कैलासवर्णनम् १ कैलासौपनयनम् १ Kailasavarnanam 1

(कैलासौपनयनम् १)स्कन्द उवाचसर्वगस्यापि देवस्य महादेवस्य शूलिनः ।महाकैलासमित्युक्तं शिवतत्वार्थवेदिभिः ॥ ४॥

(kailāsaupanayanam 1)skanda uvācasarvagasyāpi devasya mahādevasya śūlinaḥ |mahākailāsamityuktaṃ śivatatvārthavedibhiḥ || 4||

ईशानगणमुख्यस्य कैलासं दक्षिणाश्रमम् ।अयं मुनेऽमरेनद्राणां निवासो मेरुरुन्नतः ॥ ५॥

īśānagaṇamukhyasya kailāsaṃ dakṣiṇāśramam |ayaṃ mune'marenadrāṇāṃ nivāso merurunnataḥ || 5||

प्रविष्टष्षोडशाधस्ताद्द्वात्रिंशन्मूर्ध्नि विश्रुतः ।वृषस्स्तम्भमयो भाति महाकैलाससन्निधौ ॥ ६॥

praviṣṭaṣṣoḍaśādhastāddvātriṃśanmūrdhni viśrutaḥ |vṛṣasstambhamayo bhāti mahākailāsasannidhau || 6||

कैलासादपि पूर्वस्यां पञ्चाशच्च सहस्रकैः ।योजनैः प्राक्स्थितो मेरुर्नानासुरगणाश्रयः ॥ ७॥

kailāsādapi pūrvasyāṃ pañcāśacca sahasrakaiḥ |yojanaiḥ prāksthito merurnānāsuragaṇāśrayaḥ || 7||

ज्वलज्ज्वलनसंकाशः कनकोत्तमपर्वतः ।सहस्रयोजनोत्सेधं विद्धि मेरु सुरालयम् ॥ ८॥

jvalajjvalanasaṃkāśaḥ kanakottamaparvataḥ |sahasrayojanotsedhaṃ viddhi meru surālayam || 8||

षट्षष्टिः कथितो योगिन्नूर्ध्वायामैकमूलतः ।लक्षयोजनमानेन कैलासो धरणीधरः ॥ ९॥

ṣaṭṣaṣṭiḥ kathito yoginnūrdhvāyāmaikamūlataḥ |lakṣayojanamānena kailāso dharaṇīdharaḥ || 9||

कुलाचलास्सप्तशतं प्राकारपरिघास्तथा ।प्राकारस्यान्तरालस्य सप्तद्वीपास्ससागराः ॥ १०॥

kulācalāssaptaśataṃ prākāraparighāstathā |prākārasyāntarālasya saptadvīpāssasāgarāḥ || 10||

सप्ताब्धयस्सुधाम्भोधिकल्लोलामलबीजितः ।कोटियोजनमानेन कैलासो भूधरो महान् ॥ ११॥

saptābdhayassudhāmbhodhikallolāmalabījitaḥ |koṭiyojanamānena kailāso bhūdharo mahān || 11||

राजतो राजतेऽत्यन्तं पञ्चाशल्लक्षमानतः ।सप्तपातालमूलान्तस्सपतलोकान्त उच्छ्रयः ॥ १२॥

rājato rājate'tyantaṃ pañcāśallakṣamānataḥ |saptapātālamūlāntassapatalokānta ucchrayaḥ || 12||

महाराजतभूभागश्चन्द्रकोटिसमप्रभः ।नाग्निर्नविधुर्नोसूर्यस्तत्तेजस्सद्दशो भुवि ॥ १३॥

mahārājatabhūbhāgaścandrakoṭisamaprabhaḥ |nāgnirnavidhurnosūryastattejassaddaśo bhuvi || 13||

चतुर्दश महालोकानुच्छ्रायश्शिखरैस्स्वयम् ।मध्ये सुधासागरस्य फेनमण्डोपमस्स्थितः ॥ १४॥

caturdaśa mahālokānucchrāyaśśikharaissvayam |madhye sudhāsāgarasya phenamaṇḍopamassthitaḥ || 14||

न हरो न हरिर्धाता महेन्द्राद्याश्च देवताः ।न सुपर्णोरगा यक्षा न गन्धर्वा दितेस्सुताः ॥ १५॥

na haro na harirdhātā mahendrādyāśca devatāḥ |na suparṇoragā yakṣā na gandharvā ditessutāḥ || 15||

न वीक्षितुं शक्नुवन्ति किम्पुनर्गन्तुमञ्जसा ।तत्प्रभाभिहतालोका हराजहरिणो द्विज ॥ १६॥

na vīkṣituṃ śaknuvanti kimpunargantumañjasā |tatprabhābhihatālokā harājahariṇo dvija || 16||

तत्तेजसा प्रतिहतास्सूर्येन्दुपवनानलाः ।सुधासागरकल्लोलैः कैलासस्पर्शवायवः ॥ १७॥

tattejasā pratihatāssūryendupavanānalāḥ |sudhāsāgarakallolaiḥ kailāsasparśavāyavaḥ || 17||

पुनन्ति लोकानखिलान्विष्णुब्रह्महरामरान् ।सुरासुराणां गमनं न तत्र मनसापि हि ॥ १८॥

punanti lokānakhilānviṣṇubrahmaharāmarān |surāsurāṇāṃ gamanaṃ na tatra manasāpi hi || 18||

न वेदवचनैश्शक्यो महाकैलासपर्वतः ।तल्लेशलेशमहिमां कश्शक्तो वक्तुमप्यणु ॥ १९॥

na vedavacanaiśśakyo mahākailāsaparvataḥ |talleśaleśamahimāṃ kaśśakto vaktumapyaṇu || 19||

सहस्रवदनश्शेषस्सहस्राक्षोऽपि नेक्षते ।किं पुनर्मानवाः (किम्पुनर्नानतः) क्षुद्रा वराकास्ते सरासुराः ॥ २०॥

sahasravadanaśśeṣassahasrākṣo'pi nekṣate |kiṃ punarmānavāḥ (kimpunarnānataḥ) kṣudrā varākāste sarāsurāḥ || 20||

शतं कुलाचला मुख्याः प्राकारा इव संस्थिताः ।महद्भिरुच्छ्रितैश्शृङ्गैःकेचिद्गोपुरवत्स्थिताः ॥ २१॥

śataṃ kulācalā mukhyāḥ prākārā iva saṃsthitāḥ |mahadbhirucchritaiśśṛṅgaiḥkecidgopuravatsthitāḥ || 21||

तदन्तरन्तरालेषु परिघाकृतयोऽब्धयः ।ततोऽपि सप्तप्राकारं शम्भोरन्तर्गृहं परम् ॥ २२॥

tadantarantarāleṣu parighākṛtayo'bdhayaḥ |tato'pi saptaprākāraṃ śambhorantargṛhaṃ param || 22||

प्राकारभूतास्ते शैलास्ताञ्छृणुष्व द्विजोत्तम ।कुमुदः पारियात्रश्च मैनाकः पूर्वदिग्गताः ॥ २३॥

prākārabhūtāste śailāstāñchṛṇuṣva dvijottama |kumudaḥ pāriyātraśca mainākaḥ pūrvadiggatāḥ || 23||

दर्दरो मलयो विन्ध्यः पश्चिमे योगिपुङ्गव ।उदयास्ताचलौ मुञ्ज उत्तरस्यां दिशिस्थिताः ॥ २४॥

dardaro malayo vindhyaḥ paścime yogipuṅgava |udayāstācalau muñja uttarasyāṃ diśisthitāḥ || 24||

नीलोदक्षिणकैलासोहिमवान्दक्षिणेस्थितः ।विगाह्यावहितास्सर्वेचाब्धिभिस्सर्वतोदिशम् ॥ २५॥

nīlodakṣiṇakailāsohimavāndakṣiṇesthitaḥ |vigāhyāvahitāssarvecābdhibhissarvatodiśam || 25||

द्वीपाब्धयस्ते परिघास्सप्तसप्तैव पर्वताः ।तदन्तरान्तरालेषु विहरन्ति दिवौकसः ॥ २६॥

dvīpābdhayaste parighāssaptasaptaiva parvatāḥ |tadantarāntarāleṣu viharanti divaukasaḥ || 26||

गन्धर्वाप्सरसस्सिद्धानागयक्षास्सुपर्णकाः ।किन्नराः पुरुषाःपुण्याविद्याधरसचारणाः ॥ २७॥

gandharvāpsarasassiddhānāgayakṣāssuparṇakāḥ |kinnarāḥ puruṣāḥpuṇyāvidyādharasacāraṇāḥ || 27||

मुनयो गणसङ्घाश्च नानाभूमैकभूमयः ।ततोऽपि विष्णुब्रह्माद्या ईशाना रुद्रमूर्तयः ॥ २८॥

munayo gaṇasaṅghāśca nānābhūmaikabhūmayaḥ |tato'pi viṣṇubrahmādyā īśānā rudramūrtayaḥ || 28||

विहरन्ति पतोम्भोधिप्राकारवरमाश्रिताः ।स्वादूदकाब्धितीरे च ततोऽपि प्रमथाधिपाः ॥ २९॥

viharanti patombhodhiprākāravaramāśritāḥ |svādūdakābdhitīre ca tato'pi pramathādhipāḥ || 29||

ततोऽपि रत्नप्राकारो दशसाहस्रयोजनः ।तद्रत्नकान्तिधाराभिर्मण्डितं भुवनत्रयम् ॥ ३०॥

tato'pi ratnaprākāro daśasāhasrayojanaḥ |tadratnakāntidhārābhirmaṇḍitaṃ bhuvanatrayam || 30||

मत्तकोकिलनेत्राभस्तत्रास्तेरत्नपर्वतः ।शतयोजनकोच्छ्रायः पद्मरागनगोत्तमः ॥ ३१॥

mattakokilanetrābhastatrāsteratnaparvataḥ |śatayojanakocchrāyaḥ padmarāganagottamaḥ || 31||

मयूखमालावितततन्मयूखतिरस्कृतः ।चन्द्रकान्तमणिप्रोद्यत्प्राकारोऽस्ति तदन्तरा ॥ ३२॥

mayūkhamālāvitatatanmayūkhatiraskṛtaḥ |candrakāntamaṇiprodyatprākāro'sti tadantarā || 32||

पञ्चाशतं सहस्रञ्च योजनायामतो द्विज ।सोमाच्छशतपीयूषनिर्यद्धारासमन्वितः ॥ ३३॥

pañcāśataṃ sahasrañca yojanāyāmato dvija |somācchaśatapīyūṣaniryaddhārāsamanvitaḥ || 33||

तत्कान्तिसारधाराभी रञ्जितास्तत्र भूमयः ।हिमसारमहातारधाराव्यापिनगोत्तमः ॥ ३४॥

tatkāntisāradhārābhī rañjitāstatra bhūmayaḥ |himasāramahātāradhārāvyāpinagottamaḥ || 34||

दशसाहस्रमानेन तत्रास्ते हीरको ह्यगः ।इन्द्रनीलामलमणिप्राकारोऽस्ति तदन्तरे ॥ ३५॥

daśasāhasramānena tatrāste hīrako hyagaḥ |indranīlāmalamaṇiprākāro'sti tadantare || 35||

पञ्चाशत्सोऽपि मानेन नीलनीलोत्पल्द्युतिः ।तन्नैल्यगर्भसौन्दर्यधाराधीरैकभूमयः ॥ ३६॥

pañcāśatso'pi mānena nīlanīlotpaldyutiḥ |tannailyagarbhasaundaryadhārādhīraikabhūmayaḥ || 36||

तत्रास्ति पर्वतवरश्चेन्द्रनीलशिलोच्चयः ।नीलनीरदसंश्लिष्टविद्युल्लेखान्वितछविः ईल् ३७॥दशसाहस्रविस्तारः परिणाहेऽपि तादृशः ।हरिन्मणीन्द्रप्रवरभाकारोऽस्ति तदन्तरा ॥ ३८॥

tatrāsti parvatavaraścendranīlaśiloccayaḥ |nīlanīradasaṃśliṣṭavidyullekhānvitachaviḥ īl 37||daśasāhasravistāraḥ pariṇāhe'pi tādṛśaḥ |harinmaṇīndrapravarabhākāro'sti tadantarā || 38||

तन्मणीन्द्रप्रभाभासिहरिता एव भूमयः ।प्रवालपर्वतस्तत्र विंशत्साहस्रमुन्नतः ॥ ३९॥

tanmaṇīndraprabhābhāsiharitā eva bhūmayaḥ |pravālaparvatastatra viṃśatsāhasramunnataḥ || 39||

बिम्बामललसत्कान्तिकान्तो भूधरनायकः ।तदन्तरेऽपि प्राकारो गोमेदमणिकल्पितः ॥ ४०॥

bimbāmalalasatkāntikānto bhūdharanāyakaḥ |tadantare'pi prākāro gomedamaṇikalpitaḥ || 40||

त्रिंशत्साहस्रमानेन मधुपिङ्गलसुन्दरः ।तत्रोच्चः पर्वतो विप्र कुरुविन्दमणिप्रभः ॥ ४१॥

triṃśatsāhasramānena madhupiṅgalasundaraḥ |tatroccaḥ parvato vipra kuruvindamaṇiprabhaḥ || 41||

पक्षसंख्यासहस्राणां शिखररैश्चापि तादृशः ।तस्यान्तरेऽपि प्राकारः पुष्परागशिलाञ्चितः ॥ ४२॥

pakṣasaṃkhyāsahasrāṇāṃ śikhararaiścāpi tādṛśaḥ |tasyāntare'pi prākāraḥ puṣparāgaśilāñcitaḥ || 42||

चत्वारिंशत्सहस्राणां योजनोन्नतमानतः ।तस्यामलछविगणैस्सदृशास्तत्र(शामल) भूमयः ॥ ४३॥

catvāriṃśatsahasrāṇāṃ yojanonnatamānataḥ |tasyāmalachavigaṇaissadṛśāstatra(śāmala) bhūmayaḥ || 43||

तत्रापि भूधरश्रेष्ठो मुक्तामणिशतैश्रितः ।उन्मत्ताखुभुजोत्तुङ्गलोचनामलसछविः ॥ ४४॥

tatrāpi bhūdharaśreṣṭho muktāmaṇiśataiśritaḥ |unmattākhubhujottuṅgalocanāmalasachaviḥ || 44||

तदन्तरा त्विषाकारविंशत्साहस्रमानतः ।तत्विषा चाभितस्सर्वपीतीभूतदिगन्तरः ॥ ४५॥

tadantarā tviṣākāraviṃśatsāhasramānataḥ |tatviṣā cābhitassarvapītībhūtadigantaraḥ || 45||

(तत्विषभि(प्रभाभि)स्ततः सर्वपीतीभूतदिगन्तरः) ॥ ४५॥

(tatviṣabhi(prabhābhi)stataḥ sarvapītībhūtadigantaraḥ) || 45||

वैडूर्यानेकसूत्राच्छधारारसविजृम्भिताः ।(वैडूर्यात्मकसत्वोथधारारसविजृम्भिताः ।)भूमयस्तत्र शोभन्ते विस्मयानां स्मयप्रदः ॥ ४६॥

vaiḍūryānekasūtrācchadhārārasavijṛmbhitāḥ |(vaiḍūryātmakasatvothadhārārasavijṛmbhitāḥ |)bhūmayastatra śobhante vismayānāṃ smayapradaḥ || 46||

तत्रास्ति पर्वतवरो नवरत्नयुतछविः ।क्वचिन्मरकतस्वच्छलहरीहरिताकृतिः ॥ ४७॥

tatrāsti parvatavaro navaratnayutachaviḥ |kvacinmarakatasvacchalaharīharitākṛtiḥ || 47||

क्वचिद्विद्रुमसङ्काशस्सन्ध्याघननिभः क्वचित् ।क्वचिद्धीरकजात्यच्छफलमूलसमछविः ॥ ४८॥

kvacidvidrumasaṅkāśassandhyāghananibhaḥ kvacit |kvaciddhīrakajātyacchaphalamūlasamachaviḥ || 48||

क्वचिद्वैडूर्यसूत्रोत्थभाभासितदिगन्तरः ।उन्मत्तकोकिलाक्षाभकुरुविन्दनिभः क्वचित् ॥ ४९॥

kvacidvaiḍūryasūtrotthabhābhāsitadigantaraḥ |unmattakokilākṣābhakuruvindanibhaḥ kvacit || 49||

पुष्परागसरागोद्यद्रागरक्तोऽरुणः क्वचित् ।तृणग्राहिमहानीलनीलिम्ना च नभोपमः ॥ ५०॥

puṣparāgasarāgodyadrāgarakto'ruṇaḥ kvacit |tṛṇagrāhimahānīlanīlimnā ca nabhopamaḥ || 50||

क्वचिद्गोमेदकापारमधुधारासमछविः ।(क्वचिद्गोमेदकस्फारमधुधारासमच्छविः ।)मुक्ताकान्तितिरस्कारिश्लक्ष्णैर्मल्यभायुतः ॥ ५१॥

kvacidgomedakāpāramadhudhārāsamachaviḥ |(kvacidgomedakasphāramadhudhārāsamacchaviḥ |)muktākāntitiraskāriślakṣṇairmalyabhāyutaḥ || 51||

स्वच्छाच्छस्फटिकोपान्तबिम्बिताखिलदिक्तटः ।नानारागमयूखौघश्चेन्द्रचापनिभः क्वचित् ॥ ५२॥

svacchācchasphaṭikopāntabimbitākhiladiktaṭaḥ |nānārāgamayūkhaughaścendracāpanibhaḥ kvacit || 52||

तत्रास्ति मण्डपवरं नानाचित्रविचित्रितम् ।पद्मरागमणिस्तम्भस्तम्भपीठमनोहरम् ॥ ५३॥

tatrāsti maṇḍapavaraṃ nānācitravicitritam |padmarāgamaṇistambhastambhapīṭhamanoharam || 53||

सिह्मशार्दूलशरभगजहंसशुकाकृतिः ।व्यालिशुण्डानलिन्यादिचित्रचित्रितविस्मयम् ॥ ५४॥

sihmaśārdūlaśarabhagajahaṃsaśukākṛtiḥ |vyāliśuṇḍānalinyādicitracitritavismayam || 54||

एकैकरत्नसङ्कॢप्तनीलोछ्रायैकभासुरम् ।पङ्क्तिशस्स्तम्भसाहस्रैर्नवरत्नपरिष्कृतैः ॥ ५५॥

ekaikaratnasaṅkḷptanīlochrāyaikabhāsuram |paṅktiśasstambhasāhasrairnavaratnapariṣkṛtaiḥ || 55||

आपादपीठजश्लक्ष्णगोपानसिसुभित्तिकम् ।स्वच्छादर्शतलप्रायभूमिभागैकरञ्जितम् ॥ ५६॥

āpādapīṭhajaślakṣṇagopānasisubhittikam |svacchādarśatalaprāyabhūmibhāgaikarañjitam || 56||

तत्र स्तम्भप्रभाज्योत्स्नाप्रभाकरशतप्रभम् ।नसूर्यचन्द्रौ भासेते वहिनक्षत्रविद्युतः ॥ ५७॥

tatra stambhaprabhājyotsnāprabhākaraśataprabham |nasūryacandrau bhāsete vahinakṣatravidyutaḥ || 57||

तिरस्कृताः प्रभास्तत्र न रात्रिर्न दिवाक्वचित् ।एवं लक्षस्तम्भयुक्तामण्डपास्तत्रकल्पितः ॥ ५८॥

tiraskṛtāḥ prabhāstatra na rātrirna divākvacit |evaṃ lakṣastambhayuktāmaṇḍapāstatrakalpitaḥ || 58||

पर्यन्तगोपुरोत्तुङ्गरत्नसौधायुतैर्वृतः ।सहस्रलक्षफलकैस्स्तम्भकुम्भैर्युतो मुने ॥ ५९॥

paryantagopurottuṅgaratnasaudhāyutairvṛtaḥ |sahasralakṣaphalakaisstambhakumbhairyuto mune || 59||

गोपुराणां प्रमाणन्तु मनसापि न शक्यते ।नानारुद्रावतारादिमणिकहिपितविग्रहः ॥ ६०॥

gopurāṇāṃ pramāṇantu manasāpi na śakyate |nānārudrāvatārādimaṇikahipitavigrahaḥ || 60||

मूर्तयो देवदेवस्य देव्या वाहनसंयुताः ।स्कन्दहेरम्बनन्दीनां सप्तलोकान्तमुच्छ्रिताः ॥ ६१॥

mūrtayo devadevasya devyā vāhanasaṃyutāḥ |skandaherambanandīnāṃ saptalokāntamucchritāḥ || 61||

गोपुराणान्तलैर्दिव्यैर्विस्तारायामलक्षकम् ।लिङ्गोद्भवस्ततः पार्श्वेवृषवाहस्ततः परम् ॥ ६२॥

gopurāṇāntalairdivyairvistārāyāmalakṣakam |liṅgodbhavastataḥ pārśvevṛṣavāhastataḥ param || 62||

सिन्धुरत्वक्परीवीतः क्वचित्साम्बस्सपुत्रकः ।स्कन्दहेरम्बसहितः क्वचिद्गणगणैर्वृतः ॥ ६३॥

sindhuratvakparīvītaḥ kvacitsāmbassaputrakaḥ |skandaherambasahitaḥ kvacidgaṇagaṇairvṛtaḥ || 63||

उमाधविग्रहश्चापि नृत्ताटोपयुतः क्वचित् ।वामाङ्गदक्षिणाङ्गोद्यज्जनार्दनविधिः क्वचित् ॥ ६४॥

umādhavigrahaścāpi nṛttāṭopayutaḥ kvacit |vāmāṅgadakṣiṇāṅgodyajjanārdanavidhiḥ kvacit || 64||

देवीपरिणयाकारः क्वचिद्भिक्षाटनाकृतिः ।शूलासक्तकरश्चापि मृगपाणिः पुरादिहा ॥ ६५॥

devīpariṇayākāraḥ kvacidbhikṣāṭanākṛtiḥ |śūlāsaktakaraścāpi mṛgapāṇiḥ purādihā || 65||

अन्धकासुरसंहारो दक्षिणामूर्तिरूपधृक् ।मुनीनां ज्ञानदस्सिद्धिचिन्मुद्रापरिचिन्हितः ॥ ६६॥

andhakāsurasaṃhāro dakṣiṇāmūrtirūpadhṛk |munīnāṃ jñānadassiddhicinmudrāparicinhitaḥ || 66||

तत्पूरुष(र्ष)वामदेवाद्या ईशानाघोरसञ्ज्ञकाः ।बालेन्दुमुकुटास्सर्वे कपर्दवरशोभिताः ॥ ६७॥

tatpūruṣa(rṣa)vāmadevādyā īśānāghorasañjñakāḥ |bālendumukuṭāssarve kapardavaraśobhitāḥ || 67||

रत्नाभरणभूषाढ्या मूर्तयश्शङ्करस्य हि ।दिक्पालपालिकाभिश्च तत्तद्रागमणिप्रभाः ॥ ६८॥

ratnābharaṇabhūṣāḍhyā mūrtayaśśaṅkarasya hi |dikpālapālikābhiśca tattadrāgamaṇiprabhāḥ || 68||

कल्पिताः परमेशेनशिवलीलाविचित्रिताः ।पर्यन्तस्फटिकाभिश्च वृषा नीलविलोचनाः ॥ ६९॥

kalpitāḥ parameśenaśivalīlāvicitritāḥ |paryantasphaṭikābhiśca vṛṣā nīlavilocanāḥ || 69||

महाशृङ्गैकमकुटघण्टामणिविभूषणाः ।गोपुरोर्ध्वगतास्सर्वे महाहीरकशृङ्गकाः ॥ ७०॥

mahāśṛṅgaikamakuṭaghaṇṭāmaṇivibhūṣaṇāḥ |gopurordhvagatāssarve mahāhīrakaśṛṅgakāḥ || 70||

प्राकारराजद्वृषभा महार्हमणिकल्पिताः ।तलानां कोटिभिश्चापि गोपुराणां प्रकल्पनैः ॥ ७१॥

prākārarājadvṛṣabhā mahārhamaṇikalpitāḥ |talānāṃ koṭibhiścāpi gopurāṇāṃ prakalpanaiḥ || 71||

गोपुराग्रमहारत्नकलशैस्त्यक्ततारकैः ।दोधूयमानोच्चलितसमीरणपताककाः ॥ ७२॥

gopurāgramahāratnakalaśaistyaktatārakaiḥ |dodhūyamānoccalitasamīraṇapatākakāḥ || 72||

तत्रगर्भग्रहं शम्भोर्नवरत्नान्वितोज्वलम् ।तत्रास्ति मणिपीठोद्यच्चन्द्रस्फटिकसम्भवम् ॥ ७३॥

tatragarbhagrahaṃ śambhornavaratnānvitojvalam |tatrāsti maṇipīṭhodyaccandrasphaṭikasambhavam || 73||

महालिङ्गम्महाकारं रत्ननागफणान्वितम् ।महारत्नवने जातफुल्लमालाविभूषितम् ॥ ७४॥

mahāliṅgammahākāraṃ ratnanāgaphaṇānvitam |mahāratnavane jātaphullamālāvibhūṣitam || 74||

सुवर्णखचितानेकबिल्वचम्पकपूजितम् ।शम्भुना च महादेव्या लोकानुग्रहकाम्यया ॥ ७५॥

suvarṇakhacitānekabilvacampakapūjitam |śambhunā ca mahādevyā lokānugrahakāmyayā || 75||

समर्चितं त्रिकालेषु प्रदोषेषु विशेषतः ।तत्रस्थरत्ननिर्यातकान्तिभिर्दीपितन्तदा ॥ ७६॥

samarcitaṃ trikāleṣu pradoṣeṣu viśeṣataḥ |tatrastharatnaniryātakāntibhirdīpitantadā || 76||

तत्रातोद्यानि कुर्वन्ति गणाश्शम्भोर्महात्मनः ।काहलीमुरजापारमड्डुडिण्डिमजर्झराः ॥ ७७॥

tatrātodyāni kurvanti gaṇāśśambhormahātmanaḥ |kāhalīmurajāpāramaḍḍuḍiṇḍimajarjharāḥ || 77||

शङ्खमद्दलभेर्यश्च निस्साणाः पटहानकाः ।गोमुखास्स्वस्तिपातालावेणुवीणावि(नि)नादिताः ॥ ७८॥

śaṅkhamaddalabheryaśca nissāṇāḥ paṭahānakāḥ |gomukhāssvastipātālāveṇuvīṇāvi(ni)nāditāḥ || 78||

रुद्रकन्यासहस्राणि नाट्यं कुर्वन्ति तत्र हि ।हावभावमनोज्ञानि पेशलालापवन्ति ॥ ७९॥

rudrakanyāsahasrāṇi nāṭyaṃ kurvanti tatra hi |hāvabhāvamanojñāni peśalālāpavanti || 79||

यौवनोन्मदधाराणि रणिताङ्घ्रिजनूपुरैः ।क्वणद्रत्नजटाटङ्ककपोलामलसच्छवि ॥ ८०॥

yauvanonmadadhārāṇi raṇitāṅghrijanūpuraiḥ |kvaṇadratnajaṭāṭaṅkakapolāmalasacchavi || 80||

धूपामोदैकबहलगन्धगन्धायिता दिशः ।नन्दिप्रोत्सारितगणास्तत्रास्ते शङ्करोऽम्बया ॥ ८१॥

dhūpāmodaikabahalagandhagandhāyitā diśaḥ |nandiprotsāritagaṇāstatrāste śaṅkaro'mbayā || 81||

पूजितन्तं महालिङ्गं पश्यन्रत्नैस्सुपूजितम् ।रुद्रकन्याकराब्जोत्थनखक्वणनघट्टितम् ॥ ८२॥

pūjitantaṃ mahāliṅgaṃ paśyanratnaissupūjitam |rudrakanyākarābjotthanakhakvaṇanaghaṭṭitam || 82||

तन्त्रीमुखोत्थगन्धर्वगानं श्रुण्वन्त्सदाम्बया ॥शिव शिव शिव शम्भो चन्द्रमौलेऽमलात्मन्हर हर गुरुभारं शाम्भवान् दयस्व ।(हर हर गुरुभारं साम्ब शम्भो मोदयस्व ।)वितर परमुक्तिं संसृतिर्मा कदाचिद्भवतुभवभवाब्धेतारकं त्वां प्रपन्नः ॥ ८३॥

tantrīmukhotthagandharvagānaṃ śruṇvantsadāmbayā ||śiva śiva śiva śambho candramaule'malātmanhara hara gurubhāraṃ śāmbhavān dayasva |(hara hara gurubhāraṃ sāmba śambho modayasva |)vitara paramuktiṃ saṃsṛtirmā kadācidbhavatubhavabhavābdhetārakaṃ tvāṃ prapannaḥ || 83||

॥ इति शिवरहस्यान्तर्गते माहेश्वराख्ये कैलासवर्णनम् ॥॥ श्रीशिवरहस्यम् । माहेश्वराख्यः प्रथमांशः । अध्यायः १२ कैलासवर्णनम् । ४८३॥

|| iti śivarahasyāntargate māheśvarākhye kailāsavarṇanam |||| śrīśivarahasyam | māheśvarākhyaḥ prathamāṃśaḥ | adhyāyaḥ 12 kailāsavarṇanam | 483||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः १२ – कैलासवर्णनम् ।४-८३॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 12 – kailāsavarṇanam | 4-83||