सुब्रह्मण्यस्तवः Ganeshvarakritam Subrahmanya Stava

(शिवरहस्यान्तर्गते ईशाख्ये)गणेश्वर उवाच ।श्रीमच्चन्द्रकलाधरात्मजमजं शृङ्गारशोभाकृतिंगौरीपीनघनस्तनामितपयः सारज्ञमज्ञासनम् ।अम्भोजप्रभवाभिमानजलदोदञ्चत्प्रचण्डानिलंसुब्रह्मण्यमगण्यपुण्यचरितं वन्दे परं देशिकम् ॥ १७८॥

(śivarahasyāntargate īśākhye)gaṇeśvara uvāca |śrīmaccandrakalādharātmajamajaṃ śṛṅgāraśobhākṛtiṃgaurīpīnaghanastanāmitapayaḥ sārajñamajñāsanam |ambhojaprabhavābhimānajaladodañcatpracaṇḍānilaṃsubrahmaṇyamagaṇyapuṇyacaritaṃ vande paraṃ deśikam || 178||

कारावासनिवासखिन्नविधिहृत्कञ्जात भानुं पुनस्तद्वक्त्राब्जचतुष्टयस्तुतिमहाकल्याणशीलं विभुम् ।क्रौञ्चारिं पितृपादवन्दितपदं षाण्मातुरं शाङ्करिंसुब्रह्मण्यमगण्यपुण्यचरितं वन्दे परं देशिकम् ॥ १७९॥

kārāvāsanivāsakhinnavidhihṛtkañjāta bhānuṃ punastadvaktrābjacatuṣṭayastutimahākalyāṇaśīlaṃ vibhum |krauñcāriṃ pitṛpādavanditapadaṃ ṣāṇmāturaṃ śāṅkariṃsubrahmaṇyamagaṇyapuṇyacaritaṃ vande paraṃ deśikam || 179||

ओङ्कारार्थ समर्थनार्थकवचोभूषाविशेषान्वितंपाथोजाभषडाननं शिखिकुलाधीशोरुतुङ्गध्वजम् ।स्कन्दं सुन्दरकुन्ददन्तमनघं शम्भोर्गुरुं शाश्वतंसुब्रह्मण्यमगण्यपुण्यचरितं वन्दे परं देशिकम् ॥ १८०॥

oṅkārārtha samarthanārthakavacobhūṣāviśeṣānvitaṃpāthojābhaṣaḍānanaṃ śikhikulādhīśorutuṅgadhvajam |skandaṃ sundarakundadantamanaghaṃ śambhorguruṃ śāśvataṃsubrahmaṇyamagaṇyapuṇyacaritaṃ vande paraṃ deśikam || 180||

शर्वाणीप्रणवोपदेश चतुरश्रीकण्ठकण्ठीरवश्रोतारं रजनीशुभाङ्कविलसत्सिंहामसनस्थं गुहम् ।वल्लीपीनपयोधरेक्षणपरं स्वर्णाहिराजाकृतिंसुब्रह्मण्यमगण्यपुण्यचरितं वन्दे परं देशिकम् ॥ १८१॥

śarvāṇīpraṇavopadeśa caturaśrīkaṇṭhakaṇṭhīravaśrotāraṃ rajanīśubhāṅkavilasatsiṃhāmasanasthaṃ guham |vallīpīnapayodharekṣaṇaparaṃ svarṇāhirājākṛtiṃsubrahmaṇyamagaṇyapuṇyacaritaṃ vande paraṃ deśikam || 181||

ब्रह्माण्डैकसहस्रकाष्टभरणप्राचुर्यधैर्यस्फुरत्कोपाटोपदुरापपापघटिताहङ्कारशूरान्तकम् ।सेनान्यं सुरमान्यमुन्नभुजं चिन्ताब्धिकुम्भोद्भवंसुब्रह्मण्यमगण्यपुण्यचरितं वन्दे परं देशिकम् ॥ १८२॥

brahmāṇḍaikasahasrakāṣṭabharaṇaprācuryadhairyasphuratkopāṭopadurāpapāpaghaṭitāhaṅkāraśūrāntakam |senānyaṃ suramānyamunnabhujaṃ cintābdhikumbhodbhavaṃsubrahmaṇyamagaṇyapuṇyacaritaṃ vande paraṃ deśikam || 182||

मार्ताण्डायुतभासमानमणिभृल्लावण्यतारुण्यजित्तत्कारुण्यशरण्यपञ्चकमयप्रोद्यत्फणाशालिनम् ।दिव्याङ्गं भवभङ्गसङ्गतकृपा तुङ्गोत्तरङ्गालयंसुब्रह्मण्यमगण्यपुण्यचरितं वन्दे परं देशिकम् ॥ १८३॥

mārtāṇḍāyutabhāsamānamaṇibhṛllāvaṇyatāruṇyajittatkāruṇyaśaraṇyapañcakamayaprodyatphaṇāśālinam |divyāṅgaṃ bhavabhaṅgasaṅgatakṛpā tuṅgottaraṅgālayaṃsubrahmaṇyamagaṇyapuṇyacaritaṃ vande paraṃ deśikam || 183||

सेवातत्परमानवार्पितबृहत्कूश्माण्डपादावनीतूलस्थूलमरीचिसर्षपसमग्रोपायनं मायिनम् ।नानावाद्यमृदङ्गशङ्खपटली घोषाङ्कपूजान्वितंसुब्रह्मण्यमगण्यपुण्यचरितं वन्दे परं देशिकम् ॥ १८४॥

sevātatparamānavārpitabṛhatkūśmāṇḍapādāvanītūlasthūlamarīcisarṣapasamagropāyanaṃ māyinam |nānāvādyamṛdaṅgaśaṅkhapaṭalī ghoṣāṅkapūjānvitaṃsubrahmaṇyamagaṇyapuṇyacaritaṃ vande paraṃ deśikam || 184||

पुत्रस्नेहविमोहवर्धितशिवावक्षोजकुम्भस्रवन्नीरापूरकुमारपूर्वविलसद्धारातटीवासिनम् ।विष्णुब्रह्मसुरासुरार्चितमणिस्वर्णोज्ज्वलत्पादुकंसुब्रह्मण्यमगण्यपुण्यचरितं वन्दे परं देशिकम् ॥ १८५॥

putrasnehavimohavardhitaśivāvakṣojakumbhasravannīrāpūrakumārapūrvavilasaddhārātaṭīvāsinam |viṣṇubrahmasurāsurārcitamaṇisvarṇojjvalatpādukaṃsubrahmaṇyamagaṇyapuṇyacaritaṃ vande paraṃ deśikam || 185||

देवं शक्तिधरं कुमारमतुलं दिव्यावतारं वटुंभावातीतमतीतसंसृतिमनः पद्माग्रसद्मप्रियम् ।भक्त्या ये प्रणमन्ति ते गतभयाः कारुण्यभाजः सदाभुक्त्वा भोगसुखं त्वदीयकृपया मुक्ता भवन्ति ध्रुवम् ॥ १८६॥

devaṃ śaktidharaṃ kumāramatulaṃ divyāvatāraṃ vaṭuṃbhāvātītamatītasaṃsṛtimanaḥ padmāgrasadmapriyam |bhaktyā ye praṇamanti te gatabhayāḥ kāruṇyabhājaḥ sadābhuktvā bhogasukhaṃ tvadīyakṛpayā muktā bhavanti dhruvam || 186||

॥ इति शिवरहस्यान्तर्गते गणेश्वरकृतं सुब्रह्मण्यस्तवः सम्पूर्णम् ॥॥ श्रीशिवरहस्यम् । ईशाख्यः द्वादशमांशः । ३८ । १५६१८६ ॥

|| iti śivarahasyāntargate gaṇeśvarakṛtaṃ subrahmaṇyastavaḥ sampūrṇam |||| śrīśivarahasyam | īśākhyaḥ dvādaśamāṃśaḥ | 38 | 156186 ||

– ॥ श्रीशिवरहस्यम् ।ईशाख्यः द्वादशमांशः ।३८ ।१५६-१८६ ॥

– || śrīśivarahasyam |īśākhyaḥ dvādaśamāṃśaḥ | 38 | 156-186 ||