सरस्वत्यष्टकम् ३ Sarasvati Ashtakam (2)

वदना सौवर्णपद्मासनीयैषा रक्तकुशेशयाभचरणा सौवर्णदेहोज्ज्वला ।यस्या वक्षसि कुम्भिकुम्भसदृशौ पीनावुभौ हि स्तनौवाणी मे वदने सदा वसतु सा पद्मासनाङ्कस्थिता ॥ १॥

vadanā sauvarṇapadmāsanīyaiṣā raktakuśeśayābhacaraṇā sauvarṇadehojjvalā |yasyā vakṣasi kumbhikumbhasadṛśau pīnāvubhau hi stanauvāṇī me vadane sadā vasatu sā padmāsanāṅkasthitā || 1||

या देवी सुरनाथवन्द्यचरणा सौन्दर्यभाग्याधिकाब्राह्मे वक्षसि सर्वदा स्थितवती श्वेताम्बरं बिभ्रती ।गायन्ती पिकनादजित्कलरवं कौतूहलाद् देवतावाणी मे वदने सदा वसतु सा पद्मासनाङ्कस्थिता ॥ २॥

yā devī suranāthavandyacaraṇā saundaryabhāgyādhikābrāhme vakṣasi sarvadā sthitavatī śvetāmbaraṃ bibhratī |gāyantī pikanādajitkalaravaṃ kautūhalād devatāvāṇī me vadane sadā vasatu sā padmāsanāṅkasthitā || 2||

या देवी परमार्थदा मुनिमनोध्यानैकरूपास्पदाया बिम्बाधरशोभमानवदना या मीननेत्रा परा ।या भृङ्गालिसमालका सुतिलकैर्या शोभमानालिकावाणी मे वदने सदा वसतु सा पद्मासनाङ्कस्थिता ॥ ३॥

yā devī paramārthadā munimanodhyānaikarūpāspadāyā bimbādharaśobhamānavadanā yā mīnanetrā parā |yā bhṛṅgālisamālakā sutilakairyā śobhamānālikāvāṇī me vadane sadā vasatu sā padmāsanāṅkasthitā || 3||

यस्याः कण्ठसमानरूपभरणे शङ्खोऽपि नैवार्हतियस्याः स्मेरसमानकान्तिसदृशा नैवाभवञ्चन्द्रिका ।यस्या बिम्बफलं न साम्यमुदभूद् रक्तोष्ठकान्त्यार्हिकीं (?)वाणी मे वदने सदा वसतु सा पद्मासनाङ्कस्थिता ॥ ४॥

yasyāḥ kaṇṭhasamānarūpabharaṇe śaṅkho'pi naivārhatiyasyāḥ smerasamānakāntisadṛśā naivābhavañcandrikā |yasyā bimbaphalaṃ na sāmyamudabhūd raktoṣṭhakāntyārhikīṃ (?)vāṇī me vadane sadā vasatu sā padmāsanāṅkasthitā || 4||

वासः श्वेततरं विभाति तिलकं फाले शरीरेऽपि चनासाग्रे कनकाक्तमौक्तिकवरं कण्ठे शुभा मालिका ।यस्याश्चित्रतरं विभाति भुजयोः केयूरयुग्मं ज्वलद्वाणी मे वद ने सदा वसतु सा पद्मासनाङ्कस्थिता ॥ ५॥

vāsaḥ śvetataraṃ vibhāti tilakaṃ phāle śarīre'pi canāsāgre kanakāktamauktikavaraṃ kaṇṭhe śubhā mālikā |yasyāścitrataraṃ vibhāti bhujayoḥ keyūrayugmaṃ jvaladvāṇī me vada ne sadā vasatu sā padmāsanāṅkasthitā || 5||

पादौ पद्मजितौ फणीन्द्रसदृशौ बाहू शरीरं लतायस्याः शोभितकुम्भिकुम्भसदृशौ पृष्ठावुभावंसतः ।यस्याः पादाङ्गुल्यः प्रविरलतराः कीरवक्त्रप्रकाशा (?)वाणी मे वदने सदा वसतु सा पद्मासनाङ्कस्थिता ॥ ६॥

pādau padmajitau phaṇīndrasadṛśau bāhū śarīraṃ latāyasyāḥ śobhitakumbhikumbhasadṛśau pṛṣṭhāvubhāvaṃsataḥ |yasyāḥ pādāṅgulyaḥ praviralatarāḥ kīravaktraprakāśā (?)vāṇī me vadane sadā vasatu sā padmāsanāṅkasthitā || 6||

या देवी सकलप्रजासु नियतं वाग्रूपधारी स्थिताया देवैरपि वन्द्यमानचरणा स्वाहास्वधारूपधृक् ।यस्याः किं च कटाक्षपातनकृतौ सर्वे जनाः श्रीयुतावाणी मे वदने सदा वसतु सा पद्मासनाङ्कस्थिता ॥ ७॥

yā devī sakalaprajāsu niyataṃ vāgrūpadhārī sthitāyā devairapi vandyamānacaraṇā svāhāsvadhārūpadhṛk |yasyāḥ kiṃ ca kaṭākṣapātanakṛtau sarve janāḥ śrīyutāvāṇī me vadane sadā vasatu sā padmāsanāṅkasthitā || 7||

यां देवीं मुनयो वदन्ति परमं तद् ब्रह्मरूपं शिवंविद्वांसोऽपि सरस्वतीमिति च यां भक्ताश्च गौरीमिति ।राजानो बहुद्रव्ययुक्तमनुजा वक्ष्यन्ति यां सिन्धुजांवाणी मे वदने सदा वसतु सा पद्मासनाङ्कस्थिता ॥ ८॥

yāṃ devīṃ munayo vadanti paramaṃ tad brahmarūpaṃ śivaṃvidvāṃso'pi sarasvatīmiti ca yāṃ bhaktāśca gaurīmiti |rājāno bahudravyayuktamanujā vakṣyanti yāṃ sindhujāṃvāṇī me vadane sadā vasatu sā padmāsanāṅkasthitā || 8||

इदमष्टकमादरेण यः पठेल्लभते वाञ्छितमर्थमुत्तमम् ।स भजते कवितामधिकं यशः प्रभवते सकलप्रजाधिकः ॥ ९॥

idamaṣṭakamādareṇa yaḥ paṭhellabhate vāñchitamarthamuttamam |sa bhajate kavitāmadhikaṃ yaśaḥ prabhavate sakalaprajādhikaḥ || 9||

कविना रामचन्द्रेण रचितं चेदमष्टकम् ।मूलाण्डवासिना देव्या भारत्याः स्तवमुत्तमम् ॥ १०॥

kavinā rāmacandreṇa racitaṃ cedamaṣṭakam |mūlāṇḍavāsinā devyā bhāratyāḥ stavamuttamam || 10||

अस्मिन् स्तवे सरस्वत्याः श्लोकैरष्टभिरादृते ।अबद्धा ये च ते गोप्याः सरस्वत्या कवीश्वरैः ॥ ११॥

asmin stave sarasvatyāḥ ślokairaṣṭabhirādṛte |abaddhā ye ca te gopyāḥ sarasvatyā kavīśvaraiḥ || 11||

इति रामचन्द्रकविकृतं श्रीसरस्वत्यष्टकं सम्पूर्णम् ।स्तोत्रसमुच्चयः २ (९७)

iti rāmacandrakavikṛtaṃ śrīsarasvatyaṣṭakaṃ sampūrṇam |stotrasamuccayaḥ 2 (97)