गुहाष्टकम् २ Guha Ashtakam (2)

ॐ श्रीमहागणपतये नमः ।वन्दे भानुसहस्रकोटिसदृशं वन्दे सुरेन्द्रार्चितंवन्दे माल्यविभूषितं शिवसुतं वन्दे गुरूणां गुरुम् ।वन्दे वेदकदम्बकैरभिनुतं वन्दे मयूरासनंवन्दे सिद्धगणाश्रयं प्रतिदिनं वन्दे गुहं षण्मुखम् ॥ १॥

oṃ śrīmahāgaṇapataye namaḥ |vande bhānusahasrakoṭisadṛśaṃ vande surendrārcitaṃvande mālyavibhūṣitaṃ śivasutaṃ vande gurūṇāṃ gurum |vande vedakadambakairabhinutaṃ vande mayūrāsanaṃvande siddhagaṇāśrayaṃ pratidinaṃ vande guhaṃ ṣaṇmukham || 1||

वन्दे पाटलदामशोभिततनुं वन्दे भवानीसुतंवन्दे सिद्धसुरासुरेन्द्रनमितं वन्दे सुरारिद्विषम् ।वन्दे पूर्णशशांङ्कमण्डलमुखं वन्दे द्विषण्नेत्रकंवन्दे जहूनुसुतासुतं शिवकरं वन्दे गुहं षण्मुखम् ॥ २॥

vande pāṭaladāmaśobhitatanuṃ vande bhavānīsutaṃvande siddhasurāsurendranamitaṃ vande surāridviṣam |vande pūrṇaśaśāṃṅkamaṇḍalamukhaṃ vande dviṣaṇnetrakaṃvande jahūnusutāsutaṃ śivakaraṃ vande guhaṃ ṣaṇmukham || 2||

वन्दे भक्तजनार्तिहं श्रुतिनुतं वन्दे कुमारं परंवन्दे कोमलम्पादपल्लवमहं वन्दे शरादुद्भवम् ।वन्दे कृत्तिकमातृकास्तनजपं वन्दे विभुं पावकिंवन्दे कुङ्कुमरक्तवर्णमभयं वन्दे गुहं षण्मुखम् ॥ ३॥

vande bhaktajanārtihaṃ śrutinutaṃ vande kumāraṃ paraṃvande komalampādapallavamahaṃ vande śarādudbhavam |vande kṛttikamātṛkāstanajapaṃ vande vibhuṃ pāvakiṃvande kuṅkumaraktavarṇamabhayaṃ vande guhaṃ ṣaṇmukham || 3||

वन्दे वज्रधरेण सेवितपदं वन्देऽनलादुद्भवंवन्दे दण्डधरेण च प्रविनुतं वन्दे नराशिस्तुतम् ।वन्दे पश्चिमदिक्पतिस्तुतगुणं वन्दे महत्पूजितंवन्दे यक्षकृताश्रयं शिवगुरुं वन्दे गुहं षण्मुखम् ॥ ४॥

vande vajradhareṇa sevitapadaṃ vande'nalādudbhavaṃvande daṇḍadhareṇa ca pravinutaṃ vande narāśistutam |vande paścimadikpatistutaguṇaṃ vande mahatpūjitaṃvande yakṣakṛtāśrayaṃ śivaguruṃ vande guhaṃ ṣaṇmukham || 4||

वन्दे रोगमहोरगस्य गरुडं वन्दे दयासागरंवन्दे तारकसिंहशूरदमनं वन्दे निधीनां निधिम् ।वन्दे मन्मथकोटिकोटिसदृशं वन्देऽरविन्दाननंवन्दे जारशिखामणिं वरतनुं वन्दे गुहं षण्मुखम् ॥ ५॥

vande rogamahoragasya garuḍaṃ vande dayāsāgaraṃvande tārakasiṃhaśūradamanaṃ vande nidhīnāṃ nidhim |vande manmathakoṭikoṭisadṛśaṃ vande'ravindānanaṃvande jāraśikhāmaṇiṃ varatanuṃ vande guhaṃ ṣaṇmukham || 5||

वन्दे वन्दनतत्परा भुवि जना वन्दे कृपालेशतोवन्दे यस्य महाधनाः सुनयुता वन्दे भवन्ति स्म तम् ।वन्दे दक्षिणदिङ्मुनिप्रियगुरुं वन्दे कलानां निधिंवन्दे केशवभागिनेयमनिशं वन्दे गुहं षण्मुखम् ॥ ६॥

vande vandanatatparā bhuvi janā vande kṛpāleśatovande yasya mahādhanāḥ sunayutā vande bhavanti sma tam |vande dakṣiṇadiṅmunipriyaguruṃ vande kalānāṃ nidhiṃvande keśavabhāgineyamaniśaṃ vande guhaṃ ṣaṇmukham || 6||

वन्दे मङ्गलदायकं कलियुगे वन्दे परोक्षस्थितंवन्दे पालितसर्वलोकनिवहं वन्दे परं दैवतम् ।वन्दे कुक्कुटकेतनं सुविदुषां वन्दे मुदां दायकंवन्दे शक्तिधरं शिखीन्द्रगमनं वन्दे गुहं षण्मुखम् ॥ ७॥

vande maṅgaladāyakaṃ kaliyuge vande parokṣasthitaṃvande pālitasarvalokanivahaṃ vande paraṃ daivatam |vande kukkuṭaketanaṃ suviduṣāṃ vande mudāṃ dāyakaṃvande śaktidharaṃ śikhīndragamanaṃ vande guhaṃ ṣaṇmukham || 7||

वन्दे पातकतूलजालपवनं वन्दे वलारिस्तुतंवन्दे लोकविमोहनं खलहरं वन्देऽखिलव्यापकम् ।वन्दे सर्वसुखावहं स्वभजनाद् वन्दे मलध्वंसकंवन्दे शैलसुतात्मजं सुखकरं वन्दे गुहं षण्मुखम् ॥ ८॥

vande pātakatūlajālapavanaṃ vande valāristutaṃvande lokavimohanaṃ khalaharaṃ vande'khilavyāpakam |vande sarvasukhāvahaṃ svabhajanād vande maladhvaṃsakaṃvande śailasutātmajaṃ sukhakaraṃ vande guhaṃ ṣaṇmukham || 8||

वन्दे भूतपिशाचशासनपरं वन्दे सदा शाम्भवंवन्दे घोरभयापमृत्युहरणं वन्दे नराणां गतिम् ।वन्देऽगाधभवार्णवस्य तरणं वन्दे सुराणां पतिंवन्दे शाश्वतभक्तिमुक्तिफलदं वन्दे गुहं षण्मुखम् ॥ ९॥

vande bhūtapiśācaśāsanaparaṃ vande sadā śāmbhavaṃvande ghorabhayāpamṛtyuharaṇaṃ vande narāṇāṃ gatim |vande'gādhabhavārṇavasya taraṇaṃ vande surāṇāṃ patiṃvande śāśvatabhaktimuktiphaladaṃ vande guhaṃ ṣaṇmukham || 9||

इति श्रीगुहाष्टकं समाप्तम् ।

iti śrīguhāṣṭakaṃ samāptam |