॥ ४३॥

ayane dve ṣaḍṛtavo māsāścaitramukhāstathā |śuklakṛṣṇau tathā pakṣau tithayaḥ pratipanmukhāḥ || 43||

अहोरात्रे च यामादि मुहूर्ता घटिकास्तथा ।कलाः काष्ठादयश्चैव ये चान्ये कालभेदकाः ॥ ४४॥

ahorātre ca yāmādi muhūrtā ghaṭikāstathā |kalāḥ kāṣṭhādayaścaiva ye cānye kālabhedakāḥ || 44||

ते सर्वे गुणसम्पन्नाः सन्तु सौम्यास्तदाज्ञया ।ये पक्षिणो महाक्रूराः उरगाः क्रूरदृष्टयः ॥ ४५॥

te sarve guṇasampannāḥ santu saumyāstadājñayā |ye pakṣiṇo mahākrūrāḥ uragāḥ krūradṛṣṭayaḥ || 45||

उलूकाः काकसङ्घाश्च श्येनाः कङ्कादिसंज्ञकाः ।शुकाश्च सारिकाश्चैव गृध्राः कङ्का भयानकाः ॥ ४६॥

ulūkāḥ kākasaṅghāśca śyenāḥ kaṅkādisaṃjñakāḥ |śukāśca sārikāścaiva gṛdhrāḥ kaṅkā bhayānakāḥ || 46||

ते सर्वे स्कन्ददेवस्य खड्गजालेन खण्डिताः ।शतशो विलयं यान्तु भिन्नपक्षा भयातुराः ॥ ४७॥

te sarve skandadevasya khaḍgajālena khaṇḍitāḥ |śataśo vilayaṃ yāntu bhinnapakṣā bhayāturāḥ || 47||

ये द्रव्यहारिणश्चैव ये च हिंसापरा द्विषः ।ये प्रत्यूहकरा मर्त्या दुष्टमर्त्या दुराशयाः ॥ ४८॥

ye dravyahāriṇaścaiva ye ca hiṃsāparā dviṣaḥ |ye pratyūhakarā martyā duṣṭamartyā durāśayāḥ || 48||

दुष्टा भूपालसन्दोहाः ये भूभारकराः सदा ।कायविघ्नकरा ये च ये खला दुष्टबुद्धयः ॥ ४९॥

duṣṭā bhūpālasandohāḥ ye bhūbhārakarāḥ sadā |kāyavighnakarā ye ca ye khalā duṣṭabuddhayaḥ || 49||

ये च मायाविनः क्रूराः सर्वद्रव्यापहारिणः ।ये चापि दुष्टकर्माणो म्लेच्छाश्च यवनादयः ॥ ५०॥

ye ca māyāvinaḥ krūrāḥ sarvadravyāpahāriṇaḥ |ye cāpi duṣṭakarmāṇo mlecchāśca yavanādayaḥ || 50||

नित्यं क्षुद्रकरा ये च ह्यस्मद्बाधाकराः परे ।दानवा ये महादैत्याः पिशाचा ये महाबलाः ॥ ५१॥

nityaṃ kṣudrakarā ye ca hyasmadbādhākarāḥ pare |dānavā ye mahādaityāḥ piśācā ye mahābalāḥ || 51||

शाकिनीडाकिनीभेदाः वेताला ब्रह्मराक्षसाः ।कूष्माण्डभैरवाद्या ये कामिनी मोहिनी तथा ॥ ५२॥

śākinīḍākinībhedāḥ vetālā brahmarākṣasāḥ |kūṣmāṇḍabhairavādyā ye kāminī mohinī tathā || 52||

अपस्मारग्रहा ये च रक्तमांसभुजो हि ये ।गन्धर्वाप्सरसः सिद्धा ये च देवस्य योनयः ॥ ५३॥

apasmāragrahā ye ca raktamāṃsabhujo hi ye |gandharvāpsarasaḥ siddhā ye ca devasya yonayaḥ || 53||

ये च प्रेताः क्षेत्रपालाः ये विनायकसंज्ञकाः ।महामेषा महाव्याघ्रा महातुरगसंज्ञकाः ॥ ५४॥

ye ca pretāḥ kṣetrapālāḥ ye vināyakasaṃjñakāḥ |mahāmeṣā mahāvyāghrā mahāturagasaṃjñakāḥ || 54||

महागोवृषसिंहाद्याः सैन्धवा ये महागजाः ।वानराः शुनका ये च वराहा वनचारिणः ॥ ५५॥

mahāgovṛṣasiṃhādyāḥ saindhavā ye mahāgajāḥ |vānarāḥ śunakā ye ca varāhā vanacāriṇaḥ || 55||

वृकोष्ट्रखरमार्जाराः ये चातिक्षुद्रजन्तवः ।अगाधभूता भूताङ्गग्रहग्राह्यप्रदायकाः ॥ ५६॥

vṛkoṣṭrakharamārjārāḥ ye cātikṣudrajantavaḥ |agādhabhūtā bhūtāṅgagrahagrāhyapradāyakāḥ || 56||

ज्वालामालाश्च तडितो दुरात्मानोऽतिदुःखदाः ।नानारोगकरा ये च क्षुद्रविद्या महाबलाः ॥ ५७॥

jvālāmālāśca taḍito durātmāno'tiduḥkhadāḥ |nānārogakarā ye ca kṣudravidyā mahābalāḥ || 57||

मन्त्रयन्त्रसमुद्भूताः तन्त्रकल्पितविग्रहाः ।ये स्फोटका महारोगाः वातिकाः पैत्तिकाश्च ये ॥ ५८॥

mantrayantrasamudbhūtāḥ tantrakalpitavigrahāḥ |ye sphoṭakā mahārogāḥ vātikāḥ paittikāśca ye || 58||

सन्निपातश्लेष्मकाश्च महादुःखकरास्तथा ।माहेश्वरा वैष्णवाश्च वैरिञ्चाश्च महाज्वराः ॥ ५९॥

sannipātaśleṣmakāśca mahāduḥkhakarāstathā |māheśvarā vaiṣṇavāśca vairiñcāśca mahājvarāḥ || 59||

चातुर्थिकाः पाक्षिकाश्च मासषाण्मासिकाश्च ये ।सांवत्सरा दुर्निवार्या ज्वराः परमदारुणाः ॥ ६०॥

cāturthikāḥ pākṣikāśca māsaṣāṇmāsikāśca ye |sāṃvatsarā durnivāryā jvarāḥ paramadāruṇāḥ || 60||

सृष्टका ये महोत्पाता ये जाग्रत्स्वप्नदूषकाः ।ये ग्रहाः क्रूरकर्तारो ये वा बालग्रहादयः ॥ ६१॥

sṛṣṭakā ye mahotpātā ye jāgratsvapnadūṣakāḥ |ye grahāḥ krūrakartāro ye vā bālagrahādayaḥ || 61||

महाशिनो मांसभुजो मनोबुद्धीन्द्रियापहाः ।स्फोटकाश्च महाघोराः चर्ममांसादिसम्भवाः ॥ ६२॥

mahāśino māṃsabhujo manobuddhīndriyāpahāḥ |sphoṭakāśca mahāghorāḥ carmamāṃsādisambhavāḥ || 62||

दिवाचोरा रात्रिचोरा ये सन्ध्यासु च दारुणाः ।जलजाः स्थलजाश्चैव स्थावरा जङ्गमाश्च ये ॥ ६३॥

divācorā rātricorā ye sandhyāsu ca dāruṇāḥ |jalajāḥ sthalajāścaiva sthāvarā jaṅgamāśca ye || 63||

विषप्रदाः कृत्रिमाश्च मन्त्रतन्त्रक्रियाकराः ।मारणोच्चाटनोन्मूलद्वेषमोहनकारिणः ॥ ६४॥

viṣapradāḥ kṛtrimāśca mantratantrakriyākarāḥ |māraṇoccāṭanonmūladveṣamohanakāriṇaḥ || 64||

गरुडाद्याः पक्षिजाता उद्भिदश्चाण्डजाश्च ये ।कूटयुद्धकरा ये च स्वामिद्रोहकराश्च ये ॥ ६५॥

garuḍādyāḥ pakṣijātā udbhidaścāṇḍajāśca ye |kūṭayuddhakarā ye ca svāmidrohakarāśca ye || 65||

क्षेत्रग्रामहरा ये च बन्धनोपद्रवप्रदाः ।मन्त्रा ये विविधाकाराः ये च पीडाकरास्तथा ॥ ६६॥

kṣetragrāmaharā ye ca bandhanopadravapradāḥ |mantrā ye vividhākārāḥ ye ca pīḍākarāstathā || 66||

यो चोक्ता ये ह्यनुक्ताश्च भूपातालान्तरिक्षगाः ।ते सर्वे शिवपुत्रस्य कवचोत्तारणादिह ॥ ६७॥

yo coktā ye hyanuktāśca bhūpātālāntarikṣagāḥ |te sarve śivaputrasya kavacottāraṇādiha || 67||

सहस्रधा लयं यान्तु दूरादेव तिरोहिताः ।फलश्रुतिः ।इत्येतत्कवचं दिव्यं षण्मुखस्य महात्मनः ॥ ६८॥

sahasradhā layaṃ yāntu dūrādeva tirohitāḥ |phalaśrutiḥ |ityetatkavacaṃ divyaṃ ṣaṇmukhasya mahātmanaḥ || 68||

सर्वसम्पत्प्रदं नृणां सर्वकायार्थसाधनम् ।सर्ववश्यकरं पुण्यं पुत्रपौत्रप्रदायकम् ॥ ६९॥

sarvasampatpradaṃ nṛṇāṃ sarvakāyārthasādhanam |sarvavaśyakaraṃ puṇyaṃ putrapautrapradāyakam || 69||

रहस्यातिरहस्यं च गुह्याद्गुह्यतरं महत् ।सर्वेदेवप्रियकरं सर्वानन्दप्रदायकम् ॥ ७०॥

rahasyātirahasyaṃ ca guhyādguhyataraṃ mahat |sarvedevapriyakaraṃ sarvānandapradāyakam || 70||

अष्टैश्वर्यप्रदं नित्यं सर्वरोगनिवारणम् ।अनेन सदृशं वर्म नास्ति ब्रह्माण्डगोलके ॥ ७१॥

aṣṭaiśvaryapradaṃ nityaṃ sarvaroganivāraṇam |anena sadṛśaṃ varma nāsti brahmāṇḍagolake || 71||

सत्यं सत्यं पुनः सत्यं शृणु पुत्र महामुने ।एकवारं जपन्नित्यं मुनितुल्यो भविष्यति ॥ ७२॥

satyaṃ satyaṃ punaḥ satyaṃ śṛṇu putra mahāmune |ekavāraṃ japannityaṃ munitulyo bhaviṣyati || 72||

त्रिवारं यः पठेन्नित्यं गुरुध्यानपरायणः ।स एव षण्मुखः सत्यं सर्वदेवात्मको भवेत् ॥ ७३॥

trivāraṃ yaḥ paṭhennityaṃ gurudhyānaparāyaṇaḥ |sa eva ṣaṇmukhaḥ satyaṃ sarvadevātmako bhavet || 73||

पठतां यो भेदकृत्स्यात् पापकृत्स भवेद्ध्रुवम् ।कोटिसङ्ख्यानि वर्माणि नानेन सदृशानि हि ॥ ७४॥

paṭhatāṃ yo bhedakṛtsyāt pāpakṛtsa bhaveddhruvam |koṭisaṅkhyāni varmāṇi nānena sadṛśāni hi || 74||

कल्पवृक्षसमं चेदं चिन्तामणिसमं मुने ।सकृत्पठनमात्रेण महापापैः प्रमुच्यते ॥ ७५॥

kalpavṛkṣasamaṃ cedaṃ cintāmaṇisamaṃ mune |sakṛtpaṭhanamātreṇa mahāpāpaiḥ pramucyate || 75||

सप्तवारं पठेद्यस्तु रात्रौ पश्चिमदिङ्मुखः ।मण्डलान्निगडग्रस्तो मुच्यते न विचारणा ॥ ७६॥

saptavāraṃ paṭhedyastu rātrau paścimadiṅmukhaḥ |maṇḍalānnigaḍagrasto mucyate na vicāraṇā || 76||

विद्वेषी च भवेद्वश्यः पठनादस्य वै मुने ।कृत्रिमाणि च सर्वाणि नश्यन्ति पठनाद्ध्रुवम् ॥ ७७॥

vidveṣī ca bhavedvaśyaḥ paṭhanādasya vai mune |kṛtrimāṇi ca sarvāṇi naśyanti paṭhanāddhruvam || 77||

यं यं च याचते कामं तं तमाप्नोति पूरुषः ।नित्यं त्रिवारं पठनात्खण्डयेच्छत्रुमण्डलम् ॥ ७८॥

yaṃ yaṃ ca yācate kāmaṃ taṃ tamāpnoti pūruṣaḥ |nityaṃ trivāraṃ paṭhanātkhaṇḍayecchatrumaṇḍalam || 78||

दशवारं जपन्नित्यं त्रिकालज्ञो भवेन्नरः ।इन्द्रस्येन्द्रत्वमेतेन ब्रह्मणो ब्रह्मताऽभवत् ॥ ७९॥

daśavāraṃ japannityaṃ trikālajño bhavennaraḥ |indrasyendratvametena brahmaṇo brahmatā'bhavat || 79||

चक्रवर्तित्वमेतेन सर्वेषां चैव भूभृताम् ।वज्रसारतमं चैतत्कवचं शिवभाषितम् ॥ ८०॥

cakravartitvametena sarveṣāṃ caiva bhūbhṛtām |vajrasāratamaṃ caitatkavacaṃ śivabhāṣitam || 80||

पठतां शृण्वतां चैव सर्वपापहरं परम् ।गुरुपूजापरो नित्यं कवचं यः पठेदिदम् ॥ ८१॥

paṭhatāṃ śṛṇvatāṃ caiva sarvapāpaharaṃ param |gurupūjāparo nityaṃ kavacaṃ yaḥ paṭhedidam || 81||

मातुः स्तन्यं पुनः सोऽपि न पिबेन्मुनिसत्तम ।कुमारकवचं चेदं यः पठेत्स्वामिसन्निधौ ॥ ८२॥

mātuḥ stanyaṃ punaḥ so'pi na pibenmunisattama |kumārakavacaṃ cedaṃ yaḥ paṭhetsvāmisannidhau || 82||

सकृत्पठनमात्रेण स्कन्दसायुज्यमाप्नुयात् ।सेनानीरग्निभूः स्कन्दस्तारकारिर्गुणप्रियः ॥ ८३॥

sakṛtpaṭhanamātreṇa skandasāyujyamāpnuyāt |senānīragnibhūḥ skandastārakārirguṇapriyaḥ || 83||

षाण्मातुरो बाहुलेयः कृत्तिकाप्रियपुत्रकः ।मयूरवाहनः श्रीमान् कुमारः क्रौञ्चदारणः ॥ ८४॥

ṣāṇmāturo bāhuleyaḥ kṛttikāpriyaputrakaḥ |mayūravāhanaḥ śrīmān kumāraḥ krauñcadāraṇaḥ || 84||

विशाखः पार्वतीपुत्रः सुब्रह्मण्यो गुहस्तथा ।षोडशैतानि नामानि शृणुयात् श्रावयेत्सदा ॥ ८५॥

viśākhaḥ pārvatīputraḥ subrahmaṇyo guhastathā |ṣoḍaśaitāni nāmāni śṛṇuyāt śrāvayetsadā || 85||

तस्य भक्तिश्च मुक्तिश्च करस्थैव न संशयः ।गोमूत्रेण तु पक्त्वान्नं भुक्त्वा षण्मासतो मुने ॥ ८६॥

tasya bhaktiśca muktiśca karasthaiva na saṃśayaḥ |gomūtreṇa tu paktvānnaṃ bhuktvā ṣaṇmāsato mune || 86||

सहस्रं मूलमन्त्रं च जप्त्वा नियमतन्त्रितः ।सप्तविंशतिवारं तु नित्यं यः प्रपठेदिदम् ॥ ८७॥

sahasraṃ mūlamantraṃ ca japtvā niyamatantritaḥ |saptaviṃśativāraṃ tu nityaṃ yaḥ prapaṭhedidam || 87||

वायुवेगमनोवेगौ लभते नात्र संशयः ।य एवं वर्षपर्यन्तं पूजयेद्भक्तिसंयुतः ॥ ८८॥

vāyuvegamanovegau labhate nātra saṃśayaḥ |ya evaṃ varṣaparyantaṃ pūjayedbhaktisaṃyutaḥ || 88||

ब्रह्मलोकं च वैकुण्ठं कैलासं समवाप्स्यति ।तस्मादनेन सदृशं कवचं भुवि दुर्लभम् ॥ ८९॥

brahmalokaṃ ca vaikuṇṭhaṃ kailāsaṃ samavāpsyati |tasmādanena sadṛśaṃ kavacaṃ bhuvi durlabham || 89||

यस्य कस्य न वक्तव्यं सर्वथा मुनिसत्तम ।पठन्नित्यं च पूतात्मा सर्वसिद्धिमवाप्स्यति ।सुब्रह्मण्यस्य सायुज्यं सत्यं च लभते ध्रुवम् ॥ ९०॥

yasya kasya na vaktavyaṃ sarvathā munisattama |paṭhannityaṃ ca pūtātmā sarvasiddhimavāpsyati |subrahmaṇyasya sāyujyaṃ satyaṃ ca labhate dhruvam || 90||

इति श्रीस्कन्दपुराणानतः श्रीसुब्रह्मण्यकवचं सम्पूर्णम् ।

iti śrīskandapurāṇānataḥ śrīsubrahmaṇyakavacaṃ sampūrṇam |