सीतारामाष्टकम् Shri Sitarama Ashtakam

ब्रह्ममहेन्द्रसुरेन्द्रमरुद्गणरुद्रमुनीन्द्रगणैरतिरम्यंक्षीरसरित्पतितीरमुपेत्य नुतं हि सतामवितारमुदारम् ।भूमिभरप्रशमार्थमथ प्रथितप्रकटीकृतचिद्घनमूर्तिंत्वां भजतो रघुनन्दन देहि दयाघन मे स्वपदाम्बुजदास्यम् ॥ १॥

brahmamahendrasurendramarudgaṇarudramunīndragaṇairatiramyaṃkṣīrasaritpatitīramupetya nutaṃ hi satāmavitāramudāram |bhūmibharapraśamārthamatha prathitaprakaṭīkṛtacidghanamūrtiṃtvāṃ bhajato raghunandana dehi dayāghana me svapadāmbujadāsyam || 1||

पद्मदलायतलोचन हे रघुवंशविभूषण देव दयालोनिर्मलनीरदनीलतनोऽखिललोकहृदम्बुजभासक भानो ।कोमलगात्र पवित्रपदाब्जरजःकणपावित गौतमकान्तत्वां भजतो रघुनन्दन देहि दयाघन मे स्वपदाम्बुजदास्यम् ॥ २॥

padmadalāyatalocana he raghuvaṃśavibhūṣaṇa deva dayālonirmalanīradanīlatano'khilalokahṛdambujabhāsaka bhāno |komalagātra pavitrapadābjarajaḥkaṇapāvita gautamakāntatvāṃ bhajato raghunandana dehi dayāghana me svapadāmbujadāsyam || 2||

पूर्ण परात्पर पालय मामतिदीनमनाथमनन्तसुखाब्धेप्रावृडदभ्रतडित्सुमनोहरपीतवराम्बर राम नमस्ते ।कामविभञ्जन कान्ततरानन काञ्चनभूषण रत्नकिरीटत्वां भजतो रघुनन्दन देहि दयाघन मे स्वपदाम्बुजदास्यम् ॥ ३॥

pūrṇa parātpara pālaya māmatidīnamanāthamanantasukhābdheprāvṛḍadabhrataḍitsumanoharapītavarāmbara rāma namaste |kāmavibhañjana kāntatarānana kāñcanabhūṣaṇa ratnakirīṭatvāṃ bhajato raghunandana dehi dayāghana me svapadāmbujadāsyam || 3||

दिव्यशरच्छशिकान्तिहरोज्ज्वलमौक्तिकमालविशालसुमौलेकोटिरविप्रभ चारुचरित्रपवित्र विचित्रधनुःशरपाणे ।चण्डमहाभुजदण्डविखण्डितराक्षसराजमहागजदण्डंत्वां भजतो रघुनन्दन देहि दयाघन मे स्वपदाम्बुजदास्यम् ॥ ४॥

divyaśaracchaśikāntiharojjvalamauktikamālaviśālasumaulekoṭiraviprabha cārucaritrapavitra vicitradhanuḥśarapāṇe |caṇḍamahābhujadaṇḍavikhaṇḍitarākṣasarājamahāgajadaṇḍaṃtvāṃ bhajato raghunandana dehi dayāghana me svapadāmbujadāsyam || 4||

दोषविहिंस्रभुजङ्गसहस्रसुरोषमहानलकीलकलापेजन्मजरामरणोर्मिमये मदमन्मथनक्रविचक्रभवाब्धौ ।दुःखनिधौ च चिरं पतितं कृपयाद्य समुद्धर राम ततो माम्त्वां भजतो रघुनन्दन देहि दयाघन मे स्वपदाम्बुजदास्यम् ॥ ५॥

doṣavihiṃsrabhujaṅgasahasrasuroṣamahānalakīlakalāpejanmajarāmaraṇormimaye madamanmathanakravicakrabhavābdhau |duḥkhanidhau ca ciraṃ patitaṃ kṛpayādya samuddhara rāma tato māmtvāṃ bhajato raghunandana dehi dayāghana me svapadāmbujadāsyam || 5||

संसृतिघोरमदोत्कटकुञ्जरतृट्क्षुदनीरदपिण्डिततुण्डंदण्डकरोन्मथितं च रजस्तम उन्मदमोहपदोज्झितमार्तम् ।दीनमनन्यगतिं कृपणं शरणागतमाशु विमोचय मूढम्त्वां भजतो रघुनन्दन देहि दयाघन मे स्वपदाम्बुजदास्यम् ॥ ६॥

saṃsṛtighoramadotkaṭakuñjaratṛṭkṣudanīradapiṇḍitatuṇḍaṃdaṇḍakaronmathitaṃ ca rajastama unmadamohapadojjhitamārtam |dīnamananyagatiṃ kṛpaṇaṃ śaraṇāgatamāśu vimocaya mūḍhamtvāṃ bhajato raghunandana dehi dayāghana me svapadāmbujadāsyam || 6||

जन्मशतार्जितपापसमन्वितहृत्कमले पतिते पशुकल्पेहे रघुवीर महारणधीर दयां कुरु मय्यतिमन्दमनीषे ।त्वं जननी भगिनी च पिता मम तावदसि त्ववितापि कृपालोत्वां भजतो रघुनन्दन देहि दयाघन मे स्वपदाम्बुजदास्यम् ॥ ७॥

janmaśatārjitapāpasamanvitahṛtkamale patite paśukalpehe raghuvīra mahāraṇadhīra dayāṃ kuru mayyatimandamanīṣe |tvaṃ jananī bhaginī ca pitā mama tāvadasi tvavitāpi kṛpālotvāṃ bhajato raghunandana dehi dayāghana me svapadāmbujadāsyam || 7||

त्वां तु दयालुमकिञ्चनवत्सलमुत्पलहारमपारमुदारं रामविहाय कमन्यमनामयमीश जनं शरणं ननु यायाम् ।त्वत्पदपद्ममतः श्रितमेव मुदा खलु देव सदाव ससीतत्वां भजतो रघुनन्दन देहि दयाघन मे स्वपदाम्बुजदास्यम् ॥ ८॥

tvāṃ tu dayālumakiñcanavatsalamutpalahāramapāramudāraṃ rāmavihāya kamanyamanāmayamīśa janaṃ śaraṇaṃ nanu yāyām |tvatpadapadmamataḥ śritameva mudā khalu deva sadāva sasītatvāṃ bhajato raghunandana dehi dayāghana me svapadāmbujadāsyam || 8||

यः करुणामृतसिन्धुरनाथजनोत्तमबन्धुरजोत्तमकारीभक्तभयोर्मिभवाब्धितरिः सरयूतटिनीतटचारुविहारी ।तस्य रघुप्रवरस्य निरन्तरमष्टकमेतदनिष्टहरं वै यस्तुपठेदमरः स नरो लभतेऽच्युतरामपदाम्बुजदास्यम् ॥ ९॥

yaḥ karuṇāmṛtasindhuranāthajanottamabandhurajottamakārībhaktabhayormibhavābdhitariḥ sarayūtaṭinītaṭacāruvihārī |tasya raghupravarasya nirantaramaṣṭakametadaniṣṭaharaṃ vai yastupaṭhedamaraḥ sa naro labhate'cyutarāmapadāmbujadāsyam || 9||

॥ इति श्रीमन्मधुसूदनाश्रमशिष्याच्युतयतिविरचितंश्रीसीतारामाष्टकं सम्पूर्णम् ॥

|| iti śrīmanmadhusūdanāśramaśiṣyācyutayativiracitaṃśrīsītārāmāṣṭakaṃ sampūrṇam ||