गुहपञ्चरत्नम् Guha Pancharatnam

ओङ्कारनगरस्थं तं निगमान्तवनेश्वरम् ।नित्यमेकं शिवं शान्तं वन्दे गुहं उमासुतम् ॥ १॥

oṅkāranagarasthaṃ taṃ nigamāntavaneśvaram |nityamekaṃ śivaṃ śāntaṃ vande guhaṃ umāsutam || 1||

वाचामगोचरं स्कन्दं चिदुद्यानविहारिणम् ।गुरुमूर्तिं महेशानं वन्दे गुहं उमासुतम् ॥ २॥

vācāmagocaraṃ skandaṃ cidudyānavihāriṇam |gurumūrtiṃ maheśānaṃ vande guhaṃ umāsutam || 2||

सच्चिदानन्दरूपेशं संसारध्वान्तदीपकम् ।(ॐ श्री) सुब्रह्मण्यं अनाद्यन्तं वन्दे गुहं उमासुतम् ॥ ३॥

saccidānandarūpeśaṃ saṃsāradhvāntadīpakam |(oṃ śrī) subrahmaṇyaṃ anādyantaṃ vande guhaṃ umāsutam || 3||

स्वामिनाथं दयासिन्धुं भवाब्धेः तारकं प्रभुम् ।निष्कलङ्कं गुणातीतं वन्दे गुहं उमासुतम् ॥ ४॥

svāmināthaṃ dayāsindhuṃ bhavābdheḥ tārakaṃ prabhum |niṣkalaṅkaṃ guṇātītaṃ vande guhaṃ umāsutam || 4||

निराकारं निराधारं निर्विकारं निरामयम् ।निर्द्वन्द्वं च निरालम्बं वन्दे गुहं उमासुतम् ॥ ५॥

nirākāraṃ nirādhāraṃ nirvikāraṃ nirāmayam |nirdvandvaṃ ca nirālambaṃ vande guhaṃ umāsutam || 5||

॥ इति गुहपञ्चरत्नम् ॥

|| iti guhapañcaratnam ||