भवानीशङ्कराष्टावधानश्लोकाः Shri Bhavani Shankara Ashtavadhana Shlokah

विप्राणामुपकारकान् शुभकरान् ऋग्वेदमन्त्रानिमान्नानार्थाभिहितांस्त्वया प्रकटितान् भक्त्या मया भाषितान् ।स्वर्गाधिष्ठितवासवादिविबुधैः सम्पूजिताङ्घ्रिद्वयभक्तानामभयप्रदायक शिव त्वं शङ्कराकर्णय ॥देव देवोत्तम देवतासार्वभौम अखिलाण्डकोटिब्रह्माण्डनायकऋग्वेदप्रिय ऋग्वेदसेवामवधारय ॥ १॥

viprāṇāmupakārakān śubhakarān ṛgvedamantrānimānnānārthābhihitāṃstvayā prakaṭitān bhaktyā mayā bhāṣitān |svargādhiṣṭhitavāsavādivibudhaiḥ sampūjitāṅghridvayabhaktānāmabhayapradāyaka śiva tvaṃ śaṅkarākarṇaya ||deva devottama devatāsārvabhauma akhilāṇḍakoṭibrahmāṇḍanāyakaṛgvedapriya ṛgvedasevāmavadhāraya || 1||

दिव्यं सुस्वर शोभनार्थकमिमं भक्त्या मया भाषितंयज्ञानामुपयोगिनं शृणु यजुर्वेदं तवाह्लादकम् ।स्वाहाकारयुजं सुरादिसुखदं दक्षाध्वरध्वंसकसाधूनां भवभीतिनाशनकर श्रीमद्भवानीपते ॥देव देवोत्तम देवतासार्वभौम अखिलाण्डकोटिब्रह्माण्डनायकयजुर्वेदप्रिय यजुर्वेदसेवामवधारय ॥ २॥

divyaṃ susvara śobhanārthakamimaṃ bhaktyā mayā bhāṣitaṃyajñānāmupayoginaṃ śṛṇu yajurvedaṃ tavāhlādakam |svāhākārayujaṃ surādisukhadaṃ dakṣādhvaradhvaṃsakasādhūnāṃ bhavabhītināśanakara śrīmadbhavānīpate ||deva devottama devatāsārvabhauma akhilāṇḍakoṭibrahmāṇḍanāyakayajurvedapriya yajurvedasevāmavadhāraya || 2||

वेदानां परमं मया निगदितं कर्णामृतं तोषदंदुष्टानां क्रथने विशारद चिरं त्रैलोक्यनाथाग्रणीः ।भक्तानां परिपालनोत्सुकतम प्याट् सामगानप्रियहेमाद्रिस्थितयोगिवन्दितपद त्वं सामगानं शृणु ॥देव देवोत्तम देवतासार्वभौम अखिलाण्डकोटिब्रह्माण्डनायकसामवेदप्रिय सामवेदसेवामवधारय ॥ ३॥

vedānāṃ paramaṃ mayā nigaditaṃ karṇāmṛtaṃ toṣadaṃduṣṭānāṃ krathane viśārada ciraṃ trailokyanāthāgraṇīḥ |bhaktānāṃ paripālanotsukatama pyāṭ sāmagānapriyahemādristhitayogivanditapada tvaṃ sāmagānaṃ śṛṇu ||deva devottama devatāsārvabhauma akhilāṇḍakoṭibrahmāṇḍanāyakasāmavedapriya sāmavedasevāmavadhāraya || 3||

नानार्थाभिहितांस्त्वया प्रकटितांश्चाथर्ववेदोदयान्मन्त्रान्वीर्ययुतानभीष्टफलदान् लोके त्वया विस्तृतान् ।कैलासस्थितनन्दिमुख्यगणपैः स्तोत्रैः सदा वन्दितलोकाभीष्टफलप्रदातृ गिरिश त्वं कृत्तिवासः शृणु ॥देव देवोत्तम देवतासार्वभौम अखिलाण्डकोटिब्रह्माण्डनायकअथर्ववेदप्रिय अथर्ववेदसेवामवधारय ॥ ४॥

nānārthābhihitāṃstvayā prakaṭitāṃścātharvavedodayānmantrānvīryayutānabhīṣṭaphaladān loke tvayā vistṛtān |kailāsasthitanandimukhyagaṇapaiḥ stotraiḥ sadā vanditalokābhīṣṭaphalapradātṛ giriśa tvaṃ kṛttivāsaḥ śṛṇu ||deva devottama devatāsārvabhauma akhilāṇḍakoṭibrahmāṇḍanāyakaatharvavedapriya atharvavedasevāmavadhāraya || 4||

षट्त्रिंशात्मकतत्त्वसाधनकरं वेदान्तवेद्याव्ययविश्वोत्पादक विश्वतोमुखमिदं त्वल्पाक्षरं सारवत् ।अस्तोभं त्वनवद्यसूत्रममलं सर्वार्थसम्पादकंशश्वत्संश्रुतिसागरं समुदितं वेदान्तशास्त्रं शृणु ॥देव देवोत्तम देवतासार्वभौम अखिलाण्डकोटिब्रह्माण्डनायकवेदान्तशास्त्रप्रिय वेदान्तशास्त्रसेवामवधारय ॥ ५॥

ṣaṭtriṃśātmakatattvasādhanakaraṃ vedāntavedyāvyayaviśvotpādaka viśvatomukhamidaṃ tvalpākṣaraṃ sāravat |astobhaṃ tvanavadyasūtramamalaṃ sarvārthasampādakaṃśaśvatsaṃśrutisāgaraṃ samuditaṃ vedāntaśāstraṃ śṛṇu ||deva devottama devatāsārvabhauma akhilāṇḍakoṭibrahmāṇḍanāyakavedāntaśāstrapriya vedāntaśāstrasevāmavadhāraya || 5||

भस्मोद्धूलितविग्रहोपनिषदां वाक्यैरुपबृंहितंपाराशर्यकृतं पुराणमुदितं नित्यं मया भक्तितः ।एतत्पञ्चसुलक्षणान्वितपदं ह्यध्यात्मतत्त्वं परंशश्वत्संश्रुतिसागरोद्धर विभो त्वं सेतिहासं शृणु ॥देव देवोत्तम देवतासार्वभौम अखिलाण्डकोटिब्रह्माण्डनायकपुराणप्रिय पुराणसेवामवधारय ॥ ६॥

bhasmoddhūlitavigrahopaniṣadāṃ vākyairupabṛṃhitaṃpārāśaryakṛtaṃ purāṇamuditaṃ nityaṃ mayā bhaktitaḥ |etatpañcasulakṣaṇānvitapadaṃ hyadhyātmatattvaṃ paraṃśaśvatsaṃśrutisāgaroddhara vibho tvaṃ setihāsaṃ śṛṇu ||deva devottama devatāsārvabhauma akhilāṇḍakoṭibrahmāṇḍanāyakapurāṇapriya purāṇasevāmavadhāraya || 6||

विश्वाधारक विश्वपोषक भवन् विश्वाद्य विश्वेश्वरविश्वेषां स्थितिसृष्टिनाशनविधे विश्वात्मकाधीश्वर ।विद्याधारक विश्वरूपक गुरो विद्याप्रदातः प्रभोविद्वद्भिर्नुत वन्द्यमानचरण त्वं गद्यमाकर्णय ॥देव देवोत्तम देवतासार्वभौम अखिलाण्डकोटिब्रह्माण्डनायकगद्यपद्यप्रिय गद्यपद्यसेवामवधारय ॥ ७॥

viśvādhāraka viśvapoṣaka bhavan viśvādya viśveśvaraviśveṣāṃ sthitisṛṣṭināśanavidhe viśvātmakādhīśvara |vidyādhāraka viśvarūpaka guro vidyāpradātaḥ prabhovidvadbhirnuta vandyamānacaraṇa tvaṃ gadyamākarṇaya ||deva devottama devatāsārvabhauma akhilāṇḍakoṭibrahmāṇḍanāyakagadyapadyapriya gadyapadyasevāmavadhāraya || 7||

माताङ्गासुरकन्धरापहर भो माराङ्गसन्दाहकमाया पारग मान्य माधवसुहृन् मायागुणैर्मोहक ।मायातीत निरञ्जनात्मक सदा माहेन्द्रवन्द्याद्य भोमार्कण्डेयमुनीन्द्रपूजितपद सोमाष्टकं त्वं शृणु ॥देव देवोत्तम देवतासार्वभौम अखिलाण्डकोटिब्रह्माण्डनायकअष्टकप्रिय अष्टकसेवामवधारय ॥ ८॥

mātāṅgāsurakandharāpahara bho mārāṅgasandāhakamāyā pāraga mānya mādhavasuhṛn māyāguṇairmohaka |māyātīta nirañjanātmaka sadā māhendravandyādya bhomārkaṇḍeyamunīndrapūjitapada somāṣṭakaṃ tvaṃ śṛṇu ||deva devottama devatāsārvabhauma akhilāṇḍakoṭibrahmāṇḍanāyakaaṣṭakapriya aṣṭakasevāmavadhāraya || 8||

श्रुत्यादिस्तुतिभिः प्रकाशित जटिन् विध्वग्निसूर्याम्बकनानालङ्कृतभोऽन्धकासुररिपो विद्याधराख्यापितम् ।भो स्वामिंस्तवमानसप्रियमिदं षड्जादिभेदान्वितंश्रीरागादियुतं शुभं सुरुचिरं सङ्गीतमाकर्णय ॥देव देवोत्तम देवतासार्वभौम अखिलाण्डकोटिब्रह्माण्डनायकसङ्गीतप्रिय सङ्गीतसेवामवधारय ॥ ९॥

śrutyādistutibhiḥ prakāśita jaṭin vidhvagnisūryāmbakanānālaṅkṛtabho'ndhakāsuraripo vidyādharākhyāpitam |bho svāmiṃstavamānasapriyamidaṃ ṣaḍjādibhedānvitaṃśrīrāgādiyutaṃ śubhaṃ suruciraṃ saṅgītamākarṇaya ||deva devottama devatāsārvabhauma akhilāṇḍakoṭibrahmāṇḍanāyakasaṅgītapriya saṅgītasevāmavadhāraya || 9||

दैत्योन्मन्थविधौ पराक्रमनिधे हे शीर्षमालाधरसाधूनां हृदयाम्बुजस्थ सततं रुद्राक्षमालाधर ।रक्षोहृद्भयकारकं शुभकरं दुग्धाच्छशङ्खोत्थितंॐकारध्वनिमीश कर्णमधुरं शम्भो सदाकर्णय ॥देव देवोत्तम देवतासार्वभौम अखिलाण्डकोटिब्रह्माण्डनायकशङ्खवाद्यप्रिय शङ्खवाद्यसेवामवधारय ॥ १०॥

daityonmanthavidhau parākramanidhe he śīrṣamālādharasādhūnāṃ hṛdayāmbujastha satataṃ rudrākṣamālādhara |rakṣohṛdbhayakārakaṃ śubhakaraṃ dugdhācchaśaṅkhotthitaṃoṃkāradhvanimīśa karṇamadhuraṃ śambho sadākarṇaya ||deva devottama devatāsārvabhauma akhilāṇḍakoṭibrahmāṇḍanāyakaśaṅkhavādyapriya śaṅkhavādyasevāmavadhāraya || 10||

श्रीमच्छङ्करदेशिकादिगुरुभिः स्वाराधितानन्ददश्रीमद्भक्तजनोत्तमैः कृतमिदं नादेन संशोभितम् ।सप्तध्वानयुतं शुभं सुरुचिरं श्रीमन् मृडानीपतेशृङ्गालङ्कृतरागनादसहितं वेणुं सदा त्वं शृणु ॥देव देवोत्तम देवतासार्वभौम अखिलाण्डकोटिब्रह्माण्डनायकवेणुवाद्यप्रिय वेणुवाद्यसेवामवधारय ॥ ११॥

śrīmacchaṅkaradeśikādigurubhiḥ svārādhitānandadaśrīmadbhaktajanottamaiḥ kṛtamidaṃ nādena saṃśobhitam |saptadhvānayutaṃ śubhaṃ suruciraṃ śrīman mṛḍānīpateśṛṅgālaṅkṛtarāganādasahitaṃ veṇuṃ sadā tvaṃ śṛṇu ||deva devottama devatāsārvabhauma akhilāṇḍakoṭibrahmāṇḍanāyakaveṇuvādyapriya veṇuvādyasevāmavadhāraya || 11||

त्रिपुरदहनमूर्ते पावनापारकीर्तेत्रिभुवनधरमूर्ते शूलपाणे त्रिमूर्ते ।डमरुकधरमूर्ते विश्वमूर्तेऽष्टमूर्तेभवभयहरमूर्ते मौरिवाद्यं श्रुणु त्वम् ॥देव देवोत्तम देवतासार्वभौम अखिलाण्डकोटिब्रह्माण्डनायकमौरिवाद्यप्रिय मौरिवाद्यसेवामवधारय ॥ १२॥

tripuradahanamūrte pāvanāpārakīrtetribhuvanadharamūrte śūlapāṇe trimūrte |ḍamarukadharamūrte viśvamūrte'ṣṭamūrtebhavabhayaharamūrte maurivādyaṃ śruṇu tvam ||deva devottama devatāsārvabhauma akhilāṇḍakoṭibrahmāṇḍanāyakamaurivādyapriya maurivādyasevāmavadhāraya || 12||

भेरिदुन्दुभिझर्झरोर्ध्वकतुरीशङ्खानकाङ्कीततढक्कामर्दलतालवेणुडमरुश्रुत्यादिवाद्यारवान् ।नानाभेदयुतान् जडीकृतककुभ्घोषाश्रवो रन्ध्रकान्श्रीवल्याख्यपुराधिवास भगवन् श्रीशङ्कराकर्णय ॥देव देवोत्तम देवतासार्वभौम अखिलाण्डकोटिब्रह्माण्डनायकसर्ववाद्यप्रिय सर्ववाद्यसेवामवधारय ॥ १३॥

bheridundubhijharjharordhvakaturīśaṅkhānakāṅkītataḍhakkāmardalatālaveṇuḍamaruśrutyādivādyāravān |nānābhedayutān jaḍīkṛtakakubhghoṣāśravo randhrakānśrīvalyākhyapurādhivāsa bhagavan śrīśaṅkarākarṇaya ||deva devottama devatāsārvabhauma akhilāṇḍakoṭibrahmāṇḍanāyakasarvavādyapriya sarvavādyasevāmavadhāraya || 13||

इति वत्सगोत्रोत्पन्नगणपतिशर्मणा विरचिताःश्रीभवानीशङ्कराष्टावधानश्लोकाः सम्पूर्णाः ।

iti vatsagotrotpannagaṇapatiśarmaṇā viracitāḥśrībhavānīśaṅkarāṣṭāvadhānaślokāḥ sampūrṇāḥ |