रामप्रपत्तिशतकम् Shri Ramaprapattishatakam

कल्याणाद्रिमहाधीरः कल्याणगुणवारिधिः ।कल्याणरामः कृपया कल्याणानि करोतु नः ॥राजराजशिरोरत्नराजनीराजिताङ्घ्रये ।राजद्राजीववक्त्राय रामराजाय मङ्गलम् ॥यः कोसलेन्द्रदुहितुः सुकृतेन साक्षाज्जातो हरिस्तनुभवो दिवि वासवाद्यैः ।अस्मान् जगच्च विनुतः परिपालयेतितं राममार्तिहरणं शरणं भजामि ॥ १॥

kalyāṇādrimahādhīraḥ kalyāṇaguṇavāridhiḥ |kalyāṇarāmaḥ kṛpayā kalyāṇāni karotu naḥ ||rājarājaśiroratnarājanīrājitāṅghraye |rājadrājīvavaktrāya rāmarājāya maṅgalam ||yaḥ kosalendraduhituḥ sukṛtena sākṣājjāto haristanubhavo divi vāsavādyaiḥ |asmān jagacca vinutaḥ paripālayetitaṃ rāmamārtiharaṇaṃ śaraṇaṃ bhajāmi || 1||

वृन्दारका यदुदये प्रमदादयोध्यांसन्तानकल्पकुसुमैः परितो ववर्षुः ।गन्धर्वजातिरतिगानरता बभूवतं राममार्तिहरणं शरणं भजामि ॥ २॥

vṛndārakā yadudaye pramadādayodhyāṃsantānakalpakusumaiḥ parito vavarṣuḥ |gandharvajātiratigānaratā babhūvataṃ rāmamārtiharaṇaṃ śaraṇaṃ bhajāmi || 2||

यस्योदये मनुजलोकशुभोदयोऽभूत्सर्वं क्षणेन जगतो दुरितं प्रशान्तम् ।चक्रुर्मुदा नटनमप्सरसः प्रकामंतं राममार्तिहरणं शरणं भजामि ॥ ३॥

yasyodaye manujalokaśubhodayo'bhūtsarvaṃ kṣaṇena jagato duritaṃ praśāntam |cakrurmudā naṭanamapsarasaḥ prakāmaṃtaṃ rāmamārtiharaṇaṃ śaraṇaṃ bhajāmi || 3||

यस्याद्वितीयमनघं शुभदं भयघ्नंमुक्तिप्रदं श्रवणमङ्गलमार्तिहारि ।रम्यं समुल्लसति नाम जगत्पवित्रंतं राममार्तिहरणं शरणं भजामि ॥ ४॥

yasyādvitīyamanaghaṃ śubhadaṃ bhayaghnaṃmuktipradaṃ śravaṇamaṅgalamārtihāri |ramyaṃ samullasati nāma jagatpavitraṃtaṃ rāmamārtiharaṇaṃ śaraṇaṃ bhajāmi || 4||

यं लक्ष्मणेन भरतेन च सानुजेनबाल्ये सहाभिविहरन्तमवेक्ष्य दृष्ट्या ।प्रापुर्न तृप्तिमवशाः प्रमदेन लोकास्तं राममार्तिहरणं शरणं भजामि ॥ ५॥

yaṃ lakṣmaṇena bharatena ca sānujenabālye sahābhiviharantamavekṣya dṛṣṭyā |prāpurna tṛptimavaśāḥ pramadena lokāstaṃ rāmamārtiharaṇaṃ śaraṇaṃ bhajāmi || 5||

यः शैशवे कनकमौक्तिकनीलरत्नमाणिक्यवज्रवरभूषणभूषिताङ्गः ।लोकान् प्ररञ्जयति कुञ्जरमञ्जुगत्यातं राममार्तिहरणं शरणं भजामि ॥ ६॥

yaḥ śaiśave kanakamauktikanīlaratnamāṇikyavajravarabhūṣaṇabhūṣitāṅgaḥ |lokān prarañjayati kuñjaramañjugatyātaṃ rāmamārtiharaṇaṃ śaraṇaṃ bhajāmi || 6||

यः शैशवे मधुरसूक्तिसुधाप्रवाहैर्लोकस्य कर्णहृदयानि मुहुर्निषिच्य ।चक्रे निराकृतसुराधिपभाग्यमेनंतं राममार्तिहरणं शरणं भजामि ॥ ७॥

yaḥ śaiśave madhurasūktisudhāpravāhairlokasya karṇahṛdayāni muhurniṣicya |cakre nirākṛtasurādhipabhāgyamenaṃtaṃ rāmamārtiharaṇaṃ śaraṇaṃ bhajāmi || 7||

यं शैशवातिरमणीयसुभद्रवेषमाकर्णदीर्घनवरक्तसरोजनेत्रम् ।धन्या बभूवुरवलोक्य दृशैव पौरास्तं राममार्तिहरणं शरणं भजामि ॥ ८॥

yaṃ śaiśavātiramaṇīyasubhadraveṣamākarṇadīrghanavaraktasarojanetram |dhanyā babhūvuravalokya dṛśaiva paurāstaṃ rāmamārtiharaṇaṃ śaraṇaṃ bhajāmi || 8||

यं शैशवे नयनसौख्यदचारुलीलाकन्दर्पकोटिकमनीयनरावतारम् ।धन्या बभूवुरवलोक्य दृशैव पौरास्तं राममार्तिहरणं शरणं भजामि ॥ ९॥

yaṃ śaiśave nayanasaukhyadacārulīlākandarpakoṭikamanīyanarāvatāram |dhanyā babhūvuravalokya dṛśaiva paurāstaṃ rāmamārtiharaṇaṃ śaraṇaṃ bhajāmi || 9||

यं मौक्तिकाभरणसुन्दरमन्दहासंनव्यप्रवालरुचिराधरशोभमानम् ।धन्या बभूवुरवलोक्य दृशैव पौरातं राममार्तिहरणं शरणं भजामि ॥ १०॥

yaṃ mauktikābharaṇasundaramandahāsaṃnavyapravālarucirādharaśobhamānam |dhanyā babhūvuravalokya dṛśaiva paurātaṃ rāmamārtiharaṇaṃ śaraṇaṃ bhajāmi || 10||

यः शैशवे कुशिकजेन मखावनायनीतोऽनुजेन सह संप्रतिपन्नमन्त्रः ।मध्याह्नभास्कर इवातितरां रराजतं राममार्तिहरणं शरणं भजामि ॥ ११॥

yaḥ śaiśave kuśikajena makhāvanāyanīto'nujena saha saṃpratipannamantraḥ |madhyāhnabhāskara ivātitarāṃ rarājataṃ rāmamārtiharaṇaṃ śaraṇaṃ bhajāmi || 11||

बाल्ये समस्तजनतावधकारिवृत्तिंयस्ताटकां स्त्रियमपीभसहस्रवीर्याम् ।हत्वा सलीलमकरोद्भुवनं प्रहृष्टंतं राममार्तिहरणं शरणं भजामि ॥ १२॥

bālye samastajanatāvadhakārivṛttiṃyastāṭakāṃ striyamapībhasahasravīryām |hatvā salīlamakarodbhuvanaṃ prahṛṣṭaṃtaṃ rāmamārtiharaṇaṃ śaraṇaṃ bhajāmi || 12||

यस्ताटकानिधनहृष्टमुनिप्रदिष्टान्यस्त्राण्यगण्यमहिमानि चिरन्तनानि ।साक्षाद्विधाय च मनोवशगानि चक्रेतं राममार्तिहरणं शरणं भजामि ॥ १३॥

yastāṭakānidhanahṛṣṭamunipradiṣṭānyastrāṇyagaṇyamahimāni cirantanāni |sākṣādvidhāya ca manovaśagāni cakretaṃ rāmamārtiharaṇaṃ śaraṇaṃ bhajāmi || 13||

पौगण्ड एव वयसि प्रबलं सुबाहुंयः केसरीव करिणं समितौ निहत्य ।मारीचमब्धिमनयत् सहसा शरेणतं राममार्तिहरणं शरणं भजामि ॥ १४॥

paugaṇḍa eva vayasi prabalaṃ subāhuṃyaḥ kesarīva kariṇaṃ samitau nihatya |mārīcamabdhimanayat sahasā śareṇataṃ rāmamārtiharaṇaṃ śaraṇaṃ bhajāmi || 14||

यो मैथिलेन्द्रनगरीमभियातुकामस्त्रिस्रोतसं द्युपथिकां कुशिकात्मजोक्ताम् ।शृण्वन् मुमोद भृशमात्मकुलीनभूपान्तं राममार्तिहरणं शरणं भजामि ॥ १५॥

yo maithilendranagarīmabhiyātukāmastrisrotasaṃ dyupathikāṃ kuśikātmajoktām |śṛṇvan mumoda bhṛśamātmakulīnabhūpāntaṃ rāmamārtiharaṇaṃ śaraṇaṃ bhajāmi || 15||

यो गौतमाख्यमुनियोषितमात्मकान्तशापोररीकृतशिलावपुषं क्षणेन ।चक्रे स्वपादरजसा तटिदाभदेहांतं राममार्तिहरणं शरणं भजामि ॥ १६॥

yo gautamākhyamuniyoṣitamātmakāntaśāporarīkṛtaśilāvapuṣaṃ kṣaṇena |cakre svapādarajasā taṭidābhadehāṃtaṃ rāmamārtiharaṇaṃ śaraṇaṃ bhajāmi || 16||

यो गौतमात्मजसमीरितगाधिसूनुब्राह्मण्यसङ्गमकथाश्रुतिहृष्टचेताः ।श्लाघ्यस्तमेव सुचिरं हृदये ननन्दतं राममार्तिहरणं शरणं भजामि ॥ १७॥

yo gautamātmajasamīritagādhisūnubrāhmaṇyasaṅgamakathāśrutihṛṣṭacetāḥ |ślāghyastameva suciraṃ hṛdaye nanandataṃ rāmamārtiharaṇaṃ śaraṇaṃ bhajāmi || 17||

देवासुरैरपि दुरासदमीशचापंभङ्क्त्वा मृणालमिभराडिव लीलया यः ।सद्यश्चकार जनकं सफलप्रतिज्ञंतं राममार्तिहरणं शरणं भजामि ॥ १८॥

devāsurairapi durāsadamīśacāpaṃbhaṅktvā mṛṇālamibharāḍiva līlayā yaḥ |sadyaścakāra janakaṃ saphalapratijñaṃtaṃ rāmamārtiharaṇaṃ śaraṇaṃ bhajāmi || 18||

यो जानकीपरिणये स्वशिरो विनम्यदोर्भ्यां तदङ्घ्रिसरसीरुहमश्ममौलौ ।आरोप्य तन्मुखमवेक्ष्य जहास मन्दंतं राममार्तिहरणं शरणं भजामि ॥ १९॥

yo jānakīpariṇaye svaśiro vinamyadorbhyāṃ tadaṅghrisarasīruhamaśmamaulau |āropya tanmukhamavekṣya jahāsa mandaṃtaṃ rāmamārtiharaṇaṃ śaraṇaṃ bhajāmi || 19||

यो मैथिलेन्द्रनगरात् स्वपुरं प्रयास्यन्मार्गे गृहीतपरशुं भृगुजं सचापम् ।व्यद्रावयद्धृतशरासनदर्पवीर्यंतं राममार्तिहरणं शरणं भजामि ॥ २०॥

yo maithilendranagarāt svapuraṃ prayāsyanmārge gṛhītaparaśuṃ bhṛgujaṃ sacāpam |vyadrāvayaddhṛtaśarāsanadarpavīryaṃtaṃ rāmamārtiharaṇaṃ śaraṇaṃ bhajāmi || 20||

यो भ्रातृभिस्त्रिभिरुदूढवधूसमेतैर्हेमप्रसाधितवलद्द्विरदाधिरूढः ।साकेतमेत्य धरणीसुतयैव रेमेतं राममार्तिहरणं शरणं भजामि ॥ २१॥

yo bhrātṛbhistribhirudūḍhavadhūsametairhemaprasādhitavaladdviradādhirūḍhaḥ |sāketametya dharaṇīsutayaiva remetaṃ rāmamārtiharaṇaṃ śaraṇaṃ bhajāmi || 21||

यो मातुलालयमतिप्रमदेन साकंसंप्रेषयन् ससहजं भरतं स्वपित्रोः ।शुश्रूषया चिरमशेषजनप्रियोऽभूत्तं राममार्तिहरणं शरणं भजामि ॥ २२॥

yo mātulālayamatipramadena sākaṃsaṃpreṣayan sasahajaṃ bharataṃ svapitroḥ |śuśrūṣayā ciramaśeṣajanapriyo'bhūttaṃ rāmamārtiharaṇaṃ śaraṇaṃ bhajāmi || 22||

यस्तातमातृवचनावितथीकरस्तंसाम्राज्यभोगमनपेक्ष्य सहानुजेन ।वध्वा ययौ वनमशेषजगद्धितायतं राममार्तिहरणं शरणं भजामि ॥ २३॥

yastātamātṛvacanāvitathīkarastaṃsāmrājyabhogamanapekṣya sahānujena |vadhvā yayau vanamaśeṣajagaddhitāyataṃ rāmamārtiharaṇaṃ śaraṇaṃ bhajāmi || 23||

यो नव्यशाद्वलतले मृदुपादगत्यागङ्गामुपेत्य गुहमानित उत्तरंस्ताम् ।हित्वा गुहं सरथसूतमभूज्जटालस्तं राममार्तिहरणं शरणं भजामि ॥ २४॥

yo navyaśādvalatale mṛdupādagatyāgaṅgāmupetya guhamānita uttaraṃstām |hitvā guhaṃ sarathasūtamabhūjjaṭālastaṃ rāmamārtiharaṇaṃ śaraṇaṃ bhajāmi || 24||

यस्तज्जनेन सह सोदरजानकीभ्यांतीर्त्वा प्लवैः ससलिलाः सरितश्च बह्वीः ।रेमे पुरीव सुदृशा सह चित्रकूटेतं राममार्तिहरणं शरणं भजामि ॥ २५॥

yastajjanena saha sodarajānakībhyāṃtīrtvā plavaiḥ sasalilāḥ saritaśca bahvīḥ |reme purīva sudṛśā saha citrakūṭetaṃ rāmamārtiharaṇaṃ śaraṇaṃ bhajāmi || 25||

यो मातुलस्य निलयाद्वनमागतेनपादानतेन भरतेन पुरागमाय ।संप्रार्थितोऽपि गमनं मनसापि नैच्छत्तं राममार्तिहरणं शरणं भजामि ॥ २६॥

yo mātulasya nilayādvanamāgatenapādānatena bharatena purāgamāya |saṃprārthito'pi gamanaṃ manasāpi naicchattaṃ rāmamārtiharaṇaṃ śaraṇaṃ bhajāmi || 26||

यो राज्यपालनकृते मणिपादुके स्वेदत्त्वा नताय भरताय च सान्त्वपूर्वम् ।पुर्यै निवर्त्य तमभूत् परमप्रहृष्टस्तं राममार्तिहरणं शरणं भजामि ॥ २७॥

yo rājyapālanakṛte maṇipāduke svedattvā natāya bharatāya ca sāntvapūrvam |puryai nivartya tamabhūt paramaprahṛṣṭastaṃ rāmamārtiharaṇaṃ śaraṇaṃ bhajāmi || 27||

यः सानुजो वनितया सह चित्रकूटंत्यक्त्वात्रिमस्य च वधूं प्रणिपत्य ताभ्याम् ।दत्तं विभूषणकुलं मुमुदे प्रगृह्यतं राममार्तिहरणं शरणं भजामि ॥ २८॥

yaḥ sānujo vanitayā saha citrakūṭaṃtyaktvātrimasya ca vadhūṃ praṇipatya tābhyām |dattaṃ vibhūṣaṇakulaṃ mumude pragṛhyataṃ rāmamārtiharaṇaṃ śaraṇaṃ bhajāmi || 28||

यो दण्डकावनमुपेत्य खलं विराधंहत्वा विदेहतनयाममितप्रमोदाम् ।कृत्वा तुतोष शरभङ्गकृतामिताशीःतं राममार्तिहरणं शरणं भजामि ॥ २९॥

yo daṇḍakāvanamupetya khalaṃ virādhaṃhatvā videhatanayāmamitapramodām |kṛtvā tutoṣa śarabhaṅgakṛtāmitāśīḥtaṃ rāmamārtiharaṇaṃ śaraṇaṃ bhajāmi || 29||

यो वै सुतीक्ष्णमुनिना समनुगृहीतःकुम्भोद्भवं समभिवाद्य मुदा च तस्मात् ।तूणीं शरासनमसिं प्रतिलभ्य रेजे ।तं राममार्तिहरणं शरणं भजामि ॥ ३०॥

yo vai sutīkṣṇamuninā samanugṛhītaḥkumbhodbhavaṃ samabhivādya mudā ca tasmāt |tūṇīṃ śarāsanamasiṃ pratilabhya reje |taṃ rāmamārtiharaṇaṃ śaraṇaṃ bhajāmi || 30||

यो दण्डकावनतपोनिरतैर्मुनीन्द्रैरभ्यर्थितो निखिलराक्षसनाशनाय ।तेभ्यस्तथेति दयया विदधे प्रतिज्ञांतं राममार्तिहरणं शरणं भजामि ॥ ३१॥

yo daṇḍakāvanataponiratairmunīndrairabhyarthito nikhilarākṣasanāśanāya |tebhyastatheti dayayā vidadhe pratijñāṃtaṃ rāmamārtiharaṇaṃ śaraṇaṃ bhajāmi || 31||

यो यातुधाननिधने विधृतप्रतिज्ञःकालं व्यपेक्ष्य निवसन् वरपञ्चवट्याम् ।मित्रं जटायुषमवाप्य तुतोष कामंतं राममार्तिहरणं शरणं भजामि ॥ ३२॥

yo yātudhānanidhane vidhṛtapratijñaḥkālaṃ vyapekṣya nivasan varapañcavaṭyām |mitraṃ jaṭāyuṣamavāpya tutoṣa kāmaṃtaṃ rāmamārtiharaṇaṃ śaraṇaṃ bhajāmi || 32||

यो दुर्मतिं झटिति शूर्पणखां विभीकांस्वस्मिन् सगर्भकरचूर्णितकर्णनासाम् ।कृत्वा मुमोच दयया विपिने सजीवांतं राममार्तिहरणं शरणं भजामि ॥ ३३॥

yo durmatiṃ jhaṭiti śūrpaṇakhāṃ vibhīkāṃsvasmin sagarbhakaracūrṇitakarṇanāsām |kṛtvā mumoca dayayā vipine sajīvāṃtaṃ rāmamārtiharaṇaṃ śaraṇaṃ bhajāmi || 33||

यो दूषणत्रिशिरसौ च खरं तदीयंसैन्यं चतुर्दशगुणोक्तसहस्रसङ्ख्यम् ।एको निहत्य मुमुदे सहसा जयेनतं राममार्तिहरणं शरणं भजामि ॥ ३४॥

yo dūṣaṇatriśirasau ca kharaṃ tadīyaṃsainyaṃ caturdaśaguṇoktasahasrasaṅkhyam |eko nihatya mumude sahasā jayenataṃ rāmamārtiharaṇaṃ śaraṇaṃ bhajāmi || 34||

यः पङ्क्तिकन्धरहृतां मृगयन् स्वकान्तांतस्याः कृते खगपतिं पथि मुक्तजीवम् ।दग्ध्वा स्वतातवदमुष्य ददौ च मुक्तिंतं राममार्तिहरणं शरणं भजामि ॥ ३५॥

yaḥ paṅktikandharahṛtāṃ mṛgayan svakāntāṃtasyāḥ kṛte khagapatiṃ pathi muktajīvam |dagdhvā svatātavadamuṣya dadau ca muktiṃtaṃ rāmamārtiharaṇaṃ śaraṇaṃ bhajāmi || 35||

यो भक्षितुं स्वमनुजं च कृतप्रयत्नंदग्ध्वा कबन्धमपि योजनदीर्घबाहुम् ।श्रुत्वा तदुक्तशबरीचरितो ननन्दतं राममार्तिहरणं शरणं भजामि ॥ ३६॥

yo bhakṣituṃ svamanujaṃ ca kṛtaprayatnaṃdagdhvā kabandhamapi yojanadīrghabāhum |śrutvā taduktaśabarīcarito nanandataṃ rāmamārtiharaṇaṃ śaraṇaṃ bhajāmi || 36||

यस्तापसीं ससहजः शबरीमुपेत्यतत्कल्पितप्रचुरपूजनलब्धहर्षः ।तद्भुक्तशेषफलभुक् प्रमुमोद कामंतं राममार्तिहरणं शरणं भजामि ॥ ३७॥

yastāpasīṃ sasahajaḥ śabarīmupetyatatkalpitapracurapūjanalabdhaharṣaḥ |tadbhuktaśeṣaphalabhuk pramumoda kāmaṃtaṃ rāmamārtiharaṇaṃ śaraṇaṃ bhajāmi || 37||

यो व्याधयोषिदभिसूचितमैत्रपात्रंसुग्रीवमेव मृगयन् समुपेत्य पम्पाम् ।तत्राञ्जनेयमभिगृह्य ननन्द गाढंतं राममार्तिहरणं शरणं भजामि ॥ ३८॥

yo vyādhayoṣidabhisūcitamaitrapātraṃsugrīvameva mṛgayan samupetya pampām |tatrāñjaneyamabhigṛhya nananda gāḍhaṃtaṃ rāmamārtiharaṇaṃ śaraṇaṃ bhajāmi || 38||

यो वायुसूनुघटितातुलमैत्रहृष्टसुग्रीवदत्तनिजदारविभूषणानि ।दृष्ट्वा तुतोष रमणीमिव वीक्ष्य साक्षात्तं राममार्तिहरणं शरणं भजामि ॥ ३९॥

yo vāyusūnughaṭitātulamaitrahṛṣṭasugrīvadattanijadāravibhūṣaṇāni |dṛṣṭvā tutoṣa ramaṇīmiva vīkṣya sākṣāttaṃ rāmamārtiharaṇaṃ śaraṇaṃ bhajāmi || 39||

यो मित्रपुत्रकथिताग्रजवैरदुःखनिर्मोचनोदितमनाः करुणारसाब्धिः ।हन्यां तमाश्विति ददावभयं च तस्मैतं राममार्तिहरणं शरणं भजामि ॥ ४०॥

yo mitraputrakathitāgrajavairaduḥkhanirmocanoditamanāḥ karuṇārasābdhiḥ |hanyāṃ tamāśviti dadāvabhayaṃ ca tasmaitaṃ rāmamārtiharaṇaṃ śaraṇaṃ bhajāmi || 40||

यो मित्रमोदविधये सहसैककेनबाणोत्तमेन विनिहत्य महेन्द्रपुत्रम् ।सुग्रीवमेव कपिराज्यपदेऽभ्यषिञ्चत्तं राममार्तिहरणं शरणं भजामि ॥ ४१॥

yo mitramodavidhaye sahasaikakenabāṇottamena vinihatya mahendraputram |sugrīvameva kapirājyapade'bhyaṣiñcattaṃ rāmamārtiharaṇaṃ śaraṇaṃ bhajāmi || 41||

यो भूमिशैलनिलयान् जनकेन्द्रपुत्र्याःसम्मार्गणाय सहसा कपिनायकेन ।आनाथितान् कपिवरान् मुमुदे समीक्ष्यतं राममार्तिहरणं शरणं भजामि ॥ ४२॥

yo bhūmiśailanilayān janakendraputryāḥsammārgaṇāya sahasā kapināyakena |ānāthitān kapivarān mumude samīkṣyataṃ rāmamārtiharaṇaṃ śaraṇaṃ bhajāmi || 42||

यः सौरिणा कपिवरेषु दिशश्चतस्रःप्रस्तावितेषु कृतिनं हनुमन्तमेव ।ज्ञात्वा करेऽस्य विततार निजाङ्गुलीयंतं राममार्तिहरणं शरणं भजामि ॥ ४३॥

yaḥ sauriṇā kapivareṣu diśaścatasraḥprastāviteṣu kṛtinaṃ hanumantameva |jñātvā kare'sya vitatāra nijāṅgulīyaṃtaṃ rāmamārtiharaṇaṃ śaraṇaṃ bhajāmi || 43||

यत्प्राभवादितरकीशवरैरलङ्घ्यवारान्निधिं पथि विधूनितमार्गविघ्नम् ।वेशन्तवल्लघु ततार समीरसूनुस्तं राममार्तिहरणं शरणं भजामि ॥ ४४॥

yatprābhavāditarakīśavarairalaṅghyavārānnidhiṃ pathi vidhūnitamārgavighnam |veśantavallaghu tatāra samīrasūnustaṃ rāmamārtiharaṇaṃ śaraṇaṃ bhajāmi || 44||

लङ्कामुपेत्य निशि राक्षसकोटिगुप्तांकेनाप्यदृश्यगतिरेव यदीयभूम्ना ।रक्षोऽवरोधमनिलात्मभवश्वचारतं राममार्तिहरणं शरणं भजामि ॥ ४५॥

laṅkāmupetya niśi rākṣasakoṭiguptāṃkenāpyadṛśyagatireva yadīyabhūmnā |rakṣo'varodhamanilātmabhavaśvacārataṃ rāmamārtiharaṇaṃ śaraṇaṃ bhajāmi || 45||

यत्पादपद्मयुगलस्मरणो हनूमान्सीतां विलोक्य च वितीर्य वराङ्गुलीयम् ।चूडामणिं समुपगृह्य मुदं प्रपेदेतं राममार्तिहरणं शरणं भजामि ॥ ४६॥

yatpādapadmayugalasmaraṇo hanūmānsītāṃ vilokya ca vitīrya varāṅgulīyam |cūḍāmaṇiṃ samupagṛhya mudaṃ prapedetaṃ rāmamārtiharaṇaṃ śaraṇaṃ bhajāmi || 46||

यत्पादचिन्तनबलाद्दशवक्त्रकान्तालीलावनं लघु विभज्य समीरसूनुः ।तत्पालकानपि निहत्य जयी मुमोदतं राममार्तिहरणं शरणं भजामि ॥ ४७॥

yatpādacintanabalāddaśavaktrakāntālīlāvanaṃ laghu vibhajya samīrasūnuḥ |tatpālakānapi nihatya jayī mumodataṃ rāmamārtiharaṇaṃ śaraṇaṃ bhajāmi || 47||

यत्पादसंश्रयबलात् पवमानसूनुःसेनापतीन् झटिति पञ्च च मन्त्रिपुत्रान् ।सप्ताक्षमप्यतिबलं सुलभं जघानतं राममार्तिहरणं शरणं भजामि ॥ ४८॥

yatpādasaṃśrayabalāt pavamānasūnuḥsenāpatīn jhaṭiti pañca ca mantriputrān |saptākṣamapyatibalaṃ sulabhaṃ jaghānataṃ rāmamārtiharaṇaṃ śaraṇaṃ bhajāmi || 48||

यत्पादसेवनबलेन हि मरुत्कुमारोब्रह्मास्त्रबन्धनमपीन्द्रजिता प्रयुक्तम् ।निर्धूय पङ्क्तिवदनं च तृणाय मेनेतं राममार्तिहरणं शरणं भजामि ॥ ४९॥

yatpādasevanabalena hi marutkumārobrahmāstrabandhanamapīndrajitā prayuktam |nirdhūya paṅktivadanaṃ ca tṛṇāya menetaṃ rāmamārtiharaṇaṃ śaraṇaṃ bhajāmi || 49||

यत्पादवारिजयुगस्मृतिवैभवेनवालाग्रसीम्नि दशकन्धरदीपितेन ।वैश्वानरेण पवनात्मभवो न देहे (भुवो न दाहः)तं राममार्तिहरणं शरणं भजामि ॥ ५०॥

yatpādavārijayugasmṛtivaibhavenavālāgrasīmni daśakandharadīpitena |vaiśvānareṇa pavanātmabhavo na dehe (bhuvo na dāhaḥ)taṃ rāmamārtiharaṇaṃ śaraṇaṃ bhajāmi || 50||

यत्पादपद्मविनतिप्रभवप्रभावात्पश्यत्सु राक्षसगणेष्वपि वायुसूनुः ।भस्मीचकार रुचिरामविशङ्क्य लङ्कांतं राममार्तिहरणं शरणं भजामि ॥ ५१॥

yatpādapadmavinatiprabhavaprabhāvātpaśyatsu rākṣasagaṇeṣvapi vāyusūnuḥ |bhasmīcakāra rucirāmaviśaṅkya laṅkāṃtaṃ rāmamārtiharaṇaṃ śaraṇaṃ bhajāmi || 51||

यत्पादसंस्तुतिबलेन सुतोऽनिलस्यभस्मावशेषविभवां प्रविधाय लङ्काम् ।तीर्त्वाब्धिमुत्तरतटं पुनराजगामतं राममार्तिहरणं शरणं भजामि ॥ ५२॥

yatpādasaṃstutibalena suto'nilasyabhasmāvaśeṣavibhavāṃ pravidhāya laṅkām |tīrtvābdhimuttarataṭaṃ punarājagāmataṃ rāmamārtiharaṇaṃ śaraṇaṃ bhajāmi || 52||

यत्पादभक्तिमहिमातिशयेन वायोःपुत्रोऽङ्गदादिकपिभिः सह दुष्प्रवेशम् ।भूत्वा विभोर्मधुवनं च पपौ मधूनितं राममार्तिहरणं शरणं भजामि ॥ ५३॥

yatpādabhaktimahimātiśayena vāyoḥputro'ṅgadādikapibhiḥ saha duṣpraveśam |bhūtvā vibhormadhuvanaṃ ca papau madhūnitaṃ rāmamārtiharaṇaṃ śaraṇaṃ bhajāmi || 53||

यत्सन्निधिं समुपगम्य मरुत्तनूजःपादाम्बुजं सविनयं सहसा प्रणम्य ।दृष्टा मया जनकजेति जगाद मोदात्तं राममार्तिहरणं शरणं भजामि ॥ ५४॥

yatsannidhiṃ samupagamya maruttanūjaḥpādāmbujaṃ savinayaṃ sahasā praṇamya |dṛṣṭā mayā janakajeti jagāda modāttaṃ rāmamārtiharaṇaṃ śaraṇaṃ bhajāmi || 54||

यो मारुतेर्निजवधूकुशलप्रवृत्तिंचूडामणिं च समवाप्य परं प्रहृष्टः ।सर्वस्वदानसदृशं परिषस्वजे तंतं राममार्तिहरणं शरणं भजामि ॥ ५५॥

yo māruternijavadhūkuśalapravṛttiṃcūḍāmaṇiṃ ca samavāpya paraṃ prahṛṣṭaḥ |sarvasvadānasadṛśaṃ pariṣasvaje taṃtaṃ rāmamārtiharaṇaṃ śaraṇaṃ bhajāmi || 55||

यः स्वानुजार्कजसमीरजशक्रभूजनीलादिभिः कपिवरैः सह मन्त्र्यमाणः ।लङ्कां शुभंयुदिवसे चकमेऽभिगन्तुंतं राममार्तिहरणं शरणं भजामि ॥ ५६॥

yaḥ svānujārkajasamīrajaśakrabhūjanīlādibhiḥ kapivaraiḥ saha mantryamāṇaḥ |laṅkāṃ śubhaṃyudivase cakame'bhigantuṃtaṃ rāmamārtiharaṇaṃ śaraṇaṃ bhajāmi || 56||

यः पावमानिमधिरुह्य मुदा स्वयं तंतारासुतं समधिरूढवतानुजेन ।सम्भाषमाण इनजेन ययाववाचींतं राममार्तिहरणं शरणं भजामि ॥ ५७॥

yaḥ pāvamānimadhiruhya mudā svayaṃ taṃtārāsutaṃ samadhirūḍhavatānujena |sambhāṣamāṇa inajena yayāvavācīṃtaṃ rāmamārtiharaṇaṃ śaraṇaṃ bhajāmi || 57||

यः सर्वराक्षसविभेदनबद्धदीक्षैर्वृक्षायुधैर्हरिबलप्रवरैः परीतः ।तीरं ययौ सपदि दक्षिणवारिराशेस्तं राममार्तिहरणं शरणं भजामि ॥ ५८॥

yaḥ sarvarākṣasavibhedanabaddhadīkṣairvṛkṣāyudhairharibalapravaraiḥ parītaḥ |tīraṃ yayau sapadi dakṣiṇavārirāśestaṃ rāmamārtiharaṇaṃ śaraṇaṃ bhajāmi || 58||

पङ्क्त्याननानुजजुषेऽपि विभीषणायस्वाङ्घ्रिद्वयीसरसिजं शरणं गताय ।योऽदाच्चिरायुरपि राक्षसराजलक्ष्मींते राममार्तिहरणं शरणं भजामि ॥ ५९॥

paṅktyānanānujajuṣe'pi vibhīṣaṇāyasvāṅghridvayīsarasijaṃ śaraṇaṃ gatāya |yo'dāccirāyurapi rākṣasarājalakṣmīṃte rāmamārtiharaṇaṃ śaraṇaṃ bhajāmi || 59||

गम्भीरमात्मनि पराङ्मुखमम्बुधिं यःक्रुद्धो विशोष्य विशिखेन शिखिप्रभेण ।तत्प्रार्थितः पुनरमुं स्ववशं निनायतं राममार्तिहरणं शरणं भजामि ॥ ६०॥

gambhīramātmani parāṅmukhamambudhiṃ yaḥkruddho viśoṣya viśikhena śikhiprabheṇa |tatprārthitaḥ punaramuṃ svavaśaṃ nināyataṃ rāmamārtiharaṇaṃ śaraṇaṃ bhajāmi || 60||

अब्धिं नलेन हरिभिर्लघु बन्धयित्वातीर्त्वा तमाशु निखिलैः सह वानरैर्यः ।लङ्कां निरुच्छ्वसनमारुरुधे समन्तात्तं राममार्तिहरणं शरणं भजामि ॥ ६१॥

abdhiṃ nalena haribhirlaghu bandhayitvātīrtvā tamāśu nikhilaiḥ saha vānarairyaḥ |laṅkāṃ nirucchvasanamārurudhe samantāttaṃ rāmamārtiharaṇaṃ śaraṇaṃ bhajāmi || 61||

यो वजदंष्ट्रमतिदुष्टमकम्पनं चधूम्राक्षमक्षयमुखानपि राक्षसेन्द्रान् ।रक्षोबलाधिपतिमप्यहनत् प्रहस्तंतं राममार्तिहरणं शरणं भजामि ॥ ६२॥

yo vajadaṃṣṭramatiduṣṭamakampanaṃ cadhūmrākṣamakṣayamukhānapi rākṣasendrān |rakṣobalādhipatimapyahanat prahastaṃtaṃ rāmamārtiharaṇaṃ śaraṇaṃ bhajāmi || 62||

यो लीलया युधि निकृत्तरथध्वजाक्षसेनाकिरीटशरचापमतिक्षताङ्गम् ।रक्षोऽधिराजमकरोदपि कान्दिशीकंतं राममार्तिहरणं शरणं भजामि ॥ ६३॥

yo līlayā yudhi nikṛttarathadhvajākṣasenākirīṭaśaracāpamatikṣatāṅgam |rakṣo'dhirājamakarodapi kāndiśīkaṃtaṃ rāmamārtiharaṇaṃ śaraṇaṃ bhajāmi || 63||

यः कुम्भकर्णमचलं मघवानिवाशुबाणैश्च मूर्ध्नि पदयोरपि चूर्णयित्वा ।शोकाम्बुधावलममज्जयदाशरेन्द्रंतं राममार्तिहरणं शरणं भजामि ॥ ६४॥

yaḥ kumbhakarṇamacalaṃ maghavānivāśubāṇaiśca mūrdhni padayorapi cūrṇayitvā |śokāmbudhāvalamamajjayadāśarendraṃtaṃ rāmamārtiharaṇaṃ śaraṇaṃ bhajāmi || 64||

यो देवतान्तकनरान्तकरातिकायकुम्भत्रिशीर्षकनिकुम्भमहोदरादीन् ।संहार्य वानरगणैर्मुमुदे जयेनतं राममार्तिहरणं शरणं भजामि ॥ ६५॥

yo devatāntakanarāntakarātikāyakumbhatriśīrṣakanikumbhamahodarādīn |saṃhārya vānaragaṇairmumude jayenataṃ rāmamārtiharaṇaṃ śaraṇaṃ bhajāmi || 65||

यः शोणिताक्षमकरेक्षणमत्तयुद्धोन्मत्तान् विरूपनयनादिनिशाचरेन्द्रान् ।संहारयन् कपिवरैर्मुदमाप गाढंतं राममार्तिहरणं शरणं भजामि ॥ ६६॥

yaḥ śoṇitākṣamakarekṣaṇamattayuddhonmattān virūpanayanādiniśācarendrān |saṃhārayan kapivarairmudamāpa gāḍhaṃtaṃ rāmamārtiharaṇaṃ śaraṇaṃ bhajāmi || 66||

नाम स्मरन् मनसि यस्य समीरपुत्रोगत्वान्तरं जलधिमेकमुहूर्तमात्रात् ।दिव्यौषधाद्रिमुपगृह्य पुनः समागात्तं राममार्तिहरणं शरणं भजामि ॥ ६७॥

nāma smaran manasi yasya samīraputrogatvāntaraṃ jaladhimekamuhūrtamātrāt |divyauṣadhādrimupagṛhya punaḥ samāgāttaṃ rāmamārtiharaṇaṃ śaraṇaṃ bhajāmi || 67||

यः पाकशासनजितं समुपात्तमायंयज्ञक्रियार्थमुपविष्टनिकुम्भिलान्तम् ।संहार्य सम्मुदमविन्दत लक्ष्मणेनतं राममार्तिहरणं शरणं भजामि ॥ ६८॥

yaḥ pākaśāsanajitaṃ samupāttamāyaṃyajñakriyārthamupaviṣṭanikumbhilāntam |saṃhārya sammudamavindata lakṣmaṇenataṃ rāmamārtiharaṇaṃ śaraṇaṃ bhajāmi || 68||

यः स्यन्दनेभतुरगालिपदातिपूर्णाःसन्नद्धमूलबलसङ्घपरार्धकोटीः ।यामार्धतः प्रतिजघान सुलीलयैकस्तं राममार्तिहरणं शरणं भजामि ॥ ६९॥

yaḥ syandanebhaturagālipadātipūrṇāḥsannaddhamūlabalasaṅghaparārdhakoṭīḥ |yāmārdhataḥ pratijaghāna sulīlayaikastaṃ rāmamārtiharaṇaṃ śaraṇaṃ bhajāmi || 69||

यः कौणपेश्वरशिरांसि दशोज्ज्वलानिकृत्तानि चैकशतमङ्कुरितानि भूयः ।दृष्ट्वा ननन्द शतकण्ठतपःप्रभावंतं राममार्तिहरणं शरणं भजामि ॥ ७०॥

yaḥ kauṇapeśvaraśirāṃsi daśojjvalānikṛttāni caikaśatamaṅkuritāni bhūyaḥ |dṛṣṭvā nananda śatakaṇṭhatapaḥprabhāvaṃtaṃ rāmamārtiharaṇaṃ śaraṇaṃ bhajāmi || 70||

यो वासवप्रहितमातलिसंप्रणीतंदिव्यं रथं समभिनन्द्य मुदाधिरुह्य ।तेजोवृतो विरुरुचेऽसुरहेव(मघवेव) साक्षात्तं राममार्तिहरणं शरणं भजामि ॥ ७१॥

yo vāsavaprahitamātalisaṃpraṇītaṃdivyaṃ rathaṃ samabhinandya mudādhiruhya |tejovṛto viruruce'suraheva(maghaveva) sākṣāttaṃ rāmamārtiharaṇaṃ śaraṇaṃ bhajāmi || 71||

यः संयुगे दशमुखं निशितैः स्वबाणैरापादमस्तकमतीव गवाक्षिताङ्गम् ।कृत्वापि निश्चलमवेक्ष्य बभार हर्षंतं राममार्तिहरणं शरणं भजामि ॥ ७२॥

yaḥ saṃyuge daśamukhaṃ niśitaiḥ svabāṇairāpādamastakamatīva gavākṣitāṅgam |kṛtvāpi niścalamavekṣya babhāra harṣaṃtaṃ rāmamārtiharaṇaṃ śaraṇaṃ bhajāmi || 72||

सङ्ग्रामभुव्यरिजयाय घटोद्भवेनप्रीत्योपदिष्टमुपगृह्य रविस्तवं यः ।तेजो वहन् युधि बभौ रिपुदुर्निरीक्षंतं राममार्तिहरणं शरणं भजामि ॥ ७३॥

saṅgrāmabhuvyarijayāya ghaṭodbhavenaprītyopadiṣṭamupagṛhya ravistavaṃ yaḥ |tejo vahan yudhi babhau ripudurnirīkṣaṃtaṃ rāmamārtiharaṇaṃ śaraṇaṃ bhajāmi || 73||

रक्षोऽधिपान्तकरणेऽतिविचक्षणोऽपियो मात? ? वतितरां समनुग्रहीतुम् ।आज्ञापितास्त्रमरिनाशकमेव मेनेतं राममार्तिहरणं शरणं भजामि ॥ ७४॥

rakṣo'dhipāntakaraṇe'tivicakṣaṇo'piyo māta? ? vatitarāṃ samanugrahītum |ājñāpitāstramarināśakameva menetaṃ rāmamārtiharaṇaṃ śaraṇaṃ bhajāmi || 74||

योऽस्त्रेण पद्मजनुषः क्षणदाचरेन्द्रंद्वेधैव वक्षसि विभिद्य निपात्य भूमौ ।लोकाखिलार्तिमपनीय भृशं ननन्दतं राममार्तिहरणं शरणं भजामि ॥ ७५॥

yo'streṇa padmajanuṣaḥ kṣaṇadācarendraṃdvedhaiva vakṣasi vibhidya nipātya bhūmau |lokākhilārtimapanīya bhṛśaṃ nanandataṃ rāmamārtiharaṇaṃ śaraṇaṃ bhajāmi || 75||

यत्संहृतो दशमुखोऽप्यतिपापकर्मासद्यो विधूतकलुषोऽधिक(दीपितात्मा) ।सायुज्यमुक्तिमगमद्वरयोगिगम्यांते राममार्तिहरणं शरणं भजामि ॥ ७६॥

yatsaṃhṛto daśamukho'pyatipāpakarmāsadyo vidhūtakaluṣo'dhika(dīpitātmā) |sāyujyamuktimagamadvarayogigamyāṃte rāmamārtiharaṇaṃ śaraṇaṃ bhajāmi || 76||

यः सापराधिनमपि क्षणदाचरेन्द्रंसंहृत्य संप्रकटयन् स्वकृपालुतां यः (यम्) ।तेजोमयं स्वपदमेव समानिनाय ।तं राममार्तिहरणं शरणं भजामि ॥ ७७॥

yaḥ sāparādhinamapi kṣaṇadācarendraṃsaṃhṛtya saṃprakaṭayan svakṛpālutāṃ yaḥ (yam) |tejomayaṃ svapadameva samānināya |taṃ rāmamārtiharaṇaṃ śaraṇaṃ bhajāmi || 77||

निर्वर्त्य चाश्रुतमथाशु विभीषणं योलङ्काधिपत्यपद एव मुदाभिषिच्य ।सङ्ग्राममूर्ध्नि विजयी विरराज धन्वीतं राममार्तिहरणं शरणं भजामि ॥ ७८॥

nirvartya cāśrutamathāśu vibhīṣaṇaṃ yolaṅkādhipatyapada eva mudābhiṣicya |saṅgrāmamūrdhni vijayī virarāja dhanvītaṃ rāmamārtiharaṇaṃ śaraṇaṃ bhajāmi || 78||

योऽभ्यर्थितोऽपरिचयेऽपि विभीषणेनतं मानयन् सकरुणं निजसान्त्ववाक्यैः ।पूजां जहर्ष सुहृदां हृदि कारयित्वातं राममार्तिहरणं शरणं भजामि ॥ ७९॥

yo'bhyarthito'paricaye'pi vibhīṣaṇenataṃ mānayan sakaruṇaṃ nijasāntvavākyaiḥ |pūjāṃ jaharṣa suhṛdāṃ hṛdi kārayitvātaṃ rāmamārtiharaṇaṃ śaraṇaṃ bhajāmi || 79||

सौशील्यनिर्जितवसिष्ठवधूस्वभावांप्राणप्रियां निजवधूमपि धर्मबद्धः ।निन्दन् वपुस्त्रिजगतीमनलो न मेने (? )तं राममार्तिहरणं शरणं भजामि ॥ ८०॥

sauśīlyanirjitavasiṣṭhavadhūsvabhāvāṃprāṇapriyāṃ nijavadhūmapi dharmabaddhaḥ |nindan vapustrijagatīmanalo na mene (? )taṃ rāmamārtiharaṇaṃ śaraṇaṃ bhajāmi || 80||

यस्मै भिया हुतवहो निजसात्कृताङ्गीमत्यादृतांशुकविभूषितदिव्यदेहाम् ।अङ्के वहन् पुनरदादवनीतनूजांतं राममार्तिहरणं शरणं भजामि ॥ ८१॥

yasmai bhiyā hutavaho nijasātkṛtāṅgīmatyādṛtāṃśukavibhūṣitadivyadehām |aṅke vahan punaradādavanītanūjāṃtaṃ rāmamārtiharaṇaṃ śaraṇaṃ bhajāmi || 81||

संवीक्ष्य यं विजयिनं शिवपद्मजेन्द्रवैवस्वताम्बुपतिवैश्रवणादिदेवाः ।कल्पप्रसूननिकरैः समुदोऽभ्यवर्षंतं राममार्तिहरणं शरणं भजामि ॥ ८२॥

saṃvīkṣya yaṃ vijayinaṃ śivapadmajendravaivasvatāmbupativaiśravaṇādidevāḥ |kalpaprasūnanikaraiḥ samudo'bhyavarṣaṃtaṃ rāmamārtiharaṇaṃ śaraṇaṃ bhajāmi || 82||

राम प्रसीद रघुवीर रणाग्रधीररक्षःकुलान्तक विभो विजयी भवेति ।यः संस्तुतोऽखिलसुरैर्विरराज वीरःतं राममार्तिहरणं शरणं भजामि ॥ ८३॥

rāma prasīda raghuvīra raṇāgradhīrarakṣaḥkulāntaka vibho vijayī bhaveti |yaḥ saṃstuto'khilasurairvirarāja vīraḥtaṃ rāmamārtiharaṇaṃ śaraṇaṃ bhajāmi || 83||

यस्त्र्यम्बकेण धुरि दर्शितमात्मतातंदृष्टा समुज्ज्वलविमानगतं प्रणम्य ।अङ्के धृतः सपदि तेन ननन्द कामंतं राममार्तिहरणं शरणं भजामि ॥ ८४॥

yastryambakeṇa dhuri darśitamātmatātaṃdṛṣṭā samujjvalavimānagataṃ praṇamya |aṅke dhṛtaḥ sapadi tena nananda kāmaṃtaṃ rāmamārtiharaṇaṃ śaraṇaṃ bhajāmi || 84||

यः पूर्वमात्मगुरुणा भरते वितीर्णंशापं तमेनमभिवाद्य च तत्प्रसादात् ।सम्मोचयन् तमतनोत्तदनुगृहीतंतं राममार्तिहरणं शरणं भजामि ॥ ८५॥

yaḥ pūrvamātmaguruṇā bharate vitīrṇaṃśāpaṃ tamenamabhivādya ca tatprasādāt |sammocayan tamatanottadanugṛhītaṃtaṃ rāmamārtiharaṇaṃ śaraṇaṃ bhajāmi || 85||

उज्जीवयन् पुनरपि प्रहतान् समीकेकीशान् सुरोत्तमवरच्छलतःसुरेषु ।यो वैभवप्रकटनाय मुदान्वितोऽभूत्तं राममार्तिहरणं शरणं भजामि ॥ ८६॥

ujjīvayan punarapi prahatān samīkekīśān surottamavaracchalataḥsureṣu |yo vaibhavaprakaṭanāya mudānvito'bhūttaṃ rāmamārtiharaṇaṃ śaraṇaṃ bhajāmi || 86||

यः पुष्पकं समधिरुह्य वधूसहायःसाकं निजानुजविभीषणभानुसूभिः ।अन्यैर्हरीन्द्रनिकरैः स्वपुरीं प्रतस्थेतं राममार्तिहरणं शरणं भजामि ॥ ८७॥

yaḥ puṣpakaṃ samadhiruhya vadhūsahāyaḥsākaṃ nijānujavibhīṣaṇabhānusūbhiḥ |anyairharīndranikaraiḥ svapurīṃ pratasthetaṃ rāmamārtiharaṇaṃ śaraṇaṃ bhajāmi || 87||

गच्छन् पुरीं दिवि विमानग एव वध्वैयुद्धे दशाननमुखारिवधस्थलानि ।सन्दर्शयन् सह तया मुमुदे भृशं यस्तं राममार्तिहरणं शरणं भजामि ॥ ८८॥

gacchan purīṃ divi vimānaga eva vadhvaiyuddhe daśānanamukhārivadhasthalāni |sandarśayan saha tayā mumude bhṛśaṃ yastaṃ rāmamārtiharaṇaṃ śaraṇaṃ bhajāmi || 88||

यो वायुजागममहस्करपुत्रमैत्रींभिल्लप्रियार्चनविधिं च महीसुतायै ।जल्पन्निमां व्यधित विस्मितचित्तवृत्तिंतं राममार्तिहरणं शरणं भजामि ॥ ८९॥

yo vāyujāgamamahaskaraputramaitrīṃbhillapriyārcanavidhiṃ ca mahīsutāyai |jalpannimāṃ vyadhita vismitacittavṛttiṃtaṃ rāmamārtiharaṇaṃ śaraṇaṃ bhajāmi || 89||

यश्चोदितो वनितया कपिवर्यपुर्यांतारामुखाः कपिवधूः परिभूषिताङ्गीः ।आनाय्य यानमधिरोप्य बभार हर्षंतं राममार्तिहरणं शरणं भजामि ॥ ९०॥

yaścodito vanitayā kapivaryapuryāṃtārāmukhāḥ kapivadhūḥ paribhūṣitāṅgīḥ |ānāyya yānamadhiropya babhāra harṣaṃtaṃ rāmamārtiharaṇaṃ śaraṇaṃ bhajāmi || 90||

यो वानरीभ्य उरुमैत्रभरान्विताभ्यःआत्माटवीगमनहेतुमुदीरयन्तीम् ।कान्तां विलोक्य मधुरं प्रहसन् जगामतं राममार्तिहरणं शरणं भजामि ॥ ९१॥

yo vānarībhya urumaitrabharānvitābhyaḥātmāṭavīgamanahetumudīrayantīm |kāntāṃ vilokya madhuraṃ prahasan jagāmataṃ rāmamārtiharaṇaṃ śaraṇaṃ bhajāmi || 91||

यः सर्वमित्रनिकरैरनुजेन बध्वासाकं पुरन्दरपुरोहितनन्दनस्य ।प्राप्याश्रमं तमभिवाद्य कृतार्थ आसीत्तं राममार्तिहरणं शरणं भजामि ॥ ९२॥

yaḥ sarvamitranikarairanujena badhvāsākaṃ purandarapurohitanandanasya |prāpyāśramaṃ tamabhivādya kṛtārtha āsīttaṃ rāmamārtiharaṇaṃ śaraṇaṃ bhajāmi || 92||

यस्तापसेन भृशमर्चितमात्मपुर्यांशृण्वन् स्वबन्धुकुशलानि तदीयवाचा ।ज्ञात्वा ननन्द भरतस्य तपस्विवृत्तिम् ।तं राममार्तिहरणं शरणं भजामि ॥ ९३॥

yastāpasena bhṛśamarcitamātmapuryāṃśṛṇvan svabandhukuśalāni tadīyavācā |jñātvā nananda bharatasya tapasvivṛttim |taṃ rāmamārtiharaṇaṃ śaraṇaṃ bhajāmi || 93||

यो वायुजोदितनिजागमनश्रुतिश्रीसम्पूर्णचित्तभरतं प्रणताङ्घ्रिपद्मम् ।प्रीत्या निजाङ्कमधिरोप्य तमालिलिङ्गतं राममार्तिहरणं शरणं भजामि ॥ ९४॥

yo vāyujoditanijāgamanaśrutiśrīsampūrṇacittabharataṃ praṇatāṅghripadmam |prītyā nijāṅkamadhiropya tamāliliṅgataṃ rāmamārtiharaṇaṃ śaraṇaṃ bhajāmi || 94||

भक्त्या य आर्तजननीमभिवाद्य चान्याःप्रीत्या तदीरितमहाशिष आदधानः ।रेजे शतक्रतुरिव प्रसुवा समेतःतं राममार्तिहरणं शरणं भजामि ॥ ९५॥

bhaktyā ya ārtajananīmabhivādya cānyāḥprītyā tadīritamahāśiṣa ādadhānaḥ |reje śatakraturiva prasuvā sametaḥtaṃ rāmamārtiharaṇaṃ śaraṇaṃ bhajāmi || 95||

यः सोदरैर्वनितया हरिभिश्च नन्दिग्रामात् समं नवसहस्रगजाधिरूढैः ।प्राप्याभवत् प्रमदवान्नगरीमयोध्यांतं राममार्तिहरणं शरणं भजामि ॥ ९६॥

yaḥ sodarairvanitayā haribhiśca nandigrāmāt samaṃ navasahasragajādhirūḍhaiḥ |prāpyābhavat pramadavānnagarīmayodhyāṃtaṃ rāmamārtiharaṇaṃ śaraṇaṃ bhajāmi || 96||

राज्यावनक्षमतमे भरतप्रणीतेसंयोज्य यः स्वपदयोर्मणिपादरक्षे ।पूर्णं मनोरथमहो भरतस्य चक्रेतं राममार्तिहरणं शरणं भजामि ॥ ९७॥

rājyāvanakṣamatame bharatapraṇītesaṃyojya yaḥ svapadayormaṇipādarakṣe |pūrṇaṃ manorathamaho bharatasya cakretaṃ rāmamārtiharaṇaṃ śaraṇaṃ bhajāmi || 97||

योऽनुग्रहं हरिवराय वितीर्य पूर्वंपश्चात् स्वयं नतविभीषणदत्तहस्तः ।यस्तातवेश्म समलङ्कृतमाससादतं राममार्तिहरणं शरणं भजामि ॥ ९८॥

yo'nugrahaṃ harivarāya vitīrya pūrvaṃpaścāt svayaṃ natavibhīṣaṇadattahastaḥ |yastātaveśma samalaṅkṛtamāsasādataṃ rāmamārtiharaṇaṃ śaraṇaṃ bhajāmi || 98||

युक्ते वसिष्ठगदिते विजये मुहर्तेसिंहासने रविशतद्युतिरत्नदीप्ते ।अध्यास्य मेरुशिखरेऽर्क इवाभिरेजेतं राममार्तिहरणं शरणं भजामि ॥ ९९॥

yukte vasiṣṭhagadite vijaye muhartesiṃhāsane raviśatadyutiratnadīpte |adhyāsya meruśikhare'rka ivābhirejetaṃ rāmamārtiharaṇaṃ śaraṇaṃ bhajāmi || 99||

यं वायुजप्रमुखवानरवर्यनीतगङ्गादिसिन्धुचतुरर्णवपुण्यतोयैः ।ब्रह्मात्मजो मुनिवरो विधिनाभ्यषिञ्चत्तं राममार्तिहरण शरणं भजामि ॥ १००॥

yaṃ vāyujapramukhavānaravaryanītagaṅgādisindhucaturarṇavapuṇyatoyaiḥ |brahmātmajo munivaro vidhinābhyaṣiñcattaṃ rāmamārtiharaṇa śaraṇaṃ bhajāmi || 100||

मान्यं मनुप्रभृतिभिर्मकुटं महार्घंमौलौ वसिष्ठमुनिना निहितं वहन् यः ।मध्येसभं विरुरुचे मधुहेव साक्षात्तं राममार्तिहरणं शरणं भजामि ॥ १०१॥

mānyaṃ manuprabhṛtibhirmakuṭaṃ mahārghaṃmaulau vasiṣṭhamuninā nihitaṃ vahan yaḥ |madhyesabhaṃ viruruce madhuheva sākṣāttaṃ rāmamārtiharaṇaṃ śaraṇaṃ bhajāmi || 101||

यस्मिन् स्वयं त्रिभुवनावनदक्षिणेन (भारदक्षे)सर्वंसहापतिपदे सहसाभिषेकैः(षिक्ते) ।भेजे मही वसुमतीपदवाच्यभावंतं राममार्तिहरणं शरणं भजामि ॥ १०२॥

yasmin svayaṃ tribhuvanāvanadakṣiṇena (bhāradakṣe)sarvaṃsahāpatipade sahasābhiṣekaiḥ(ṣikte) |bheje mahī vasumatīpadavācyabhāvaṃtaṃ rāmamārtiharaṇaṃ śaraṇaṃ bhajāmi || 102||

कान्तस्य यस्य जगतां कलिताभिषेकेहृष्टा बभूव धरणीयमकृष्टपच्या ।गावः सुपुष्टवपुषो ह्यभवन् घटोध्न्यःतं राममार्तिहरणं शरणं भजामि ॥ १०३॥

kāntasya yasya jagatāṃ kalitābhiṣekehṛṣṭā babhūva dharaṇīyamakṛṣṭapacyā |gāvaḥ supuṣṭavapuṣo hyabhavan ghaṭodhnyaḥtaṃ rāmamārtiharaṇaṃ śaraṇaṃ bhajāmi || 103||

यस्मिन् प्रभौ भुवि महीसुरपूर्ववर्णाआसन्नधर्मविरता निजधर्मनिष्ठाः ।अन्योन्यवैरविमुखाः करुणार्द्रचित्तास्तं राममार्तिहरणं शरणं भजामि ॥ १०४॥

yasmin prabhau bhuvi mahīsurapūrvavarṇāāsannadharmaviratā nijadharmaniṣṭhāḥ |anyonyavairavimukhāḥ karuṇārdracittāstaṃ rāmamārtiharaṇaṃ śaraṇaṃ bhajāmi || 104||

यस्मिन् धरां समनुशासति सर्वमर्त्याअसन् सहस्त्रशरदायुरनेकपुत्राः ।आढ्याः प्रमोदभरिताश्च निरामयाश्वतं राममार्तिहरणं शरणं भजामि ॥ १०५॥

yasmin dharāṃ samanuśāsati sarvamartyāasan sahastraśaradāyuranekaputrāḥ |āḍhyāḥ pramodabharitāśca nirāmayāśvataṃ rāmamārtiharaṇaṃ śaraṇaṃ bhajāmi || 105||

यस्य प्रभुत्वपदमावहतो धरण्यांसामन्तभूमिपतयः स्वयमङ्घ्रिपद्मे ।निक्षिप्तमौलिमकुटाः करदा बभूवस्तं राममार्तिहरणं शरणं भजामि ॥ १०६॥

yasya prabhutvapadamāvahato dharaṇyāṃsāmantabhūmipatayaḥ svayamaṅghripadme |nikṣiptamaulimakuṭāḥ karadā babhūvastaṃ rāmamārtiharaṇaṃ śaraṇaṃ bhajāmi || 106||

यस्मिन् क्षितीशपदभाजि भुवि प्रभीतारक्षःपिशाचकुलदुर्ग्रहभूतवर्गाः ।क्षुद्रान् जनानपि कदापि न पीडयन्तिते राममार्तिहरणं शरणं भजामि ॥ १०७॥

yasmin kṣitīśapadabhāji bhuvi prabhītārakṣaḥpiśācakuladurgrahabhūtavargāḥ |kṣudrān janānapi kadāpi na pīḍayantite rāmamārtiharaṇaṃ śaraṇaṃ bhajāmi || 107||

जातु स्मृते दुरितहारिणि यस्य नाम्निनश्यन्त्यघानि सकलानि पुराकृतानि ।वाञ्छाधिकानि कुशलानि भवन्ति सद्यस्तं राममार्तिहरणं शरणं भजामि ॥ १०८॥

jātu smṛte duritahāriṇi yasya nāmninaśyantyaghāni sakalāni purākṛtāni |vāñchādhikāni kuśalāni bhavanti sadyastaṃ rāmamārtiharaṇaṃ śaraṇaṃ bhajāmi || 108||

अष्टोत्तरैकशतपद्यसुपूरितेनभक्त्यामुहुःस्तुतिवरेण मयेड्यमानः ।रामः स एष जनकात्मजया समेतःप्रीतः सदापि हृदये मम सन्निधत्ताम् ॥ १०९॥

aṣṭottaraikaśatapadyasupūritenabhaktyāmuhuḥstutivareṇa mayeḍyamānaḥ |rāmaḥ sa eṣa janakātmajayā sametaḥprītaḥ sadāpi hṛdaye mama sannidhattām || 109||

इति श्रीरामप्रपत्तिशतकं सम्पूर्णम् ।

iti śrīrāmaprapattiśatakaṃ sampūrṇam |