सुब्रह्मण्य मानसपूजा Shri Subrahmanya Manasapuja

श्रीमन्मेरुधराधराधिप महासौभाग्यसंशोभितेमन्दारद्रुमवाटिकापरिवृते श्रीस्कन्दशैलेमलेसौधे हाटकनिर्मिते मणिमये सन्मण्टपाभ्यन्तरेब्रह्मानन्दघनं गुहाख्यमनघं सिंहासनं चिन्तये ॥ १॥

śrīmanmerudharādharādhipa mahāsaubhāgyasaṃśobhitemandāradrumavāṭikāparivṛte śrīskandaśailemalesaudhe hāṭakanirmite maṇimaye sanmaṇṭapābhyantarebrahmānandaghanaṃ guhākhyamanaghaṃ siṃhāsanaṃ cintaye || 1||

मदनायुतलावण्यं नव्यारुणशतारुणंनीलजीमूतचिकुरं अर्धेन्दु सदृशालिकं ॥ २॥

madanāyutalāvaṇyaṃ navyāruṇaśatāruṇaṃnīlajīmūtacikuraṃ ardhendu sadṛśālikaṃ || 2||

पुण्डरीकविशालाक्षं पूर्णचन्द्रनिभाननंचाम्पेय विलसंनासं मन्दहासाञ्चितोरसम् ॥ ३॥

puṇḍarīkaviśālākṣaṃ pūrṇacandranibhānanaṃcāmpeya vilasaṃnāsaṃ mandahāsāñcitorasam || 3||

गण्डस्थलचलच्छोत्र कुण्डलं चारुकन्धरंकरासक्तकनः दण्डं रत्नहाराञ्चितोरसम् ॥ ४॥

gaṇḍasthalacalacchotra kuṇḍalaṃ cārukandharaṃkarāsaktakanaḥ daṇḍaṃ ratnahārāñcitorasam || 4||

कटीतटलसद्दिव्यवसनं पीवरोरुकंसुरासुरादिकोटीर नीराजितपदाम्बुजम् ॥ ५॥

kaṭītaṭalasaddivyavasanaṃ pīvarorukaṃsurāsurādikoṭīra nīrājitapadāmbujam || 5||

नानारत्न विभूषाढ्यं दिव्यचन्दनचर्चितंसनकादि महायोगि सेवितं करुणानिधिम् ॥ ६॥

nānāratna vibhūṣāḍhyaṃ divyacandanacarcitaṃsanakādi mahāyogi sevitaṃ karuṇānidhim || 6||

भक्तवाञ्चितदातारं देवसेनासमावृतंतेजोमयं कार्तिकेयं भावये हृदयांभुजे ॥ ७॥

bhaktavāñcitadātāraṃ devasenāsamāvṛtaṃtejomayaṃ kārtikeyaṃ bhāvaye hṛdayāṃbhuje || 7||

आवाहयामि विश्वेशं महासेनं महेश्वरंतेजस्त्रयातमकंपीठं शरजन्मन् गृहाणभोः ॥ ८॥

āvāhayāmi viśveśaṃ mahāsenaṃ maheśvaraṃtejastrayātamakaṃpīṭhaṃ śarajanman gṛhāṇabhoḥ || 8||

अनवद्यं गृहाणेश पाद्यमद्यषडाननपार्वतीनन्दनानर्घ्यं अर्पयाम्यर्घ्यमत्भुतम् ॥ ९॥

anavadyaṃ gṛhāṇeśa pādyamadyaṣaḍānanapārvatīnandanānarghyaṃ arpayāmyarghyamatbhutam || 9||

आचम्यतामग्निजात स्वर्णपात्रोद्यतैर्जलैःपञ्चामृतरसैः दिव्यैः सुधासमविभावितैः ॥ १०॥

ācamyatāmagnijāta svarṇapātrodyatairjalaiḥpañcāmṛtarasaiḥ divyaiḥ sudhāsamavibhāvitaiḥ || 10||

दधिक्षीराज्यमधुभिः पञ्चगव्यैः फलोदकैःनानाफलरसैः दिव्यैः नाळिकेरफलोदकैः ॥ ११॥

dadhikṣīrājyamadhubhiḥ pañcagavyaiḥ phalodakaiḥnānāphalarasaiḥ divyaiḥ nāḷikeraphalodakaiḥ || 11||

दिव्यौषधिरसैः स्वर्णरत्नोदककुशोदकैःहिमांबुचन्दनरसैः घनसारादिवासितैः ॥ १२॥

divyauṣadhirasaiḥ svarṇaratnodakakuśodakaiḥhimāṃbucandanarasaiḥ ghanasārādivāsitaiḥ || 12||

ब्रह्माण्डोदरमध्यस्थ तीर्थैः परमपावनैःपवनं परमेशान त्वां तीर्थैः स्नापयाम्यहम् ॥ १३॥

brahmāṇḍodaramadhyastha tīrthaiḥ paramapāvanaiḥpavanaṃ parameśāna tvāṃ tīrthaiḥ snāpayāmyaham || 13||

सुधोर्मिक्षीरधवळं भस्मनोधूळ्यतावकंसौवर्णवाससाकायां वेष्टयेभीष्टसिद्धये ॥ १४॥

sudhormikṣīradhavaḷaṃ bhasmanodhūḷyatāvakaṃsauvarṇavāsasākāyāṃ veṣṭayebhīṣṭasiddhaye || 14||

यज्ञोपवीतं सुग़्यानदायिने तेर्पयेगुहंकिरीटहारकेयूर भूषणानि समर्पये ॥ १५॥

yajñopavītaṃ suग़yānadāyine terpayeguhaṃkirīṭahārakeyūra bhūṣaṇāni samarpaye || 15||

रोचनागरुकस्तूरी सिताभ्रमसृणान्वितंगन्धसारं सुरभिलं सुरेशाभ्युपगम्यताम् ॥ १६॥

rocanāgarukastūrī sitābhramasṛṇānvitaṃgandhasāraṃ surabhilaṃ sureśābhyupagamyatām || 16||

रचये तिलकं फाले गन्धं मृगमदेनतेअक्षय्यफलदानर्घान् अक्षतानर्पये प्रभो ॥ १७॥

racaye tilakaṃ phāle gandhaṃ mṛgamadenateakṣayyaphaladānarghān akṣatānarpaye prabho || 17||

कुमुदोत्पलकल्हारकमलैः शतपत्रकैःजातीचम्पकपुन्नाग वकुळैः करवीरकैः ॥ १८॥

kumudotpalakalhārakamalaiḥ śatapatrakaiḥjātīcampakapunnāga vakuḷaiḥ karavīrakaiḥ || 18||

दूर्वाप्रवाळमालूर माचीमरुवपत्रकैःअकीटादिहतैर्नव्यैः कोमळैस्तुळसीदळैः ॥ १९॥

dūrvāpravāḷamālūra mācīmaruvapatrakaiḥakīṭādihatairnavyaiḥ komaḷaistuḷasīdaḷaiḥ || 19||

पावनैश्चन्द्रकदळी कुसुमैर्नन्दिवर्धनैःनवमालालिकाभिः मल्लिकातल्ल्जैरपि ॥ २०॥

pāvanaiścandrakadaḷī kusumairnandivardhanaiḥnavamālālikābhiḥ mallikātalljairapi || 20||

कुरण्डैरपि शम्याकैः मन्दारैरतिसुन्दरैःअगर्हितैश्च बर्हिष्ठः पाटीदैः पारिजातकैः ॥ २१॥

kuraṇḍairapi śamyākaiḥ mandārairatisundaraiḥagarhitaiśca barhiṣṭhaḥ pāṭīdaiḥ pārijātakaiḥ || 21||

आमोदकुसुमैरन्यैः पूजयामि जगत्पतिंधूपोऽयं गृह्यतां देव घानेन्द्रिय विमोहकम् ॥ २२॥

āmodakusumairanyaiḥ pūjayāmi jagatpatiṃdhūpo'yaṃ gṛhyatāṃ deva ghānendriya vimohakam || 22||

सर्वान्तरतमोहन्त्रे गुहते दीपमर्पयेसद्यसमाभृतं दिव्यं अमृतं तृप्तिहेतुकम् ॥ २३॥

sarvāntaratamohantre guhate dīpamarpayesadyasamābhṛtaṃ divyaṃ amṛtaṃ tṛptihetukam || 23||

शाल्यान्नमत्भुतं नव्यं गोघृतं सूपसंगतंकदळीनाळिकेरामृधान्याद्युर्वारुकादिभिः ॥ २४॥

śālyānnamatbhutaṃ navyaṃ goghṛtaṃ sūpasaṃgataṃkadaḷīnāḷikerāmṛdhānyādyurvārukādibhiḥ || 24||

रचितैर्हरितैर्दिव्य खचरीभिः सुपर्पटैःसर्वसंस्तारसम्पूर्णैः आज्यपक्वैरतिप्रियैः ॥ २५॥

racitairharitairdivya khacarībhiḥ suparpaṭaiḥsarvasaṃstārasampūrṇaiḥ ājyapakvairatipriyaiḥ || 25||

रंभापनसकूश्माण्डापूपा निष्पकन्तकैःविदारिका कारवेल्लपटोलीतगरोन्मुखैः ॥ २६॥

raṃbhāpanasakūśmāṇḍāpūpā niṣpakantakaiḥvidārikā kāravellapaṭolītagaronmukhaiḥ || 26||

शाकैबहुविधैरन्यैः वटकैर्वटुसंस्कृतैःससूपसारनिर्गंय सरचीसुरसेनच ॥ २७॥

śākaibahuvidhairanyaiḥ vaṭakairvaṭusaṃskṛtaiḥsasūpasāranirgaṃya saracīsurasenaca || 27||

कूश्माण्डखण्डकलित तप्तक्ररसेनचसुपक्वचित्रान्नशतैः लड्डुकेड्डुमकादिभिः ॥ २८॥

kūśmāṇḍakhaṇḍakalita taptakrarasenacasupakvacitrānnaśataiḥ laḍḍukeḍḍumakādibhiḥ || 28||

सुधाफलामृतस्यन्दिमण्डक क्षीरमण्डकैःमाषापूपगुळापूप गोधूमापूप शार्करैः ॥ २९॥

sudhāphalāmṛtasyandimaṇḍaka kṣīramaṇḍakaiḥmāṣāpūpaguḷāpūpa godhūmāpūpa śārkaraiḥ || 29||

शशांककिरणोत्भासि पोळिका शष्कुळीमुखैःभक्ष्यैरन्यैसुरुचिरैःपायसैश्चरसायनैः ॥ ३०॥

śaśāṃkakiraṇotbhāsi poḷikā śaṣkuḷīmukhaiḥbhakṣyairanyaisuruciraiḥpāyasaiścarasāyanaiḥ || 30||

लेह्यरुच्चावचैः खण्डचर्कराफाणितादिभिःगुळोदकैनाळिकेररसैरिक्षुरसैरपि ॥ ३१॥

lehyaruccāvacaiḥ khaṇḍacarkarāphāṇitādibhiḥguḷodakaināḷikerarasairikṣurasairapi || 31||

कूर्चिकाभिरनेकाभिः मण्डिकाभिरुपस्कृतंकदळीचूतपनसगोस्तनी फलराशिभिः ॥ ३२॥

kūrcikābhiranekābhiḥ maṇḍikābhirupaskṛtaṃkadaḷīcūtapanasagostanī phalarāśibhiḥ || 32||

नारंग शृंगगिबेरैल मरीचैर्लिकुचादिभिःउपदंशैः शरःचन्द्र गौरगोदधिसंगतम् ॥ ३३॥

nāraṃga śṛṃgagiberaila marīcairlikucādibhiḥupadaṃśaiḥ śaraḥcandra gauragodadhisaṃgatam || 33||

जंबीररसकैसर्या हिंगुसैन्धवनागरैःलसताजलतक्रेणपानीयेन समाश्रितम् ॥ ३४॥

jaṃbīrarasakaisaryā hiṃgusaindhavanāgaraiḥlasatājalatakreṇapānīyena samāśritam || 34||

हेमपात्रेषु सरसं सांगर्येणचकल्पितंनित्यतृप्त जगन्नाथ तारकारे सुरेश्वर ॥ ३५॥

hemapātreṣu sarasaṃ sāṃgaryeṇacakalpitaṃnityatṛpta jagannātha tārakāre sureśvara || 35||

नैवेद्यं गृह्यतां देव कृपया भक्तवत्सलसर्वलोकैक वरद मृत्यो दुर्दैत्यरक्षसाम् ॥ ३६॥

naivedyaṃ gṛhyatāṃ deva kṛpayā bhaktavatsalasarvalokaika varada mṛtyo durdaityarakṣasām || 36||

गन्धोदकेन ते हस्तौ क्षाळयामि षडाननएलालवङ्गकर्पूर जातीफलसुगन्धिलाम् ॥ ३७॥

gandhodakena te hastau kṣāḷayāmi ṣaḍānanaelālavaṅgakarpūra jātīphalasugandhilām || 37||

वीटीं सेवय सर्वेश चेटीकृतजगत्रयदत्तेर्नीराजयामित्वां कर्पूरप्रभयानय ॥ ३८॥

vīṭīṃ sevaya sarveśa ceṭīkṛtajagatrayadatternīrājayāmitvāṃ karpūraprabhayānaya || 38||

पुष्पाञ्जलिं प्रदास्यामि स्वर्णपुष्पाक्षतैर्युतंचत्रेणचामरेणापि नृत्तगीतादिभिर्गुह ॥ ३९॥

puṣpāñjaliṃ pradāsyāmi svarṇapuṣpākṣatairyutaṃcatreṇacāmareṇāpi nṛttagītādibhirguha || 39||

राजोपचारैखिलैः सन्तुष्टोभवमत्प्रभोप्रदक्षिणं करोमित्वां विश्वात्मकनमोऽस्तुते ॥ ४०॥

rājopacāraikhilaiḥ santuṣṭobhavamatprabhopradakṣiṇaṃ karomitvāṃ viśvātmakanamo'stute || 40||

सहस्रकृत्वो रचये शिरसा तेभिवादनांअपराधसहस्राणि सहस्व करुणाकर ॥ ४१॥

sahasrakṛtvo racaye śirasā tebhivādanāṃaparādhasahasrāṇi sahasva karuṇākara || 41||

नमः सर्वान्तरस्थाय नमः कैवल्यहेतवेश्रुतिशीर्षकगम्याय नमः शक्तिधरायते ॥ ४२॥

namaḥ sarvāntarasthāya namaḥ kaivalyahetaveśrutiśīrṣakagamyāya namaḥ śaktidharāyate || 42||

मयूरवाहनस्येदं मानसं च प्रपूजनंयः करोति सकृद्वापि गुहस्तस्य प्रसीदति ॥ ४३॥

mayūravāhanasyedaṃ mānasaṃ ca prapūjanaṃyaḥ karoti sakṛdvāpi guhastasya prasīdati || 43||

॥ इति श्रीसुब्रह्मण्यमानसपूजा समाप्ता ॥

|| iti śrīsubrahmaṇyamānasapūjā samāptā ||