शरभनिग्रहदारुणसप्तकम् Shri Sharabha Nigrahadaruna Saptakam

ॐ श्रीगणेशाय नमः ।विनियोगःअस्य श्री निग्रहदारुणसप्तकमालामन्त्रस्य श्रीसदाशिवऋषिःबृहती छन्दः श्रीशरभो देवता मम वैरिविनाशार्थे भगवन्श्रीशरभ सालुव पक्षिराज देवता प्रसन्नार्थे जपे विनियोगः ।ध्यानम्चन्द्रार्काग्निस्त्रिदृष्टिः कुलिशवरनखश्चञ्चलोऽत्युग्रजिह्वःकाली दुर्गा च पक्षौ हृदयजठरगो भैरवो वाडवाग्निः ।ऊरूस्थौ व्याधिमृत्यू शरभवरखगश्चण्डवातातिवेगःसंहर्ता सर्वशत्रून् स जयति शरभः शालुवः पक्षिराजः ॥कोपोद्रेकातिनिर्यन्निखिलपरिचरत्ताम्रभारप्रभूतंज्वालामालाग्रदग्धस्मरतनुसकलं त्वामहं शालुवेश ।याचे त्वत्पादपद्मप्रणिहितमनसं द्वेष्टि मां यः क्रियाभिःतस्य प्राणप्रयाणं परशिव भवतः शूलभिन्नस्य तूर्णम् ॥ १॥

oṃ śrīgaṇeśāya namaḥ |viniyogaḥasya śrī nigrahadāruṇasaptakamālāmantrasya śrīsadāśivaṛṣiḥbṛhatī chandaḥ śrīśarabho devatā mama vairivināśārthe bhagavanśrīśarabha sāluva pakṣirāja devatā prasannārthe jape viniyogaḥ |dhyānamcandrārkāgnistridṛṣṭiḥ kuliśavaranakhaścañcalo'tyugrajihvaḥkālī durgā ca pakṣau hṛdayajaṭharago bhairavo vāḍavāgniḥ |ūrūsthau vyādhimṛtyū śarabhavarakhagaścaṇḍavātātivegaḥsaṃhartā sarvaśatrūn sa jayati śarabhaḥ śāluvaḥ pakṣirājaḥ ||kopodrekātiniryannikhilaparicarattāmrabhāraprabhūtaṃjvālāmālāgradagdhasmaratanusakalaṃ tvāmahaṃ śāluveśa |yāce tvatpādapadmapraṇihitamanasaṃ dveṣṭi māṃ yaḥ kriyābhiḥtasya prāṇaprayāṇaṃ paraśiva bhavataḥ śūlabhinnasya tūrṇam || 1||

शम्भो त्वद्धस्तकुन्तक्षतरिपुहृदयान्निःस्रवल्लोहितौघंपीत्वा पीत्वाऽतिदिर्घा दिशि दिशि विचरास्त्वदगणाश्चण्डमुख्याः ।गर्जन्तु क्षिप्रवेगा निखिलजयकरा भीकराः खेललोलाःसन्त्रस्ताब्रह्मदेवाः शरभ खगपते त्राहि नः शालुवेश ॥ २॥

śambho tvaddhastakuntakṣataripuhṛdayānniḥsravallohitaughaṃpītvā pītvā'tidirghā diśi diśi vicarāstvadagaṇāścaṇḍamukhyāḥ |garjantu kṣipravegā nikhilajayakarā bhīkarāḥ khelalolāḥsantrastābrahmadevāḥ śarabha khagapate trāhi naḥ śāluveśa || 2||

सर्वाद्यं सर्वनिष्ठं सकलभयकरं त्वत्स्वरूपं हिरण्यंयाचेऽहं त्वाममोघं परिकरसहितं द्वेष्टि मां यः क्रियाभिः ।श्रीशम्भो त्वत्कराब्जस्थितकुलिशकराघातवक्षःस्थलस्यप्राणाः प्रेतेशदूतग्रहगणपरिखाः क्रोशपूर्वं प्रयान्तु ॥ ३॥

sarvādyaṃ sarvaniṣṭhaṃ sakalabhayakaraṃ tvatsvarūpaṃ hiraṇyaṃyāce'haṃ tvāmamoghaṃ parikarasahitaṃ dveṣṭi māṃ yaḥ kriyābhiḥ |śrīśambho tvatkarābjasthitakuliśakarāghātavakṣaḥsthalasyaprāṇāḥ preteśadūtagrahagaṇaparikhāḥ krośapūrvaṃ prayāntu || 3||

द्विष्मः क्षोण्यां वयं हि तव पदकमलध्याननिर्धूतपापाःकृत्याकृत्यैर्विमुक्ता विहगकुलपते खेलया बद्धमूर्ते ।तूर्णं त्वत्पादपद्मप्रधृतपरशुना तुण्डखण्डीकृताङ्गःसद्द्वेषी यातु याम्यं पुरमतिकलुषं कालपाशाग्रबद्धः ॥ ४॥

dviṣmaḥ kṣoṇyāṃ vayaṃ hi tava padakamaladhyānanirdhūtapāpāḥkṛtyākṛtyairvimuktā vihagakulapate khelayā baddhamūrte |tūrṇaṃ tvatpādapadmapradhṛtaparaśunā tuṇḍakhaṇḍīkṛtāṅgaḥsaddveṣī yātu yāmyaṃ puramatikaluṣaṃ kālapāśāgrabaddhaḥ || 4||

भीम श्रीशालुवेश प्रणतभयहर प्राणजिद्दुर्मदानांयाचेऽहं चास्य वर्गप्रशमनमिह ते स्वेच्छया बद्धमूर्ते ।त्वामेवाशु त्वदङ्घ्र्यष्टकनखविलसद्ग्रीवजिह्वोदरस्यप्राणा यान्तु प्रयाणं प्रकटितहृदयस्यायुरल्पायतेश ॥ ५॥

bhīma śrīśāluveśa praṇatabhayahara prāṇajiddurmadānāṃyāce'haṃ cāsya vargapraśamanamiha te svecchayā baddhamūrte |tvāmevāśu tvadaṅghryaṣṭakanakhavilasadgrīvajihvodarasyaprāṇā yāntu prayāṇaṃ prakaṭitahṛdayasyāyuralpāyateśa || 5||

श्रीशूलं ते कराग्रस्थितमुसलगदावृत्तवात्याभिघातात्यातायातारियूथं त्रिदशविघटनोद्धूतरक्तच्छटार्द्रम् ।सद्दृष्ट्वाऽऽयोधने ज्यामखिलसुरगणाश्चाशु नन्दन्तु नानाभूता वेतालपूगः पिबतु तदखिलं प्रीतचित्तः प्रमत्तः ॥ ६॥

śrīśūlaṃ te karāgrasthitamusalagadāvṛttavātyābhighātātyātāyātāriyūthaṃ tridaśavighaṭanoddhūtaraktacchaṭārdram |saddṛṣṭvā''yodhane jyāmakhilasuragaṇāścāśu nandantu nānābhūtā vetālapūgaḥ pibatu tadakhilaṃ prītacittaḥ pramattaḥ || 6||

अल्पं दोर्दण्डबाहुप्रकटितविनमच्चण्डकोदण्डमुक्तैर्बाणैर्दिव्यैरनेकैः शिथिलितवपुषः क्षीणकोलाहलस्य ।तस्य प्राणावसानं पर शरभ विभोऽहं त्वदिज्याप्रभावैःतूर्णं पश्यामि यो मां परिहसति सदा त्वादिमध्यान्तहेतो ॥ ७॥

alpaṃ dordaṇḍabāhuprakaṭitavinamaccaṇḍakodaṇḍamuktairbāṇairdivyairanekaiḥ śithilitavapuṣaḥ kṣīṇakolāhalasya |tasya prāṇāvasānaṃ para śarabha vibho'haṃ tvadijyāprabhāvaiḥtūrṇaṃ paśyāmi yo māṃ parihasati sadā tvādimadhyāntaheto || 7||

इति निशि प्रयतस्तु निरासनो यममुखः शिवभावमनुस्मरन् ।प्रतिदिनं दशवारदिनत्रयं जपति निग्रहदारुणसप्तकम् ॥ ८॥

iti niśi prayatastu nirāsano yamamukhaḥ śivabhāvamanusmaran |pratidinaṃ daśavāradinatrayaṃ japati nigrahadāruṇasaptakam || 8||

इति गुह्यं महाबीजं परमं रिपुनाशनम् ।भानुवारं समारभ्य मङ्गलान्तं जपेत्सुधीः ॥ ९॥

iti guhyaṃ mahābījaṃ paramaṃ ripunāśanam |bhānuvāraṃ samārabhya maṅgalāntaṃ japetsudhīḥ || 9||

इति श्री आकाशभैरवकल्पे प्रत्यक्षसिद्धिप्रदेनरसिंहकृता शरभस्तुतिः समाप्ता ॥

iti śrī ākāśabhairavakalpe pratyakṣasiddhipradenarasiṃhakṛtā śarabhastutiḥ samāptā ||