सुब्रह्मण्यमालामन्त्रः Shri Kumaratantra Shri Subrahmanya Malamantrah
subrahmaṇyamālāmantraḥ
Shri Kumaratantra Shri Subrahmanya Malamantrah (सुब्रह्मण्यमालामन्त्रः): mantras to Subrahmaṇya, from the śrīkumāratantrāntargataḥ. 30 verses in Sanskrit with Devanagari and IAST.
- Mantra
- Mantra
- Subrahmaṇya
- śrīkumāratantrāntargataḥ
सुब्रह्मण्यमालामन्त्रः
1 / 30
माला मन्त्रं प्रवक्ष्यामि शृणु कौशिक सुव्रत ।पूर्वपश्चिमसूत्रैकं दक्षिणोत्तरमेव हि ॥ १॥
mālā mantraṃ pravakṣyāmi śṛṇu kauśika suvrata |pūrvapaścimasūtraikaṃ dakṣiṇottarameva hi || 1||
वायव्यादग्निभागान्तं युग्मसूत्रं प्रसारयेत् ।नैरृत्यादीशभागान्तं सूत्रमेवं प्रसारयेत् ॥ २॥
vāyavyādagnibhāgāntaṃ yugmasūtraṃ prasārayet |nairṛtyādīśabhāgāntaṃ sūtramevaṃ prasārayet || 2||
बिन्दुद्वादशकं भ्राम्य रक्तसूत्रेण साधकः ।तन्मध्ये नळिनं लिख्य साष्टपत्रं सकर्णिकम् ॥ ३॥
bindudvādaśakaṃ bhrāmya raktasūtreṇa sādhakaḥ |tanmadhye naḷinaṃ likhya sāṣṭapatraṃ sakarṇikam || 3||
कर्णिकायां न्यसेन्मन्त्रं मूलमन्त्रं प्रधानकम् ।प्रणवं विन्यसेत्पूर्वे ह्याग्नेय्यां तु नकारकम् ॥ ४॥
karṇikāyāṃ nyasenmantraṃ mūlamantraṃ pradhānakam |praṇavaṃ vinyasetpūrve hyāgneyyāṃ tu nakārakam || 4||
मोकारं याम्यदेशे तु भकारं नैरृते दळे ।वारुणे तु गकारं स्याद्वायव्ये तु वकारकम् ॥ ५॥
mokāraṃ yāmyadeśe tu bhakāraṃ nairṛte daḷe |vāruṇe tu gakāraṃ syādvāyavye tu vakārakam || 5||
तेकारं सौम्यदिग्भागे ऐशान्यां सविसर्गतः ।एवं प्रदक्षिणे नैव विन्यसेदक्षराणि तु ॥ ६॥
tekāraṃ saumyadigbhāge aiśānyāṃ savisargataḥ |evaṃ pradakṣiṇe naiva vinyasedakṣarāṇi tu || 6||
अष्टवर्ग द्वितीयन्तु पञ्चमस्वरसंयुतम् ।सुब्रह्मण्याय तत्पश्चात् शक्तिहस्ताय तत्परम् ॥ ७॥
aṣṭavarga dvitīyantu pañcamasvarasaṃyutam |subrahmaṇyāya tatpaścāt śaktihastāya tatparam || 7||
तारकारिं चतुर्थ्यन्तं तथा शरवणोद्भवम् ।तस्याधो ऋग्यजुस्सामाथर्वणाय पदं पुनः ॥ ८॥
tārakāriṃ caturthyantaṃ tathā śaravaṇodbhavam |tasyādho ṛgyajussāmātharvaṇāya padaṃ punaḥ || 8||
देवद्वयपदं देवसेनापति चतुर्थकम् ।अकारश्च सुकारश्च रकारश्च कुलस्तथा ॥ ९॥
devadvayapadaṃ devasenāpati caturthakam |akāraśca sukāraśca rakāraśca kulastathā || 9||
मर्दनाय पदं दिव्यं संहिताय पदं तथा ।अन्तरिक्षाय तत्पश्चाद्योगाधिपतये पुनः ॥ १०॥
mardanāya padaṃ divyaṃ saṃhitāya padaṃ tathā |antarikṣāya tatpaścādyogādhipataye punaḥ || 10||
ततः कुरु कुरु पदं पश्चाच्चटचटाख्यकम् ।ईशानन्ताय शान्ताय शान्तरूपीचतुर्थकम् ॥ ११॥
tataḥ kuru kuru padaṃ paścāccaṭacaṭākhyakam |īśānantāya śāntāya śāntarūpīcaturthakam || 11||
षष्ठीप्रियाय तस्यान्ते चतुर्थ्यन्तं शिवाननम् ।वचद्भुवेति च पुनः सर्वज्ञानपदं तथा ॥ १२॥
ṣaṣṭhīpriyāya tasyānte caturthyantaṃ śivānanam |vacadbhuveti ca punaḥ sarvajñānapadaṃ tathā || 12||
हृदयाय पदं पश्चात् षण्मुखाय ततः परम् ।दीपाय दीपकर्त्रे च श्रीं ह्रीं क्षं क्रुं ततः परम् ॥ १३॥
hṛdayāya padaṃ paścāt ṣaṇmukhāya tataḥ param |dīpāya dīpakartre ca śrīṃ hrīṃ kṣaṃ kruṃ tataḥ param || 13||
कुमाराय पदं पश्चात् कालाय पदमित्यपि ।कालरूपं चतुर्थ्यन्तं सुरराजाय तत्परम् ॥ १४॥
kumārāya padaṃ paścāt kālāya padamityapi |kālarūpaṃ caturthyantaṃ surarājāya tatparam || 14||
नमो वर्णाश्च चत्वारश्चत्वारिंशच्छताधिकम् ।एतच्चक्रं समालिख्य चैतान् वर्णांश्च लिख्य च ॥ १५॥
namo varṇāśca catvāraścatvāriṃśacchatādhikam |etaccakraṃ samālikhya caitān varṇāṃśca likhya ca || 15||
यः प्रीणयेन्महासेनं सर्वान् कामानवाप्नुयात् ।अङ्गारके षष्ठियुक्ते कृष्णपक्षसमन्विते ॥ १६॥
yaḥ prīṇayenmahāsenaṃ sarvān kāmānavāpnuyāt |aṅgārake ṣaṣṭhiyukte kṛṣṇapakṣasamanvite || 16||
शतं सहस्रमयुतं फलमाप्नोत्यसंशयः ।विद्यार्थी लभते विद्यां धनार्थी धनमाप्नुयात् ॥ १७॥
śataṃ sahasramayutaṃ phalamāpnotyasaṃśayaḥ |vidyārthī labhate vidyāṃ dhanārthī dhanamāpnuyāt || 17||
जयार्थी जयमाप्नोति मोक्षार्थी मोक्षमाप्नुयात् ।मालामन्त्रं गुहस्यैतत्सर्वसिद्धिप्रदायकम् ॥ १८॥
jayārthī jayamāpnoti mokṣārthī mokṣamāpnuyāt |mālāmantraṃ guhasyaitatsarvasiddhipradāyakam || 18||
शारदातिलकेतारः खङ्गीश्वरक्रमो निस्वरेणान्तरन्ततः ।भुवनैस्सप्तवर्णास्स्युस्सुब्रह्मण्यात्मको मनुः ।वह्निबीजेन षट्त्रिंशद्युक्तेनाङ्गक्रिया मता ॥ १९॥
śāradātilaketāraḥ khaṅgīśvarakramo nisvareṇāntarantataḥ |bhuvanaissaptavarṇāssyussubrahmaṇyātmako manuḥ |vahnibījena ṣaṭtriṃśadyuktenāṅgakriyā matā || 19||
ध्यानम्सिन्दूरारुणमिन्दुकान्तिवदनं इति ।लक्षमेकं जपेन्मन्त्रं साद्।ह्ध्येन हविषाततः ॥ २०॥
dhyānamsindūrāruṇamindukāntivadanaṃ iti |lakṣamekaṃ japenmantraṃ sād|hdhyena haviṣātataḥ || 20||
दशांशं जुहुयादन्ते ब्राह्मणानपि भोजयेत् ।धर्मादिकल्पिते पीठे वह्निमण्डलपश्चिमे ॥ २१॥
daśāṃśaṃ juhuyādante brāhmaṇānapi bhojayet |dharmādikalpite pīṭhe vahnimaṇḍalapaścime || 21||
पूजयेद्विधिना देवमुपचारैर्यथोचितम् ।केसरेष्वङ्गपूजास्यात् पत्रमद्।ह्ध्ये गतानिमान् ॥ २२॥
pūjayedvidhinā devamupacārairyathocitam |kesareṣvaṅgapūjāsyāt patramad|hdhye gatānimān || 22||
जयन्तमग्निकेशान्तं कृत्तिकापुत्रसंज्ञकम् ।हेमशूलविशालक्षवज्रधारान्यजेत् क्रमात् ॥ २३॥
jayantamagnikeśāntaṃ kṛttikāputrasaṃjñakam |hemaśūlaviśālakṣavajradhārānyajet kramāt || 23||
पूर्वादि दिग्दग्दळाग्रेषु देवसेनापतिं पुनः ।विद्यां मेधां ततो वज्र कोणस्थं शक्तिकुक्कुटौ ॥ २४॥
pūrvādi digdagdaḷāgreṣu devasenāpatiṃ punaḥ |vidyāṃ medhāṃ tato vajra koṇasthaṃ śaktikukkuṭau || 24||
मयूरं द्विपमभ्यर्च्य बाह्ये लोकेश्वरान्यजेत् ।अस्त्राणि तेषामन्ते स्युस्सुब्रह्मण्यार्चनेरिता ॥ २५॥
mayūraṃ dvipamabhyarcya bāhye lokeśvarānyajet |astrāṇi teṣāmante syussubrahmaṇyārcaneritā || 25||
दृक्सङ्ख्यान् भक्ष्यभोज्याद्यैः षष्ठ्यां सम्प्रीणयेद्विभुम् ।पूजयेद्देवता भक्त्या कुमारान् ब्रह्मचारिणः ॥ २६॥
dṛksaṅkhyān bhakṣyabhojyādyaiḥ ṣaṣṭhyāṃ samprīṇayedvibhum |pūjayeddevatā bhaktyā kumārān brahmacāriṇaḥ || 26||
सन्तानं विजयं वीर्यं रक्षामायुः श्रियं यशः ।प्रदद्यात् साधकस्याशु सुब्रह्मण्यस्सुरार्चितः ॥ २७॥
santānaṃ vijayaṃ vīryaṃ rakṣāmāyuḥ śriyaṃ yaśaḥ |pradadyāt sādhakasyāśu subrahmaṇyassurārcitaḥ || 27||
ॐ वचद्भुवे नमः ।॥ इति शारदातिलके ॥नारायणीयेतारं वचन्नाभिजले शिवयोनियुते ततः ।मन्त्रदेवो गुहश्शक्तिः कुक्कुटाब्जाभयान्दधत् ॥ २८॥
oṃ vacadbhuve namaḥ ||| iti śāradātilake ||nārāyaṇīyetāraṃ vacannābhijale śivayoniyute tataḥ |mantradevo guhaśśaktiḥ kukkuṭābjābhayāndadhat || 28||
रक्तो रक्तांशुको मुक्ता प्रचुराकल्पभूषितः ।कलाङ्गन्यासवत्तेन कर्णिकायां यजेदमुम् ॥ २९॥
rakto raktāṃśuko muktā pracurākalpabhūṣitaḥ |kalāṅganyāsavattena karṇikāyāṃ yajedamum || 29||
तारं वचदितिॐ वचद्भुवे नमः ।॥ इति श्रीकुमारतन्त्रान्तर्गते द्वितीयपटलेश्रीसुब्रह्मण्यमालामन्त्रः सम्पूर्णः ॥
tāraṃ vacaditioṃ vacadbhuve namaḥ ||| iti śrīkumāratantrāntargate dvitīyapaṭaleśrīsubrahmaṇyamālāmantraḥ sampūrṇaḥ ||
॥ इति सुब्रह्मण्यमालामन्त्रः सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Kumaratantra Shri Subrahmanya Malamantrah?
Shri Kumaratantra Shri Subrahmanya Malamantrah has 30 verses on this page, each shown with its number, Devanagari text and transliteration, and meaning where available.
Can I read Shri Kumaratantra Shri Subrahmanya Malamantrah in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Kumaratantra Shri Subrahmanya Malamantrah?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
