रामस्तुतिः ०७ Shri Rama Stuti by Brahma in Shaivaramayana

ईश्वर उवाचशृणु देवि प्रवक्ष्यामि ब्रह्मा न देवर्षिसंयुतः ।उवाच वचनं तत्र रामं राजीवलोचनम् ॥ १॥

īśvara uvācaśṛṇu devi pravakṣyāmi brahmā na devarṣisaṃyutaḥ |uvāca vacanaṃ tatra rāmaṃ rājīvalocanam || 1||

ब्रह्मोवाचत्वमेव परमं ब्रह्म त्वयि सर्वं प्रतिष्ठितम् ।दृश्यसे ग सर्वभूतेषु ब्राह्मणेषु विशेषतः ॥ २॥

brahmovācatvameva paramaṃ brahma tvayi sarvaṃ pratiṣṭhitam |dṛśyase ga sarvabhūteṣu brāhmaṇeṣu viśeṣataḥ || 2||

दिक्षु सर्वासु गगने पर्वतेषु वनेषु च।अन्ते पृथिव्याः सलिले वायौ वह्नौ महोदधौ ॥ ३॥

dikṣu sarvāsu gagane parvateṣu vaneṣu ca|ante pṛthivyāḥ salile vāyau vahnau mahodadhau || 3||

अहं ते हृदयं राम जिह्वा देवी सरस्वती ।देवा गात्रेषु रोमाणि महोदेवोप्यऽहङ्कृतिः ॥ ४॥

ahaṃ te hṛdayaṃ rāma jihvā devī sarasvatī |devā gātreṣu romāṇi mahodevopya'haṅkṛtiḥ || 4||

सप्तर्षयो वसिष्ठाद्याः देवाः साग्निपुरोगमाः ।पशुपक्षिमृगाः कीटाः समुद्राः कुलपर्वताः ॥ ५॥

saptarṣayo vasiṣṭhādyāḥ devāḥ sāgnipurogamāḥ |paśupakṣimṛgāḥ kīṭāḥ samudrāḥ kulaparvatāḥ || 5||

स्थावराः जङ्गमाः ये ये भुवनानि चतुर्दश ।वृक्षौषधिलताः देव गात्रेषु तव निर्मिताः ॥ ६॥

sthāvarāḥ jaṅgamāḥ ye ye bhuvanāni caturdaśa |vṛkṣauṣadhilatāḥ deva gātreṣu tava nirmitāḥ || 6||

कुक्षौ त्वदीये तिष्ठन्ति परमाणव एव ते ।सर्वेषां जन्मनिधनं प्रापकोऽसि न संशयः ॥ ७॥

kukṣau tvadīye tiṣṭhanti paramāṇava eva te |sarveṣāṃ janmanidhanaṃ prāpako'si na saṃśayaḥ || 7||

मायाश्रयत्वाज्जीवानां पिता भवसि सुव्रत ।सर्वव्यापी सर्वसाक्षी चिन्मयस्तमसः परः ॥ ८॥

māyāśrayatvājjīvānāṃ pitā bhavasi suvrata |sarvavyāpī sarvasākṣī cinmayastamasaḥ paraḥ || 8||

निर्विकल्पो निराभासो निःशङ्को निरुपद्रवः ।निर्लेपः सकलाध्यक्षो महापुरुषा ईश्वरः ॥ ९॥

nirvikalpo nirābhāso niḥśaṅko nirupadravaḥ |nirlepaḥ sakalādhyakṣo mahāpuruṣā īśvaraḥ || 9||

अहं विष्णुश्च रुद्रश्च शङ्करश्च निरञ्जनः ।त्वत्तो नान्यः परो देवस्त्रिषु लोकेषु विद्यते ॥ १०॥

ahaṃ viṣṇuśca rudraśca śaṅkaraśca nirañjanaḥ |tvatto nānyaḥ paro devastriṣu lokeṣu vidyate || 10||

इति स्तुत्वा दैवगणैश्चतुक्त्रोऽब्रवीत्पुनः ।राम त्वं दुष्टनाशाय ह्यवतीर्णो रघोः कुले ॥ ११॥

iti stutvā daivagaṇaiścatuktro'bravītpunaḥ |rāma tvaṃ duṣṭanāśāya hyavatīrṇo raghoḥ kule || 11||

अस्माभिः प्रार्थितः पूर्वं तत्सत्यं कृतवानसि ।याहि राम गृहीत्वाश्वं यज्ञशेष समापय ॥ १२॥

asmābhiḥ prārthitaḥ pūrvaṃ tatsatyaṃ kṛtavānasi |yāhi rāma gṛhītvāśvaṃ yajñaśeṣa samāpaya || 12||

इति शिवरामायणे एकादशोऽध्याये ब्रह्मकृता श्रीरामस्तुतिः समाप्ता ।

iti śivarāmāyaṇe ekādaśo'dhyāye brahmakṛtā śrīrāmastutiḥ samāptā |