दशश्लोकीस्तुतिः साम्बस्तुतिः साम्बदशकम् Dashashloki Stuti or Sambadashakam

शिवोत्कर्षदशश्लोकीस्तुतिःसाम्बो नः कुलदैवतं पशुपते साम्ब त्वदीया वयंसाम्बं स्तौमि सुरासुरोरगगणाः साम्बेन संतारिताः ।साम्बायास्तु नमो मया विरचितं साम्बात्परं नो भजेसाम्बस्यानुचरोऽस्म्यहं मम रतिः साम्बे परब्रह्मणि ॥ १॥

śivotkarṣadaśaślokīstutiḥsāmbo naḥ kuladaivataṃ paśupate sāmba tvadīyā vayaṃsāmbaṃ staumi surāsuroragagaṇāḥ sāmbena saṃtāritāḥ |sāmbāyāstu namo mayā viracitaṃ sāmbātparaṃ no bhajesāmbasyānucaro'smyahaṃ mama ratiḥ sāmbe parabrahmaṇi || 1||

विष्ण्वाद्याश्च पुरत्रयं सुरगणा जेतुं न शक्ताः स्वयंयं शंभुं भगवन्वयं तु पशवोऽस्माकं त्वमेवेश्वरः ।स्वस्वस्थाननियोजिताः सुमनसः स्वस्था बभूवुस्ततस्तस्मिन्मे हृदयं सुखेन रमतां साम्बे परब्रह्मणि ॥ २॥

viṣṇvādyāśca puratrayaṃ suragaṇā jetuṃ na śaktāḥ svayaṃyaṃ śaṃbhuṃ bhagavanvayaṃ tu paśavo'smākaṃ tvameveśvaraḥ |svasvasthānaniyojitāḥ sumanasaḥ svasthā babhūvustatastasminme hṛdayaṃ sukhena ramatāṃ sāmbe parabrahmaṇi || 2||

क्षोणी यस्य रथो रथाङ्गयुगलं चन्द्रार्कबिम्बद्वयंकोदण्डः कनकाचलो हरिरभूद्बाणो विधिः सारथिः ।तूणीरो जलधिर्हयाः श्रुतिचयो मौर्वी भुजङ्गाधिपस्तस्मिन्मे हृदयं सुखेन रमतां साम्बे परब्रह्मणि ॥ ३॥

kṣoṇī yasya ratho rathāṅgayugalaṃ candrārkabimbadvayaṃkodaṇḍaḥ kanakācalo harirabhūdbāṇo vidhiḥ sārathiḥ |tūṇīro jaladhirhayāḥ śruticayo maurvī bhujaṅgādhipastasminme hṛdayaṃ sukhena ramatāṃ sāmbe parabrahmaṇi || 3||

येनापादितमङ्गजाङ्गभसितं दिव्याङ्गरागैः समंयेन स्वीकृतमब्जसंभवशिरः सौवर्णपात्रैः समम् ।येनाङ्गीकृतमच्युतस्य नयनं पूजारविन्दैः समंतस्मिन्मे हृदयं सुखेन रमतां साम्बे परब्रह्मणि ॥ ४॥

yenāpāditamaṅgajāṅgabhasitaṃ divyāṅgarāgaiḥ samaṃyena svīkṛtamabjasaṃbhavaśiraḥ sauvarṇapātraiḥ samam |yenāṅgīkṛtamacyutasya nayanaṃ pūjāravindaiḥ samaṃtasminme hṛdayaṃ sukhena ramatāṃ sāmbe parabrahmaṇi || 4||

गोविन्दादधिकं न दैवतमिति प्रोच्चार्य हस्तावुभावुद्धृत्याथ शिवस्य संनिधिगतो व्यासो मुनीनां वरः ।यस्य स्तम्भितपाणिरानतिकृता नन्दीश्वरेणाभवत्तस्मिन्मे हृदयं सुखेन रमतां साम्बे परब्रह्मणि ॥ ५॥

govindādadhikaṃ na daivatamiti proccārya hastāvubhāvuddhṛtyātha śivasya saṃnidhigato vyāso munīnāṃ varaḥ |yasya stambhitapāṇirānatikṛtā nandīśvareṇābhavattasminme hṛdayaṃ sukhena ramatāṃ sāmbe parabrahmaṇi || 5||

आकाशश्चिकुरायते दशदिशाभोगो दुकूलायतेशीतांशुः प्रसवायते स्थिरतरानन्दः स्वरूपायते ।वेदान्तो निलयायते सुविनयो यस्य स्वभावायतेतस्मिन्मे हृदयं सुखेन रमतां साम्बे परब्रह्मणि ॥ ६॥

ākāśaścikurāyate daśadiśābhogo dukūlāyateśītāṃśuḥ prasavāyate sthiratarānandaḥ svarūpāyate |vedānto nilayāyate suvinayo yasya svabhāvāyatetasminme hṛdayaṃ sukhena ramatāṃ sāmbe parabrahmaṇi || 6||

विष्णुर्यस्य सहस्रनामनियमादम्भोरुहाण्यर्चयन्नेकोनोपचितेषु नेत्रकमलं नैजं पदाब्जद्वये ।सम्पूज्यासुरसंहतिं विदलयंस्त्रैलोक्यपालोऽभव वर् नाथो\ऽभवत्तस्मिन्मे हृदयं सुखेन रमतां साम्बे परब्रह्मणि ॥ ७॥

viṣṇuryasya sahasranāmaniyamādambhoruhāṇyarcayannekonopaciteṣu netrakamalaṃ naijaṃ padābjadvaye |sampūjyāsurasaṃhatiṃ vidalayaṃstrailokyapālo'bhava var nātho\'bhavattasminme hṛdayaṃ sukhena ramatāṃ sāmbe parabrahmaṇi || 7||

शौरिं सत्यगिरं वराहवपुषं पादाम्बुजादर्शनेचक्रे यो दयया समस्तजगतां नाथं शिरोदर्शने ।मिथ्यावाचमपूज्यमेव सततं हंसस्वरूपं विधिंतस्मिन्मे हृदयं सुखेन रमतां साम्बे परब्रह्मणि ॥ ८॥

śauriṃ satyagiraṃ varāhavapuṣaṃ pādāmbujādarśanecakre yo dayayā samastajagatāṃ nāthaṃ śirodarśane |mithyāvācamapūjyameva satataṃ haṃsasvarūpaṃ vidhiṃtasminme hṛdayaṃ sukhena ramatāṃ sāmbe parabrahmaṇi || 8||

यस्यासन्धरणीजलाग्निपवनव्योमार्कचन्द्रादयोविख्यातास्तनवोऽष्टधा परिणता नान्यत्ततो वर्तते ।ओंकारार्थविवेचनी श्रुतिरियं चाचष्ट तुर्यं शिवंतस्मिन्मे हृदयं सुखेन रमतां साम्बे परब्रह्मणि ॥ ९॥

yasyāsandharaṇījalāgnipavanavyomārkacandrādayovikhyātāstanavo'ṣṭadhā pariṇatā nānyattato vartate |oṃkārārthavivecanī śrutiriyaṃ cācaṣṭa turyaṃ śivaṃtasminme hṛdayaṃ sukhena ramatāṃ sāmbe parabrahmaṇi || 9||

विष्णुब्रह्मसुराधिपप्रभृतयः सर्वेऽपि देवा यदासंभूताज्जलधेर्विषात्परिभवं प्राप्तास्तदा सत्वरम् । वर् प्राप्ता यमेत्येश्वरम्तानार्ताञ्शरणागतानिति सुरान्योऽरक्षदर्धक्षणात्तस्मिन्मे हृदयं सुखेन रमतां साम्बे परब्रह्मणि ॥ १०॥

viṣṇubrahmasurādhipaprabhṛtayaḥ sarve'pi devā yadāsaṃbhūtājjaladherviṣātparibhavaṃ prāptāstadā satvaram | var prāptā yametyeśvaramtānārtāñśaraṇāgatāniti surānyo'rakṣadardhakṣaṇāttasminme hṛdayaṃ sukhena ramatāṃ sāmbe parabrahmaṇi || 10||

इति श्रीमत्परमहंसपरिव्रजकाचार्यस्यश्रीगोविन्दभगवत्पूज्यपादशिष्यस्य श्रीमच्छङ्करभगवत्पादकृतौदशश्लोकीस्तुतिः सम्पूर्णा ॥

iti śrīmatparamahaṃsaparivrajakācāryasyaśrīgovindabhagavatpūjyapādaśiṣyasya śrīmacchaṅkarabhagavatpādakṛtaudaśaślokīstutiḥ sampūrṇā ||