शरभसहस्रनामस्तोत्रम् ३ Shri Sharabha Shahasranamastotra 3

श्रीशिव उवाच ॥विनियोगःॐ अस्य श्री शरभसहस्रनामस्तोत्रमन्त्रस्य,कालाग्निरुद्रो वामदेव ऋषिः, अनुष्टुप् छन्दः,श्रीशरभसालुवो देवता, हस्रां बीजं, स्वाहा शक्तिः, फट् कीलकं,श्रीशरभसालुव प्रसादसिद्ध्यर्थे जपे विनियोगः ॥करन्यास एवं हृदयादिन्यासः ।ॐ हस्रां अङ्गुष्ठाभ्यां नमः । हृदयाय नमः ।ॐ हस्रीं तर्जनीभ्यां नमः । शिरसे स्वाहा ।ॐ हस्रूं मध्यमाभ्यां नमः । शिखायै वषट् ।ॐ हस्रैं अनामिकाभ्यां नमः । कवचाय हुं ।ॐ हस्रौं कनिष्ठिकाभ्यां नमः । नेत्रत्रयाय वौषट् ।ॐ हस्रः करतलकरपृष्ठाभ्यां नमः । अस्त्राय फट् ।ॐ भूर्भुवः स्वरोम् इति दिग्बन्धः ॥ध्यानम् ॥क्वाकाशः क्व समीरणः क्व दहनः क्वापः क्व विश्वम्भरःक्व ब्रह्मा क्व जनार्दनः क्व तरणिः क्वेन्दुः क्व देवासुराः ।कल्पान्ते शरभेश्वरः प्रमुदितः श्रीसिद्धयोगीश्वरःक्रीडानाटकनायको विजयते देवो महासालुवः ॥लं पृथिव्यादि पञ्चोपचारैः सम्पूजयेत् ।॥ अथ सहस्रनामः ॥श्रीभैरव उवाच ।ॐ श्रीनाथो रेणुकानाथो जगन्नाथो जगाश्रयः ।श्रीगुरुर्गुरुगम्यश्च गुरुरूपः कृपानिधिः ॥ १॥

śrīśiva uvāca ||viniyogaḥoṃ asya śrī śarabhasahasranāmastotramantrasya,kālāgnirudro vāmadeva ṛṣiḥ, anuṣṭup chandaḥ,śrīśarabhasāluvo devatā, hasrāṃ bījaṃ, svāhā śaktiḥ, phaṭ kīlakaṃ,śrīśarabhasāluva prasādasiddhyarthe jape viniyogaḥ ||karanyāsa evaṃ hṛdayādinyāsaḥ |oṃ hasrāṃ aṅguṣṭhābhyāṃ namaḥ | hṛdayāya namaḥ |oṃ hasrīṃ tarjanībhyāṃ namaḥ | śirase svāhā |oṃ hasrūṃ madhyamābhyāṃ namaḥ | śikhāyai vaṣaṭ |oṃ hasraiṃ anāmikābhyāṃ namaḥ | kavacāya huṃ |oṃ hasrauṃ kaniṣṭhikābhyāṃ namaḥ | netratrayāya vauṣaṭ |oṃ hasraḥ karatalakarapṛṣṭhābhyāṃ namaḥ | astrāya phaṭ |oṃ bhūrbhuvaḥ svarom iti digbandhaḥ ||dhyānam ||kvākāśaḥ kva samīraṇaḥ kva dahanaḥ kvāpaḥ kva viśvambharaḥkva brahmā kva janārdanaḥ kva taraṇiḥ kvenduḥ kva devāsurāḥ |kalpānte śarabheśvaraḥ pramuditaḥ śrīsiddhayogīśvaraḥkrīḍānāṭakanāyako vijayate devo mahāsāluvaḥ ||laṃ pṛthivyādi pañcopacāraiḥ sampūjayet ||| atha sahasranāmaḥ ||śrībhairava uvāca |oṃ śrīnātho reṇukānātho jagannātho jagāśrayaḥ |śrīgururgurugamyaśca gururūpaḥ kṛpānidhiḥ || 1||

हिरण्यबाहुः सेनानीर्दिक्पतिस्तरुराट् हरः ।हरिकेशः पशुपतिर्महान्सस्पिञ्जरो मृडः ॥ २॥

hiraṇyabāhuḥ senānīrdikpatistarurāṭ haraḥ |harikeśaḥ paśupatirmahānsaspiñjaro mṛḍaḥ || 2||

गणेशो गणनाथश्च गणपूज्यो गणाश्रयः ।विव्याधी बम्लशः श्रेष्ठः परमात्मा सनातनः ॥ ३॥

gaṇeśo gaṇanāthaśca gaṇapūjyo gaṇāśrayaḥ |vivyādhī bamlaśaḥ śreṣṭhaḥ paramātmā sanātanaḥ || 3||

पीठेशः पीठरूपश्च पीठपूज्यः सुखावहः ।सर्वाधिको जगत्कर्ता पुष्टेशो नन्दिकेश्वरः ॥ ४॥

pīṭheśaḥ pīṭharūpaśca pīṭhapūjyaḥ sukhāvahaḥ |sarvādhiko jagatkartā puṣṭeśo nandikeśvaraḥ || 4||

भैरवो भैरवश्रेष्ठो भैरवायुधधारकः ।आततायी महारुद्रः संसारार्कसुरेश्वरः ॥ ५॥

bhairavo bhairavaśreṣṭho bhairavāyudhadhārakaḥ |ātatāyī mahārudraḥ saṃsārārkasureśvaraḥ || 5||

सिद्धः सिद्धिप्रदः साध्यः सिद्धमण्डलपूजितः ।उपवीती महानात्मा क्षेत्रेशो वननायकः ॥ ६॥

siddhaḥ siddhipradaḥ sādhyaḥ siddhamaṇḍalapūjitaḥ |upavītī mahānātmā kṣetreśo vananāyakaḥ || 6||

बहुरूपो बहुस्वामी बहुपालनकारणः ।रोहितः स्थपतिः सूतो वाणिजो मन्त्रिरुन्नतः ॥ ७॥

bahurūpo bahusvāmī bahupālanakāraṇaḥ |rohitaḥ sthapatiḥ sūto vāṇijo mantrirunnataḥ || 7||

पदरूपः पदप्राप्तः पदेशः पदनायकः ।कक्षेशो हुतभूग् देवो भुवन्तिर्वारिवस्कृतः ॥ ८॥

padarūpaḥ padaprāptaḥ padeśaḥ padanāyakaḥ |kakṣeśo hutabhūg devo bhuvantirvārivaskṛtaḥ || 8||

दूतिक्रमो दूतिनाथः शाम्भवः शङ्करः प्रभुः ।उच्चैर्घोषो घोषरूपः पत्तीशः पापमोचकः ॥ ९॥

dūtikramo dūtināthaḥ śāmbhavaḥ śaṅkaraḥ prabhuḥ |uccairghoṣo ghoṣarūpaḥ pattīśaḥ pāpamocakaḥ || 9||

वीरो वीर्यप्रदः शूरो वीरेशवरदायकः । वर् वीरेशो वरदायकःओषधीशः पञ्चवक्त्रः कृत्स्नवीतो भयानकः ॥ १०॥

vīro vīryapradaḥ śūro vīreśavaradāyakaḥ | var vīreśo varadāyakaḥoṣadhīśaḥ pañcavaktraḥ kṛtsnavīto bhayānakaḥ || 10||

वीरनाथो वीररूपो वीरहाऽऽयुधधारकः ।सहमानः स्वर्णरेता निव्र्याधी निरूपप्लवः ॥ ११॥

vīranātho vīrarūpo vīrahā''yudhadhārakaḥ |sahamānaḥ svarṇaretā nivryādhī nirūpaplavaḥ || 11||

चतुराश्रमनिष्ठश्च चतुर्मूर्तिश्चतुर्भुजः ।आव्याधिनीशः ककुभो निषङ्गी स्तेनरक्षकः ॥ १२॥

caturāśramaniṣṭhaśca caturmūrtiścaturbhujaḥ |āvyādhinīśaḥ kakubho niṣaṅgī stenarakṣakaḥ || 12||

षष्टीशो घटिकारूपः फलसङ्केतवर्धकः ।मन्त्रात्मा तस्कराध्यक्षो वञ्चकः परिवञ्चकः ॥ १३॥

ṣaṣṭīśo ghaṭikārūpaḥ phalasaṅketavardhakaḥ |mantrātmā taskarādhyakṣo vañcakaḥ parivañcakaḥ || 13||

नवनाथो नवाङ्कस्थो नवचक्रेश्वरो विभुः ।अरण्येशः परिचरो निचेरुः स्तायुरक्षकः ॥ १४॥

navanātho navāṅkastho navacakreśvaro vibhuḥ |araṇyeśaḥ paricaro niceruḥ stāyurakṣakaḥ || 14||

वीरावलीप्रियः शान्तो युद्धविक्रमदर्शकः ।प्रकृतेशो गिरिचरः कुलुञ्चेशो गुहेष्टदः ॥ १५॥

vīrāvalīpriyaḥ śānto yuddhavikramadarśakaḥ |prakṛteśo giricaraḥ kuluñceśo guheṣṭadaḥ || 15||

पञ्चपञ्चकतत्त्वस्थस्तत्त्वातीतस्वरूपकः ।भवः शर्वो नीलकण्ठः कपर्दी त्रिपुरान्तकः ॥ १६॥

pañcapañcakatattvasthastattvātītasvarūpakaḥ |bhavaḥ śarvo nīlakaṇṭhaḥ kapardī tripurāntakaḥ || 16||

श्रीमन्त्रः श्रीकलानाथः श्रेयदः श्रेयवारिधिः ।मुक्तकेशो गिरिशयः सहस्राक्षः सहस्रपात् ॥ १७॥

śrīmantraḥ śrīkalānāthaḥ śreyadaḥ śreyavāridhiḥ |muktakeśo giriśayaḥ sahasrākṣaḥ sahasrapāt || 17||

मालाधरो मनःश्रेष्ठो मुनिमानसहंसकः ।शिपिविष्टश्चन्द्रमौलिर्हंसो मीढुष्टमोऽनघः ॥ १८॥

mālādharo manaḥśreṣṭho munimānasahaṃsakaḥ |śipiviṣṭaścandramaulirhaṃso mīḍhuṣṭamo'naghaḥ || 18||

मन्त्रराजो मन्त्ररूपो मन्त्रपुण्यफलप्रदः ।ऊर्व्यः सूर्व्योघ्रियः शीभ्यः प्रथमः पावकाकृतिः ॥ १९॥

mantrarājo mantrarūpo mantrapuṇyaphalapradaḥ |ūrvyaḥ sūrvyoghriyaḥ śībhyaḥ prathamaḥ pāvakākṛtiḥ || 19||

गुरुमण्डलरूपस्थो गुरुमण्डलकारणः ।अचरस्तारकस्तारोऽवस्वन्योऽनन्तविग्रहः ॥ २०॥

gurumaṇḍalarūpastho gurumaṇḍalakāraṇaḥ |acarastārakastāro'vasvanyo'nantavigrahaḥ || 20||

तिथिमण्डलरूपश्च वृद्धिक्षयविवर्जितः ।द्वीप्यः स्त्रोतस्य ईशानो धुर्यो गव्यगतोदयः ॥ २१॥ वर् भव्यकथोदयः

tithimaṇḍalarūpaśca vṛddhikṣayavivarjitaḥ |dvīpyaḥ strotasya īśāno dhuryo gavyagatodayaḥ || 21|| var bhavyakathodayaḥ

प्रथमः प्रथमाकारो द्वितीयः शक्तिसंयुतः ।गुणत्रय तृतीयोऽसौ युगरूपश्चतुर्थकः ॥ २२॥

prathamaḥ prathamākāro dvitīyaḥ śaktisaṃyutaḥ |guṇatraya tṛtīyo'sau yugarūpaścaturthakaḥ || 22||

पूर्वजोऽवरजो ज्येष्ठः कनिष्ठो विश्वलोचनः ।पञ्चभूतात्मसाक्षीशो ऋतुः षड्गुणभावनः ॥ २३॥

pūrvajo'varajo jyeṣṭhaḥ kaniṣṭho viśvalocanaḥ |pañcabhūtātmasākṣīśo ṛtuḥ ṣaḍguṇabhāvanaḥ || 23||

अप्रगल्भो मध्यमोर्म्यो जघन्योऽजघन्यः शुभः ।सप्तधातुस्वरूपश्चाष्टमहासिद्धिसिद्धिदः ॥ २४॥

apragalbho madhyamormyo jaghanyo'jaghanyaḥ śubhaḥ |saptadhātusvarūpaścāṣṭamahāsiddhisiddhidaḥ || 24||

प्रतिसर्पोऽनन्तरूपो सोभ्यो याम्यः सुराश्रयः । वर् प्रतिसूर्योनवनाथनवमीस्थो दशदिग्रूपधारकः ॥ २५। वर् नवनाथो नवार्थस्थः

pratisarpo'nantarūpo sobhyo yāmyaḥ surāśrayaḥ | var pratisūryonavanāthanavamīstho daśadigrūpadhārakaḥ || 25| var navanātho navārthasthaḥ

रुद्र एकादशाकारो द्वादशादित्यरूपकः ।वन्योऽवसान्यः पूतात्मा श्रवः कक्षः प्रतिश्रवाः ॥ २६॥

rudra ekādaśākāro dvādaśādityarūpakaḥ |vanyo'vasānyaḥ pūtātmā śravaḥ kakṣaḥ pratiśravāḥ || 26||

व्यञ्जनो व्यञ्जनातीतो विसर्गः स्वरभूषणः । वर् वञ्जनो वञ्जनातीतःआशुषेणो महासेनो महावीरो महारथः ॥ २७॥

vyañjano vyañjanātīto visargaḥ svarabhūṣaṇaḥ | var vañjano vañjanātītaḥāśuṣeṇo mahāseno mahāvīro mahārathaḥ || 27||

अनन्त अव्यय आद्य आदिशक्तिवरप्रदः । वर् अनन्तो अव्ययो आद्योश्रुतसेनः श्रुतसाक्षी कवची वशकृद्वशः ॥ २८॥

ananta avyaya ādya ādiśaktivarapradaḥ | var ananto avyayo ādyośrutasenaḥ śrutasākṣī kavacī vaśakṛdvaśaḥ || 28||

आनन्दश्चाद्यसंस्थान आद्याकारणलक्षणः ।आहनन्योऽनन्यनाथो दुन्दुम्यो दुष्टनाशनः ॥ २९॥

ānandaścādyasaṃsthāna ādyākāraṇalakṣaṇaḥ |āhananyo'nanyanātho dundumyo duṣṭanāśanaḥ || 29||

कर्ता कारयिता कार्यः कार्यकारणभावगः ।धृष्णः प्रमृश ईड्यात्मा वदान्यो वेदसम्मतः ॥ ३०॥ वर् वेदवित्तमः

kartā kārayitā kāryaḥ kāryakāraṇabhāvagaḥ |dhṛṣṇaḥ pramṛśa īḍyātmā vadānyo vedasammataḥ || 30|| var vedavittamaḥ

कलनाथः कलालीतः काव्यनाटकबोधकः ।तीक्ष्णेषुपाणिः प्रहितः स्वायुधः शस्त्रविक्रमः ॥ ३१॥ वर् तीक्ष्णेषुर्वाणीविधृतः

kalanāthaḥ kalālītaḥ kāvyanāṭakabodhakaḥ |tīkṣṇeṣupāṇiḥ prahitaḥ svāyudhaḥ śastravikramaḥ || 31|| var tīkṣṇeṣurvāṇīvidhṛtaḥ

कालहन्ता कालसाध्यः कालचक्रप्रवर्तकः ।सुधन्वा सुप्रसन्नात्मा प्रविविक्तः सदागतिः ॥ ३२॥

kālahantā kālasādhyaḥ kālacakrapravartakaḥ |sudhanvā suprasannātmā praviviktaḥ sadāgatiḥ || 32||

कालाग्निरुद्रसन्दीप्तः कालान्तकभयङ्करः ।खड्गीशः खड्गनाथश्च खड्गशक्ति परायणः ॥ ३३॥

kālāgnirudrasandīptaḥ kālāntakabhayaṅkaraḥ |khaḍgīśaḥ khaḍganāthaśca khaḍgaśakti parāyaṇaḥ || 33||

गर्वघ्नः शत्रुसंहर्ता गमागमविवर्जितः ।यज्ञकर्मफलाध्यक्षो यज्ञमूर्तिरनातुरः ॥ ३४॥

garvaghnaḥ śatrusaṃhartā gamāgamavivarjitaḥ |yajñakarmaphalādhyakṣo yajñamūrtiranāturaḥ || 34||

घनश्यामो घनानन्दी घनाधारप्रवर्तकः ।घनकर्ता घनत्राता घनबीजसमुत्थितः ॥ ३५॥

ghanaśyāmo ghanānandī ghanādhārapravartakaḥ |ghanakartā ghanatrātā ghanabījasamutthitaḥ || 35||

लोप्यो लप्यः पर्णसद्यः पर्ण्यः पूर्णः पुरातनः ।डकारसन्धिसाध्यान्तो वेदवर्णनसाङ्गकः ॥ ३६॥

lopyo lapyaḥ parṇasadyaḥ parṇyaḥ pūrṇaḥ purātanaḥ |ḍakārasandhisādhyānto vedavarṇanasāṅgakaḥ || 36||

भूतो भूतपतिर्भूपो भूधरो भूधरायुधः ।छन्दःसारः छन्दकर्ता छन्द अन्वयधारकः ॥ ३७॥

bhūto bhūtapatirbhūpo bhūdharo bhūdharāyudhaḥ |chandaḥsāraḥ chandakartā chanda anvayadhārakaḥ || 37||

भूतसङ्गो भूतमूर्तिर्भूतिहा भूतिभूषणः ।छत्रसिंहासनाधीशो भक्तच्छत्रसमृद्धिमान् ॥ ३८॥

bhūtasaṅgo bhūtamūrtirbhūtihā bhūtibhūṣaṇaḥ |chatrasiṃhāsanādhīśo bhaktacchatrasamṛddhimān || 38||

मदनो मादको माद्यो मधुहा मधुरप्रियः ।जपो जपप्रियो जप्यो जपसिद्धिप्रदायकः ॥ ३९॥

madano mādako mādyo madhuhā madhurapriyaḥ |japo japapriyo japyo japasiddhipradāyakaḥ || 39||

जपसङ्ख्यो जपाकारः सर्वमन्त्रजपप्रियः ।मधुर्मधुकरः शूरो मधुरो मदनान्तकः ॥ ४०॥

japasaṅkhyo japākāraḥ sarvamantrajapapriyaḥ |madhurmadhukaraḥ śūro madhuro madanāntakaḥ || 40||

झषरूपधरो देवो झषवृद्धिविवर्धकः ।यमशासनकर्ता च समपूज्यो यमाधिपः ॥ ४१॥

jhaṣarūpadharo devo jhaṣavṛddhivivardhakaḥ |yamaśāsanakartā ca samapūjyo yamādhipaḥ || 41||

निरञ्जनो निराधारो निर्लिप्तो निरुपाधिकः ।टङ्कायुधः शिवप्रीतष्टङ्कारो लाङ्गलाश्रयः ॥ ४२॥

nirañjano nirādhāro nirlipto nirupādhikaḥ |ṭaṅkāyudhaḥ śivaprītaṣṭaṅkāro lāṅgalāśrayaḥ || 42||

निष्प्रपञ्चो निराकारो निरीहो निरुपद्रवः ।सपर्याप्रतिडामर्यो मन्त्रडामरस्थापकः ॥ ४३॥

niṣprapañco nirākāro nirīho nirupadravaḥ |saparyāpratiḍāmaryo mantraḍāmarasthāpakaḥ || 43||

सत्त्वं सत्त्वगुणोपेतः सत्त्ववित्सत्त्ववित्प्रियः ।सदाशिवोह्युग्ररूपः पक्षविक्षिप्तभूधरः॥ ४४॥

sattvaṃ sattvaguṇopetaḥ sattvavitsattvavitpriyaḥ |sadāśivohyugrarūpaḥ pakṣavikṣiptabhūdharaḥ|| 44||

धनदो धननाथश्च धनधान्यप्रदायकः ।(ॐ) नमो रुद्राय रौद्राय महोग्राय च मीढुषे ॥ ४५॥

dhanado dhananāthaśca dhanadhānyapradāyakaḥ |(oṃ) namo rudrāya raudrāya mahogrāya ca mīḍhuṣe || 45||

नादज्ञानरतो नित्यो नादान्तपददायकः ।फलरूपः फलातीतः फलं अक्षरलक्षणः ॥ ४६॥

nādajñānarato nityo nādāntapadadāyakaḥ |phalarūpaḥ phalātītaḥ phalaṃ akṣaralakṣaṇaḥ || 46||

(ॐ) श्रीं ह्रीं क्लीं सर्वभूताद्यो भूतिहा भूतिभूषणः ।रुद्राक्षमालाभरणो रुद्राक्षप्रियवत्सलः ॥ ४७॥

(oṃ) śrīṃ hrīṃ klīṃ sarvabhūtādyo bhūtihā bhūtibhūṣaṇaḥ |rudrākṣamālābharaṇo rudrākṣapriyavatsalaḥ || 47||

रुद्राक्षवक्षा रुद्राक्षरूपो रुद्राक्षभूषणः ।फलदः फलदाता च फलकर्ता फलप्रियः ॥ ४८॥

rudrākṣavakṣā rudrākṣarūpo rudrākṣabhūṣaṇaḥ |phaladaḥ phaladātā ca phalakartā phalapriyaḥ || 48||

फलाश्रयः फलालीतः फलमूर्तिर्निरञ्जनः ।बलानन्दो बलग्रामो बलीशो बलनायकः ॥ ४९॥

phalāśrayaḥ phalālītaḥ phalamūrtirnirañjanaḥ |balānando balagrāmo balīśo balanāyakaḥ || 49||

(ॐ) खें खां घ्रां ह्रां वीरभद्रः सम्राट् दक्षमखान्तकः ।भविष्यज्ञो भयत्राता भयकर्ता भयारिहा ॥ ५०॥

(oṃ) kheṃ khāṃ ghrāṃ hrāṃ vīrabhadraḥ samrāṭ dakṣamakhāntakaḥ |bhaviṣyajño bhayatrātā bhayakartā bhayārihā || 50||