आनन्दनटराजाष्टोत्तरशतनामस्तोत्रम् Shrimad Ananda Nataraja Ashtottarashatanama Shtotram

चिदम्बरेश्वरः शम्भुः नटेशो नटनप्रियः ।अपस्मारहरो हंसो नृत्तराजः सभापतिः ॥ १॥

cidambareśvaraḥ śambhuḥ naṭeśo naṭanapriyaḥ |apasmāraharo haṃso nṛttarājaḥ sabhāpatiḥ || 1||

पुण्डरीकपुराधीशः श्रीमद्धेमसभेश्वरः ।शिवश्चिदम्बरमनुर्मन्त्रमूर्तिहरिप्रियः ॥ २॥

puṇḍarīkapurādhīśaḥ śrīmaddhemasabheśvaraḥ |śivaścidambaramanurmantramūrtiharipriyaḥ || 2||

द्वादशान्तस्थितो नृत्तो नृत्तमूर्तिः परात्परः ।परानन्दः परञ्ज्योतिः आनन्दो विबुधेश्वरः ॥ ३॥

dvādaśāntasthito nṛtto nṛttamūrtiḥ parātparaḥ |parānandaḥ parañjyotiḥ ānando vibudheśvaraḥ || 3||

परप्रकाशो नृत्ताङ्गो नृत्तपादस्त्रिलोचनः ।व्याघ्रपादप्रियो मन्त्रराजस्तिल्ववनेश्वरः ॥ ४॥

paraprakāśo nṛttāṅgo nṛttapādastrilocanaḥ |vyāghrapādapriyo mantrarājastilvavaneśvaraḥ || 4||

हरो रत्नसभानाथः पतञ्जलिवरप्रदः ।मन्त्रविग्रह ओङ्कारः शङ्करश्चन्द्रशेखरः ॥ ५॥

haro ratnasabhānāthaḥ patañjalivarapradaḥ |mantravigraha oṅkāraḥ śaṅkaraścandraśekharaḥ || 5||

नीलकण्ठो ललाटाक्षो वह्निहस्तो महेश्वरः ।आनन्दताण्डवः श्वेतो गङ्गाधरो जटाधरः ॥ ६॥

nīlakaṇṭho lalāṭākṣo vahnihasto maheśvaraḥ |ānandatāṇḍavaḥ śveto gaṅgādharo jaṭādharaḥ || 6||

चक्रेशः कुञ्चितपदः श्रीचक्राङ्गोऽभयप्रदः ।मणिनूपुरपादाब्जः त्रिपुरावल्लभेश्वरः ॥ ७॥

cakreśaḥ kuñcitapadaḥ śrīcakrāṅgo'bhayapradaḥ |maṇinūpurapādābjaḥ tripurāvallabheśvaraḥ || 7||

बीजहस्तः चक्रनाथो बिन्दुत्रैकोणवासकः ।पाञ्चभौतिकदेहाङ्गः परमानन्दताण्डवः ॥ ८॥

bījahastaḥ cakranātho bindutraikoṇavāsakaḥ |pāñcabhautikadehāṅgaḥ paramānandatāṇḍavaḥ || 8||

भुजङ्गभूषणः पञ्चदशाक्षरमनोहरः ।विश्वेश्वरो विरूपाक्षो विश्वातीतो जगद्गुरुः ॥ ९॥

bhujaṅgabhūṣaṇaḥ pañcadaśākṣaramanoharaḥ |viśveśvaro virūpākṣo viśvātīto jagadguruḥ || 9||

त्रिचत्वारिंशत्कोणाङ्गः प्रभाचक्रेश्वरः प्रभुः ।नवावरणचक्रेशो नवचक्रेश्वरीप्रियः ॥ १०॥

tricatvāriṃśatkoṇāṅgaḥ prabhācakreśvaraḥ prabhuḥ |navāvaraṇacakreśo navacakreśvarīpriyaḥ || 10||

नाट्येश्वरः सभानाथः सिंहवर्मप्रपूजितः ।व्याघ्रचर्माम्बरधरोभीमः ह्री(क्ली)ङ्कारनायकः ॥ ११॥

nāṭyeśvaraḥ sabhānāthaḥ siṃhavarmaprapūjitaḥ |vyāghracarmāmbaradharobhīmaḥ hrī(klī)ṅkāranāyakaḥ || 11||

ह्रीं(ऐं) काररुद्रस्रिशिवस्तत्त्वातीतो निरञ्जनः ।रामोऽनन्तस्तत्त्वमूर्तिः रुद्रः कालान्तकोऽव्ययः ॥ १२॥

hrīṃ(aiṃ) kārarudrasriśivastattvātīto nirañjanaḥ |rāmo'nantastattvamūrtiḥ rudraḥ kālāntako'vyayaḥ || 12||

क्ष्म्र्यूङ्कार शम्भुरव्यक्तः त्रिगुणश्चित्प्रकाशकः ।सौङ्कारसोमस्तत्वज्ञोऽघोरो दक्षाध्वरान्तकः ॥ १३॥

kṣmryūṅkāra śambhuravyaktaḥ triguṇaścitprakāśakaḥ |sauṅkārasomastatvajño'ghoro dakṣādhvarāntakaḥ || 13||

कामारिर्गजसंहर्ता वीरभद्रः सदाशिवः ।भिक्षाटनः कृष्णगन्धप्रियः कङ्कालभैरवः ॥ १४॥

kāmārirgajasaṃhartā vīrabhadraḥ sadāśivaḥ |bhikṣāṭanaḥ kṛṣṇagandhapriyaḥ kaṅkālabhairavaḥ || 14||

नृसिंहगर्वहरणो भद्रकालीमदान्तकः ।निर्विकल्पो निराकारो निर्मलाङ्गो निरामयः ॥ १५॥

nṛsiṃhagarvaharaṇo bhadrakālīmadāntakaḥ |nirvikalpo nirākāro nirmalāṅgo nirāmayaḥ || 15||

ब्रह्मविष्णुप्रियः आनन्दनटेशो भक्तवत्सलः ।श्रीमद्दभ्रसभानाथः शिवकामीमनोहरः ॥ १६॥

brahmaviṣṇupriyaḥ ānandanaṭeśo bhaktavatsalaḥ |śrīmaddabhrasabhānāthaḥ śivakāmīmanoharaḥ || 16||

श्रीमदानन्दनटराजस्याष्टोत्तरं शतम् ।नाम्नां सङ्कीर्तयेत् नित्यं सर्वपापप्रणशकम् ॥ १७॥

śrīmadānandanaṭarājasyāṣṭottaraṃ śatam |nāmnāṃ saṅkīrtayet nityaṃ sarvapāpapraṇaśakam || 17||

पुत्रपौत्रप्रदं वंशवृद्धिदं विषनाशनम् ।आयुष्करं व्याधिहरं सर्वसम्पत्प्रदायकम् ॥ १८॥

putrapautrapradaṃ vaṃśavṛddhidaṃ viṣanāśanam |āyuṣkaraṃ vyādhiharaṃ sarvasampatpradāyakam || 18||

सर्वमङ्गलसंप्राप्तिः जायते तस्य हि धुवम् ।इति श्रीमदानन्दनटराजाष्टोत्तरशतनामस्तोत्रं सम्पूर्णम् ॥

sarvamaṅgalasaṃprāptiḥ jāyate tasya hi dhuvam |iti śrīmadānandanaṭarājāṣṭottaraśatanāmastotraṃ sampūrṇam ||