चिदम्बरपञ्चाक्षरस्तवः Shri Chidambarapanchakshara Stava

श्रीगणेशाय नमः ।श्रीचित्सभेशाय नमः ।ॐ ह्रीं श्रीं नमः शिवाय ।श्रीस्कन्दःओङ्कारार्णवभासमानवपुषं ओङ्कारवाच्यं विभुंओतप्रोतजगच्चराचरतनुं ओजस्विदूरङ्गमम् ।ओड्याणाभिधपीठिकान्तरलसद्देवीसनाथं शिवंओजोनायकमण्डलस्थमुडुराट्चूडं नटेशं भजे ॥ १॥

śrīgaṇeśāya namaḥ |śrīcitsabheśāya namaḥ |oṃ hrīṃ śrīṃ namaḥ śivāya |śrīskandaḥoṅkārārṇavabhāsamānavapuṣaṃ oṅkāravācyaṃ vibhuṃotaprotajagaccarācaratanuṃ ojasvidūraṅgamam |oḍyāṇābhidhapīṭhikāntaralasaddevīsanāthaṃ śivaṃojonāyakamaṇḍalasthamuḍurāṭcūḍaṃ naṭeśaṃ bhaje || 1||

ह्रीम्मूर्त्या शिवया विराण्मयमहीहृत्पङ्कजस्थं सदाह्रीणानां शिवकीर्तने हितकरं हेलाहृदां मानिनाम् ।ह्रीबेरादिसुगन्धवस्तुरुचिरं हेमाद्रिबाणासनंह्रीङ्काराङ्कितपादपीठमतुलं हृद्यं नटेशं भजे ॥ २॥

hrīmmūrtyā śivayā virāṇmayamahīhṛtpaṅkajasthaṃ sadāhrīṇānāṃ śivakīrtane hitakaraṃ helāhṛdāṃ māninām |hrīberādisugandhavasturuciraṃ hemādribāṇāsanaṃhrīṅkārāṅkitapādapīṭhamatulaṃ hṛdyaṃ naṭeśaṃ bhaje || 2||

श्रीमद्ज्ञानसभान्तरे प्रविलसच्छ्रीपञ्चवर्णाकृतिंश्रीवाणीविनुताङ्घ्रिपङ्कजयुगं श्रीवल्लभेनार्चितम् ।श्रीविद्यामनुमोदितं श्रितजनश्रीदायकं श्रीधरंश्रीचक्रान्तरवासिनं शिवमहं श्रीमन्नटेशं भजे ॥ ३॥

śrīmadjñānasabhāntare pravilasacchrīpañcavarṇākṛtiṃśrīvāṇīvinutāṅghripaṅkajayugaṃ śrīvallabhenārcitam |śrīvidyāmanumoditaṃ śritajanaśrīdāyakaṃ śrīdharaṃśrīcakrāntaravāsinaṃ śivamahaṃ śrīmannaṭeśaṃ bhaje || 3||

नव्याम्भोजमुखं नमज्जलनिधिं नारायणेनार्चितंनाकौकोनगरीनदीविलसितं नागाजिनालङ्कृतम् ।नानारूपकनर्तनादिचतुरं नालीकजान्वेषितंनादात्मानमहं नगेन्द्रतनयानाथं नटेशं भजे ॥ ४॥

navyāmbhojamukhaṃ namajjalanidhiṃ nārāyaṇenārcitaṃnākaukonagarīnadīvilasitaṃ nāgājinālaṅkṛtam |nānārūpakanartanādicaturaṃ nālīkajānveṣitaṃnādātmānamahaṃ nagendratanayānāthaṃ naṭeśaṃ bhaje || 4||

मध्यस्थं मधुवैरिमार्गितपदं मद्वंशनाथं प्रभुंमारारातिमतीव मञ्जुवपुषं मन्दारगौरप्रभम् ।मायातीतमशेषमङ्गलनिधिं मद्भावनाभावितंमध्ये व्योमसभं लसन्तमखिलं मान्यं नटेशं भजे ॥ ५॥

madhyasthaṃ madhuvairimārgitapadaṃ madvaṃśanāthaṃ prabhuṃmārārātimatīva mañjuvapuṣaṃ mandāragauraprabham |māyātītamaśeṣamaṅgalanidhiṃ madbhāvanābhāvitaṃmadhye vyomasabhaṃ lasantamakhilaṃ mānyaṃ naṭeśaṃ bhaje || 5||

शिष्टैःपूजितपादुकं शिवकरं शीतांशुरेखाधरंशिल्पं भक्तजनावने शिथिलिताघौघं शिवायाःप्रियम् ।शिक्षाकारणमम्बुजासनशिरोभूषं सुशीलं प्रभुंशीतापाङ्गविलोकनं शिवकरं श्रीमन्नटेशं भजे ॥ ६॥

śiṣṭaiḥpūjitapādukaṃ śivakaraṃ śītāṃśurekhādharaṃśilpaṃ bhaktajanāvane śithilitāghaughaṃ śivāyāḥpriyam |śikṣākāraṇamambujāsanaśirobhūṣaṃ suśīlaṃ prabhuṃśītāpāṅgavilokanaṃ śivakaraṃ śrīmannaṭeśaṃ bhaje || 6||

वाणीवल्लभवन्द्यवैभवयुतं वन्दारुचिन्तामणिंवाताशाधिपभूषणं वरकृपावारान्निधिं योगिनाम् ।वाञ्छापूर्तिकरं वलारिविनुतं वाहीकृताम्नायकंवामाङ्गाप्तवराङ्गनं वरकृपावासं नटेशं भजे ॥ ७॥

vāṇīvallabhavandyavaibhavayutaṃ vandārucintāmaṇiṃvātāśādhipabhūṣaṇaṃ varakṛpāvārānnidhiṃ yoginām |vāñchāpūrtikaraṃ valārivinutaṃ vāhīkṛtāmnāyakaṃvāmāṅgāptavarāṅganaṃ varakṛpāvāsaṃ naṭeśaṃ bhaje || 7||

यक्षाधीशसखं यमप्रमथनं यामिन्यधीशाननंयज्ञध्वंसकरं यतीन्द्रविनुतं यज्ञक्रियाधीश्वरम् ।याज्यं याजकरूपिणं यमधनैर्यत्नोपलभ्याङ्घ्रिकंयानीभूतवृषं यदूद्भवनुतं देवं नटेशं भजे ॥ ८॥

yakṣādhīśasakhaṃ yamapramathanaṃ yāminyadhīśānanaṃyajñadhvaṃsakaraṃ yatīndravinutaṃ yajñakriyādhīśvaram |yājyaṃ yājakarūpiṇaṃ yamadhanairyatnopalabhyāṅghrikaṃyānībhūtavṛṣaṃ yadūdbhavanutaṃ devaṃ naṭeśaṃ bhaje || 8||

श्रीमायाविलसच्चिदम्बरमहापञ्चाक्षरैरङ्कितान्श्लोकान् येऽनुदिनं पठन्ति नितरां चिन्तामणीनामकान् ।तेषां भाग्यविशेषमायुरधिकं विद्या वरान् सत्सुतान्सर्वाभीष्टमसौ ददाति सहसा श्रीचित्सभाधीश्वरः ॥ ९॥

śrīmāyāvilasaccidambaramahāpañcākṣarairaṅkitānślokān ye'nudinaṃ paṭhanti nitarāṃ cintāmaṇīnāmakān |teṣāṃ bhāgyaviśeṣamāyuradhikaṃ vidyā varān satsutānsarvābhīṣṭamasau dadāti sahasā śrīcitsabhādhīśvaraḥ || 9||

इति शिवरहस्यान्तर्गतः श्रीचिदम्बरपञ्चाक्षरस्तवः सम्पूर्णः ।

iti śivarahasyāntargataḥ śrīcidambarapañcākṣarastavaḥ sampūrṇaḥ |