पठितसिद्धसारस्वतस्तवः Pathitasiddhasarasvatastavah

व्याप्तानन्तसमस्तलोकनिकरैङ्कारा समस्ता स्थिरायाराध्या गुरुभिर्गुरोरपि गुरुदेवैस्तु या वन्द्यते ।देवानामपि देवता वितरतात् वाग्देवता देवतास्वाहान्तः क्षिप ॐ यतः स्तवमुखं यस्याः स मन्त्रो वर ॥ १॥

vyāptānantasamastalokanikaraiṅkārā samastā sthirāyārādhyā gurubhirgurorapi gurudevaistu yā vandyate |devānāmapi devatā vitaratāt vāgdevatā devatāsvāhāntaḥ kṣipa oṃ yataḥ stavamukhaṃ yasyāḥ sa mantro vara || 1||

ॐ ह्रीं श्रीप्रथमा प्रसिद्धमहिमा सन्तप्तचित्ते हि यासैं ऐं मध्यहिता जगत्त्रयहिता सर्वज्ञनाथाहिता ।श्रीँ क्लीँ ब्लीँ चरमा गुणानुपरमा जायेत यस्या रमाविद्यैषा वषडिन्द्रगीःपतिकरी वाणीं स्तुवे तामहम् ॥ २॥

oṃ hrīṃ śrīprathamā prasiddhamahimā santaptacitte hi yāsaiṃ aiṃ madhyahitā jagattrayahitā sarvajñanāthāhitā |śrīm̐ klīm̐ blīm̐ caramā guṇānuparamā jāyeta yasyā ramāvidyaiṣā vaṣaḍindragīḥpatikarī vāṇīṃ stuve tāmaham || 2||

ॐ कर्णे ! वरकर्णभूषिततनुः कर्णेऽथ कर्णेश्वरीह्रींस्वाहान्तपदां समस्तविपदां छेत्त्री पदं सम्पदाम् ।संसारार्णवतारिणी विजयते विद्यावदाते शुभेयस्याः सा पदवी सदा शिवपुरे देवीवतंसीकृता ॥ ३॥

oṃ karṇe ! varakarṇabhūṣitatanuḥ karṇe'tha karṇeśvarīhrīṃsvāhāntapadāṃ samastavipadāṃ chettrī padaṃ sampadām |saṃsārārṇavatāriṇī vijayate vidyāvadāte śubheyasyāḥ sā padavī sadā śivapure devīvataṃsīkṛtā || 3||

सर्वाचारविचारिणी प्रतरिणी नौर्वाग्भवाब्धौ नॄणांवीणावेणुवरक्वणातिसुभगा दुःखाद्रिविद्रावणी ।सा वाणी प्रवणा महागुणगणा न्यायप्रवीणाऽमलंशेते यस्तरणी रणीषु निपुणा जैनी पुनातु ध्रुवम् ॥ ४॥

sarvācāravicāriṇī pratariṇī naurvāgbhavābdhau nṝṇāṃvīṇāveṇuvarakvaṇātisubhagā duḥkhādrividrāvaṇī |sā vāṇī pravaṇā mahāguṇagaṇā nyāyapravīṇā'malaṃśete yastaraṇī raṇīṣu nipuṇā jainī punātu dhruvam || 4||

ॐ ह्रीं बीजमुखा विधूतविमुखा संसेविता सन्मुखाऐं क्लीँ सौँ सहिता सुरेन्द्रमहिता विद्वज्जनेभ्यो हिता ।विद्या विस्फुरति स्फुटं हितरतिर्यस्या विशुद्धा मतिःसा ब्राह्मी जिनवक्त्रवज्रललने लीना तु लीलानु माम् ॥ ५॥

oṃ hrīṃ bījamukhā vidhūtavimukhā saṃsevitā sanmukhāaiṃ klīm̐ saum̐ sahitā surendramahitā vidvajjanebhyo hitā |vidyā visphurati sphuṭaṃ hitaratiryasyā viśuddhā matiḥsā brāhmī jinavaktravajralalane līnā tu līlānu mām || 5||

ॐ अर्हन्मुखपद्मवासिनि शुभे ! ज्वालासहस्रांशुभेपापप्रक्षयकारिणि ! श्रुतधरे ! पापं दहत्या शुभे ।क्षाँ क्षीँ क्षूँ वरबीजदुग्धवले ! वं वं वहं स्वावहाश्रीवाग्देव्यमृतोद्भवे ! यदि भवे मे मानसे सा भवे ॥ ६॥

oṃ arhanmukhapadmavāsini śubhe ! jvālāsahasrāṃśubhepāpaprakṣayakāriṇi ! śrutadhare ! pāpaṃ dahatyā śubhe |kṣām̐ kṣīm̐ kṣūm̐ varabījadugdhavale ! vaṃ vaṃ vahaṃ svāvahāśrīvāgdevyamṛtodbhave ! yadi bhave me mānase sā bhave || 6||

हस्ते शर्मदपुस्तिकां विदधती सत्पात्रकं चापरंलोकानां सुखदं प्रभूतवरदं सज्ज्ञानमुद्रं परम् ।तुभ्यं बालमृणालकन्दललसल्लीलाविलोलं करंप्रख्याता श्रुतदेवता विदधती सूक्ष्मं नृणां सूनृतम् ! ॥ ७॥

haste śarmadapustikāṃ vidadhatī satpātrakaṃ cāparaṃlokānāṃ sukhadaṃ prabhūtavaradaṃ sajjñānamudraṃ param |tubhyaṃ bālamṛṇālakandalalasallīlāvilolaṃ karaṃprakhyātā śrutadevatā vidadhatī sūkṣmaṃ nṛṇāṃ sūnṛtam ! || 7||

हंसो हंसोतिगर्वं वहति हि विधृता यन्मयैषा मयैषायन्त्रं यन्त्रं यदेतत् स्फुटति सिततरां सैव यक्षावयक्षा ।साध्वी साध्वी शिवार्या प्रविधृतभुवना दुर्धरा या धरायादेवी देवीजनार्थ्या रमतु मम सदा मानसे मानसे सा ॥ ८॥

haṃso haṃsotigarvaṃ vahati hi vidhṛtā yanmayaiṣā mayaiṣāyantraṃ yantraṃ yadetat sphuṭati sitatarāṃ saiva yakṣāvayakṣā |sādhvī sādhvī śivāryā pravidhṛtabhuvanā durdharā yā dharāyādevī devījanārthyā ramatu mama sadā mānase mānase sā || 8||

स्पष्टपाठं पठत्येतत् ध्यानेन पटुनाष्टकम् ।अजस्रं यो जनस्तस्य भवनयुत्तमसम्पदः ॥ ९॥

spaṣṭapāṭhaṃ paṭhatyetat dhyānena paṭunāṣṭakam |ajasraṃ yo janastasya bhavanayuttamasampadaḥ || 9||

॥ इति साध्वीशिवार्याविरचितं पठितसिद्धसारस्वतस्तवः सम्पूर्णः ॥

|| iti sādhvīśivāryāviracitaṃ paṭhitasiddhasārasvatastavaḥ sampūrṇaḥ ||