हरिहराष्टोत्तरशतनामस्तोत्रम् अथवा श्रीहरिहरात्मकस्तोत्रम् हरिहरस्तोत्ररत्नमाला शिवनारायणस्तोत्रम् Hariharashtottarashatanamastotram

हरिहरस्तोत्ररत्नमाला अथवा शिवनारायणस्तोत्रम् चश्रीगणेशाय नमः ॥धर्मराज उवाच ।गोविन्द माधव मुकुन्द हरे मुरारेशम्भो शिवेश शशिशेखर शूलपाणे ।दामोदराच्युत जनार्दन वासुदेवत्याज्या भटा य इति सन्ततमामनन्ति ॥ १॥

hariharastotraratnamālā athavā śivanārāyaṇastotram caśrīgaṇeśāya namaḥ ||dharmarāja uvāca |govinda mādhava mukunda hare murāreśambho śiveśa śaśiśekhara śūlapāṇe |dāmodarācyuta janārdana vāsudevatyājyā bhaṭā ya iti santatamāmananti || 1||

गङ्गाधरान्धकरिपो हर नीलकण्ठवैकुण्ठ कैटभरिपो कमठाब्जपाणे ।भूतेश खण्डपरशो मृड चण्डिकेशत्याज्या भटा य इति सन्ततमामनन्ति ॥ २॥

gaṅgādharāndhakaripo hara nīlakaṇṭhavaikuṇṭha kaiṭabharipo kamaṭhābjapāṇe |bhūteśa khaṇḍaparaśo mṛḍa caṇḍikeśatyājyā bhaṭā ya iti santatamāmananti || 2||

विष्णो नृसिंह मधुसूदन चक्रपाणेगौरीपते गिरिश शङ्कर चन्द्रचूड ।नारायाणासुरनिबर्हण शार्ङ्गपाणेत्याज्या भटा य इति सन्ततमामनन्ति ॥ ३॥

viṣṇo nṛsiṃha madhusūdana cakrapāṇegaurīpate giriśa śaṅkara candracūḍa |nārāyāṇāsuranibarhaṇa śārṅgapāṇetyājyā bhaṭā ya iti santatamāmananti || 3||

मृत्युञ्जयोग्र विषमेक्षण कामशत्रोश्रीकान्त पीतवसनाम्बुदनील शौरे ।ईशान कृत्तिवसन त्रिदशैकनाथत्याज्या भटा य इति सन्ततमामनन्ति ॥ ४॥

mṛtyuñjayogra viṣamekṣaṇa kāmaśatrośrīkānta pītavasanāmbudanīla śaure |īśāna kṛttivasana tridaśaikanāthatyājyā bhaṭā ya iti santatamāmananti || 4||

लक्ष्मीपते मधुरिपो पुरुषोत्तमाद्यश्रीकण्ठ दिग्वसन शान्त पिनाकपाणे ।आनन्दकन्द धरणीधर पद्मनाभत्याज्या भटा य इति सन्ततमामनन्ति ॥ ५॥

lakṣmīpate madhuripo puruṣottamādyaśrīkaṇṭha digvasana śānta pinākapāṇe |ānandakanda dharaṇīdhara padmanābhatyājyā bhaṭā ya iti santatamāmananti || 5||

सर्वेश्वर त्रिपुरसूदन देवदेवब्रह्मण्यदेव गरुडध्वज शङ्खपाणे ।त्र्यक्षोरगाभरण बालमृगाङ्कमौलेत्याज्या भटा य इति सन्ततमामनन्ति ॥ ६॥

sarveśvara tripurasūdana devadevabrahmaṇyadeva garuḍadhvaja śaṅkhapāṇe |tryakṣoragābharaṇa bālamṛgāṅkamauletyājyā bhaṭā ya iti santatamāmananti || 6||

श्रीराम राघव रमेश्वर रावणारेभूतेश मन्मथरिपो प्रमथाधिनाथ ।चाणूरमर्दन हृषीकपते मुरारेत्याज्या भटा य इति सन्ततमामनन्ति ॥ ७॥

śrīrāma rāghava rameśvara rāvaṇārebhūteśa manmatharipo pramathādhinātha |cāṇūramardana hṛṣīkapate murāretyājyā bhaṭā ya iti santatamāmananti || 7||

शूलिन् गिरीश रजनीश कलावतंसकंसप्रणाशन सनातन केशिनाश ।भर्ग त्रिनेत्र भव भूतपते पुरारेत्याज्या भटा य इति सन्ततमामनन्ति ॥ ८॥

śūlin girīśa rajanīśa kalāvataṃsakaṃsapraṇāśana sanātana keśināśa |bharga trinetra bhava bhūtapate purāretyājyā bhaṭā ya iti santatamāmananti || 8||

गोपीपते यदुपते वसुदेवसूनोकर्पूरगौर वृषभध्वज भालनेत्र ।गोवर्धनोद्धरण धर्मधुरीण गोपत्याज्या भटा य इति सन्ततमामनन्ति ॥ ९॥

gopīpate yadupate vasudevasūnokarpūragaura vṛṣabhadhvaja bhālanetra |govardhanoddharaṇa dharmadhurīṇa gopatyājyā bhaṭā ya iti santatamāmananti || 9||

स्थाणो त्रिलोचन पिनाकधर स्मरारेकृष्णानिरुद्ध कमलाकर कल्मषारे ।विश्वेश्वर त्रिपथगार्द्रजटाकलापत्याज्या भटा य इति सन्ततमामनन्ति ॥ १०॥

sthāṇo trilocana pinākadhara smarārekṛṣṇāniruddha kamalākara kalmaṣāre |viśveśvara tripathagārdrajaṭākalāpatyājyā bhaṭā ya iti santatamāmananti || 10||

अष्टोत्तराधिकशतेन सुचारुनाम्नांसन्दर्भितां ललितरत्नकदम्बकेन ।सन्नायकां दृढगुणां निजकण्ठगतां यःकुर्यादिमां स्रजमहो स यमं न पश्येत् ॥ ११॥

aṣṭottarādhikaśatena sucārunāmnāṃsandarbhitāṃ lalitaratnakadambakena |sannāyakāṃ dṛḍhaguṇāṃ nijakaṇṭhagatāṃ yaḥkuryādimāṃ srajamaho sa yamaṃ na paśyet || 11||

गणावूचतुः ।इत्थं द्विजेन्द्र निजभृत्यगणान्सदैवसंशिक्षयेदवनिगान्स हि धर्मराजः ।अन्येऽपि ये हरिहराङ्कधरा धरायांते दूरतः पुनरहो परिवर्जनीयाः ॥ १२॥

gaṇāvūcatuḥ |itthaṃ dvijendra nijabhṛtyagaṇānsadaivasaṃśikṣayedavanigānsa hi dharmarājaḥ |anye'pi ye hariharāṅkadharā dharāyāṃte dūrataḥ punaraho parivarjanīyāḥ || 12||

अगस्त्य उवाच ।यो धर्मराजरचितां ललितप्रबन्धांनामावलिं सकलकल्मषबीजहन्त्रीम् ।धीरोऽत्र कौस्तुभभृतः शशिभूषणस्यनित्यं जपेत्स्तनरसं न पिबेत्स मातुः ॥ १३॥

agastya uvāca |yo dharmarājaracitāṃ lalitaprabandhāṃnāmāvaliṃ sakalakalmaṣabījahantrīm |dhīro'tra kaustubhabhṛtaḥ śaśibhūṣaṇasyanityaṃ japetstanarasaṃ na pibetsa mātuḥ || 13||

इति शृण्वन् कथां रम्यां शिवशर्मा प्रियेऽनघाम् ।प्रहर्षवक्त्रः पुरतो ददर्श सरसीं पुरीम् ॥ १४॥

iti śṛṇvan kathāṃ ramyāṃ śivaśarmā priye'naghām |praharṣavaktraḥ purato dadarśa sarasīṃ purīm || 14||

इति (श्रीस्कन्दपुराणे काशीखण्डे धर्मराजप्रोक्तंहरिहराष्टोत्तरशतनामस्तोत्रं सम्पूर्णम् ।पुनर्जन्मनाशकं स्तोत्रम्

iti (śrīskandapurāṇe kāśīkhaṇḍe dharmarājaproktaṃhariharāṣṭottaraśatanāmastotraṃ sampūrṇam |punarjanmanāśakaṃ stotram