सारस्वताष्टकम् Sarasvatashtakam

शीतला शीतला शान्ता शर्मदा शीलभूषणा ।शोभिता शतपद्मेन शरण्यानां शिवङ्करी ॥ १॥

śītalā śītalā śāntā śarmadā śīlabhūṣaṇā |śobhitā śatapadmena śaraṇyānāṃ śivaṅkarī || 1||

लवणिमसमायुक्ता सद्गुणवरदायिनी ।पद्मस्थिता करेपद्या पद्मा प्रज्ञां प्रयच्छतु ॥ २॥

lavaṇimasamāyuktā sadguṇavaradāyinī |padmasthitā karepadyā padmā prajñāṃ prayacchatu || 2||

वरदा विमला वन्द्या लोकत्रयहितैषिणी ।सुरेन्द्रैर्या सदा स्तुत्या प्रीतिः प्रेक्षां प्रयच्छतु ॥ ३॥

varadā vimalā vandyā lokatrayahitaiṣiṇī |surendrairyā sadā stutyā prītiḥ prekṣāṃ prayacchatu || 3||

तीर्थकरमुखाब्जे या संवसिता समुज्ज्वला ।अज्ञानतमसो हन्त्री शीला मतिं प्रयच्छतु ॥ ४॥

tīrthakaramukhābje yā saṃvasitā samujjvalā |ajñānatamaso hantrī śīlā matiṃ prayacchatu || 4||

शान्तिशातस्य दात्री या दुरितवृन्दनाशिनी ।सौम्यमुखारविन्दा मे शमा ज्ञानं प्रयच्छतु ॥ ५॥

śāntiśātasya dātrī yā duritavṛndanāśinī |saumyamukhāravindā me śamā jñānaṃ prayacchatu || 5||

रम्य रमाप्रसादेन जडा भवन्ति पण्डिताः ।हंसयाने समारूढा गूढा ज्ञप्तिं प्रयच्छतु ॥ ६॥

ramya ramāprasādena jaḍā bhavanti paṇḍitāḥ |haṃsayāne samārūḍhā gūḍhā jñaptiṃ prayacchatu || 6||

दासित्री प्रतिभाबुद्।ह्ध्योर्वीणापुस्तकधारिणी ।बिभ्रती मालिकां हस्ते सीमा मेधां प्रयच्छतु ॥ ७॥

dāsitrī pratibhābud|hdhyorvīṇāpustakadhāriṇī |bibhratī mālikāṃ haste sīmā medhāṃ prayacchatu || 7||

राजेन्द्रसुरिसच्शिष्याः पन्न्यासराजपद्मकाः ।सुविनेयाय तेषां हि भद्रा दद्याद् वरं कदा ? ॥ ८॥

rājendrasurisacśiṣyāḥ pannyāsarājapadmakāḥ |suvineyāya teṣāṃ hi bhadrā dadyād varaṃ kadā ? || 8||

इति मुनिराजधर्मविजयविरचितं सारस्वताष्टकं सम्पूर्णम् ।

iti munirājadharmavijayaviracitaṃ sārasvatāṣṭakaṃ sampūrṇam |