रामाष्टोत्तरशतनामस्तोत्रम् ८ Shri Ramarahasyokta Shri Ramashtottara Shata Nama Stotram

रामो रावणसंहारकृतमानुषविग्रहः ।कौसल्यासुकृतव्रातफलं दशरथात्मजः ॥ १॥

rāmo rāvaṇasaṃhārakṛtamānuṣavigrahaḥ |kausalyāsukṛtavrātaphalaṃ daśarathātmajaḥ || 1||

लक्ष्मणार्चितपादाब्जसर्वलोकप्रियङ्करःसाकेतवासिनेत्राब्जसंप्रीणनदिवाकरः ॥ २॥

lakṣmaṇārcitapādābjasarvalokapriyaṅkaraḥsāketavāsinetrābjasaṃprīṇanadivākaraḥ || 2||

विश्वामित्रप्रियश्शान्तः ताटकाध्वान्तभास्करः ।सुबाहुराक्षसरिपुः कौशिकाध्वरपालकः ॥ ३॥

viśvāmitrapriyaśśāntaḥ tāṭakādhvāntabhāskaraḥ |subāhurākṣasaripuḥ kauśikādhvarapālakaḥ || 3||

अहल्यापापसंहर्ता जनकेन्द्रप्रियातिथिः ।पुरारिचापदलनो वीरलक्ष्मीसमाश्रयः ॥ ४॥

ahalyāpāpasaṃhartā janakendrapriyātithiḥ |purāricāpadalano vīralakṣmīsamāśrayaḥ || 4||

सीतावरणमाल्याढ्यो जामदग्न्यमदापहः ।वैदेहीकृतशृङ्गारः पितृप्रीतिविवर्धनः ॥ ५॥

sītāvaraṇamālyāḍhyo jāmadagnyamadāpahaḥ |vaidehīkṛtaśṛṅgāraḥ pitṛprītivivardhanaḥ || 5||

ताताज्ञोत्सृष्टहस्तस्थराज्यस्सत्यप्रतिश्रवः ।तमसातीरसंवासी गुहानुग्रहतत्परः ॥ ६॥

tātājñotsṛṣṭahastastharājyassatyapratiśravaḥ |tamasātīrasaṃvāsī guhānugrahatatparaḥ || 6||

सुमन्त्रसेवितपदो भरद्वाजप्रियातिथिः ।चित्रकूटप्रियावासः पादुकान्यस्तभूभरः ॥ ७॥ चित्रकूटप्रियस्थानः

sumantrasevitapado bharadvājapriyātithiḥ |citrakūṭapriyāvāsaḥ pādukānyastabhūbharaḥ || 7|| citrakūṭapriyasthānaḥ

अनसूयाङ्गरागाङ्कसीतासाहित्यशोभितः ।दण्डकारण्यसञ्चारी विराधस्वर्गदायकः ॥ ८॥

anasūyāṅgarāgāṅkasītāsāhityaśobhitaḥ |daṇḍakāraṇyasañcārī virādhasvargadāyakaḥ || 8||

रक्षःकालान्तकस्सर्वमुनिसङ्घमुदावहः ।प्रतिज्ञातास्शरवधः शरभभङ्गगतिप्रदः ॥ ९॥

rakṣaḥkālāntakassarvamunisaṅghamudāvahaḥ |pratijñātāsśaravadhaḥ śarabhabhaṅgagatipradaḥ || 9||

अगस्त्यार्पितबाणासखड्गतूणीरमण्डितः ।प्राप्तपञ्चवटीवासो गृध्रराजसहायवान् ॥ १०॥

agastyārpitabāṇāsakhaḍgatūṇīramaṇḍitaḥ |prāptapañcavaṭīvāso gṛdhrarājasahāyavān || 10||

कामिशूर्पणखाकर्णनासाच्छेदनियामकः ।खरादिराक्षसव्रातखण्डनावितसज्जनः ॥ ११॥

kāmiśūrpaṇakhākarṇanāsācchedaniyāmakaḥ |kharādirākṣasavrātakhaṇḍanāvitasajjanaḥ || 11||

सीतासंश्लिष्टकायाभाजितविद्युद्युताम्बुदः ।मारीचहन्ता मायाढ्यो जटायुर्मोक्षदायकः ॥ १२॥

sītāsaṃśliṣṭakāyābhājitavidyudyutāmbudaḥ |mārīcahantā māyāḍhyo jaṭāyurmokṣadāyakaḥ || 12||

कबन्धबाहुदलनश्शबरीप्रार्थितातिथिः ।हनुमद्वन्दितपदस्सुग्रीवसुहृदव्ययः ॥ १३॥

kabandhabāhudalanaśśabarīprārthitātithiḥ |hanumadvanditapadassugrīvasuhṛdavyayaḥ || 13||

दैत्यकङ्कालविक्षेपी सप्ततालप्रभेदकः ।एकेषुहतवाली च तारासंस्तुतसद्गुणः ॥ १४॥

daityakaṅkālavikṣepī saptatālaprabhedakaḥ |ekeṣuhatavālī ca tārāsaṃstutasadguṇaḥ || 14||

कपीन्द्रीकृतसुग्रीवस्सर्ववानरपूजितः ।वायुसूनुसमानीतसीतासन्देशनन्दितः ॥ १५॥

kapīndrīkṛtasugrīvassarvavānarapūjitaḥ |vāyusūnusamānītasītāsandeśananditaḥ || 15||

जैत्रयात्रोत्सवः जिष्णुर्विष्णुरूपो निराकृतिः । जैत्रयात्रोद्यतोकम्पिताम्भोनिधिस्सम्पत्प्रदस्सेतुनिबन्धनः ॥ १६॥

jaitrayātrotsavaḥ jiṣṇurviṣṇurūpo nirākṛtiḥ | jaitrayātrodyatokampitāmbhonidhissampatpradassetunibandhanaḥ || 16||

लङ्काविभेदनपटुर्निशाचरविनाशकः ।कुम्भकर्णाख्यकुम्भीन्द्रमृगराजपराक्रमः ॥ १७॥

laṅkāvibhedanapaṭurniśācaravināśakaḥ |kumbhakarṇākhyakumbhīndramṛgarājaparākramaḥ || 17||

मेघनादवधोद्युक्तलक्ष्मणास्त्रबलप्रदः ।दशग्रीवान्धतामिस्रप्रमापणप्रभाकरः ॥ १८॥

meghanādavadhodyuktalakṣmaṇāstrabalapradaḥ |daśagrīvāndhatāmisrapramāpaṇaprabhākaraḥ || 18||

इन्द्रादिदेवतास्तुत्यश्चन्द्राभमुखमण्डलः ।बिभीषणार्पितनिशाचरराज्यो वृषप्रियः ॥ १९॥

indrādidevatāstutyaścandrābhamukhamaṇḍalaḥ |bibhīṣaṇārpitaniśācararājyo vṛṣapriyaḥ || 19||

वैश्वानरस्तुतगुणावनिपुत्रीसमागतः ।पुष्पकस्थानसुभगः पुण्यवत्प्राप्यदर्शनः ॥ २०॥

vaiśvānarastutaguṇāvaniputrīsamāgataḥ |puṣpakasthānasubhagaḥ puṇyavatprāpyadarśanaḥ || 20||

राज्याभिषिक्तो राजेन्द्रो राजीवसदृशेक्षणः ।लोकतापपरिहन्ता च धर्मसंस्थापनोद्यतः ॥ २१॥ लोकतापापहर्ता

rājyābhiṣikto rājendro rājīvasadṛśekṣaṇaḥ |lokatāpaparihantā ca dharmasaṃsthāpanodyataḥ || 21|| lokatāpāpahartā

शरण्यः कीर्तिमान्नित्यो वदान्यः करुणार्णवः ।संसारसिन्धुसम्मग्नतारकाख्यामहोज्जवलः ॥ २२॥ तारकाख्यमनोहरः

śaraṇyaḥ kīrtimānnityo vadānyaḥ karuṇārṇavaḥ |saṃsārasindhusammagnatārakākhyāmahojjavalaḥ || 22|| tārakākhyamanoharaḥ

मधुरोमधुरोक्तिश्च मधुरानायकाग्रजः ।शम्बूकदत्तस्वर्लोकश्शम्बरारातिसुन्दरः ॥ २३॥

madhuromadhuroktiśca madhurānāyakāgrajaḥ |śambūkadattasvarlokaśśambarārātisundaraḥ || 23||

अश्वमेधमहायाजी वाल्मीकिप्रीतिमान्वशी ।स्वयंरामायणश्रोता पुत्रप्राप्तिप्रमोदितः ॥ २४॥

aśvamedhamahāyājī vālmīkiprītimānvaśī |svayaṃrāmāyaṇaśrotā putraprāptipramoditaḥ || 24||

ब्रह्मादिस्तुतमाहात्म्यो ब्रह्मर्षिगणपूजितः ।वर्णाश्रमरतो वर्णाश्रमधर्मनियामकः ॥ २५॥

brahmādistutamāhātmyo brahmarṣigaṇapūjitaḥ |varṇāśramarato varṇāśramadharmaniyāmakaḥ || 25||

रक्षापरो राजवंशप्रतिष्ठापनतत्परः । रक्षावहःगन्धर्वहिंसासंहारी धृतिमान्दीनवत्सलः ॥ २६॥

rakṣāparo rājavaṃśapratiṣṭhāpanatatparaḥ | rakṣāvahaḥgandharvahiṃsāsaṃhārī dhṛtimāndīnavatsalaḥ || 26||

ज्ञानोपदेष्टा वेदान्तवेद्यो भक्तप्रियङ्करः ।वैकुण्ठवासी पायान्नश्चराचरविमुक्तिदः ॥ २७॥ वैकुण्ठलोकसंवासी

jñānopadeṣṭā vedāntavedyo bhaktapriyaṅkaraḥ |vaikuṇṭhavāsī pāyānnaścarācaravimuktidaḥ || 27|| vaikuṇṭhalokasaṃvāsī

इति श्रीरामरहस्योक्तं श्रीरामाष्टोत्तरशतनामस्त्तोरं सम्पूर्णम् ।

iti śrīrāmarahasyoktaṃ śrīrāmāṣṭottaraśatanāmasttoraṃ sampūrṇam |