सुब्रह्मण्य ध्यानम् Shri Subrahmanya Dhyanam

षडाननं कुङ्कुमरक्तवर्णंमहामतिं दिव्यमयूरवाहनंरुद्रस्यसूनुं सुरसैन्यनाथंगुहं सदा शरणमहं प्रपद्ये ॥ १॥कनककुण्डलमण्डितषण्मुखंकनकराजिविराजितलोचनंनिशितशस्त्रशरासनधारिणंशरवणोत्भवमीशसुतं भजे ॥ २॥सिन्दूरारुणमिन्दुकान्तिवदनंकेयूरहारादिभिःदिव्यैराभरणैर्विभूषिततनुंस्वर्गस्यसौख्यप्रदंअम्भोजाभयशक्ति कुक्कुटधरंरक्ताङ्गरागांशुकंसुब्रह्मण्यमुपास्महे प्रणमतांसर्वार्थसंसिद्धिदम् ॥ ३॥वन्दे शक्तिधरं शिवात्मतनयंवन्दे पुळिन्दापतिंवन्दे भानुसहस्रमद्बुदनिभंवन्दे मयूरासनंवन्दे कुक्कुटकेतनं सुरवरंवन्दे कृपाम्भोनिधिंवन्दे कल्पकपुष्पशैलनिलयंवन्दे गुहं षण्मुखम् ॥ ४॥द्विषड्भुजं षण्मुखमम्बिकासुतंकुमारमादित्यसमानतेजसंवन्दे मयूरासनमग्निसम्भवंसेनान्यमद्याहमभीष्टसिद्धये ॥ ५॥ध्यायेत् षण्मुखमिन्दु कोटिसदृशंरत्नप्रभाशोभितंबालार्कद्युति षट्किरीटविलसत्-केयूरहारानन्वितंकर्णालंकृत कुण्डलप्रविलसत्कण्ठस्थलैः शोभितंकाञ्ची कङ्कण किङ्किणीरवयुतंशृङ्गार सारोदयम् ॥ ६॥ध्यायेदीप्सितसिद्धितं शिवसुतंश्रीद्वादशाक्षं गुहंबाणङ्केटकमङ्कुशञ्चवरदंपाशं धनुःशक्रकंवज्रंशक्तिमसिन्त्रिशूलमभयंदोर्भिर्धृतं षण्मुखंभास्वच्छत्रमयूरवाहसुभगंचित्राम्बरालंकृतम् ॥ ७॥गाङ्गेयं वह्निगर्भं शरवणजनितंज्ञानशक्तिं कुमारंसुब्रह्मण्यं सुरेशं गुहमचलदिदंरुद्रतेजस्वरूपंसेनान्यं तारकघ्नं गजमुखसहजंकार्तिकेयं षडास्यंसुब्रह्मण्यं मयूरध्वजरथसहितंदेवदेवं नमामि ॥ ८॥षण्मुखं द्वादशभुजं द्वादशाक्षं शिखिध्वजम् ।शक्तिद्वयसमायुक्तं वामदक्षिणपार्श्वयोः ॥ ९॥शक्तिंशूलं तथा खड्गं खेटञ्चापंशरं तथा ।घण्टां च कुक्कुटञ्चैवपाशञ्चैवतथाङ्कुशम् ॥ १०॥अभयं वरदञ्चैव धारयान्तं कराम्बुजैः ।महाबलं महावीर्यं शिखिवाहं शिखिप्रभम् ॥ ११॥किरीटकुण्डलोपेतं खण्डितोद्दण्डतारकम् ।मण्डलीकृतकोदण्डं काण्डैःक्रौञ्चधराधरम् ॥ १२॥दारयन्तं दुराधर्षं दैत्यदानवराक्षसैः ।देवसेनापतिं देवकार्यैकनिरतं प्रभुम् ॥ १३॥महादेवतनूजातं मदनायुतसुन्दरम् ।चिन्तये हृदयाम्भोजे कुमारममितेजसम् ॥ १४॥॥ इति श्री सुब्रह्मण्यध्यानं समाप्तम् ॥

ṣaḍānanaṃ kuṅkumaraktavarṇaṃmahāmatiṃ divyamayūravāhanaṃrudrasyasūnuṃ surasainyanāthaṃguhaṃ sadā śaraṇamahaṃ prapadye || 1||kanakakuṇḍalamaṇḍitaṣaṇmukhaṃkanakarājivirājitalocanaṃniśitaśastraśarāsanadhāriṇaṃśaravaṇotbhavamīśasutaṃ bhaje || 2||sindūrāruṇamindukāntivadanaṃkeyūrahārādibhiḥdivyairābharaṇairvibhūṣitatanuṃsvargasyasaukhyapradaṃambhojābhayaśakti kukkuṭadharaṃraktāṅgarāgāṃśukaṃsubrahmaṇyamupāsmahe praṇamatāṃsarvārthasaṃsiddhidam || 3||vande śaktidharaṃ śivātmatanayaṃvande puḷindāpatiṃvande bhānusahasramadbudanibhaṃvande mayūrāsanaṃvande kukkuṭaketanaṃ suravaraṃvande kṛpāmbhonidhiṃvande kalpakapuṣpaśailanilayaṃvande guhaṃ ṣaṇmukham || 4||dviṣaḍbhujaṃ ṣaṇmukhamambikāsutaṃkumāramādityasamānatejasaṃvande mayūrāsanamagnisambhavaṃsenānyamadyāhamabhīṣṭasiddhaye || 5||dhyāyet ṣaṇmukhamindu koṭisadṛśaṃratnaprabhāśobhitaṃbālārkadyuti ṣaṭkirīṭavilasat-keyūrahārānanvitaṃkarṇālaṃkṛta kuṇḍalapravilasatkaṇṭhasthalaiḥ śobhitaṃkāñcī kaṅkaṇa kiṅkiṇīravayutaṃśṛṅgāra sārodayam || 6||dhyāyedīpsitasiddhitaṃ śivasutaṃśrīdvādaśākṣaṃ guhaṃbāṇaṅkeṭakamaṅkuśañcavaradaṃpāśaṃ dhanuḥśakrakaṃvajraṃśaktimasintriśūlamabhayaṃdorbhirdhṛtaṃ ṣaṇmukhaṃbhāsvacchatramayūravāhasubhagaṃcitrāmbarālaṃkṛtam || 7||gāṅgeyaṃ vahnigarbhaṃ śaravaṇajanitaṃjñānaśaktiṃ kumāraṃsubrahmaṇyaṃ sureśaṃ guhamacaladidaṃrudratejasvarūpaṃsenānyaṃ tārakaghnaṃ gajamukhasahajaṃkārtikeyaṃ ṣaḍāsyaṃsubrahmaṇyaṃ mayūradhvajarathasahitaṃdevadevaṃ namāmi || 8||ṣaṇmukhaṃ dvādaśabhujaṃ dvādaśākṣaṃ śikhidhvajam |śaktidvayasamāyuktaṃ vāmadakṣiṇapārśvayoḥ || 9||śaktiṃśūlaṃ tathā khaḍgaṃ kheṭañcāpaṃśaraṃ tathā |ghaṇṭāṃ ca kukkuṭañcaivapāśañcaivatathāṅkuśam || 10||abhayaṃ varadañcaiva dhārayāntaṃ karāmbujaiḥ |mahābalaṃ mahāvīryaṃ śikhivāhaṃ śikhiprabham || 11||kirīṭakuṇḍalopetaṃ khaṇḍitoddaṇḍatārakam |maṇḍalīkṛtakodaṇḍaṃ kāṇḍaiḥkrauñcadharādharam || 12||dārayantaṃ durādharṣaṃ daityadānavarākṣasaiḥ |devasenāpatiṃ devakāryaikanirataṃ prabhum || 13||mahādevatanūjātaṃ madanāyutasundaram |cintaye hṛdayāmbhoje kumāramamitejasam || 14|||| iti śrī subrahmaṇyadhyānaṃ samāptam ||