काशीविश्वनाथस्तुतिः Shri Kashi Vishvanatha Stutih

दुर्गाधीशो द्रुतिज्ञो द्रुतिनुतिविषयो दूरदृष्टिर्दुरीशोदिव्यादिव्यैकराध्यो द्रुतिचरविषयो दूरवीक्षो दरिद्रः ।देवैः सङ्कीर्तनीयो दलितदलदयादानदीक्षैकनिष्ठोदानी दीनार्तिहारी भवदवदहनो दीयतां दृष्टिवृष्टिः ॥ १॥

durgādhīśo drutijño drutinutiviṣayo dūradṛṣṭirdurīśodivyādivyaikarādhyo druticaraviṣayo dūravīkṣo daridraḥ |devaiḥ saṅkīrtanīyo dalitadaladayādānadīkṣaikaniṣṭhodānī dīnārtihārī bhavadavadahano dīyatāṃ dṛṣṭivṛṣṭiḥ || 1||

क्षेत्रज्ञः क्षेत्रनिष्ठः क्षयकलितकलः क्षात्रवर्गैकसेव्यःक्षेत्राधीशोऽक्षरात्मा क्षितिप्रथिकरणः क्षालितः क्षेत्रदृश्यः ।क्षोण्या क्षीणोऽक्षरज्ञो क्षरपृथुकलितः क्षीणवीणैकगेयःक्षौरः क्षोणीध्रवर्ण्यः क्षयतु मम बलक्षीणतां सक्षणं सः ॥ २॥

kṣetrajñaḥ kṣetraniṣṭhaḥ kṣayakalitakalaḥ kṣātravargaikasevyaḥkṣetrādhīśo'kṣarātmā kṣitiprathikaraṇaḥ kṣālitaḥ kṣetradṛśyaḥ |kṣoṇyā kṣīṇo'kṣarajño kṣarapṛthukalitaḥ kṣīṇavīṇaikageyaḥkṣauraḥ kṣoṇīdhravarṇyaḥ kṣayatu mama balakṣīṇatāṃ sakṣaṇaṃ saḥ || 2||

क्रूरः क्रूरैककर्मा कलितकलकलैः कीर्तनीयः कृतिज्ञःकालः कालैककालो विकलितकर्णः कारणाक्रान्तकीर्तिः ।कोपः कोपेऽप्यकुप्यन् कुपितकरकराघातकीलः कृतान्तःकालव्यालालिमालः कलयतु कुशलं वः करालः कृपालुः ॥ ३॥

krūraḥ krūraikakarmā kalitakalakalaiḥ kīrtanīyaḥ kṛtijñaḥkālaḥ kālaikakālo vikalitakarṇaḥ kāraṇākrāntakīrtiḥ |kopaḥ kope'pyakupyan kupitakarakarāghātakīlaḥ kṛtāntaḥkālavyālālimālaḥ kalayatu kuśalaṃ vaḥ karālaḥ kṛpāluḥ || 3||

गौरी स्निह्यतु मोदतां गणपतिः शुण्डामृतं वर्षताद्नन्दीशः शुभवृष्टिमावितनुतां श्रीमान् गणाधीश्वरः ।वायुः सान्द्रसुखावहः प्रवहतां देवाः समृद्धादयाःसम्पूर्तिं दधतां सुखस्य नितरां विश्वेश्वरः प्रीयताम् ॥ ४॥

gaurī snihyatu modatāṃ gaṇapatiḥ śuṇḍāmṛtaṃ varṣatādnandīśaḥ śubhavṛṣṭimāvitanutāṃ śrīmān gaṇādhīśvaraḥ |vāyuḥ sāndrasukhāvahaḥ pravahatāṃ devāḥ samṛddhādayāḥsampūrtiṃ dadhatāṃ sukhasya nitarāṃ viśveśvaraḥ prīyatām || 4||

श्रीविश्वेश्वरमन्दिरं प्रविलसेत् सम्पूर्णसिद्धं शुभंपुष्टं तुष्टसुखाकरं प्रभवतां सम्मोदमोदावहम् ।एतद्दर्शनकामना जगति सञ्जायेत सन्निन्दतःसर्वेषां भगवान् महेश्वरकृपापूर्णो निरीक्षेत नः ॥ ५॥

śrīviśveśvaramandiraṃ pravilaset sampūrṇasiddhaṃ śubhaṃpuṣṭaṃ tuṣṭasukhākaraṃ prabhavatāṃ sammodamodāvaham |etaddarśanakāmanā jagati sañjāyeta sannindataḥsarveṣāṃ bhagavān maheśvarakṛpāpūrṇo nirīkṣeta naḥ || 5||

इति काशीपीठाधीश्वरः श्रीमहेश्वरानन्दः विरचिताश्रीकाशीविश्वनाथस्तुतिः समाप्ता ।

iti kāśīpīṭhādhīśvaraḥ śrīmaheśvarānandaḥ viracitāśrīkāśīviśvanāthastutiḥ samāptā |