स्वर्णाकर्षणभैरवमन्त्रमयस्तोत्रम् Svarnakarshanabhairava Mantramaya Stotram
svarṇākarṣaṇabhairavamantramayastotram
Svarnakarshanabhairava Mantramaya Stotram (स्वर्णाकर्षणभैरवमन्त्रमयस्तोत्रम्): mantras to Śiva. 32 verses in Sanskrit with Devanagari and IAST.
- Mantra
- Mantra
- Śiva
- Mantra
स्वर्णाकर्षणभैरवमन्त्रमयस्तोत्रम्
1 / 32
ब्रह्मा यस्य ऋषि स्वयं निगदितश्छन्दो मतं त्रैष्टुभं,स्वर्णाकर्षणभैरवो हरिहरब्रह्मात्मको देवता ।ह्रीं बीजं भृगुशक्तिरित्यभिहितं तस्यैव सूत्रात्मनः,स्तोत्रं ध्यान पुरस्सरं मनुमयं ब्रूमो वयं प्रत्यहम् ॥ १॥
brahmā yasya ṛṣi svayaṃ nigaditaśchando mataṃ traiṣṭubhaṃ,svarṇākarṣaṇabhairavo hariharabrahmātmako devatā |hrīṃ bījaṃ bhṛguśaktirityabhihitaṃ tasyaiva sūtrātmanaḥ,stotraṃ dhyāna purassaraṃ manumayaṃ brūmo vayaṃ pratyaham || 1||
मन्दारद्रुममूलपूजितमहामाणिक्यसिंहासने, संविष्टोदरभिन्न चम्पकरुचा देव्या समालिङ्गितः ।भक्तेभ्यो वररत्न पात्र भरितं स्वर्णं ददानोऽनिशं,स्वर्णाकर्षणभैरवो विजयते स्वर्गापवर्गप्रदः ॥ २॥
mandāradrumamūlapūjitamahāmāṇikyasiṃhāsane, saṃviṣṭodarabhinna campakarucā devyā samāliṅgitaḥ |bhaktebhyo vararatna pātra bharitaṃ svarṇaṃ dadāno'niśaṃ,svarṇākarṣaṇabhairavo vijayate svargāpavargapradaḥ || 2||
ॐ ऐं क्लां क्लीं क्लूमिति व्याहरन् यो भक्तः स्वर्णाकर्षणम् ।कारुण्याब्धिः कल्पमूलाधिवासः स्वर्णाकर्षो भैरवो मेऽस्तु भूत्यै ॥ ३॥
oṃ aiṃ klāṃ klīṃ klūmiti vyāharan yo bhaktaḥ svarṇākarṣaṇam |kāruṇyābdhiḥ kalpamūlādhivāsaḥ svarṇākarṣo bhairavo me'stu bhūtyai || 3||
ह्रां ह्रीं हूं सः सन्ततं जापकानांवर्षन्तं तं स्वर्णवृष्टिं समग्राम् ।अन्तः स्वान्तं सूर्यकोटिप्रकाशंस्वर्णाकर्षं भैरवं भावयामि ॥ ४॥
hrāṃ hrīṃ hūṃ saḥ santataṃ jāpakānāṃvarṣantaṃ taṃ svarṇavṛṣṭiṃ samagrām |antaḥ svāntaṃ sūryakoṭiprakāśaṃsvarṇākarṣaṃ bhairavaṃ bhāvayāmi || 4||
मरकतमणिपात्रे सम्भृतं स्वर्णपूर्णंकृपणतरजनेभ्यस्तारतः सम्प्रदातुः ।कुरु हृदय सपर्यां सेवमानाय नित्यंसुरवरमनुजेन्द्र स्यापदुद्धारणाय ॥ ५॥
marakatamaṇipātre sambhṛtaṃ svarṇapūrṇaṃkṛpaṇatarajanebhyastārataḥ sampradātuḥ |kuru hṛdaya saparyāṃ sevamānāya nityaṃsuravaramanujendra syāpaduddhāraṇāya || 5||
नमोऽजामलबद्धाय ब्रह्मसूत्राधिवाससे ।स्वर्णाकर्षणशीलाय साधकानां कृतात्मने ॥ ६॥
namo'jāmalabaddhāya brahmasūtrādhivāsase |svarṇākarṣaṇaśīlāya sādhakānāṃ kṛtātmane || 6||
लोकेश्वराद्यर्चितपादुकाय दारिद्र्यनिर्मूलनकारणाय ।स्वर्णादि दानकरणोद्यत भैरवाय कारुण्यवारान्निधये नमस्ते ॥ ७॥
lokeśvarādyarcitapādukāya dāridryanirmūlanakāraṇāya |svarṇādi dānakaraṇodyata bhairavāya kāruṇyavārānnidhaye namaste || 7||
दीनानाथ विपन्नरक्षणपरै राज्यप्रतीक्षापरैःसिद्धैः साध्यगणैः सुरासुरगणैर्भुक्तिप्रयुक्तात्मभिः ।मूले कल्पतरोर्महामणिमये मार्तण्डतेजोजुषेस्वर्णाकर्षणभैरवाय सततं कुर्मो नमस्यां वयम् ॥ ८॥
dīnānātha vipannarakṣaṇaparai rājyapratīkṣāparaiḥsiddhaiḥ sādhyagaṇaiḥ surāsuragaṇairbhuktiprayuktātmabhiḥ |mūle kalpatarormahāmaṇimaye mārtaṇḍatejojuṣesvarṇākarṣaṇabhairavāya satataṃ kurmo namasyāṃ vayam || 8||
स्वर्णाकर्षिस्वर्णदेव्याश्रिताय स्वर्णारूढोदारसिंहासनाय ।कुर्मो नित्यं स्वर्णदात्रे नमस्यां दारिद्र्यद्वेषि श्रीमते भैरवाय ॥ ९॥
svarṇākarṣisvarṇadevyāśritāya svarṇārūḍhodārasiṃhāsanāya |kurmo nityaṃ svarṇadātre namasyāṃ dāridryadveṣi śrīmate bhairavāya || 9||
स्वर्णप्रदानाध्वरदीक्षिताय स्वतेजसाक्रान्तजगत्त्रयाय ।औदार्यसम्पत्सदनाय नित्यं, ॐ श्रीमहाभैरव ! ते नमोऽस्तु ॥ १०॥
svarṇapradānādhvaradīkṣitāya svatejasākrāntajagattrayāya |audāryasampatsadanāya nityaṃ, oṃ śrīmahābhairava ! te namo'stu || 10||
चिन्तामणिस्थितमहानिधिकामधेनुमन्दारमूलमणिमण्डपमध्यगाय ।स्वर्णप्रदाननिरताय सदा सपर्यां,कुर्मो वयं त्रिकरणैः परभैरवाय ॥ ११॥
cintāmaṇisthitamahānidhikāmadhenumandāramūlamaṇimaṇḍapamadhyagāya |svarṇapradānaniratāya sadā saparyāṃ,kurmo vayaṃ trikaraṇaiḥ parabhairavāya || 11||
मूले कल्पतरोः प्रभापरिमले भद्रासने संस्थितो,हस्ताम्भोरुहरत्नपात्रभरितैः कार्तस्वरैर्भास्वरैः ।निर्मूलीकृतदुर्गतो विरचयन् विद्युद्दिनेशद्युतिः,स्वर्णाकर्षणभैरवो भवतु नो दारिद्र्यविद्वेषणः ॥ १२॥
mūle kalpataroḥ prabhāparimale bhadrāsane saṃsthito,hastāmbhoruharatnapātrabharitaiḥ kārtasvarairbhāsvaraiḥ |nirmūlīkṛtadurgato viracayan vidyuddineśadyutiḥ,svarṇākarṣaṇabhairavo bhavatu no dāridryavidveṣaṇaḥ || 12||
दुग्धाद्याराध्य स्वर्णाकृति कनकमये द्वीपवर्ये सुधाब्धौ,कापित्थे तत्र रम्ये मणिमयविलसद् भित्तिपाश्चात्य भागे ।यद्वत्तं सर्ववाञ्छाधिकवसुनिचयं मन्त्रिणां संसरन्तं,ध्यायेच्छ्रीभैरवं तं सकलसुवसुदं दुःखदारिद्र्य शत्रुम् ॥ १३॥
dugdhādyārādhya svarṇākṛti kanakamaye dvīpavarye sudhābdhau,kāpitthe tatra ramye maṇimayavilasad bhittipāścātya bhāge |yadvattaṃ sarvavāñchādhikavasunicayaṃ mantriṇāṃ saṃsarantaṃ,dhyāyecchrībhairavaṃ taṃ sakalasuvasudaṃ duḥkhadāridrya śatrum || 13||
सुवर्णमण्डपे ध्यायेत् सुवर्णरुचिभिर्युतम् ।महात्मानं सुखासीनं प्रसन्नवरदायकम् ॥ १४॥
suvarṇamaṇḍape dhyāyet suvarṇarucibhiryutam |mahātmānaṃ sukhāsīnaṃ prasannavaradāyakam || 14||
सर्वरत्नविभूषाढ्यं सुरासुरनमस्कृतम् ।मणिहारकसम्पूर्तिं ददतं स्वकरैः सदा ॥ १५॥
sarvaratnavibhūṣāḍhyaṃ surāsuranamaskṛtam |maṇihārakasampūrtiṃ dadataṃ svakaraiḥ sadā || 15||
सुवर्णवृष्टिरूपैश्व धनसारैर्निरन्तरम् ।दारिद्र्यनामसंहारंकुण्डलोल्लाससंयुतम् ॥ १६॥
suvarṇavṛṣṭirūpaiśva dhanasārairnirantaram |dāridryanāmasaṃhāraṃkuṇḍalollāsasaṃyutam || 16||
एवं ध्यात्वा महात्मानं महादारिद्र्यनाशनम् ।स्तौमि मन्दारमूलस्थं ब्रह्मसूत्राधिवासनम् ॥ १७॥
evaṃ dhyātvā mahātmānaṃ mahādāridryanāśanam |staumi mandāramūlasthaṃ brahmasūtrādhivāsanam || 17||
स्वर्णसिद्धिं करैरेव ददानं स्वर्णभैरवम् ।ऋणं न जायते तस्य धनं शीघ्रमवाप्नुयात् ॥ १८॥
svarṇasiddhiṃ karaireva dadānaṃ svarṇabhairavam |ṛṇaṃ na jāyate tasya dhanaṃ śīghramavāpnuyāt || 18||
स्वर्णादिमध्यमणिमण्डप कल्पवृक्षे,पीतारुणाम्बुजनिविष्टसुवर्णवर्णम् ।माणिक्यपात्रमभयं दधतं च दोर्भ्यां,स्वर्णादिकर्षणविनोदनिधिं नमामि ॥ १९॥
svarṇādimadhyamaṇimaṇḍapa kalpavṛkṣe,pītāruṇāmbujaniviṣṭasuvarṇavarṇam |māṇikyapātramabhayaṃ dadhataṃ ca dorbhyāṃ,svarṇādikarṣaṇavinodanidhiṃ namāmi || 19||
सुवर्णकर्षकं नित्यं ऋणहर्तारमीश्वरम् ।भजतो न ऋणं तस्य धनं शीघ्रं प्रजायते ॥ २०॥
suvarṇakarṣakaṃ nityaṃ ṛṇahartāramīśvaram |bhajato na ṛṇaṃ tasya dhanaṃ śīghraṃ prajāyate || 20||
पीतवर्णं चतुर्बाहुं त्रिनेत्रं पीतवाससम् ।अक्षद्वयं स्वर्णमयं तडित्पूरितपात्रकम् ॥ २१॥
pītavarṇaṃ caturbāhuṃ trinetraṃ pītavāsasam |akṣadvayaṃ svarṇamayaṃ taḍitpūritapātrakam || 21||
अतितीक्ष्णमहाशूलं तोमरं चामरद्वयम् ।सततं चिन्तयेद् यस्तु भैरवं स्वर्णसिद्धिदम् ॥ २२॥
atitīkṣṇamahāśūlaṃ tomaraṃ cāmaradvayam |satataṃ cintayed yastu bhairavaṃ svarṇasiddhidam || 22||
स्वर्णाकर्षणभैरवमन्त्राढ्यं स्तोत्रमुत्तमम् ।पठतां निधिसिद्धिश्च स्वर्णसिद्धिश्च जायते ॥ २३॥
svarṇākarṣaṇabhairavamantrāḍhyaṃ stotramuttamam |paṭhatāṃ nidhisiddhiśca svarṇasiddhiśca jāyate || 23||
अनेन स्तवराजेन नित्यं ब्रह्महरीश्वराः ।स्वर्णाकर्षणनामानि स्तुवन्ति जगदीश्वराः ॥ २४॥
anena stavarājena nityaṃ brahmaharīśvarāḥ |svarṇākarṣaṇanāmāni stuvanti jagadīśvarāḥ || 24||
अधिक लक्ष्मी प्राप्त करता है, इसमें संशय नहीं है । रससिद्धि,कामनापूर्ति, स्थिरलक्ष्मी, रत्न, अश्व, गज, स्वर्णराशि, धेनु,यः पठेत् परमं स्तोत्रमिदं नित्यं नरोत्तमः ।स मर्त्यो मन्दभाग्योऽपि भैरवस्य प्रसादतः ॥ २५॥
adhika lakṣmī prāpta karatā hai, isameṃ saṃśaya nahīṃ hai | rasasiddhi,kāmanāpūrti, sthiralakṣmī, ratna, aśva, gaja, svarṇarāśi, dhenu,yaḥ paṭhet paramaṃ stotramidaṃ nityaṃ narottamaḥ |sa martyo mandabhāgyo'pi bhairavasya prasādataḥ || 25||
इच्छातोऽप्यधिकां लक्ष्मीं लभते नात्र संशयः ।रससिद्धिर्भवेच्छीघ्रं निधीनामधिपो भवेत् ॥ २६॥
icchāto'pyadhikāṃ lakṣmīṃ labhate nātra saṃśayaḥ |rasasiddhirbhavecchīghraṃ nidhīnāmadhipo bhavet || 26||
सर्वान् कामानवाप्नोति दैवतैरपि दुर्लभम् ।एतज्जपैर्महालक्ष्मीश्चञ्चलाप्यचला भवेत् ॥ २७॥
sarvān kāmānavāpnoti daivatairapi durlabham |etajjapairmahālakṣmīścañcalāpyacalā bhavet || 27||
रत्नान्यश्वान् गजान् भूतीर्लभते शीघ्रमेव हि ।स्वर्णराशिमवाप्नोति चाक्षयां नात्र संशयः ॥ २८॥
ratnānyaśvān gajān bhūtīrlabhate śīghrameva hi |svarṇarāśimavāpnoti cākṣayāṃ nātra saṃśayaḥ || 28||
धेनुं चिन्तामणिं कल्पद्रुमं शीघ्रमवाप्नुयात् ।नित्यमष्टोत्तरशतं यो जपेत् स्तोत्रमुत्तमम् ॥ २९॥
dhenuṃ cintāmaṇiṃ kalpadrumaṃ śīghramavāpnuyāt |nityamaṣṭottaraśataṃ yo japet stotramuttamam || 29||
मण्डलार्धाच्च प्रागेव स्वर्णराशिमनुत्तमम् ।सततं ध्यायते तस्मै दर्शयत्येव न संशयः ॥ ३०॥
maṇḍalārdhācca prāgeva svarṇarāśimanuttamam |satataṃ dhyāyate tasmai darśayatyeva na saṃśayaḥ || 30||
नित्यं च त्रिपुराभक्तैः स्वर्णाकर्षणभैरवः ।यत्नेन सर्वदोपास्यः सर्वकामप्रदायकः ॥ ३१॥
nityaṃ ca tripurābhaktaiḥ svarṇākarṣaṇabhairavaḥ |yatnena sarvadopāsyaḥ sarvakāmapradāyakaḥ || 31||
इति श्रीत्रिपुरासिद्धान्ते दक्षिणामूर्तिप्रोक्तंस्वर्णाकर्षणभैरवस्तोत्रं समाप्तम् ।
iti śrītripurāsiddhānte dakṣiṇāmūrtiproktaṃsvarṇākarṣaṇabhairavastotraṃ samāptam |
॥ इति स्वर्णाकर्षणभैरवमन्त्रमयस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Svarnakarshanabhairava Mantramaya Stotram?
Svarnakarshanabhairava Mantramaya Stotram has 32 verses on this page, each shown with its number, Devanagari text and transliteration, and meaning where available.
Can I read Svarnakarshanabhairava Mantramaya Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Svarnakarshanabhairava Mantramaya Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
