शिवस्तुतिः (हरिकृता शिवरहस्यान्तर्गता) Harikrita Shiva Stuti

भव भीम पुरस्मरान्धकारे भजतां सर्वफलप्रदोऽसि शम्भो ।तव शङ्कर किङ्करोऽस्म्यहं भव भावानुभवप्रभाव मूर्ते ॥ ११॥

bhava bhīma purasmarāndhakāre bhajatāṃ sarvaphalaprado'si śambho |tava śaṅkara kiṅkaro'smyahaṃ bhava bhāvānubhavaprabhāva mūrte || 11||

सुरवर्गनिखर्ववेदवादैः विधिगीतैश्चतुराननैरपीड्यम् ।पुरगर्वादिहरान्धकान्तकारे शरणं मे भव तारणाय शम्भो ॥ १२॥

suravarganikharvavedavādaiḥ vidhigītaiścaturānanairapīḍyam |puragarvādiharāndhakāntakāre śaraṇaṃ me bhava tāraṇāya śambho || 12||

श्रुतिशेखरवाक्यजातपूज्ये भगवंस्त्वच्चरणाम्बुजद्वये ।नयनामलपद्मसङ्गमे पदपद्मे भजतां न जन्ममृत्यू ॥ १३॥

śrutiśekharavākyajātapūjye bhagavaṃstvaccaraṇāmbujadvaye |nayanāmalapadmasaṅgame padapadme bhajatāṃ na janmamṛtyū || 13||

अकुण्ठदयया विभो तव सुनीलकण्ठाधुनाअकुण्ठितसुचक्रधृक्प्रसभमाजिमध्यं गतः ।सुरेन्द्रदितिजोद्भवं रणकठोर जेतास्म्यहंपिठारजगतीभवं भव भवामि वैकुण्ठपः ॥ १४॥

akuṇṭhadayayā vibho tava sunīlakaṇṭhādhunāakuṇṭhitasucakradhṛkprasabhamājimadhyaṃ gataḥ |surendraditijodbhavaṃ raṇakaṭhora jetāsmyahaṃpiṭhārajagatībhavaṃ bhava bhavāmi vaikuṇṭhapaḥ || 14||

तव वामभवाङ्गसम्भवोऽस्म्यहमीशान तवाद्य दक्षभागः ।तव भालतलाद्वभूव रुद्रो जगतां भवनाशनस्थितौ स्वः ॥ १५॥

tava vāmabhavāṅgasambhavo'smyahamīśāna tavādya dakṣabhāgaḥ |tava bhālatalādvabhūva rudro jagatāṃ bhavanāśanasthitau svaḥ || 15||

मम नाभिपयोजसम्भवो विधिभालोद्भव एष एव रुद्रः ।वयमुद्भवने स्थितौ च नाशे विनियुक्ताः पुरहन्त्वयाऽत्र कल्पे ॥ १६॥

mama nābhipayojasambhavo vidhibhālodbhava eṣa eva rudraḥ |vayamudbhavane sthitau ca nāśe viniyuktāḥ purahantvayā'tra kalpe || 16||

त्वामीशं श्रुतिभिर्विमृग्यमानं मोहान्धाः शिवमेकमेवमाद्यम् ।मम मायामयपाशबद्धबुद्।ह्ध्या जगतां मां करणं तथाहुरन्ये ॥ १७॥

tvāmīśaṃ śrutibhirvimṛgyamānaṃ mohāndhāḥ śivamekamevamādyam |mama māyāmayapāśabaddhabud|hdhyā jagatāṃ māṃ karaṇaṃ tathāhuranye || 17||

भव भर्ग महेश देव शम्भो शशिधामद्युतिशोभितोत्तमाङ्ग ।करुणारससागराव शम्भो भुवनेशान नतोऽस्मि ते पदाब्जे ॥ १८॥

bhava bharga maheśa deva śambho śaśidhāmadyutiśobhitottamāṅga |karuṇārasasāgarāva śambho bhuvaneśāna nato'smi te padābje || 18||

करकलितकरालशूल बालाविधृताकृतिकालकालभालानल नीलामलगलगरलोत्थिताधिकीला ।दलितान्तक लोकदेह लोलालकतूलातयित गाङ्गवारिमौला मलव्यालोरु महाङ्गजातलीला (१) ॥ १९॥

karakalitakarālaśūla bālāvidhṛtākṛtikālakālabhālānala nīlāmalagalagaralotthitādhikīlā |dalitāntaka lokadeha lolālakatūlātayita gāṅgavārimaulā malavyāloru mahāṅgajātalīlā (1) || 19||

शशितरणिहुताशोत्फुल्लभालाब्जनेत्रंदिनमणि किरणोद्यच्चक्रधामप्रदं मे ।रणरणितसुरादिवृन्दबन्ध द्विषदितिजासुहरं हरं प्रपद्ये ॥ २०॥

śaśitaraṇihutāśotphullabhālābjanetraṃdinamaṇi kiraṇodyaccakradhāmapradaṃ me |raṇaraṇitasurādivṛndabandha dviṣaditijāsuharaṃ haraṃ prapadye || 20||

अलमलमनुवेलं कालकालं सलीलं जगति कलितकालं व्यालमालं सशूलम् ।बलिबलिबलिनन्दनार्च्यपादं मुनिबालावनतं शिवं भजे त्वाम् ॥ २१॥

alamalamanuvelaṃ kālakālaṃ salīlaṃ jagati kalitakālaṃ vyālamālaṃ saśūlam |balibalibalinandanārcyapādaṃ munibālāvanataṃ śivaṃ bhaje tvām || 21||

अङ्गज भङ्ग तुरङ्ग रथाङ्ग भुजङ्ग महाम्बरसङ्गशशाङ्ग (शताङ्ग) विहङ्ग पतङ्ग निषङ्ग कुरङ्गधरोक्षक सङ्गपरिपाहि विभो सुदृशाऽङ्ग दृशाङ्गमहोरु महाङ्गस्फुलिङ्ग ॥ २२॥

aṅgaja bhaṅga turaṅga rathāṅga bhujaṅga mahāmbarasaṅgaśaśāṅga (śatāṅga) vihaṅga pataṅga niṣaṅga kuraṅgadharokṣaka saṅgaparipāhi vibho sudṛśā'ṅga dṛśāṅgamahoru mahāṅgasphuliṅga || 22||

॥ इति शिवरहस्यान्तर्गते शिवाख्ये हरिकृता शिवस्तुतिः सम्पूर्णा ॥॥ श्रीशिवरहस्यम् । शिवाख्यः चतुर्थांशः । अध्यायः ३१ । ११२२॥

|| iti śivarahasyāntargate śivākhye harikṛtā śivastutiḥ sampūrṇā |||| śrīśivarahasyam | śivākhyaḥ caturthāṃśaḥ | adhyāyaḥ 31 | 1122||

– ॥ श्रीशिवरहस्यम् ।शिवाख्यः चतुर्थांशः ।अध्यायः ३१ ।११-२२॥

– || śrīśivarahasyam |śivākhyaḥ caturthāṃśaḥ |adhyāyaḥ 31 | 11-22||