शिवभक्तिप्रसादवर्णनम् कलियुगे Shivaproktam Kaliyuge Shivabhaktiprasadavarnanam

(शिवरहस्यान्तर्गते सदाशिवाख्ये)शिवपार्वतीसंवादेईश्वर उवाच ।मा भैषिर्देवि भद्रं ते भिषग्वर्योऽस्म्यहं शिवे ॥ ४\।२॥कलावपि भवेद्भक्तिः केषाञ्चित्पुण्यगौरवैः ।ते भावैः पूजयन्त्येव भवोद्भवमतन्द्रिताः ॥ ५॥

(śivarahasyāntargate sadāśivākhye)śivapārvatīsaṃvādeīśvara uvāca |mā bhaiṣirdevi bhadraṃ te bhiṣagvaryo'smyahaṃ śive || 4\|2||kalāvapi bhavedbhaktiḥ keṣāñcitpuṇyagauravaiḥ |te bhāvaiḥ pūjayantyeva bhavodbhavamatandritāḥ || 5||

ते तरन्त्येव देवेशि कलावपि भवार्णवम् ।देवाश्च मुनयश्चेमे मनुष्याः स्थावरा अपि ॥ ६॥

te tarantyeva deveśi kalāvapi bhavārṇavam |devāśca munayaśceme manuṣyāḥ sthāvarā api || 6||

कृतत्रेताद्वापरेषु तपः क्लिष्टाः सदाम्बिके ।क्षणसिद्धौ कलौ जन्म वाञ्छन्त्येव हि नाद्भुतम् ॥ ७॥

kṛtatretādvāpareṣu tapaḥ kliṣṭāḥ sadāmbike |kṣaṇasiddhau kalau janma vāñchantyeva hi nādbhutam || 7||

कलेर्गुणान्प्रवक्ष्यामि यदि स्यामयिभक्तिमान् (भक्तिर्मयीश्वरि) ।सा भक्तिर्दुर्लभा देवि ब्रह्मादीनामपि ध्रुवम् ॥ ८॥

kalerguṇānpravakṣyāmi yadi syāmayibhaktimān (bhaktirmayīśvari) |sā bhaktirdurlabhā devi brahmādīnāmapi dhruvam || 8||

प्रसादादेव सा भक्तिर्मम सर्वयुगेष्वपि ।विशेषतः कलियुगे भवित्री क्वचिदेव हि ॥ ९॥

prasādādeva sā bhaktirmama sarvayugeṣvapi |viśeṣataḥ kaliyuge bhavitrī kvacideva hi || 9||

जन्महन्त्री पुण्यदात्री प्रदात्री सर्वकर्मणाम् ।फलं मोक्षं च भक्तिं च राज्यं पुत्रांस्त्रियो धनम् ॥ १०॥

janmahantrī puṇyadātrī pradātrī sarvakarmaṇām |phalaṃ mokṣaṃ ca bhaktiṃ ca rājyaṃ putrāṃstriyo dhanam || 10||

पशवो धान्यनिचयभायुरारोग्यमेव च ।कलेर्गुणान्प्रवक्ष्यामि शृणु त्वं सावधानतः ॥ ११॥

paśavo dhānyanicayabhāyurārogyameva ca |kalerguṇānpravakṣyāmi śṛṇu tvaṃ sāvadhānataḥ || 11||

शिष्टानिष्टकरेऽपि सम्प्रति कलेरेको विशिष्टो गुणः ।कृत्याकृत्यगुणागुणेषु सुमहावृद्धिर्भवित्री कलौ ॥ १२॥

śiṣṭāniṣṭakare'pi samprati kalereko viśiṣṭo guṇaḥ |kṛtyākṛtyaguṇāguṇeṣu sumahāvṛddhirbhavitrī kalau || 12||

नैवान्येषु युगेषु तत्त्रगुणितं ध्यानार्चनावाजपो ।भूयात्सत्यमिदं विशिष्ट इति तं जानाम्यहं तं युगम् ॥ १२॥

naivānyeṣu yugeṣu tattraguṇitaṃ dhyānārcanāvājapo |bhūyātsatyamidaṃ viśiṣṭa iti taṃ jānāmyahaṃ taṃ yugam || 12||

एकं नन्दामि निन्दाशतमपि कुधियां विप्रवृन्देषु मन्दाज्ञानानन्दमहो ददाति सुकलिर्नाम्नैव मे सर्वदा ।किं वक्ष्याम्यगकन्यके कलिभवो यो वा क्षणार्धं मुहुर्मन्नामामृतपाखिनीन(पान पीन)मनस(हृदये)स मुक्तिकान्तपतिः ॥ १३॥

ekaṃ nandāmi nindāśatamapi kudhiyāṃ vipravṛndeṣu mandājñānānandamaho dadāti sukalirnāmnaiva me sarvadā |kiṃ vakṣyāmyagakanyake kalibhavo yo vā kṣaṇārdhaṃ muhurmannāmāmṛtapākhinīna(pāna pīna)manasa(hṛdaye)sa muktikāntapatiḥ || 13||

कलिकलशगुणो यः साधुरेवायमीशेक्षणमपि मम पूजाध्याननामैक निष्ठः ।स हि कृतयुगत्रेताद्वापरे वा सहस्राण्ययुततपसमृद्ध्या तत्फलं नो लभेत ॥ १४॥

kalikalaśaguṇo yaḥ sādhurevāyamīśekṣaṇamapi mama pūjādhyānanāmaika niṣṭhaḥ |sa hi kṛtayugatretādvāpare vā sahasrāṇyayutatapasamṛddhyā tatphalaṃ no labheta || 14||

क्वचित्कलिभवो नरो भुवि भवेत भाग्योदयैःशिवार्चनपरायणः प्रथितभस्मसन्धारणः ।स एव शरणाय वै कलिजलेषु सन्तारणःशिवे स सुखकारणो बहुलपापसंहारणः ॥ १५॥

kvacitkalibhavo naro bhuvi bhaveta bhāgyodayaiḥśivārcanaparāyaṇaḥ prathitabhasmasandhāraṇaḥ |sa eva śaraṇāya vai kalijaleṣu santāraṇaḥśive sa sukhakāraṇo bahulapāpasaṃhāraṇaḥ || 15||

सत्यं सत्यं भवानि क्षणमपि करुणाराशिवाराशिकन्यापतिनयनपदाब्जध्यानधारानुरक्तः ।कलिमलकुलशैलाकारपापेषु सक्तोऽप्यथ यदि शिवभक्तः सत्यमेवेह मुक्तः ॥ १६॥

satyaṃ satyaṃ bhavāni kṣaṇamapi karuṇārāśivārāśikanyāpatinayanapadābjadhyānadhārānuraktaḥ |kalimalakulaśailākārapāpeṣu sakto'pyatha yadi śivabhaktaḥ satyameveha muktaḥ || 16||

अलं कलियुगेऽम्बिके सकलतीर्थसत्कल्पकावनैर्मखमुखक्रिया सकलदान विश्राणनैः ।अलं विविधभूसुराश्रमविचारसंवर्तनैरलं च सुसुखं क्रियाव्रतभवादिकार्येऽपि किम् ॥ १७॥

alaṃ kaliyuge'mbike sakalatīrthasatkalpakāvanairmakhamukhakriyā sakaladāna viśrāṇanaiḥ |alaṃ vividhabhūsurāśramavicārasaṃvartanairalaṃ ca susukhaṃ kriyāvratabhavādikārye'pi kim || 17||

नालं किं शशिशेखराम्बुजपदध्यानैकमोदं मनोमल्लिङ्गार्चन यापितोत्तमदिनं नामैव नालं किमु ।कः कालान्तकपूजनोत्सवमतिं क्वायं स्पृशेद्वा कलिःसंसाराम्बुधितारकारणमुमे भक्तिः परा मे कलौ ॥ १८॥

nālaṃ kiṃ śaśiśekharāmbujapadadhyānaikamodaṃ manomalliṅgārcana yāpitottamadinaṃ nāmaiva nālaṃ kimu |kaḥ kālāntakapūjanotsavamatiṃ kvāyaṃ spṛśedvā kaliḥsaṃsārāmbudhitārakāraṇamume bhaktiḥ parā me kalau || 18||

शिवे सुकृतसाधनं कलियुगेषु लिङ्गार्चनंवदन्ति निगमाः सदा सुगममार्गसन्दर्शनम् ।अघौघबलतर्जनं कलिमलादि सन्तर्जनंभवेत सुखचोदनं अ(नि)खिलदुःखसन्दीपनम् ॥ १९॥

śive sukṛtasādhanaṃ kaliyugeṣu liṅgārcanaṃvadanti nigamāḥ sadā sugamamārgasandarśanam |aghaughabalatarjanaṃ kalimalādi santarjanaṃbhaveta sukhacodanaṃ a(ni)khiladuḥkhasandīpanam || 19||

कलावपि तपोबलैरमितपुण्यजालोदयैभवन्ति भुवि ते नरा हरमहेशपादादराः ।तएव खलु विस्तरं भवमहाब्धिजं दुस्तरंतरन्ति विषयोर्मिमज्जनननाशदुःखं(जननमरणरूपदुःखम्) महत् ॥ २०॥

kalāvapi tapobalairamitapuṇyajālodayaibhavanti bhuvi te narā haramaheśapādādarāḥ |taeva khalu vistaraṃ bhavamahābdhijaṃ dustaraṃtaranti viṣayormimajjanananāśaduḥkhaṃ(jananamaraṇarūpaduḥkham) mahat || 20||

सुरा अपि मुनीश्वरा कृतयुगादिषु ह्युद्यतास्तपः परमदुष्करं चिरफलं च कालेन तत् ।अयं कलिरहो शिवे क्षणिकचित्तसंवेशनात्पदाम्बुजयुगे मम प्रसभमुक्तिलाभप्रदः ॥ २१॥

surā api munīśvarā kṛtayugādiṣu hyudyatāstapaḥ paramaduṣkaraṃ ciraphalaṃ ca kālena tat |ayaṃ kaliraho śive kṣaṇikacittasaṃveśanātpadāmbujayuge mama prasabhamuktilābhapradaḥ || 21||

कलावपि सुरा नरा जनननाशमव्याहतंविनिन्द्यमभितोऽम्बिके ह्यभिवदन्ति वाञ्छन्त्यपि ।कदा खलु भवेद्धि नो जननमेव तिष्ये सदासदाशिवपदार्चने तदिह जन्मतः सत्फलम् ॥ २२॥

kalāvapi surā narā janananāśamavyāhataṃvinindyamabhito'mbike hyabhivadanti vāñchantyapi |kadā khalu bhaveddhi no jananameva tiṣye sadāsadāśivapadārcane tadiha janmataḥ satphalam || 22||

यः कश्चित्प्रभवेत वै कलियुगे मल्लिङ्गपूजादरोभस्मद्योतितपुण्ड्रभालतिलको रुद्राक्षकोटीरकः ।श्रीरुद्रप्रवणोऽपि देवि सुमहापञ्चाक्षरावृत्तिभाक्एवं यो नियतं वसेत स मुनिंस्तस्यैव मुक्तिः स्थिरा ॥ २३॥

yaḥ kaścitprabhaveta vai kaliyuge malliṅgapūjādarobhasmadyotitapuṇḍrabhālatilako rudrākṣakoṭīrakaḥ |śrīrudrapravaṇo'pi devi sumahāpañcākṣarāvṛttibhākevaṃ yo niyataṃ vaseta sa muniṃstasyaiva muktiḥ sthirā || 23||

धीरस्तिष्यैकपुष्यत्कुपथजनिजरारोगनाशैकनश्यल्लोके पुत्रकलत्रमित्रजठरीत्युष्यात्किलैवं शिवे ।तत्रैवं यदि चन्द्रचूडचरणध्यानेक्षणं वा मनःकृत्वा मृत्युकृतां तथा कलिकृतामर्तिं न विन्देन्नरः ॥ २४॥

dhīrastiṣyaikapuṣyatkupathajanijarāroganāśaikanaśyalloke putrakalatramitrajaṭharītyuṣyātkilaivaṃ śive |tatraivaṃ yadi candracūḍacaraṇadhyānekṣaṇaṃ vā manaḥkṛtvā mṛtyukṛtāṃ tathā kalikṛtāmartiṃ na vindennaraḥ || 24||

कृते त्रैतायां वै यदि खलु तथा द्वापर भवासहस्रं वा तत्स्यात्तनुकषणमात्रात्पलकणम् ।शिवे लिङ्गार्चायां तदिह दिनके वै कलियुगेक्षणं त्र्यक्षध्यानाद्भवति स मुक्तेः प्रियतमः ॥ २५॥

kṛte traitāyāṃ vai yadi khalu tathā dvāpara bhavāsahasraṃ vā tatsyāttanukaṣaṇamātrātpalakaṇam |śive liṅgārcāyāṃ tadiha dinake vai kaliyugekṣaṇaṃ tryakṣadhyānādbhavati sa mukteḥ priyatamaḥ || 25||

सिकत्यं मां देवं नदि(दी)भव सिकत्यासु च यजन्रजस्ये मृल्लिङ्गे क्षणमपि च स क्षीणकुपथः ।उमे धन्यो मन्यो भवति कलिजन्येऽपि तमसिअहो मन्ये मुख्यं स हि परममान्यः प्रियतमः ॥ २६॥

sikatyaṃ māṃ devaṃ nadi(dī)bhava sikatyāsu ca yajanrajasye mṛlliṅge kṣaṇamapi ca sa kṣīṇakupathaḥ |ume dhanyo manyo bhavati kalijanye'pi tamasiaho manye mukhyaṃ sa hi paramamānyaḥ priyatamaḥ || 26||

त्रियायुषमनुप्रभाभसितभूतपूताङ्गकोविशोषिकलुषोच्चयो भवति भाग्यपूर्णः कलौ ।अशेषसुरसंसदं स खलु यति पूषप्रभाविमानवरमास्थितः स्थिरचराद्धि पापापहः ॥ २७॥

triyāyuṣamanuprabhābhasitabhūtapūtāṅgakoviśoṣikaluṣoccayo bhavati bhāgyapūrṇaḥ kalau |aśeṣasurasaṃsadaṃ sa khalu yati pūṣaprabhāvimānavaramāsthitaḥ sthiracarāddhi pāpāpahaḥ || 27||

मुदैति मल्लिङ्गसमर्चनेनकलौ नरा निष्कृतिदुष्कृतानि ।तान्येव पुण्यानि भवन्ति सद्योभवोद्भवार्चाबलतो भवानि ॥ २८॥

mudaiti malliṅgasamarcanenakalau narā niṣkṛtiduṣkṛtāni |tānyeva puṇyāni bhavanti sadyobhavodbhavārcābalato bhavāni || 28||

आशीविषोमविषविषयानुधावच्चित्तेष्वशेषहृदयोत्थितकालतिष्ये ।भूषाविशेषकृतशेषमहोरुहारपूषाक्षमीषदपि चिन्तयते स धन्यः ॥ २९॥

āśīviṣomaviṣaviṣayānudhāvaccitteṣvaśeṣahṛdayotthitakālatiṣye |bhūṣāviśeṣakṛtaśeṣamahoruhārapūṣākṣamīṣadapi cintayate sa dhanyaḥ || 29||

॥ इति शिवरहस्यान्तर्गते शिवप्रोक्तं कलियुगे शिवभक्तिप्रसादवर्णनं सम्पूर्णम् ॥॥ श्रीशिवरहस्यम् । सदाशिवाख्यः नवमांशः । अध्यायः ११ कलियुग(गुण)वर्णनम् । ४२९॥

|| iti śivarahasyāntargate śivaproktaṃ kaliyuge śivabhaktiprasādavarṇanaṃ sampūrṇam |||| śrīśivarahasyam | sadāśivākhyaḥ navamāṃśaḥ | adhyāyaḥ 11 kaliyuga(guṇa)varṇanam | 429||

– ॥ श्रीशिवरहस्यम् ।सदाशिवाख्यः नवमांशः ।अध्यायः ११ कलियुग(गुण)वर्णनम् ।४-२९॥

– || śrīśivarahasyam |sadāśivākhyaḥ navamāṃśaḥ |adhyāyaḥ 11 kaliyuga(guṇa)varṇanam | 4-29||