शिवध्यानाअन्त्रपूजा वशिष्ठप्रोक्ता Vashishthaprokta Shiva Dhyana Mantra Puja
śivadhyānāantrapūjā vaśiṣṭhaproktā
Vashishthaprokta Shiva Dhyana Mantra Puja (शिवध्यानाअन्त्रपूजा वशिष्ठप्रोक्ता): mantras to Śiva. 43 verses in Sanskrit with Devanagari and IAST.
- Mantra
- Mantra
- Śiva
- Mantra
शिवध्यानाअन्त्रपूजा वशिष्ठप्रोक्ता
1 / 43
वेतालभैरवावूचतुःयेन मन्त्रेण नचिरात् सम्यगाराधितो हरः ।प्रसादमेष्यत्यवनौ तन्नो वद महामुने ॥ ११६॥
vetālabhairavāvūcatuḥyena mantreṇa nacirāt samyagārādhito haraḥ |prasādameṣyatyavanau tanno vada mahāmune || 116||
यथा चाराधयिष्यावस्तन्त्रं यद्यादृशः क्रमः ।तत्सर्वं मुनिशार्दूल वक्तुमर्हसि चोत्तरम् ॥ ११७॥
yathā cārādhayiṣyāvastantraṃ yadyādṛśaḥ kramaḥ |tatsarvaṃ muniśārdūla vaktumarhasi cottaram || 117||
यथा त्वदुपदेशेन प्राप्स्यावो नचिराद् हरम् ।यथा वाचां मुनिश्रेष्ठ ह्यनुशाधि न तौ त्वयि ॥ ११८॥
yathā tvadupadeśena prāpsyāvo nacirād haram |yathā vācāṃ muniśreṣṭha hyanuśādhi na tau tvayi || 118||
वसिष्ठ उवाचप्रसन्न एव भवतोर्वृषकेतुः सहोमया ।नचिरात् स्वयमेवात्र प्रसादं च समेष्यति ॥ ११९॥
vasiṣṭha uvācaprasanna eva bhavatorvṛṣaketuḥ sahomayā |nacirāt svayamevātra prasādaṃ ca sameṣyati || 119||
सर्वैर्देवगणैः सार्धं सभार्यो वृषभध्वजः ।आकाशमार्गेणायातः पालयन् स्वसुतौ गृहात् ॥ १२०॥
sarvairdevagaṇaiḥ sārdhaṃ sabhāryo vṛṣabhadhvajaḥ |ākāśamārgeṇāyātaḥ pālayan svasutau gṛhāt || 120||
किन्तु मानुषदेहौ वामधिवास्य तपोव्रतैः ।स्वयन्नेष्यति कैलासं गाणपत्ये नियोज्य वाम् ॥ १२१॥
kintu mānuṣadehau vāmadhivāsya tapovrataiḥ |svayanneṣyati kailāsaṃ gāṇapatye niyojya vām || 121||
अहं चाप्युपदेक्ष्यामि यथा भर्गं युवां द्रुतम् ।प्राप्स्यथः पार्वतीपुत्रावेकाग्रं शृणुतं तु तत् ॥ १२२॥
ahaṃ cāpyupadekṣyāmi yathā bhargaṃ yuvāṃ drutam |prāpsyathaḥ pārvatīputrāvekāgraṃ śṛṇutaṃ tu tat || 122||
चिरात् प्रसीदति ध्यानान्नचिराद्।ह्ध्यानपूजनात् ।तस्माद्।ह्ध्यानं पूजनं च कथयाम्यद्य तत्त्वतः ॥ १२३॥
cirāt prasīdati dhyānānnacirād|hdhyānapūjanāt |tasmād|hdhyānaṃ pūjanaṃ ca kathayāmyadya tattvataḥ || 123||
तेजोमयः सदा शुद्धो ज्ञानामृतविवर्धितः ।जगन्मयश्चिदानन्दः शौरिब्रह्मस्वरूपधृक् ॥ १२४॥
tejomayaḥ sadā śuddho jñānāmṛtavivardhitaḥ |jaganmayaścidānandaḥ śauribrahmasvarūpadhṛk || 124||
महादेवो महामूर्तिर्महायोगयुतः सदा ।जगन्ति तस्य रूपाणि तानि को गदितुं क्षमः ॥ १२५॥
mahādevo mahāmūrtirmahāyogayutaḥ sadā |jaganti tasya rūpāṇi tāni ko gadituṃ kṣamaḥ || 125||
किन्तु यैरिह रूपैस्तु विचरत्येष शङ्करः ।तेषां यन्मे ज्ञानगम्यं तत्रेष्टं निगदामि वाम् ॥ १२६॥
kintu yairiha rūpaistu vicaratyeṣa śaṅkaraḥ |teṣāṃ yanme jñānagamyaṃ tatreṣṭaṃ nigadāmi vām || 126||
प्रथमं शृणुतं मन्त्रं ततोऽनुध्यानगोचरम् ।ततः क्रमं तु पूजायाः क्रमाद्वृत्तं नरर्षभौ ॥ १२७॥
prathamaṃ śṛṇutaṃ mantraṃ tato'nudhyānagocaram |tataḥ kramaṃ tu pūjāyāḥ kramādvṛttaṃ nararṣabhau || 127||
समस्तानां स्वराणां तु दीर्घाः शेषाः सबिन्दुकाः ।ऋऌशून्याः सार्धचन्द्रा उपान्तेनाभिसंहिताः ॥ १२८॥
samastānāṃ svarāṇāṃ tu dīrghāḥ śeṣāḥ sabindukāḥ |ṛḷśūnyāḥ sārdhacandrā upāntenābhisaṃhitāḥ || 128||
एभिः पञ्चाक्षरैर्मन्त्रं पञ्चवक्त्रस्य कीर्तितम् ।क्रमात् सम्मदसन्दोहनादगौरवसंज्ञकाः ॥ १२९॥
ebhiḥ pañcākṣarairmantraṃ pañcavaktrasya kīrtitam |kramāt sammadasandohanādagauravasaṃjñakāḥ || 129||
प्रासादस्तु भवेच्छेषः पञ्चमन्त्राः प्रकीर्तिताः ।एकैकेन तथैकैकं वक्त्रं देवं प्रपूजयेत् ॥ १३०॥
prāsādastu bhaveccheṣaḥ pañcamantrāḥ prakīrtitāḥ |ekaikena tathaikaikaṃ vaktraṃ devaṃ prapūjayet || 130||
एकं समुदितं कृत्वा पञ्चभिर्वा प्रपूजयेत् ।प्रसादेनाथ वा पञ्चवक्त्रं देवं प्रपूजयेत् ॥ १३१॥
ekaṃ samuditaṃ kṛtvā pañcabhirvā prapūjayet |prasādenātha vā pañcavaktraṃ devaṃ prapūjayet || 131||
सम्मदादिषु मन्त्रेषु प्रासादस्तु प्रशस्यते ।शम्भोः प्रसादनेनैष यस्माद्वृत्तस्तु मन्त्रकः ॥ १३२॥
sammadādiṣu mantreṣu prāsādastu praśasyate |śambhoḥ prasādanenaiṣa yasmādvṛttastu mantrakaḥ || 132||
तेन प्रासादसंज्ञोऽयं कथ्यते मुनिसत्तमैः ।तस्मात् सर्वेषु मन्त्रेषु प्रासादः प्रीतिदः परः ॥ १३३॥
tena prāsādasaṃjño'yaṃ kathyate munisattamaiḥ |tasmāt sarveṣu mantreṣu prāsādaḥ prītidaḥ paraḥ || 133||
आमोदकारकः शम्भोर्मन्त्रः सम्मद उच्यते ।मनःप्रपूरणाच्चापि सन्दोहः परिकीर्तितः ॥ १३४॥
āmodakārakaḥ śambhormantraḥ sammada ucyate |manaḥprapūraṇāccāpi sandohaḥ parikīrtitaḥ || 134||
आकर्षको भवेन्नादो गुरुत्वाद्गौरवाह्वयः ।एतद्व्यस्तं समस्तं च मन्त्रं शम्भोः प्रकीर्तितम् ॥ १३५॥
ākarṣako bhavennādo gurutvādgauravāhvayaḥ |etadvyastaṃ samastaṃ ca mantraṃ śambhoḥ prakīrtitam || 135||
पञ्चाक्षरं तु यन्मन्त्रं पञ्चवक्त्रस्य कीर्तितम् ।युवां तेनैव मन्त्रेण आराधयतमीश्वरम् ॥ १३६॥
pañcākṣaraṃ tu yanmantraṃ pañcavaktrasya kīrtitam |yuvāṃ tenaiva mantreṇa ārādhayatamīśvaram || 136||
ध्यानं वक्ष्यामि शृणुतं सम्यग्वेतालभैरवौ ।पञ्चवक्त्रं महाकायं जटाजूटविभूषितम् ॥ १३७॥
dhyānaṃ vakṣyāmi śṛṇutaṃ samyagvetālabhairavau |pañcavaktraṃ mahākāyaṃ jaṭājūṭavibhūṣitam || 137||
चारुचन्द्रकलायुक्तं मूर्ध्नि बालौघभूषितम् ।बाहुभिर्दशभिर्युक्तं व्याघ्रचर्माम्बराम्बरम् ॥ १३८॥
cārucandrakalāyuktaṃ mūrdhni bālaughabhūṣitam |bāhubhirdaśabhiryuktaṃ vyāghracarmāmbarāmbaram || 138||
कालकूटधरं कण्ठे नागहारोपशोभितम् ।किरीटबन्धनं बाहुभूषणं च भुजङ्गमान् ॥ १३९॥
kālakūṭadharaṃ kaṇṭhe nāgahāropaśobhitam |kirīṭabandhanaṃ bāhubhūṣaṇaṃ ca bhujaṅgamān || 139||
बिभ्रतं सर्वगात्रेषु ज्योत्स्नार्पितसुरोचिषम् ।भूतिसंलिप्तसर्वाङ्गमेकैकत्र त्रिभिस्त्रिभिः ॥ १४०॥
bibhrataṃ sarvagātreṣu jyotsnārpitasurociṣam |bhūtisaṃliptasarvāṅgamekaikatra tribhistribhiḥ || 140||
नेत्रैस्तु पञ्चदशभिर्ज्योतिष्मद्भिर्विराजितम् ।वृषभोपरि संस्थं तु गजकृत्तिपरिच्छदम् ॥ १४१॥
netraistu pañcadaśabhirjyotiṣmadbhirvirājitam |vṛṣabhopari saṃsthaṃ tu gajakṛttiparicchadam || 141||
सद्योजातं वामदेवमघोरं च ततः परम् ।तत्पुरुषं तथेशानं पञ्चवक्त्रं प्रकीर्तितम् ॥ १४२॥
sadyojātaṃ vāmadevamaghoraṃ ca tataḥ param |tatpuruṣaṃ tatheśānaṃ pañcavaktraṃ prakīrtitam || 142||
सद्योजातं भवेच्छुक्लं शुद्धस्फटिकसन्निभम् ।पीतवर्णं तथा सौम्यं वामदेवं मनोहरम् ॥ १४३॥
sadyojātaṃ bhavecchuklaṃ śuddhasphaṭikasannibham |pītavarṇaṃ tathā saumyaṃ vāmadevaṃ manoharam || 143||
नीलवर्णमघोरं तु दंष्ट्रा भीतिविवर्धनम् ।रक्तं तत्पुरुषं देवं दिव्यमूर्तिं मनोहरम् ॥ १४४॥
nīlavarṇamaghoraṃ tu daṃṣṭrā bhītivivardhanam |raktaṃ tatpuruṣaṃ devaṃ divyamūrtiṃ manoharam || 144||
श्यामलं च तथेशानं सर्वदैव शिवात्मकम् ।चिन्तयेत् पश्चिमे त्वाद्यं द्वितीयं तु तथोत्तरे ॥ १४५॥
śyāmalaṃ ca tatheśānaṃ sarvadaiva śivātmakam |cintayet paścime tvādyaṃ dvitīyaṃ tu tathottare || 145||
अघोरं दक्षिणे देवं पूर्वे तत्पुरुषं तथा ।ईशानं मध्यतो ज्ञेयं चिन्तयेद्भक्तितत्परः ॥ १४६॥
aghoraṃ dakṣiṇe devaṃ pūrve tatpuruṣaṃ tathā |īśānaṃ madhyato jñeyaṃ cintayedbhaktitatparaḥ || 146||
शक्तित्रिशूलखट्वाङ्गवरदाभयदं शिवम् ।दक्षिणेष्वथ हस्तेषु वामेष्वपि ततः शुभम् ॥ १४७॥
śaktitriśūlakhaṭvāṅgavaradābhayadaṃ śivam |dakṣiṇeṣvatha hasteṣu vāmeṣvapi tataḥ śubham || 147||
अक्षसूत्रं बीजपूरं भुजगं डमरूत्पलम् ।अष्टैश्वर्यसमायुक्तं ध्यायेत्तु हृद्गतं शिवम् ॥ १४८॥
akṣasūtraṃ bījapūraṃ bhujagaṃ ḍamarūtpalam |aṣṭaiśvaryasamāyuktaṃ dhyāyettu hṛdgataṃ śivam || 148||
एवं विचिन्तयेद्।ह्ध्याने महादेवं जगत्पतिम् ।चिन्तयित्वा द्वारपालान् गणेशादीन् प्रपूजयेत् ॥ १४९॥
evaṃ vicintayed|hdhyāne mahādevaṃ jagatpatim |cintayitvā dvārapālān gaṇeśādīn prapūjayet || 149||
विशुद्धिं पञ्चभूतानां चिन्तयित्वा ततो मुहुः ।अष्टमूर्तीस्ततः पश्चात् पूजयेदष्टनामभिः ॥ १५०॥
viśuddhiṃ pañcabhūtānāṃ cintayitvā tato muhuḥ |aṣṭamūrtīstataḥ paścāt pūjayedaṣṭanāmabhiḥ || 150||
आसनानि च तस्याथ पूजयेत् सकलानि तु ।भावादीन्यष्टपुष्पाणि हृदैव विनियोजयेत् ॥ १५१॥
āsanāni ca tasyātha pūjayet sakalāni tu |bhāvādīnyaṣṭapuṣpāṇi hṛdaiva viniyojayet || 151||
नाराचमुद्रया तस्य ताडनं परिकीर्तितम् ।विसर्जनं धेनुमुद्रां दर्शयित्वा विधानतः ॥ १५२॥
nārācamudrayā tasya tāḍanaṃ parikīrtitam |visarjanaṃ dhenumudrāṃ darśayitvā vidhānataḥ || 152||
निर्माल्यधारणं कुर्यात् सदा चण्डेश्वरं धिया ।प्रत्येकं पञ्चभिर्मन्त्रैरङ्गादीनि प्रमार्जयेत् ॥ १५३॥
nirmālyadhāraṇaṃ kuryāt sadā caṇḍeśvaraṃ dhiyā |pratyekaṃ pañcabhirmantrairaṅgādīni pramārjayet || 153||
सम्मदादिभिरेतस्य पूर्वोक्तैर्नरसत्तमौ ।बालां ज्येष्ठां तथा रौद्रीं कालीं च तदनन्तरम् ॥ १५४॥
sammadādibhiretasya pūrvoktairnarasattamau |bālāṃ jyeṣṭhāṃ tathā raudrīṃ kālīṃ ca tadanantaram || 154||
कलविकरिणीं देवीं बलप्रमथिनीं तथा ।दमनीं सर्वभूतानां मनोन्मथिनीं तथैव च ॥ १५५॥
kalavikariṇīṃ devīṃ balapramathinīṃ tathā |damanīṃ sarvabhūtānāṃ manonmathinīṃ tathaiva ca || 155||
अष्टौ ताः पूजयेद्देवीः क्रमाच्छम्भोश्च प्रीतये ।एवं शिवं पूजयित्वा ध्यानतत्परमानसः ॥ १५६॥
aṣṭau tāḥ pūjayeddevīḥ kramācchambhośca prītaye |evaṃ śivaṃ pūjayitvā dhyānatatparamānasaḥ || 156||
जपेन्मालां समादाय मन्त्रं ध्यात्वा तथा गुरुम् ।एकं पञ्चाक्षरं मन्त्रमेकं प्रासादमेव वा ॥ १५७॥
japenmālāṃ samādāya mantraṃ dhyātvā tathā gurum |ekaṃ pañcākṣaraṃ mantramekaṃ prāsādameva vā || 157||
तत्सक्तमनसौ जप्त्वा शीघ्रं सिद्धिमवाप्स्यथः ।इति कालिकापुराणे एकपञ्चाशत्तमाध्यायान्तर्गतावसिष्ठप्रोक्ता शिवध्यानमन्त्रपूजा समाप्ता ।
tatsaktamanasau japtvā śīghraṃ siddhimavāpsyathaḥ |iti kālikāpurāṇe ekapañcāśattamādhyāyāntargatāvasiṣṭhaproktā śivadhyānamantrapūjā samāptā |
॥ इति शिवध्यानाअन्त्रपूजा वशिष्ठप्रोक्ता सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Vashishthaprokta Shiva Dhyana Mantra Puja?
Vashishthaprokta Shiva Dhyana Mantra Puja has 43 verses on this page, each shown with its number, Devanagari text and transliteration, and meaning where available.
Can I read Vashishthaprokta Shiva Dhyana Mantra Puja in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Vashishthaprokta Shiva Dhyana Mantra Puja?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
