स्कन्दस्तुतिः (जैगीषव्यादिकृता शिवरहस्यान्तर्गता) Jaigishavyadikrita Skanda Stuti

(शिवरहस्यान्तर्गते ईशाख्ये)जैगीषव्य उवाच ।सिन्दूरारुण सिन्धुरेन्द्रवदनं सान्द्राम्बुदानोत्कटंजातानन्दसुबृंहितारवकृतोद्भ्रान्ताखिलाशागजम् ।मौल्यान्दोलन कर्णतालसुशिवध्यानोन्मिषोन्मेषणैःअन्तर्बाह्यगतं शिवं स्वकहृदा पश्यन्तमीक्षे सदा ॥ ४५॥

(śivarahasyāntargate īśākhye)jaigīṣavya uvāca |sindūrāruṇa sindhurendravadanaṃ sāndrāmbudānotkaṭaṃjātānandasubṛṃhitāravakṛtodbhrāntākhilāśāgajam |maulyāndolana karṇatālasuśivadhyānonmiṣonmeṣaṇaiḥantarbāhyagataṃ śivaṃ svakahṛdā paśyantamīkṣe sadā || 45||

स्कन्द त्वं शिखिवाह लेखसुमुखः श्रीषण्मुखस्त्वं सखाभ्राता बन्धुवरस्त्वयाद्य पितृमान् शम्भुः पिता चासि मे ।ज्ञानाम्भोधिसुधाकरस्त्वमधुना विज्ञानदस्त्वं गुरुःत्वत्पादार्ककरोरुदारितहृदाकाशान्धकारं परम् ॥ ४६॥

skanda tvaṃ śikhivāha lekhasumukhaḥ śrīṣaṇmukhastvaṃ sakhābhrātā bandhuvarastvayādya pitṛmān śambhuḥ pitā cāsi me |jñānāmbhodhisudhākarastvamadhunā vijñānadastvaṃ guruḥtvatpādārkakarorudāritahṛdākāśāndhakāraṃ param || 46||

सङ्क्रन्दनानन्दन चन्दनार्द्रगात्र त्रिणेत्रवरपुत्र नमो नमस्ते ।क्रौञ्चाद्रिसूदन सनातनवन्द्यपादवृन्दारवन्द्य परिपाहि मुनीन् दृशा ते ॥ ४७॥

saṅkrandanānandana candanārdragātra triṇetravaraputra namo namaste |krauñcādrisūdana sanātanavandyapādavṛndāravandya paripāhi munīn dṛśā te || 47||

अपितामह देव शक्रबन्धोगिरिमातामह दारिदैत्यसिन्धो ।प्रणवार्थपदादिबोधहेतुंविदधे त्वं प्रददासि हे नमस्ते ॥ ४८॥

apitāmaha deva śakrabandhogirimātāmaha dāridaityasindho |praṇavārthapadādibodhahetuṃvidadhe tvaṃ pradadāsi he namaste || 48||

शरवणभवचरणं शरणं न येषांन हि तेषां तरणं भवोरुसागरस्य ।मरणं प्रभवं न भवे भवेद्यदि सुब्रह्मदया रसालसानाम् ॥ ४९॥

śaravaṇabhavacaraṇaṃ śaraṇaṃ na yeṣāṃna hi teṣāṃ taraṇaṃ bhavorusāgarasya |maraṇaṃ prabhavaṃ na bhave bhavedyadi subrahmadayā rasālasānām || 49||

सुब्रह्मण्यो ब्राह्मणानां हि देवःअब्रह्मण्यं हंसि पाहि द्विजान्नः ।त्राता देवानां विजयस्य प्रदातागाङ्गेयस्त्वं नन्दितात्मासि भक्ते ॥ ५०॥

subrahmaṇyo brāhmaṇānāṃ hi devaḥabrahmaṇyaṃ haṃsi pāhi dvijānnaḥ |trātā devānāṃ vijayasya pradātāgāṅgeyastvaṃ nanditātmāsi bhakte || 50||

सुरा ऊचुः ।श्रीमारमार सुकुमार करात्तशक्तेशक्तिप्रियात्मज सुरासुरजेतृशक्ते ।शूरादितारकहरामरवृन्दसेनाधीशाशु नाशय सदा भवदुःखजालम् ॥ ५८॥

surā ūcuḥ |śrīmāramāra sukumāra karāttaśakteśaktipriyātmaja surāsurajetṛśakte |śūrāditārakaharāmaravṛndasenādhīśāśu nāśaya sadā bhavaduḥkhajālam || 58||

भ्रातुर्वैरिवहाप्रियात्मज हराहाराङ्ग आहारकृत्संस्थागान्तक पौत्र हस्तसुमहाशक्ते नमस्ते सदा ।शूरापारसुदैत्य तारकमहादर्पघ्न कन्दर्पतःसाहस्राधिककान्तिसुन्दर महामारारिहृत्पङ्कजद्वाराकार कुमार धीरसुरतासेनापते पाहि नः ॥ ५९॥

bhrāturvairivahāpriyātmaja harāhārāṅga āhārakṛtsaṃsthāgāntaka pautra hastasumahāśakte namaste sadā |śūrāpārasudaitya tārakamahādarpaghna kandarpataḥsāhasrādhikakāntisundara mahāmārārihṛtpaṅkajadvārākāra kumāra dhīrasuratāsenāpate pāhi naḥ || 59||

गणा ऊचुः ।कुञ्जरमुखानुकूलःपञ्चमुखस्य स्वयं किशोरोऽपि ।श्रिततारकोऽपि सततंतारकवैरी शिवात्मजो जयतात् ॥ ६१॥

gaṇā ūcuḥ |kuñjaramukhānukūlaḥpañcamukhasya svayaṃ kiśoro'pi |śritatārako'pi satataṃtārakavairī śivātmajo jayatāt || 61||

षोढामुखः सुराणांवोढाऽनीकस्य पानं मृडपुत्रः ।द्रोढा दनुजकुलेभ्योलेढा वल्लीशुभाघरसुधायाः ॥ ६२॥

ṣoḍhāmukhaḥ surāṇāṃvoḍhā'nīkasya pānaṃ mṛḍaputraḥ |droḍhā danujakulebhyoleḍhā vallīśubhāgharasudhāyāḥ || 62||

मुनय ऊचुः ।स्वर्नारीजनबृन्दवेणिविलसन्मल्लीसुमप्रोद्गलन्माध्वी पूरतरङ्गमेदुरपदद्वन्द्वारविन्द प्रभो ।स्वामिन् प्रोन्नतशैलमास नमतां कष्टापदां वारकःशक्तस्त्वं खलु शक्तिमानिति गिरं जल्पन्ति लोके जनाः ॥ ६३॥

munaya ūcuḥ |svarnārījanabṛndaveṇivilasanmallīsumaprodgalanmādhvī pūrataraṅgamedurapadadvandvāravinda prabho |svāmin pronnataśailamāsa namatāṃ kaṣṭāpadāṃ vārakaḥśaktastvaṃ khalu śaktimāniti giraṃ jalpanti loke janāḥ || 63||

॥ इति शिवरहस्यान्तर्गते जैगीषव्यादिकृता स्कन्दस्तुतिः सम्पूर्णा ॥॥ श्रीशिवरहस्यम् । ईशाख्यः द्वादशमांशः । ३७ मुनिसमागमः । वावृत्तश्लोकाः ॥– ॥ श्रीशिवरहस्यम् । ईशाख्यः द्वादशमांशः । ३७ मुनिसमागमः । वावृत्तश्लोकाः ॥

|| iti śivarahasyāntargate jaigīṣavyādikṛtā skandastutiḥ sampūrṇā |||| śrīśivarahasyam | īśākhyaḥ dvādaśamāṃśaḥ | 37 munisamāgamaḥ | vāvṛttaślokāḥ ||– || śrīśivarahasyam | īśākhyaḥ dvādaśamāṃśaḥ | 37 munisamāgamaḥ | vāvṛttaślokāḥ ||