षड्वर्णमन्त्राष्टकम् Shri Shadvarnamantra Ashtakam

धनुर्धरित्रीधरसार्वभौमोमौर्वी च दर्वीकरसार्वभौमः ।शरस्तु सर्वामरसार्वभौमःपायात्स नो दैवतसार्वभौमः ॥ १॥

dhanurdharitrīdharasārvabhaumomaurvī ca darvīkarasārvabhaumaḥ |śarastu sarvāmarasārvabhaumaḥpāyātsa no daivatasārvabhaumaḥ || 1||

वेदान्ततत्त्वमथितं नवनीतसारंचिद्रूपदृक्परमशैवरहस्यमन्त्रम् ।ज्योतिर्मयोज्ज्वलनिरञ्जनरूपमन्त्रंवन्दे षडक्षरिसदाशिवनाममन्त्रम् ॥ २॥

vedāntatattvamathitaṃ navanītasāraṃcidrūpadṛkparamaśaivarahasyamantram |jyotirmayojjvalanirañjanarūpamantraṃvande ṣaḍakṣarisadāśivanāmamantram || 2||

अश्रान्तदुष्कृतिसमुद्रतरीशमन्त्रं (अश्रान्तदुर्भव)पापाम्बुराशिबडवानलतुल्यमन्त्रम् ।ब्रह्माच्युतेन्द्रसुरमौलिजपैकमन्त्रंवन्दे षडक्षरिसदाशिवनाममन्त्रम् ॥ ३॥

aśrāntaduṣkṛtisamudratarīśamantraṃ (aśrāntadurbhava)pāpāmburāśibaḍavānalatulyamantram |brahmācyutendrasuramaulijapaikamantraṃvande ṣaḍakṣarisadāśivanāmamantram || 3||

कामादिवर्गविपिनप्रलयाग्निमन्त्रंदुर्दोषशैलकुलिशाधिकभीममन्त्रम् ।मायान्धकारपरिशोषित (शोषण) भानुमन्त्रंवन्दे षडक्षरिसदाशिवनाममन्त्रम् ॥ ४॥

kāmādivargavipinapralayāgnimantraṃdurdoṣaśailakuliśādhikabhīmamantram |māyāndhakārapariśoṣita (śoṣaṇa) bhānumantraṃvande ṣaḍakṣarisadāśivanāmamantram || 4||

अष्टत्रयाष्टपुरवायुविकारकोश (अत्रष्टयाष्ट)क्लेशाष्टपाशबहुदुःखविनाशमन्त्रम् ।दुश्चित्तदुर्व्यसनदामविभेदमन्त्रं (दुश्चिन्त)वन्दे षडक्षरिसदाशिवनाममन्त्रम् ॥ ५॥

aṣṭatrayāṣṭapuravāyuvikārakośa (atraṣṭayāṣṭa)kleśāṣṭapāśabahuduḥkhavināśamantram |duścittadurvyasanadāmavibhedamantraṃ (duścinta)vande ṣaḍakṣarisadāśivanāmamantram || 5||

पञ्चप्रसादमहिताक्षरबीजमन्त्रंमन्त्राग्रगण्यभुवनस्तुतमन्त्रराजम् ।सर्वोऽपि मन्त्रजनकप्रणवात्ममन्त्रंवन्दे षडक्षरिसदाशिवनाममन्त्रम् ॥ ६॥

pañcaprasādamahitākṣarabījamantraṃmantrāgragaṇyabhuvanastutamantrarājam |sarvo'pi mantrajanakapraṇavātmamantraṃvande ṣaḍakṣarisadāśivanāmamantram || 6||

ओङ्कारबिन्दुसहिताधिकशक्तिबीजंपञ्चाक्षरत्रितयवर्णकमेकवर्णम् ।एकादशाक्षरसमन्वितहंसमन्त्रंवन्दे षडक्षरिसदाशिवनाममन्त्रम् ॥ ७॥

oṅkārabindusahitādhikaśaktibījaṃpañcākṣaratritayavarṇakamekavarṇam |ekādaśākṣarasamanvitahaṃsamantraṃvande ṣaḍakṣarisadāśivanāmamantram || 7||

श्रीसज्जनात्मबहिरन्तरवित्कटाग्र (बहिरन्तरदीप्तिकृद्र?)क्ष्माभागगर्जितनिरन्तरघोषमन्त्रम् ।षट्चक्रमण्डपविहारविशुद्धमन्त्रंवन्दे षडक्षरिसदाशिवनाममन्त्रम् ॥ ८॥

śrīsajjanātmabahirantaravitkaṭāgra (bahirantaradīptikṛdra?)kṣmābhāgagarjitanirantaraghoṣamantram |ṣaṭcakramaṇḍapavihāraviśuddhamantraṃvande ṣaḍakṣarisadāśivanāmamantram || 8||

षड्वर्णमन्त्राष्टकमद्भुतार्थंसर्वागमप्रोक्तजगत्प्रकाशम् ।यः संपठेन्मुक्तिसमस्तभोगान्प्राप्नोति सत्यं सति सिद्धमन्त्रम् ॥ ९॥

ṣaḍvarṇamantrāṣṭakamadbhutārthaṃsarvāgamaproktajagatprakāśam |yaḥ saṃpaṭhenmuktisamastabhogānprāpnoti satyaṃ sati siddhamantram || 9||

॥ इति श्रीषड्वर्णमन्त्राष्टकं सम्पूर्णम् ॥

|| iti śrīṣaḍvarṇamantrāṣṭakaṃ sampūrṇam ||