शारदास्तवनम् सारस्वतमन्त्रगर्भितं Sarasvatamantragarbhitam Shrisharadastavanam
śāradāstavanam sārasvatamantragarbhitaṃ
Sarasvatamantragarbhitam Shrisharadastavanam (शारदास्तवनम् सारस्वतमन्त्रगर्भितं): mantras to Sarasvatī, by jinaprabhasUrivirachitaM. 9 verses in Sanskrit with Devanagari and IAST.
- Mantra
- Mantra
- Sarasvatī
- Mantra
शारदास्तवनम् सारस्वतमन्त्रगर्भितं
1 / 9
ॐ नमस्त्रिदशवन्दितक्रमे! सर्वविद्वज्जनपद्मभृङ्गिके! ।बुद्धिमान्द्यकदलीदलीक्रियाशस्त्रि! तुभ्यमधिदेवते! गिराम् ॥ १॥
oṃ namastridaśavanditakrame! sarvavidvajjanapadmabhṛṅgike! |buddhimāndyakadalīdalīkriyāśastri! tubhyamadhidevate! girām || 1||
कुर्वते नभसि शोणशोचिषो भारति! क्रमनखांशवस्तव ।नम्रनाकिमुकुटांशुमिश्रिता ऐन्द्रकार्मुकपरम्परामिव ॥ २॥
kurvate nabhasi śoṇaśociṣo bhārati! kramanakhāṃśavastava |namranākimukuṭāṃśumiśritā aindrakārmukaparamparāmiva || 2||
दन्तह्रीन्दुकमलश्रियो मुखं यैर्व्यलोकि तव देवि! सादरम् ।ते विविक्तकवितानिकेतनं के न भारति! भवन्ति भूतले ? ॥ ३॥
dantahrīndukamalaśriyo mukhaṃ yairvyaloki tava devi! sādaram |te viviktakavitāniketanaṃ ke na bhārati! bhavanti bhūtale ? || 3||
श्रीन्द्रमुख्यविबुधार्चितक्रमां ये श्रयन्ति भवतीं तरीमिव ।ते जगज्जननि! जाड्यवारिधिं निस्तरन्ति तरसा रसास्पृशः ॥ ४॥
śrīndramukhyavibudhārcitakramāṃ ye śrayanti bhavatīṃ tarīmiva |te jagajjanani! jāḍyavāridhiṃ nistaranti tarasā rasāspṛśaḥ || 4||
द्रव्यभावतिमिरापनोदिनीं तावकीनवदनेन्दुचन्द्रिकाम् ।यस्य लोचनचकोरकद्वयी पीयते भुवि स एव पुण्यभाक् ॥ ५॥
dravyabhāvatimirāpanodinīṃ tāvakīnavadanenducandrikām |yasya locanacakorakadvayī pīyate bhuvi sa eva puṇyabhāk || 5||
विभ्रदङ्गकमिदं त्वदर्पितस्नेहमन्थरदृशा तरङ्गितम् ।वर्णमात्रवदनाक्षमोऽप्यहं स्वं कृतार्थमवयामि निश्चितम् ॥ ६॥
vibhradaṅgakamidaṃ tvadarpitasnehamantharadṛśā taraṅgitam |varṇamātravadanākṣamo'pyahaṃ svaṃ kṛtārthamavayāmi niścitam || 6||
मौक्तिकाक्षवलयाब्जकच्छपीपुस्तकाङ्कितकरोपशोभिते ।पद्मवासिनि! हिमोज्ज्वलाङ्गि वाग्वादिनि! प्रभव नो भवच्छिदे ॥ ७विश्वविश्वभुवनैकदीपिके! नेमुषां मुषितमोहविप्लवे ।भक्तिनिर्भरकवीन्द्रनन्दिते तुभ्यमस्तु गिरिदेवते नमः ॥ ८॥
mauktikākṣavalayābjakacchapīpustakāṅkitakaropaśobhite |padmavāsini! himojjvalāṅgi vāgvādini! prabhava no bhavacchide || 7viśvaviśvabhuvanaikadīpike! nemuṣāṃ muṣitamohaviplave |bhaktinirbharakavīndranandite tubhyamastu giridevate namaḥ || 8||
उदारसारस्वतमन्त्रगर्भितंजिनप्रभाचार्यकृतं पठन्ति ये ।वाग्देवतायाः स्फुटमेतदष्टकंस्फुरन्ति तेषा मधुरोज्ज्वला गिरः ॥ ९॥
udārasārasvatamantragarbhitaṃjinaprabhācāryakṛtaṃ paṭhanti ye |vāgdevatāyāḥ sphuṭametadaṣṭakaṃsphuranti teṣā madhurojjvalā giraḥ || 9||
॥ इति श्रीजिनप्रभसूरिविरचितं सारस्वतमन्त्रगर्भितंश्रीशारदास्तवनं सम्पूर्णम् ॥
|| iti śrījinaprabhasūriviracitaṃ sārasvatamantragarbhitaṃśrīśāradāstavanaṃ sampūrṇam ||
॥ इति शारदास्तवनम् सारस्वतमन्त्रगर्भितं सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Sarasvatamantragarbhitam Shrisharadastavanam?
Sarasvatamantragarbhitam Shrisharadastavanam has 9 verses on this page, each shown with its number, Devanagari text and transliteration, and meaning where available.
Can I read Sarasvatamantragarbhitam Shrisharadastavanam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Sarasvatamantragarbhitam Shrisharadastavanam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Sarasvatamantragarbhitam Shrisharadastavanam?
jinaprabhasUrivirachitaM.
