चिदम्बरेश्वरश्रीनटराजदेवालयस्थदेवतास्तोत्रम् Shri Chidambareshvara Shrinataraja Devalayastha Devata Stotram

श्रीगणेशाय नमः ।श्रीचित्सभेशाय नमः ।१\। श्रीगोपुराणि(दक्षिणगोपुरद्वारे अन्नमयप्राकारे)नमामि गोपुराणीश तव मूर्त्यन्तराण्यहम् ।तान्यद्य परया भक्त्या मुक्तये नटनायक ॥ १॥

śrīgaṇeśāya namaḥ |śrīcitsabheśāya namaḥ | 1\| śrīgopurāṇi(dakṣiṇagopuradvāre annamayaprākāre)namāmi gopurāṇīśa tava mūrtyantarāṇyaham |tānyadya parayā bhaktyā muktaye naṭanāyaka || 1||

२\। श्रीनन्दिकेशःनन्दिकेश महाभाग शिवध्यानपरायण ।नटेश्वरस्य सेवार्थं अनुज्ञां देहि मे प्रभो ॥ २॥

2\| śrīnandikeśaḥnandikeśa mahābhāga śivadhyānaparāyaṇa |naṭeśvarasya sevārthaṃ anujñāṃ dehi me prabho || 2||

३\। श्रीजयः (गोपुरपश्चिमे)जयाय जयरूपाय गोपुरद्वारवर्तिने ।जयदाय नटेशानरक्षकाय नमोऽस्तुते ॥ ३॥

3\| śrījayaḥ (gopurapaścime)jayāya jayarūpāya gopuradvāravartine |jayadāya naṭeśānarakṣakāya namo'stute || 3||

४\। श्रीविजयः (गोपुरपूर्वे)विजयाय नमस्तुभ्यं भक्तेभ्यो जयदायिने ।महेशानद्वाररक्षां कुर्वते भयहारिणे ॥ ४॥

4\| śrīvijayaḥ (gopurapūrve)vijayāya namastubhyaṃ bhaktebhyo jayadāyine |maheśānadvārarakṣāṃ kurvate bhayahāriṇe || 4||

५\। श्रीगणेशः श्रीगुरुमूर्तिश्च (प्राणमयप्राकारे)दक्षिणाभिमुखं देवं गणेशं गुरुमेव च ।विघ्नानां च विनाशाय विद्यालाभाय च स्तुमः ॥ ५॥

5\| śrīgaṇeśaḥ śrīgurumūrtiśca (prāṇamayaprākāre)dakṣiṇābhimukhaṃ devaṃ gaṇeśaṃ gurumeva ca |vighnānāṃ ca vināśāya vidyālābhāya ca stumaḥ || 5||

६\। श्रीकार्तिकेयःउत्तराभिमुखं स्कन्दं कार्तिकेयं महाप्रभुम् ।वन्दे वाञ्छितलाभाय स्त्रीणां स्तन्यप्रवर्धकम् ॥ ६॥

6\| śrīkārtikeyaḥuttarābhimukhaṃ skandaṃ kārtikeyaṃ mahāprabhum |vande vāñchitalābhāya strīṇāṃ stanyapravardhakam || 6||

७\। श्रीमूषिकेन्द्रःमूषिकेन्द्र नमस्तुभ्यं गणेशध्यानतत्पर ।गणेशस्य तु सेवार्थं अनुज्ञां दातुमर्हसि ॥ ७॥

7\| śrīmūṣikendraḥmūṣikendra namastubhyaṃ gaṇeśadhyānatatpara |gaṇeśasya tu sevārthaṃ anujñāṃ dātumarhasi || 7||

८\। श्रीत्रिशिवविनायकः (मुक्कुरुणिविनायकः)त्रिशिवाख्यं च वरदं गजवक्त्रं सलड्डुकम् ।दन्तपाशाङ्कुशधरं वन्देऽहं गणनायकम् ॥ ८॥

8\| śrītriśivavināyakaḥ (mukkuruṇivināyakaḥ)triśivākhyaṃ ca varadaṃ gajavaktraṃ salaḍḍukam |dantapāśāṅkuśadharaṃ vande'haṃ gaṇanāyakam || 8||

९\। श्रीविजयसुब्रह्मण्यः (पश्चिमगोपुरदक्षिणभागे)मयूरपिञ्छावलिमेघपङ्क्तेः मध्ये सहस्रांशुमिवोदयन्तम् ।रिपौ च पाणौ च सदा दधन्तं दण्डं भजे षण्मुखमाशुतुष्टिदम् ॥ ९॥

9\| śrīvijayasubrahmaṇyaḥ (paścimagopuradakṣiṇabhāge)mayūrapiñchāvalimeghapaṅkteḥ madhye sahasrāṃśumivodayantam |ripau ca pāṇau ca sadā dadhantaṃ daṇḍaṃ bhaje ṣaṇmukhamāśutuṣṭidam || 9||

१०\। श्रीकल्पकविनायकःयस्य स्मरणमात्रेण सर्वाः सिद्।ह्ध्यन्ति सिद्धयः ।तं गणेशमहं वन्दे कल्पकाख्यमहर्निशम् ॥ १०॥

10\| śrīkalpakavināyakaḥyasya smaraṇamātreṇa sarvāḥ sid|hdhyanti siddhayaḥ |taṃ gaṇeśamahaṃ vande kalpakākhyamaharniśam || 10||

११\। श्रीबिल्ववृक्षःमूलतो ब्रह्मरूपाय मध्यतो विष्णुरूपिणे ।अग्रतः शिवरूपाय बिल्ववृक्षाय ते नमः ॥ ११॥

11\| śrībilvavṛkṣaḥmūlato brahmarūpāya madhyato viṣṇurūpiṇe |agrataḥ śivarūpāya bilvavṛkṣāya te namaḥ || 11||

१२\। श्रीनागराजःनागराज नमस्तुभ्यं देवेश हरभूषण ।विष्णुतल्प नमस्तेऽस्तु सर्पभीतिं निवारय ॥ १२॥

12\| śrīnāgarājaḥnāgarāja namastubhyaṃ deveśa harabhūṣaṇa |viṣṇutalpa namaste'stu sarpabhītiṃ nivāraya || 12||

१३\। श्रीवीरसुब्रह्मण्यःवल्लीसेनायुतं मुत्तुकुमारस्वामिनं प्रभुम् ।तारकघ्नं महावीरसुब्रह्मण्यमुपास्महे ॥ १३॥

13\| śrīvīrasubrahmaṇyaḥvallīsenāyutaṃ muttukumārasvāminaṃ prabhum |tārakaghnaṃ mahāvīrasubrahmaṇyamupāsmahe || 13||

१४\। श्रीसुन्दरेश्वरःसुन्दरं मथुरानाथं मीनाक्षीवल्लभं शिवम् ।चिदम्बरकृतावासं सुन्दरेशमहं भजे ॥ १४॥

14\| śrīsundareśvaraḥsundaraṃ mathurānāthaṃ mīnākṣīvallabhaṃ śivam |cidambarakṛtāvāsaṃ sundareśamahaṃ bhaje || 14||

१५\। श्रीमीनाक्षीजगदम्ब कदम्बमूलवासे कमलामोदमुखेन्दुमन्दहासे ।मदमन्दिरचारुदृग्विलासे मयि मीनाक्षि कृपां विधेहि दासे ॥ १५॥

15\| śrīmīnākṣījagadamba kadambamūlavāse kamalāmodamukhendumandahāse |madamandiracārudṛgvilāse mayi mīnākṣi kṛpāṃ vidhehi dāse || 15||

१६\। श्री आदिविनायकःशिवगङ्गापश्चिमस्थदेशे स्तम्भैकसंयुते ।मण्डपे संस्थितं आदिविनायकमुपास्महे ॥ १६॥

16\| śrī ādivināyakaḥśivagaṅgāpaścimasthadeśe stambhaikasaṃyute |maṇḍape saṃsthitaṃ ādivināyakamupāsmahe || 16||

१७\। श्रीचित्रगुप्तःचित्रगुप्तं महाप्राज्ञं साक्षिणं सर्वदेहिनाम् ।नमामि धर्माधर्मज्ञं लेखिनीपत्रधारिणम् ॥ १७॥

17\| śrīcitraguptaḥcitraguptaṃ mahāprājñaṃ sākṣiṇaṃ sarvadehinām |namāmi dharmādharmajñaṃ lekhinīpatradhāriṇam || 17||

१८\। श्रीचक्रंश्रीचक्रं शिवशक्त्यैक्यबोधकं यन्त्रमुत्तमम् ।सर्वकामप्रदं सर्वदेवेड्यं समुपास्महे ॥ १८॥

18\| śrīcakraṃśrīcakraṃ śivaśaktyaikyabodhakaṃ yantramuttamam |sarvakāmapradaṃ sarvadeveḍyaṃ samupāsmahe || 18||

१९\। श्रीनन्दिकेशःनन्दिकेश महाभाग शिवाध्यानपरायण ।महेश्वर्या सुसेवार्थं अनुज्ञां दातुमर्हसि ॥ १९॥

19\| śrīnandikeśaḥnandikeśa mahābhāga śivādhyānaparāyaṇa |maheśvaryā susevārthaṃ anujñāṃ dātumarhasi || 19||

२०\। शिवकामसुन्दरीश्रीमच्चित्पुरवासिनीं भयहरां ज्ञानप्रदां निर्मलांश्रीमद्ब्रह्मनुतां चराचरमयीं सर्वार्थसिद्धिप्रदाम् ।श्रीमत्षण्मुख विघ्नराजजननीं श्रीमज्जगन्मोहिनींकल्हारं जपसृच्छुकां करिकरां देवीं सदा भावये ॥ २०॥

20\| śivakāmasundarīśrīmaccitpuravāsinīṃ bhayaharāṃ jñānapradāṃ nirmalāṃśrīmadbrahmanutāṃ carācaramayīṃ sarvārthasiddhipradām |śrīmatṣaṇmukha vighnarājajananīṃ śrīmajjaganmohinīṃkalhāraṃ japasṛcchukāṃ karikarāṃ devīṃ sadā bhāvaye || 20||

२१\। सप्त मातरःब्राहीं माहेश्वरीं चैव कौमारीं वैष्णवीं तथा ।वाराहीं नारसिंहीं च चामुण्डां प्रणमाम्यहम् ॥ २१॥

21\| sapta mātaraḥbrāhīṃ māheśvarīṃ caiva kaumārīṃ vaiṣṇavīṃ tathā |vārāhīṃ nārasiṃhīṃ ca cāmuṇḍāṃ praṇamāmyaham || 21||

२२\। श्रीचण्डिकेशीशिवकामीपदाम्भोज परिस्फुरितमानसे ।देव्यास्सेवाफलं देहि चण्डिकेशि नमोऽस्तुते ॥ २२॥

22\| śrīcaṇḍikeśīśivakāmīpadāmbhoja parisphuritamānase |devyāssevāphalaṃ dehi caṇḍikeśi namo'stute || 22||

२३\। श्रीपृथ्वीदेवीइक्षुशालियवसस्यफलाढ्यां पारिजाततरुशोभितमूले ।स्वर्णरत्नमणिमण्डपमध्ये चिन्तये सकललोकधरित्रीम् ॥ २३॥

23\| śrīpṛthvīdevīikṣuśāliyavasasyaphalāḍhyāṃ pārijātataruśobhitamūle |svarṇaratnamaṇimaṇḍapamadhye cintaye sakalalokadharitrīm || 23||

२४\। श्रीदुर्गाशरणमसि सुराणां सिद्धविद्याधराणांमुनिमनुजपशूनां दस्युभिस्त्रासितानाम् ।नृपतिगृहगतानां व्याधिभिः पीडितानांत्वमसि शरणमेका देवि दुर्गे नमस्ते ॥ २४॥

24\| śrīdurgāśaraṇamasi surāṇāṃ siddhavidyādharāṇāṃmunimanujapaśūnāṃ dasyubhistrāsitānām |nṛpatigṛhagatānāṃ vyādhibhiḥ pīḍitānāṃtvamasi śaraṇamekā devi durge namaste || 24||

२५\। श्रीमयूरेशःमयूरेश नमस्तुभ्यं षण्मुखध्यानतत्पर ।षण्मुखस्य सुसेवार्थमनुज्ञां दातुमर्हसि ॥ २५॥

25\| śrīmayūreśaḥmayūreśa namastubhyaṃ ṣaṇmukhadhyānatatpara |ṣaṇmukhasya susevārthamanujñāṃ dātumarhasi || 25||

२६\। श्री पाण्ड्यनायकषण्मुखसुब्रह्मण्यःषड्वक्त्रं शिखिवाहनं त्रिणयनं चित्राम्बरालङ्कृतंवज्रं शक्तिमसिं त्रिशूलमभयं खेटंधनुश्चक्रकम् ।पाशं कुक्कुटमङ्कुशञ्च वरदं दोर्भिर्दधानं सदावन्दे सिद्धिदमीश्वरं शिवसुतं स्कन्दं सुराराधितम् ॥ २६॥

26\| śrī pāṇḍyanāyakaṣaṇmukhasubrahmaṇyaḥṣaḍvaktraṃ śikhivāhanaṃ triṇayanaṃ citrāmbarālaṅkṛtaṃvajraṃ śaktimasiṃ triśūlamabhayaṃ kheṭaṃdhanuścakrakam |pāśaṃ kukkuṭamaṅkuśañca varadaṃ dorbhirdadhānaṃ sadāvande siddhidamīśvaraṃ śivasutaṃ skandaṃ surārādhitam || 26||

२७\। श्रीवल्लीस्कन्दस्य दक्षिणेभागे स्थितां पङ्कजधारिणीम् ।दक्षे लम्बकरां श्यामां वल्लीदेवीं नमाम्यहम् ॥ २७॥

27\| śrīvallīskandasya dakṣiṇebhāge sthitāṃ paṅkajadhāriṇīm |dakṣe lambakarāṃ śyāmāṃ vallīdevīṃ namāmyaham || 27||

२८\। श्रीदेवसेनागुहस्य वामभागस्थां पीतामुत्पलधारिणीम् ।वामे लम्बकरां देवसेनां नौमि महेन्द्रजाम् ॥ २८॥

28\| śrīdevasenāguhasya vāmabhāgasthāṃ pītāmutpaladhāriṇīm |vāme lambakarāṃ devasenāṃ naumi mahendrajām || 28||

२९\। श्रीजयमुरुकः वर्।(श्रीजयमुरुगः)जयानन्दभूमन् जयापारधामन् जयामोघकीर्ते जयानन्दमूर्ते ।जयानन्दसिन्धो जयाशेषबन्धो जय त्वं सदा मुक्तिदानेशसूनो ॥ ३०\। श्रीयमधर्मराजःनीलपर्वतसङ्काशं रुद्रकोपसमुद्भवम् ।कालं दण्डधरं देवं वैवस्वतमुपास्महे ॥ ३०॥

29\| śrījayamurukaḥ var|(śrījayamurugaḥ)jayānandabhūman jayāpāradhāman jayāmoghakīrte jayānandamūrte |jayānandasindho jayāśeṣabandho jaya tvaṃ sadā muktidāneśasūno || 30\| śrīyamadharmarājaḥnīlaparvatasaṅkāśaṃ rudrakopasamudbhavam |kālaṃ daṇḍadharaṃ devaṃ vaivasvatamupāsmahe || 30||

३१\। श्रीकालहस्तीश्वरःदत्त्वा स्वमांसनयने शबरोऽपि यस्मैदूरीचकार महतीमपि कालभीतिम् ।वन्दे समस्तसुलभार्चितपादपद्मंतं कालहस्तीशमपारदयाम्बुराशिम् ॥ ३१॥

31\| śrīkālahastīśvaraḥdattvā svamāṃsanayane śabaro'pi yasmaidūrīcakāra mahatīmapi kālabhītim |vande samastasulabhārcitapādapadmaṃtaṃ kālahastīśamapāradayāmburāśim || 31||

३२\। श्रीज्ञानप्रसूनाम्बिकाश्रीकालहस्तीश्वरधर्मपत्नीं ज्ञानप्रसूनेति प्रसिद्धनाम्नीम् ।ज्ञानप्रदात्रीं परमाम्बिकां तां ज्ञानेष्टसिद्।ह्ध्यै प्रणमामि नित्यम् ॥ ३२॥

32\| śrījñānaprasūnāmbikāśrīkālahastīśvaradharmapatnīṃ jñānaprasūneti prasiddhanāmnīm |jñānapradātrīṃ paramāmbikāṃ tāṃ jñāneṣṭasid|hdhyai praṇamāmi nityam || 32||

३३\। नव लिङ्गानिमध्यस्थं भास्करेशं च पश्चादङ्गारकप्रभुम् ।शुक्रेशं सोमनाथं च बुधेशं च गुरुप्रभुम् ॥ ३३॥

33\| nava liṅgānimadhyasthaṃ bhāskareśaṃ ca paścādaṅgārakaprabhum |śukreśaṃ somanāthaṃ ca budheśaṃ ca guruprabhum || 33||

शनीशं राहुनाथं च केत्वीशं च सदा नुमः ।एतेषां पूजनेनैव प्रसीदेयुः नव ग्रहाः ॥ ३४॥

śanīśaṃ rāhunāthaṃ ca ketvīśaṃ ca sadā numaḥ |eteṣāṃ pūjanenaiva prasīdeyuḥ nava grahāḥ || 34||

३४\। श्रीशिवगङ्गाविष्णोस्सङ्गतिकारिणी शिवजटाजूटाटवीचारिणीप्रायश्चित्तनिवारिणी जलकणैः पुण्यौघविस्तारिणी ।भूभृत्कन्दरदारिणी निजजले मज्जज्जनोत्तारिणीश्रीमचित्खपुरे स्थिता विजयते गङ्गा शिवेत्यन्विता ॥ ३५॥

34\| śrīśivagaṅgāviṣṇossaṅgatikāriṇī śivajaṭājūṭāṭavīcāriṇīprāyaścittanivāriṇī jalakaṇaiḥ puṇyaughavistāriṇī |bhūbhṛtkandaradāriṇī nijajale majjajjanottāriṇīśrīmacitkhapure sthitā vijayate gaṅgā śivetyanvitā || 35||

३५\। श्रीजम्बुकेश्वरःश्रुत्यन्तवेद्य महसे किटिहंसरूपगोविन्दपद्मभवमृग्यपदाब्जमूर्धन् ।भूयोऽखिलाण्डरमणी सततार्चितायश्रीजम्बुमूलनिलयाय नमोभवाय ॥ ३६॥

35\| śrījambukeśvaraḥśrutyantavedya mahase kiṭihaṃsarūpagovindapadmabhavamṛgyapadābjamūrdhan |bhūyo'khilāṇḍaramaṇī satatārcitāyaśrījambumūlanilayāya namobhavāya || 36||

३६\। श्रीतीर्थालोकन गणपतिःस जयति सिन्धुरवदनो देवो यत्पादपङ्कजस्मरणम् ।वासरमणिरिव तमसां राशिं नाशयति विघ्नानाम् ॥ ३७॥

36\| śrītīrthālokana gaṇapatiḥsa jayati sindhuravadano devo yatpādapaṅkajasmaraṇam |vāsaramaṇiriva tamasāṃ rāśiṃ nāśayati vighnānām || 37||

३७\। श्रीकैलासनाथःकैलासनाथं विश्वेशं पार्वती प्राणवल्लभम् ।कृपालुं जगदाधारं वन्दे सम्पत्समृद्धिदम् ॥ ३८॥

37\| śrīkailāsanāthaḥkailāsanāthaṃ viśveśaṃ pārvatī prāṇavallabham |kṛpāluṃ jagadādhāraṃ vande sampatsamṛddhidam || 38||

३८\। श्रीसोमनाथःवेदोपगीतं भुवनेश्वरं च तेजस्विनं सर्वमनोऽभिरामम् ।श्रीसोमनाथं भुजगेन्द्रहारं नमामि नित्यं भवरोगवैद्यम् ॥ ३९॥

38\| śrīsomanāthaḥvedopagītaṃ bhuvaneśvaraṃ ca tejasvinaṃ sarvamano'bhirāmam |śrīsomanāthaṃ bhujagendrahāraṃ namāmi nityaṃ bhavarogavaidyam || 39||

३९\। श्रीगङ्गाधरःगङ्गाधरं दशभुजं सर्वाभरणभूषितम् ।नीलग्रीवं शशाङ्काङ्कं नागभूषणमाश्रये ॥ ४०॥

39\| śrīgaṅgādharaḥgaṅgādharaṃ daśabhujaṃ sarvābharaṇabhūṣitam |nīlagrīvaṃ śaśāṅkāṅkaṃ nāgabhūṣaṇamāśraye || 40||

४०\।श्रीकलाधरःकलाधरं महादेवं कालकालं कलाप्रियम् ।शिवं शिवकरं नॄणां शिवाजानिमुपास्महे ॥ ४१॥

40\|śrīkalādharaḥkalādharaṃ mahādevaṃ kālakālaṃ kalāpriyam |śivaṃ śivakaraṃ nṝṇāṃ śivājānimupāsmahe || 41||

४१\। श्रीपुरुषमृगःध्यानैकनिष्ठं पुरुषमृगं भक्तवरं परम् ।शिवसेवाफलप्राप्त्यै नमामि शिवसन्निधौ ॥ ४२॥

41\| śrīpuruṣamṛgaḥdhyānaikaniṣṭhaṃ puruṣamṛgaṃ bhaktavaraṃ param |śivasevāphalaprāptyai namāmi śivasannidhau || 42||

४२\। श्रीआम्रफलविनायकःविनायकं चाम्रफलहस्तं विघ्नविनाशकम् ।भक्तेभ्यः फलदातारं नमामि द्विरदाननम् ॥ ४३॥

42\| śrīāmraphalavināyakaḥvināyakaṃ cāmraphalahastaṃ vighnavināśakam |bhaktebhyaḥ phaladātāraṃ namāmi dviradānanam || 43||

४३\। अन्नपूर्णाअन्नपूर्णे विशालाक्षि विश्वनाथमनोहरि ।चिदम्बरकृतावासे सम्पूर्णान्नं प्रयच्छ मे ॥ ४४॥

43\| annapūrṇāannapūrṇe viśālākṣi viśvanāthamanohari |cidambarakṛtāvāse sampūrṇānnaṃ prayaccha me || 44||

४४\। श्री सोमास्कन्दमूर्तिःसोमास्कन्दं सुरपतिं सुन्दरं सोमशेखरम् ।सोमसूर्याग्निनेत्राणि दधतं प्रणमाम्यहम् ॥ ४५॥

44\| śrī somāskandamūrtiḥsomāskandaṃ surapatiṃ sundaraṃ somaśekharam |somasūryāgninetrāṇi dadhataṃ praṇamāmyaham || 45||

४५\। श्रीशरभेश्वरःयोऽभूत्सहस्रांशु शतप्रकाशः नृसिंहसङ्क्षोभसमात्तरूपः ।सपक्षिसिंहाकृतिरष्टपादः पायादपायात् शरभेश्वरो नः ॥ ४६॥

45\| śrīśarabheśvaraḥyo'bhūtsahasrāṃśu śataprakāśaḥ nṛsiṃhasaṅkṣobhasamāttarūpaḥ |sapakṣisiṃhākṛtiraṣṭapādaḥ pāyādapāyāt śarabheśvaro naḥ || 46||

४६\। श्रीऊर्ध्वताण्डवमूर्तिःवाणीवल्लभ वन्द्य वैभवयुतं वन्दारुचिन्तामणिंवाताशाधिपभूषणं वरकृपावारान्निधिं श्रीकरम् ।ऊर्ध्वानन्दविशेषताण्डवकरं श्रीनृत्तराजेश्वरंवामाङ्गाप्तवराङ्गनं शिवमहं श्रीमन्नटेशं भजे ॥ ४७॥

46\| śrīūrdhvatāṇḍavamūrtiḥvāṇīvallabha vandya vaibhavayutaṃ vandārucintāmaṇiṃvātāśādhipabhūṣaṇaṃ varakṛpāvārānnidhiṃ śrīkaram |ūrdhvānandaviśeṣatāṇḍavakaraṃ śrīnṛttarājeśvaraṃvāmāṅgāptavarāṅganaṃ śivamahaṃ śrīmannaṭeśaṃ bhaje || 47||

४७\। श्रीकालसंहारमूर्तिःमृत्युञ्जय महारुद्र पाहि मां शरणागतम् ।जन्ममृत्युजरारोगैः पीडितं कर्मबन्धनैः ॥ ४८॥

47\| śrīkālasaṃhāramūrtiḥmṛtyuñjaya mahārudra pāhi māṃ śaraṇāgatam |janmamṛtyujarārogaiḥ pīḍitaṃ karmabandhanaiḥ || 48||

४८\। श्रीमहालक्ष्मीःभूयाद्भूयो द्विपद्माभयवरदकरा तप्तकार्तस्वराभाशुभ्राभ्राभेभयुग्मद्वयकरधृतकुम्भाद्भिरासिच्यमाना ।रत्नौघाबद्धमौलिः विमलतरदुकूलार्तवालेपनाढ्यापद्माक्षी पद्मनाभोरसि कृतवसतिः पद्मगा श्रीः श्रियै नः ॥ ४९॥

48\| śrīmahālakṣmīḥbhūyādbhūyo dvipadmābhayavaradakarā taptakārtasvarābhāśubhrābhrābhebhayugmadvayakaradhṛtakumbhādbhirāsicyamānā |ratnaughābaddhamauliḥ vimalataradukūlārtavālepanāḍhyāpadmākṣī padmanābhorasi kṛtavasatiḥ padmagā śrīḥ śriyai naḥ || 49||

४९\। श्रीदण्डायुधपाणिःदण्डायुधधरं देवं मुरुकं बालरूपिणम् ।सुब्रह्मण्यं सुरेशानं सर्वाभीष्टप्रदं भजे ॥ ५०॥

49\| śrīdaṇḍāyudhapāṇiḥdaṇḍāyudhadharaṃ devaṃ murukaṃ bālarūpiṇam |subrahmaṇyaṃ sureśānaṃ sarvābhīṣṭapradaṃ bhaje || 50||

५०\। श्रीआकाशविनायकः (द्रविडवेदप्रदर्शकः)आकाशस्थं द्राविडश्रीवेदसन्दर्शकं प्रभुम् ।महागणपतिं चोलभूपवन्दितमाश्रये ॥ ५१॥

50\| śrīākāśavināyakaḥ (draviḍavedapradarśakaḥ)ākāśasthaṃ drāviḍaśrīvedasandarśakaṃ prabhum |mahāgaṇapatiṃ colabhūpavanditamāśraye || 51||

५१\। श्रीमायूरनाथःमयूररूपधारिण्या पार्वत्या पूजितं शिवम् ।मयूरनाथमीशानं प्रणमामि महेश्वरम् ॥ ५२॥

51\| śrīmāyūranāthaḥmayūrarūpadhāriṇyā pārvatyā pūjitaṃ śivam |mayūranāthamīśānaṃ praṇamāmi maheśvaram || 52||

५२\। श्रीमयूरेशःशक्तिहस्तं विरूपाक्षं मणिकुण्डलधारिणम् ।श्यामलातनयं स्कन्दं मयूरेशं नमाम्यहम् ॥ ५३॥

52\| śrīmayūreśaḥśaktihastaṃ virūpākṣaṃ maṇikuṇḍaladhāriṇam |śyāmalātanayaṃ skandaṃ mayūreśaṃ namāmyaham || 53||

५३\। श्रीमयूरगणपतिःगणेशं पार्वतीसूनुं मयूरपदपूर्वकम् ।मलत्रयापहन्तारं चन्द्रचूडामणिं भजे ॥ ५४॥

53\| śrīmayūragaṇapatiḥgaṇeśaṃ pārvatīsūnuṃ mayūrapadapūrvakam |malatrayāpahantāraṃ candracūḍāmaṇiṃ bhaje || 54||

५४\। द्राविडवेदप्रवर्तकाः शिवभक्ताग्रेसराः चत्वारःवागीश ज्ञानसम्बन्धमणिवाचकसुन्दरान् ।द्राविडश्रीवेदगान गायकान् संश्रये मुदा ॥ ५५॥

54\| drāviḍavedapravartakāḥ śivabhaktāgresarāḥ catvāraḥvāgīśa jñānasambandhamaṇivācakasundarān |drāviḍaśrīvedagāna gāyakān saṃśraye mudā || 55||

५५\। श्रीदक्षिणामूर्तिःस्फटिकरजतवर्णं मौक्तिकीमक्षमालांअनलकलशविद्यां ज्ञानमुद्राः कराब्जैः ।दधतमुरगकक्षं चन्द्रचूडं त्रिणेत्रंवटतरुसुखवासं दक्षिणामूर्तिमीडे ॥ ५६॥

55\| śrīdakṣiṇāmūrtiḥsphaṭikarajatavarṇaṃ mauktikīmakṣamālāṃanalakalaśavidyāṃ jñānamudrāḥ karābjaiḥ |dadhatamuragakakṣaṃ candracūḍaṃ triṇetraṃvaṭatarusukhavāsaṃ dakṣiṇāmūrtimīḍe || 56||

५६\। श्रीपल्लीशःपल्लीशाय नमस्तुभ्यं परमेशाय ते नमः ।पल्लीपतनजं दोष निवारय सुखं कुरु ॥ ५७॥

56\| śrīpallīśaḥpallīśāya namastubhyaṃ parameśāya te namaḥ |pallīpatanajaṃ doṣa nivāraya sukhaṃ kuru || 57||

५७\। वल्लभागणपतिःवन्दे महागणपतिं मदनारिसूनुंवामोरुसुस्थवनिताभुजवेष्टिताङ्गंवल्लीशपूर्वजमभीष्टदमाश्रितानांवाणीपतिप्रमुखदेवगणार्चिताङ्घ्रिम् ॥ ५८॥

57\| vallabhāgaṇapatiḥvande mahāgaṇapatiṃ madanārisūnuṃvāmorususthavanitābhujaveṣṭitāṅgaṃvallīśapūrvajamabhīṣṭadamāśritānāṃvāṇīpatipramukhadevagaṇārcitāṅghrim || 58||

५८\। श्रीजगन्मोहनगणपतिःगिरिजाहस्तलिखित चित्रभित्तिविभूषणम् ।जगतां मोहकं देवं वन्दे गणपतिं सदा ॥ ५९॥

58\| śrījaganmohanagaṇapatiḥgirijāhastalikhita citrabhittivibhūṣaṇam |jagatāṃ mohakaṃ devaṃ vande gaṇapatiṃ sadā || 59||

५९\। श्रीनन्दिकेश्वरःनन्दिकेश महाभाग शिवध्यानपरायण ।उमाशङ्करसेवार्थमनुज्ञां दातुमर्हसि ॥ ६०॥

59\| śrīnandikeśvaraḥnandikeśa mahābhāga śivadhyānaparāyaṇa |umāśaṅkarasevārthamanujñāṃ dātumarhasi || 60||

६०\। श्रीमूलनाथःजटातटी जह्रुकुमारिकायाः ताटङ्किता यस्य तरङ्गसङ्घैः ।तस्मै महिम्नामवसानसीम्ने श्रीमूलनाथाय नमश्शिवाय ॥ ६१॥

60\| śrīmūlanāthaḥjaṭātaṭī jahrukumārikāyāḥ tāṭaṅkitā yasya taraṅgasaṅghaiḥ |tasmai mahimnāmavasānasīmne śrīmūlanāthāya namaśśivāya || 61||

६१\। श्रीउमा पार्वतीनमामि मेनातनयाममेयां उमाम्बिकामानतनन्ददात्रीम् ।विशालनेत्रां प्रणमामि गौरीं चतुर्भुजां दक्षिणमूलनाथाम् ॥ ६२॥

61\| śrīumā pārvatīnamāmi menātanayāmameyāṃ umāmbikāmānatanandadātrīm |viśālanetrāṃ praṇamāmi gaurīṃ caturbhujāṃ dakṣiṇamūlanāthām || 62||

६२\। श्रीविश्वनाथःवाचामगोचरमनेकगुणस्वरूपंगौरीनिरन्तरविभूषितवामभागम् ।वागीश विष्णुसुरसेवितपादपीठंवन्दे चिदम्बरपतिं शिवविश्वनाथम् ॥ ६३\। श्रीएकाम्रेश्वरःकामाक्ष्या कवितादात्र्या काञ्च्यामाम्रतरोरधः ।पूजितं चित्पुरे वन्दे एकाम्रेश्वरमुत्तमम् ॥ ६४॥

62\| śrīviśvanāthaḥvācāmagocaramanekaguṇasvarūpaṃgaurīnirantaravibhūṣitavāmabhāgam |vāgīśa viṣṇusurasevitapādapīṭhaṃvande cidambarapatiṃ śivaviśvanātham || 63\| śrīekāmreśvaraḥkāmākṣyā kavitādātryā kāñcyāmāmrataroradhaḥ |pūjitaṃ citpure vande ekāmreśvaramuttamam || 64||

६४\। श्रीकल्पकवृक्षःकल्पवृक्ष नमस्तुभ्यं देववृक्ष नमोऽस्तु ते ।त्वदीयमूलनिकटे वाञ्छितं सुलभं भवेत् ॥ ६५॥

64\| śrīkalpakavṛkṣaḥkalpavṛkṣa namastubhyaṃ devavṛkṣa namo'stu te |tvadīyamūlanikaṭe vāñchitaṃ sulabhaṃ bhavet || 65||

६५\। श्रीवैद्यनाथःअनवधिदयापीयूषाम्भोधिसारमयंनिजस्मरणसमयालीढाशेषामयग्रहपीडनम् ।निटिलनयनज्योतिः स्वाहाकृतासमसायकंजयतु महितं तेजः श्रीवैद्यनाथसमाह्वयम् ॥ ६६॥

65\| śrīvaidyanāthaḥanavadhidayāpīyūṣāmbhodhisāramayaṃnijasmaraṇasamayālīḍhāśeṣāmayagrahapīḍanam |niṭilanayanajyotiḥ svāhākṛtāsamasāyakaṃjayatu mahitaṃ tejaḥ śrīvaidyanāthasamāhvayam || 66||

६६\। श्री दैवनायकीनमामि भवसन्तापनिर्वापणसुधानदीम् ।श्री दैवनायकीं देवीं कान्तां चन्द्रार्धशेखराम् ॥ ६७॥

66\| śrī daivanāyakīnamāmi bhavasantāpanirvāpaṇasudhānadīm |śrī daivanāyakīṃ devīṃ kāntāṃ candrārdhaśekharām || 67||

६७\। श्री विनायकःमहागणपतिं वन्दे महाविघ्ननिवारणम् ।महादेवसुतं देवं महाशैलसुतासुतम् ॥ ६८॥

67\| śrī vināyakaḥmahāgaṇapatiṃ vande mahāvighnanivāraṇam |mahādevasutaṃ devaṃ mahāśailasutāsutam || 68||

६८\। श्रीत्रिसहस्रमुनीश्वरःनटराजसमं देवं त्रिसहस्रमुनीश्वरम् ।नटेशपूजकं वन्दे तिल्लारण्यनिवासिनम् ॥ ६९॥

68\| śrītrisahasramunīśvaraḥnaṭarājasamaṃ devaṃ trisahasramunīśvaram |naṭeśapūjakaṃ vande tillāraṇyanivāsinam || 69||

६९\। श्रीअर्धनारीश्वरःयदर्धाङ्गं नारी विलसति पराकान्तिरुचिरापराङ्गं पुंरूपं जयति च जटाजूटरुचिरम् ।सदा शृङ्गारित्वं वहति वपुषैवं त्रिभुवनेनमस्तस्मै कस्मैचिदखिलविवर्ताय महसे ॥ ७०॥

69\| śrīardhanārīśvaraḥyadardhāṅgaṃ nārī vilasati parākāntirucirāparāṅgaṃ puṃrūpaṃ jayati ca jaṭājūṭaruciram |sadā śṛṅgāritvaṃ vahati vapuṣaivaṃ tribhuvanenamastasmai kasmaicidakhilavivartāya mahase || 70||

७०\। श्रीसुन्दरविनायकःवामाङ्कारूढ वामोरुवक्षोजानीतपुष्करम् ।विघ्नवारणहर्यक्षं विघ्नराजमुपास्महे ॥ ७१॥

70\| śrīsundaravināyakaḥvāmāṅkārūḍha vāmoruvakṣojānītapuṣkaram |vighnavāraṇaharyakṣaṃ vighnarājamupāsmahe || 71||

७१\। श्रीमहालिङ्गंमहालिङ्गं महाभागं महेश्वरमुमापतिम् ।महासेनगुरुं वन्दे महाभयनिवारणम् ॥ ७२॥

71\| śrīmahāliṅgaṃmahāliṅgaṃ mahābhāgaṃ maheśvaramumāpatim |mahāsenaguruṃ vande mahābhayanivāraṇam || 72||

७२\। श्रीबृहत्सुन्दरकुचाम्बामहालिङ्गस्य महिषीं महनीयां दयानिधिम् ।श्री बृहत्सुन्दरकुचामम्बां वन्देऽखिलेष्टदाम् ॥ ७३॥

72\| śrībṛhatsundarakucāmbāmahāliṅgasya mahiṣīṃ mahanīyāṃ dayānidhim |śrī bṛhatsundarakucāmambāṃ vande'khileṣṭadām || 73||

७३\। श्रीचण्डिकेशःमूलनाथपदाम्भोज परिस्फुरितमानस ।शम्भोस्सेवाफलं देहि चण्डिकेश नमोऽस्तुते ॥ ७४॥

73\| śrīcaṇḍikeśaḥmūlanāthapadāmbhoja parisphuritamānasa |śambhossevāphalaṃ dehi caṇḍikeśa namo'stute || 74||

७४\। श्रीअरुणाचलेश्वरःआधाराचल कैतवादतिचिरं पिण्डीकृतं पावकंरक्षन्दग्धुमिवाखिलं प्रतिमुहुः कल्पान्तकाले जगत् ।पायान्नः करुणामृतोर्मिसरलैरालोकनैरानतान्एणाङ्कार्धशिखायुतः स भगवान् शोणाचलाधीश्वरः ॥ ७५॥

74\| śrīaruṇācaleśvaraḥādhārācala kaitavādaticiraṃ piṇḍīkṛtaṃ pāvakaṃrakṣandagdhumivākhilaṃ pratimuhuḥ kalpāntakāle jagat |pāyānnaḥ karuṇāmṛtormisaralairālokanairānatāneṇāṅkārdhaśikhāyutaḥ sa bhagavān śoṇācalādhīśvaraḥ || 75||

७५\। श्रीशास्ताहरेः श्रीमोहिनीरूपधारिणः श्रीशिवस्य च ।जातं शास्तारमीशानं वन्दे शक्तिद्वयान्वितम् ॥ ७६।

75\| śrīśāstāhareḥ śrīmohinīrūpadhāriṇaḥ śrīśivasya ca |jātaṃ śāstāramīśānaṃ vande śaktidvayānvitam || 76|

७६\। श्रीदेवसभास्थदेवाःदेवतानां सभा यत्र राजते तत्र संस्थितान् ।देवान् देवींश्च भक्तांश्च प्रणमामि वरप्रदान् ॥ ७७॥

76\| śrīdevasabhāsthadevāḥdevatānāṃ sabhā yatra rājate tatra saṃsthitān |devān devīṃśca bhaktāṃśca praṇamāmi varapradān || 77||

७७\। श्रीकञ्चुकनाथः (शट्टनाथः)देवो भैरवनामवान् शुनि महादेवाज्ञया यः स्थितःवृद्धं वामनमेत्य वक्षसि जघानैकेन तं पाणिना ।उत्कृत्य त्वचमस्य कञ्चुकतया चात्मानमस्मिन् दधौतं वन्दे सुखदं चिदम्बरपुरे श्रीशट्टनाथाह्वयम् ॥ ७८॥

77\| śrīkañcukanāthaḥ (śaṭṭanāthaḥ)devo bhairavanāmavān śuni mahādevājñayā yaḥ sthitaḥvṛddhaṃ vāmanametya vakṣasi jaghānaikena taṃ pāṇinā |utkṛtya tvacamasya kañcukatayā cātmānamasmin dadhautaṃ vande sukhadaṃ cidambarapure śrīśaṭṭanāthāhvayam || 78||

७८\। श्रीनवग्रहाःसूर्याय लोकगुरवे धरणीसुतायशुक्राय शीतरुचये विधुनन्दनाय ।इन्द्रादिदेवगुरवे शनिराहवे चकेतुग्रहाय शुभदाय नमांसि नित्यम् ॥ ७९॥

78\| śrīnavagrahāḥsūryāya lokagurave dharaṇīsutāyaśukrāya śītarucaye vidhunandanāya |indrādidevagurave śanirāhave caketugrahāya śubhadāya namāṃsi nityam || 79||

७९\। श्रीशङ्खध्मविनायकःकल्पान्तकाले शिशुरूपधारीशङ्खं समादाय महास्वनेन ।दध्मौ हि यः काञ्चनसद्मनाथंशङ्खघ्मविघ्नेश्वरमाद्यमीडे ॥ ८०॥

79\| śrīśaṅkhadhmavināyakaḥkalpāntakāle śiśurūpadhārīśaṅkhaṃ samādāya mahāsvanena |dadhmau hi yaḥ kāñcanasadmanāthaṃśaṅkhaghmavighneśvaramādyamīḍe || 80||

८०\। श्रीअर्धयामसुन्दरःसुन्दरं शिवरक्षायां तत्परं शिवकिङ्करम् ।नमामि शिवसेवायाः फललाभाय भास्वरम् ॥ ८१॥

80\| śrīardhayāmasundaraḥsundaraṃ śivarakṣāyāṃ tatparaṃ śivakiṅkaram |namāmi śivasevāyāḥ phalalābhāya bhāsvaram || 81||

८१\। श्रीगरुडःवैनतेयं च पक्षीन्द्रं विष्णुवाहं महोत्तमम् ।सर्पारिं गरुडं वन्दे सर्पभीतिनिवारकम् ॥ ८२॥

81\| śrīgaruḍaḥvainateyaṃ ca pakṣīndraṃ viṣṇuvāhaṃ mahottamam |sarpāriṃ garuḍaṃ vande sarpabhītinivārakam || 82||

८२\। श्रीशङ्करनारायणौवन्दे शङ्खकपाल भूषितकरौ मालास्थिमालाधरौदेवौ द्वारवतीश्मशाननिलयौ नागारिगोवाहनौ ।द्वित्र्यक्षौ बलिदक्षयज्ञमथनौ श्रीशैलजावल्लभौपापं मे हरतां सदा हरिहरौ श्रीवत्स गङ्गाधरौ ॥ ८३॥

82\| śrīśaṅkaranārāyaṇauvande śaṅkhakapāla bhūṣitakarau mālāsthimālādharaudevau dvāravatīśmaśānanilayau nāgārigovāhanau |dvitryakṣau balidakṣayajñamathanau śrīśailajāvallabhaupāpaṃ me haratāṃ sadā hariharau śrīvatsa gaṅgādharau || 83||

नारायणं हृदि विभाव्य तदीयहार्दाकाशे शिवं गिरिजया सहितं नटेशम् ।सञ्चिन्तयेत्सततमेवमुपासनेनसिद्धिं लभेत नियतां निरुपाधिकां ताम् ॥ ८४॥

nārāyaṇaṃ hṛdi vibhāvya tadīyahārdākāśe śivaṃ girijayā sahitaṃ naṭeśam |sañcintayetsatatamevamupāsanenasiddhiṃ labheta niyatāṃ nirupādhikāṃ tām || 84||

८३\। श्रीगोविन्दराजसन्निधौ हिरण्यनरसिंहःस्तम्भेऽस्मिन्नपि सत्यमस्ति स हरिः तर्हीह हन्याममुंविष्णुं वञ्चितदानवं मम रिपुं धूर्तं महामायिनम् ।इत्याक्रुश्य रुषा हिरण्यकशिपुं स्तम्भं विभेत्तुं पदाघ्नन्तं यस्तरसा जघान भगवान् तं श्रीनृसिंहं भजे ॥ ८५॥

83\| śrīgovindarājasannidhau hiraṇyanarasiṃhaḥstambhe'sminnapi satyamasti sa hariḥ tarhīha hanyāmamuṃviṣṇuṃ vañcitadānavaṃ mama ripuṃ dhūrtaṃ mahāmāyinam |ityākruśya ruṣā hiraṇyakaśipuṃ stambhaṃ vibhettuṃ padāghnantaṃ yastarasā jaghāna bhagavān taṃ śrīnṛsiṃhaṃ bhaje || 85||

८४\। श्रीसुदर्शनंसुदर्शनं महावेगं गोविन्दस्य प्रियायुधम् ।ज्वलत्पावकसङ्काशं श्रीचक्रं प्रणमाम्यहम् ॥ ८६॥

84\| śrīsudarśanaṃsudarśanaṃ mahāvegaṃ govindasya priyāyudham |jvalatpāvakasaṅkāśaṃ śrīcakraṃ praṇamāmyaham || 86||

८५\। श्रीपाञ्चजन्यंक्षीरसागरसञ्जातं विष्णुना विधृतं करे ।पूजितं सर्वदेवैश्च पाञ्चजन्यं नमाम्यहम् ॥ ८७॥

85\| śrīpāñcajanyaṃkṣīrasāgarasañjātaṃ viṣṇunā vidhṛtaṃ kare |pūjitaṃ sarvadevaiśca pāñcajanyaṃ namāmyaham || 87||

८६\। श्रीवेणुगोपालःरुक्मिणीसत्यभामाभ्यां संयुतं देवकीसुतम् ।गीतोपदेशकं वेणुगोपालं नौमि सुन्दरम् ॥ ८८॥

86\| śrīveṇugopālaḥrukmiṇīsatyabhāmābhyāṃ saṃyutaṃ devakīsutam |gītopadeśakaṃ veṇugopālaṃ naumi sundaram || 88||

८७\। श्रीपतञ्जलिःअनसूयासुतं देवमादिशेषं पतञ्जलिम् ।अत्रेस्सूनुं महाभाष्यरचितारमहं भजे ॥ ८९॥

87\| śrīpatañjaliḥanasūyāsutaṃ devamādiśeṣaṃ patañjalim |atressūnuṃ mahābhāṣyaracitāramahaṃ bhaje || 89||

८८\। श्रीकण्वःकण्वं महर्षिप्रवरं काण्वशाखाप्रवर्तकम् ।शकुन्तलापोषकं तं ज्ञानिनं प्रणमाम्यहम् ॥ ९०॥

88\| śrīkaṇvaḥkaṇvaṃ maharṣipravaraṃ kāṇvaśākhāpravartakam |śakuntalāpoṣakaṃ taṃ jñāninaṃ praṇamāmyaham || 90||

८८\। श्रीगरुडारूढःदक्षहस्ते चक्रधरं वामहस्ते च शङ्खकम् ।दधतं गरुडारूढमूर्तिं विष्णुं भजेऽन्वहम् ॥ ९१॥

88\| śrīgaruḍārūḍhaḥdakṣahaste cakradharaṃ vāmahaste ca śaṅkhakam |dadhataṃ garuḍārūḍhamūrtiṃ viṣṇuṃ bhaje'nvaham || 91||

९०\। श्रीयोगनरसिंहःप्रह्लादाह्लादकं योगनरसिंहं नतार्थदम् ।शङ्कराचार्य सुखदमुत्तराभिमुखं भजे ॥ ९२॥

90\| śrīyoganarasiṃhaḥprahlādāhlādakaṃ yoganarasiṃhaṃ natārthadam |śaṅkarācārya sukhadamuttarābhimukhaṃ bhaje || 92||

९१\। श्रीरामपादद्वयंरामचन्द्रपदाम्भोजद्वयं संसारतारकम् ।अहल्यारूपदातारं परमं प्रणमाम्यहम् ॥ ९३॥

91\| śrīrāmapādadvayaṃrāmacandrapadāmbhojadvayaṃ saṃsāratārakam |ahalyārūpadātāraṃ paramaṃ praṇamāmyaham || 93||

९२\। श्रीविष्वक्सेनःयस्य द्विरदवक्त्राद्याः पारिषद्याः परश्शतम् ।विघ्नं निघ्नन्ति सततं विष्वक्सेनमुपास्महे ॥ ९४॥

92\| śrīviṣvaksenaḥyasya dviradavaktrādyāḥ pāriṣadyāḥ paraśśatam |vighnaṃ nighnanti satataṃ viṣvaksenamupāsmahe || 94||

९३\। श्रीआञ्जनेयःआञ्जनेयं महाप्राज्ञं रुद्रस्यांशं महाबलम् ।कपिवर्यं मारुतिं च हनुमन्तं नमाम्यहम् ॥ ९५॥

93\| śrīāñjaneyaḥāñjaneyaṃ mahāprājñaṃ rudrasyāṃśaṃ mahābalam |kapivaryaṃ mārutiṃ ca hanumantaṃ namāmyaham || 95||

९४\। ॥ श्रीगोविन्दराजः ॥श्रीमान्क्षीरार्णवान्तः फणिपतिशयने चन्द्रखण्डातिगौरेभूमानीलासमेतः सकल भुवनसंरक्षणोपायचिन्ताम् ।निद्राव्याजेन कुर्वन् निरवधिमहिमा नित्यमुक्ताभिवन्द्यःशेते गोविन्दराजः प्रदिशतु सुतरां सन्ततं मङ्गलं नः ॥ ९६॥

94\| || śrīgovindarājaḥ ||śrīmānkṣīrārṇavāntaḥ phaṇipatiśayane candrakhaṇḍātigaurebhūmānīlāsametaḥ sakala bhuvanasaṃrakṣaṇopāyacintām |nidrāvyājena kurvan niravadhimahimā nityamuktābhivandyaḥśete govindarājaḥ pradiśatu sutarāṃ santataṃ maṅgalaṃ naḥ || 96||

९५\। (शठारिः) श्री रामपादुकारामपादसहधर्मचारिणीं पादुकां निखिलपातकच्छिदम् ।तामशेषजगतामधीश्वरीं भावयामि भरतादिदेवताम् ॥ ९७॥

95\| (śaṭhāriḥ) śrī rāmapādukārāmapādasahadharmacāriṇīṃ pādukāṃ nikhilapātakacchidam |tāmaśeṣajagatāmadhīśvarīṃ bhāvayāmi bharatādidevatām || 97||

९६\। श्रीनृत्तविनायकःमातामहमहाशैलं महस्तदपितामहम् ।पिण्डीकृतमहाविघ्नं नृत्तविघ्नेश्वरं भजे ॥ ९८॥

96\| śrīnṛttavināyakaḥmātāmahamahāśailaṃ mahastadapitāmaham |piṇḍīkṛtamahāvighnaṃ nṛttavighneśvaraṃ bhaje || 98||

९७\। श्रीलिङ्गोद्भवःपार्श्वयोः ब्रह्मविष्णुभ्यां स्रीरूपाभ्यां शिवाज्ञया ।संसेवितं महेशानं लिङ्गोद्भवमहं भजे ॥ ९९॥

97\| śrīliṅgodbhavaḥpārśvayoḥ brahmaviṣṇubhyāṃ srīrūpābhyāṃ śivājñayā |saṃsevitaṃ maheśānaṃ liṅgodbhavamahaṃ bhaje || 99||

९८\। श्रीषडाननमूर्तिःवन्दे सिन्दूरकान्तिं शरविपिन भवं श्रीमयूराधिरूढंषड्वक्त्रं देवसेनामधुरिपुतनयावल्लभं द्वादशाक्षम् ।शक्तिं बाणं कृपाणं ध्वजमपि गदां चाभयं दक्षहस्तैःचापं वज्रं सरोजं कटकमपि वरं शूलमन्यैर्दधानम् ॥ १००॥

98\| śrīṣaḍānanamūrtiḥvande sindūrakāntiṃ śaravipina bhavaṃ śrīmayūrādhirūḍhaṃṣaḍvaktraṃ devasenāmadhuriputanayāvallabhaṃ dvādaśākṣam |śaktiṃ bāṇaṃ kṛpāṇaṃ dhvajamapi gadāṃ cābhayaṃ dakṣahastaiḥcāpaṃ vajraṃ sarojaṃ kaṭakamapi varaṃ śūlamanyairdadhānam || 100||

९९\। श्रीशयनागारे शिवभोगसुन्दरीशिवभोगसुन्दरि नमस्ते त्रिणयनवामाङ्कवासिनि नमस्ते ।शिवकामसुन्दरि नमो नतजनकैवल्यदायिनि नमस्ते ॥ १०१॥

99\| śrīśayanāgāre śivabhogasundarīśivabhogasundari namaste triṇayanavāmāṅkavāsini namaste |śivakāmasundari namo natajanakaivalyadāyini namaste || 101||

१००\। श्रीआकाशलिङ्गंप्रपन्नजनसन्दोह सर्वकल्याणदायकम् ।आकाशलिङ्गं वन्देऽहं आधिव्याधिप्रणाशकम् ॥ १०२॥

100\| śrīākāśaliṅgaṃprapannajanasandoha sarvakalyāṇadāyakam |ākāśaliṅgaṃ vande'haṃ ādhivyādhipraṇāśakam || 102||

१०१\। श्रीजैमिनिःव्यासशिष्यं जैमिनिं च कर्मकाण्डप्रवर्तकम् ।चिदम्बरनटेशानदर्शने तत्परं मुनिम् ॥ १०३॥

101\| śrījaiminiḥvyāsaśiṣyaṃ jaiminiṃ ca karmakāṇḍapravartakam |cidambaranaṭeśānadarśane tatparaṃ munim || 103||

१०२\। श्री भिक्षाटनःब्रह्माण्डस्थित भूतजातहृदयप्रोद्यन्ति कामान्यहोयः पूर्वं सहसा प्रपूरयति बहुप्रीत्या भवानीपतिः ।सोऽयं सर्ववसुन्धरापतिरपि स्त्रीभ्यश्च भिक्षाटनःसञ्जातः कृपयेति वैभवयुतं देवं नमामो वयम् ॥ १०४॥

102\| śrī bhikṣāṭanaḥbrahmāṇḍasthita bhūtajātahṛdayaprodyanti kāmānyahoyaḥ pūrvaṃ sahasā prapūrayati bahuprītyā bhavānīpatiḥ |so'yaṃ sarvavasundharāpatirapi strībhyaśca bhikṣāṭanaḥsañjātaḥ kṛpayeti vaibhavayutaṃ devaṃ namāmo vayam || 104||

१०३\। क्षेत्रपालःनीलरुचिवेदकरवह्रिनयनं तं शूलककपालडमरुं च सहपाशम् ।नग्नशुन वाहनसकिङ्किणि विभूषं प्रोच्चगतिकेशधर सर्पवरहारम् ॥ १०४\। व्याघ्रपादःमाध्यन्दिन सुतं शान्तं वसिष्ठभगिनीपतिम् ।उपमन्योश्च पितरं व्याघ्रपादं नमाम्यहम् ॥ १०६॥

103\| kṣetrapālaḥnīlarucivedakaravahrinayanaṃ taṃ śūlakakapālaḍamaruṃ ca sahapāśam |nagnaśuna vāhanasakiṅkiṇi vibhūṣaṃ proccagatikeśadhara sarpavarahāram || 104\| vyāghrapādaḥmādhyandina sutaṃ śāntaṃ vasiṣṭhabhaginīpatim |upamanyośca pitaraṃ vyāghrapādaṃ namāmyaham || 106||

१०५\। श्रीदण्डीनटेश दक्षिणे पार्श्वे स्थितं भक्तवरं शुभम् ।शिवसेवां प्रकुर्वन्तं दण्डिनं प्रणमाम्यहम् ॥ १०७॥

105\| śrīdaṇḍīnaṭeśa dakṣiṇe pārśve sthitaṃ bhaktavaraṃ śubham |śivasevāṃ prakurvantaṃ daṇḍinaṃ praṇamāmyaham || 107||

१०६\। श्रीपतञ्जलिःयोगेन चित्तस्य पदेन वाचां मलं शरीरस्य च वैद्यकेन ।योऽपाकरोत्तं प्रवरं मुनीनां पतञ्जलिं प्राञ्जलिरानतोऽस्मि ॥ १०८॥

106\| śrīpatañjaliḥyogena cittasya padena vācāṃ malaṃ śarīrasya ca vaidyakena |yo'pākarottaṃ pravaraṃ munīnāṃ patañjaliṃ prāñjalirānato'smi || 108||

१०७\। श्रीमुण्डीनटेशवामपार्श्वे तु संस्थितं मुनिपुङ्गवम् ।पतञ्जलिसमेतं च मुण्डिनं प्रणमाम्यहम् ॥ १०९॥

107\| śrīmuṇḍīnaṭeśavāmapārśve tu saṃsthitaṃ munipuṅgavam |patañjalisametaṃ ca muṇḍinaṃ praṇamāmyaham || 109||

१०८\। श्रीनन्दिकेश्वरःनन्दिकेशं महाभागं शिवध्यानपरायणम् ।अष्टमूर्तेरधिष्ठानं नमामि सुयशापतिम् ॥ ११०॥

108\| śrīnandikeśvaraḥnandikeśaṃ mahābhāgaṃ śivadhyānaparāyaṇam |aṣṭamūrteradhiṣṭhānaṃ namāmi suyaśāpatim || 110||

१०९\। श्रीचित्सभावामाद्या नवशक्तयो यदुपरि श्रीस्वर्णकुम्भा नवैतस्यां चिन्मयसंसदि प्रतनुते नृत्तं नटेशः सदा ।तद्वामे नगजा रहस्यमपि तद्दक्षेऽस्ति चैदम्बरंश्रीव्याघ्राङ्घ्रिपतञ्जली मुनिवरौ तत्पार्श्वयोः संस्थितौ ॥सभां नवाभां नटराजराजप्रसिद्धनाट्यागमदिव्यरङ्गम् ।आनन्दनृत्तस्य वितानभूतां श्रीचित्सभां नित्यमहं नमामि ॥ ११०\। श्रीनटराजराजःवेदान्तोद्गीतरूपं ज्वलनडमरुकं धारयन्तं कराभ्यांअन्याभ्यां डोलमुद्रामभयमपि सदाऽपस्मृतौ दक्षपादम् ।विन्यस्याकुञ्चितेन प्रणमदखिलदं वामपादेन नित्यंदेव्या साकं सभायां रचयति नटनं कुञ्चिताङ्घ्रिं भजेऽहम् ॥ १११\। श्री शिवकामसुन्दरीश्री शिवकामसुन्दरीं तामखिलजगन्मातरं कृपार्द्रहृदम् ।श्रीचित्सभेशमहिषीं चिदम्बरक्षेत्रवासिनीं वन्दे ॥ ११४॥

109\| śrīcitsabhāvāmādyā navaśaktayo yadupari śrīsvarṇakumbhā navaitasyāṃ cinmayasaṃsadi pratanute nṛttaṃ naṭeśaḥ sadā |tadvāme nagajā rahasyamapi taddakṣe'sti caidambaraṃśrīvyāghrāṅghripatañjalī munivarau tatpārśvayoḥ saṃsthitau ||sabhāṃ navābhāṃ naṭarājarājaprasiddhanāṭyāgamadivyaraṅgam |ānandanṛttasya vitānabhūtāṃ śrīcitsabhāṃ nityamahaṃ namāmi || 110\| śrīnaṭarājarājaḥvedāntodgītarūpaṃ jvalanaḍamarukaṃ dhārayantaṃ karābhyāṃanyābhyāṃ ḍolamudrāmabhayamapi sadā'pasmṛtau dakṣapādam |vinyasyākuñcitena praṇamadakhiladaṃ vāmapādena nityaṃdevyā sākaṃ sabhāyāṃ racayati naṭanaṃ kuñcitāṅghriṃ bhaje'ham || 111\| śrī śivakāmasundarīśrī śivakāmasundarīṃ tāmakhilajaganmātaraṃ kṛpārdrahṛdam |śrīcitsabheśamahiṣīṃ cidambarakṣetravāsinīṃ vande || 114||

११२\। श्रीरहस्यंश्री चक्रादिविशेषयन्त्रघटितं भित्तिस्वरूपं सदानन्दज्ञानमयं नटेशशिवयोः सम्मेलनं बोधयत् ।श्रीजाम्बूनदबिल्वपत्ररचितैः मालागणैः लक्षितंकस्तूरीमसृणं चिदम्बरमिदं स्थानं रहस्यं नुमः ॥ ११५॥

112\| śrīrahasyaṃśrī cakrādiviśeṣayantraghaṭitaṃ bhittisvarūpaṃ sadānandajñānamayaṃ naṭeśaśivayoḥ sammelanaṃ bodhayat |śrījāmbūnadabilvapatraracitaiḥ mālāgaṇaiḥ lakṣitaṃkastūrīmasṛṇaṃ cidambaramidaṃ sthānaṃ rahasyaṃ numaḥ || 115||

लोकातिशायिविभवं महदासेवे चिदम्बररहस्यम् ।पश्चाक्षरी यदीया जीवातुः सर्वलोकशुभदात्री ॥ ११६॥

lokātiśāyivibhavaṃ mahadāseve cidambararahasyam |paścākṣarī yadīyā jīvātuḥ sarvalokaśubhadātrī || 116||

शक्तीः समग्राः ग्रसते दिनान्ते यस्मिंश्च गौर्या वलते कपदीम् ।यस्मात्प्रगे विश्वमुपैति शक्तिं चकास्ति तच्चेतसि मे चकास्तु ॥ ११३\। श्रीचन्द्रमौलीश्वरःचन्द्रमौलीश्वरं लिङ्गं चन्द्रामृतघनं सितम् ।सूर्येन्द्वग्निरुचिं सूक्ष्म गोमुखे स्थापितं भजे ॥ ११८॥

śaktīḥ samagrāḥ grasate dinānte yasmiṃśca gauryā valate kapadīm |yasmātprage viśvamupaiti śaktiṃ cakāsti taccetasi me cakāstu || 113\| śrīcandramaulīśvaraḥcandramaulīśvaraṃ liṅgaṃ candrāmṛtaghanaṃ sitam |sūryendvagniruciṃ sūkṣma gomukhe sthāpitaṃ bhaje || 118||

११४\। श्रीरत्नसभापतिःइन्द्रनीलसमानकान्तिसमेधितात्मतनुप्रभंइन्द्रनीलमणिप्रकाण्डमयात्मदेहविभाकरम् ।इन्द्रमुख्यदिवौकसादिसमर्चितं श्रुतिमार्गितंइन्द्रनीलमहार्घरत्नसभापतिं शिवमाश्रये ॥ ११९॥

114\| śrīratnasabhāpatiḥindranīlasamānakāntisamedhitātmatanuprabhaṃindranīlamaṇiprakāṇḍamayātmadehavibhākaram |indramukhyadivaukasādisamarcitaṃ śrutimārgitaṃindranīlamahārgharatnasabhāpatiṃ śivamāśraye || 119||

११५\। श्रीमुखलिङ्गंअभूतपूर्वं प्रथते जगत्यां यल्लिङ्गमासादितदिव्यवक्त्रम् ।ततः प्रसिद्धं मुखलिङ्गनाम्ना तल्लिङ्गमीशस्य सदा स्मरामि ।११६\। श्रीशिवपादुकासकलमनुजरक्षादीक्षितं वेदरीत्यात्रिषवणमतिभक्त्या दीक्षितैरर्च्यमानम् ।हरिविधिसनकाद्यैः नित्यनिध्यायमानंशयनगृहयियासुं पादयुग्यं प्रपद्ये ॥ १२१॥

115\| śrīmukhaliṅgaṃabhūtapūrvaṃ prathate jagatyāṃ yalliṅgamāsāditadivyavaktram |tataḥ prasiddhaṃ mukhaliṅganāmnā talliṅgamīśasya sadā smarāmi | 116\| śrīśivapādukāsakalamanujarakṣādīkṣitaṃ vedarītyātriṣavaṇamatibhaktyā dīkṣitairarcyamānam |harividhisanakādyaiḥ nityanidhyāyamānaṃśayanagṛhayiyāsuṃ pādayugyaṃ prapadye || 121||

११७\। श्रीअस्त्रराजःविनाऽस्रराजं न शिवस्य यात्रा विनाऽस्रराजं न च मज्जनादि ।विनाऽस्रराजं न महो भवस्य तमस्रराजं प्रणमामि मूर्ध्ना ॥ १२२॥

117\| śrīastrarājaḥvinā'srarājaṃ na śivasya yātrā vinā'srarājaṃ na ca majjanādi |vinā'srarājaṃ na maho bhavasya tamasrarājaṃ praṇamāmi mūrdhnā || 122||

११८\। श्री स्वर्णकालभैरवःदक्षे डमरुकं शूलं वामे पाशं कपालकम् ।हस्ते धरन्तं च शुना सहितं सुमनोहरम् ॥ १२३॥

118\| śrī svarṇakālabhairavaḥdakṣe ḍamarukaṃ śūlaṃ vāme pāśaṃ kapālakam |haste dharantaṃ ca śunā sahitaṃ sumanoharam || 123||

स्वपादन्यस्तताम्रं च स्वर्णं कृत्वा ददौ पुरा ।भक्तेभ्य इति तं स्वर्णकालभैरवमाश्रये ॥ १२४॥

svapādanyastatāmraṃ ca svarṇaṃ kṛtvā dadau purā |bhaktebhya iti taṃ svarṇakālabhairavamāśraye || 124||

स्वर्णकालभैरवं त्रिशूलयुक्तपाणिनंवेदरूपसारमेयसंयुतं महेश्वरम् ।समाश्रितेषु सर्वदा समस्तवस्तुदायिनंमखीन्द्रवंशपूर्वपुण्यरूपिणं समाश्रये ॥ १२५॥

svarṇakālabhairavaṃ triśūlayuktapāṇinaṃvedarūpasārameyasaṃyutaṃ maheśvaram |samāśriteṣu sarvadā samastavastudāyinaṃmakhīndravaṃśapūrvapuṇyarūpiṇaṃ samāśraye || 125||

११९\। श्रीबलीश्वरःश्रीबलीश्वरमीशानं फलदातारमव्ययम् ।उमया सहितं चन्द्रशेखरं समुपास्महे ॥ १२६॥

119\| śrībalīśvaraḥśrībalīśvaramīśānaṃ phaladātāramavyayam |umayā sahitaṃ candraśekharaṃ samupāsmahe || 126||

१२०\। श्रीब्रह्मापञ्चाननो यः पुरतः प्रकृत्या परं निकृत्तस्वशिराःशिवेन ।स्वनिःश्रुतीनां वदनानि यस्य ब्रह्माणमम्भोजभवं नमामि ॥ १२७॥

120\| śrībrahmāpañcānano yaḥ purataḥ prakṛtyā paraṃ nikṛttasvaśirāḥśivena |svaniḥśrutīnāṃ vadanāni yasya brahmāṇamambhojabhavaṃ namāmi || 127||

१२१\। श्रीचण्डिकेशःचण्डीश्वरस्स्थाणुसमानतेजा रुद्रेण निक्षिप्तसमस्तभारः ।यस्य प्रसादात्सफला शिवार्चा तं चण्डिकेशं प्रणमामि चान्ते ॥ १२८॥

121\| śrīcaṇḍikeśaḥcaṇḍīśvarassthāṇusamānatejā rudreṇa nikṣiptasamastabhāraḥ |yasya prasādātsaphalā śivārcā taṃ caṇḍikeśaṃ praṇamāmi cānte || 128||

१२२\। श्री चिन्तामणिविनायकःतं मन्महे महेशानं महेशानप्रियार्भकम् ।चिन्तामणिगणेशानं गजाननमनामयम् ॥ १२९॥

122\| śrī cintāmaṇivināyakaḥtaṃ manmahe maheśānaṃ maheśānapriyārbhakam |cintāmaṇigaṇeśānaṃ gajānanamanāmayam || 129||

१२३\। श्री वल्लीशःएकाननं चन्दनलेपिताङ्गं महाद्भुतं दिव्यमयूरवाहनम् ।रुद्रस्य सूनुं सुरनाथपुत्रीपतिं च वल्लीशमुपास्महेऽनिशम् ॥ १३०॥

123\| śrī vallīśaḥekānanaṃ candanalepitāṅgaṃ mahādbhutaṃ divyamayūravāhanam |rudrasya sūnuṃ suranāthaputrīpatiṃ ca vallīśamupāsmahe'niśam || 130||

१२४\। श्री त्यागराजःत्यागराजं महेशानं कमलालयवासिनम् ।नमामि परया भक्त्या मुचुकुन्दवरप्रदम् ॥ १३१॥

124\| śrī tyāgarājaḥtyāgarājaṃ maheśānaṃ kamalālayavāsinam |namāmi parayā bhaktyā mucukundavarapradam || 131||

महाबलिमुखास्सर्वे शिवाज्ञापरिपालकाः ।मया निवर्तितास्सन्तो गच्छन्तु शिवसन्निधिम् ॥ १३२॥

mahābalimukhāssarve śivājñāparipālakāḥ |mayā nivartitāssanto gacchantu śivasannidhim || 132||

यश्शिवो नामरूपाभ्यां या देवी सर्वमङ्गला ।तयोस्संस्मरणान्नित्यं सर्वतो जयमङ्गलम् ॥ १३३॥

yaśśivo nāmarūpābhyāṃ yā devī sarvamaṅgalā |tayossaṃsmaraṇānnityaṃ sarvato jayamaṅgalam || 133||

इति श्रीचिदम्बरेश्वर श्रीनटराज देवालयस्थ देवतास्तोत्रं सम्पूर्णम् ।

iti śrīcidambareśvara śrīnaṭarāja devālayastha devatāstotraṃ sampūrṇam |