राघवेन्द्राष्टाक्षरस्तोत्रम् Shri Raghavendra Ashtakshara Shtotram

गुरुराजाष्टाक्षरं स्यात् महापातकनाशनम् ।एकैकेमक्षरं चात्र सर्व काम्यार्थ सिद्धिदम् ॥ १॥

gururājāṣṭākṣaraṃ syāt mahāpātakanāśanam |ekaikemakṣaraṃ cātra sarva kāmyārtha siddhidam || 1||

रकारोच्चारण मात्रेण रोगहानिर्न संशयः ।घकारेण बलं पुष्टिः आयुः तेजश्च वर्धते ॥ २॥

rakāroccāraṇa mātreṇa rogahānirna saṃśayaḥ |ghakāreṇa balaṃ puṣṭiḥ āyuḥ tejaśca vardhate || 2||

वकारेणात्र लभते वाञ्छितार्थान्न संशयः ।द्रकारणाघराशिस्तु द्राव्यते द्रुतमेव हि ॥ ३॥

vakāreṇātra labhate vāñchitārthānna saṃśayaḥ |drakāraṇāgharāśistu drāvyate drutameva hi || 3||

यकारेण यमाद्बाधो वार्यते नात्र संशयः ।नकारेण नरेन्द्राणां पदमाप्नोति मानवः ॥ ४॥

yakāreṇa yamādbādho vāryate nātra saṃśayaḥ |nakāreṇa narendrāṇāṃ padamāpnoti mānavaḥ || 4||

मकारेणैव माहेन्द्रमैश्वर्यं याति मानवः ।गुरोर्नाम्नाश्च माहात्म्यं अपूर्वं परमाद्भुतम् ॥ ५॥

makāreṇaiva māhendramaiśvaryaṃ yāti mānavaḥ |gurornāmnāśca māhātmyaṃ apūrvaṃ paramādbhutam || 5||

तन्नाम स्मरणादेव सर्वाभिष्टं प्रसिध्यति ।तस्मान्नित्यं पठेद् भक्त्या गुरुपादरतस्सदा ॥ ६॥

tannāma smaraṇādeva sarvābhiṣṭaṃ prasidhyati |tasmānnityaṃ paṭhed bhaktyā gurupādaratassadā || 6||

श्री राघवेन्द्राय नमः इत्याष्टाक्षर मन्त्रतः ।सर्वान्न्कामानवाप्नोति नात्र कार्या विचारणा ॥ ७॥

śrī rāghavendrāya namaḥ ityāṣṭākṣara mantrataḥ |sarvānnkāmānavāpnoti nātra kāryā vicāraṇā || 7||

अष्टोत्तरशतावृत्तिं स्तोत्रस्यास्य करोति यः ।तस्य सर्वार्थ सिद्धिस्यात् गुरुराजप्रसादतः ॥ ८॥

aṣṭottaraśatāvṛttiṃ stotrasyāsya karoti yaḥ |tasya sarvārtha siddhisyāt gururājaprasādataḥ || 8||

एतदष्टाक्षरस्यात्र माहात्म्यं वेत्ति कः पुमान् ।पठनादेव सर्वार्थ सिद्धिर्भवति नान्यथा ॥ ९॥

etadaṣṭākṣarasyātra māhātmyaṃ vetti kaḥ pumān |paṭhanādeva sarvārtha siddhirbhavati nānyathā || 9||

स्वामिना राघवेन्द्राख्य गुरुपादाब्ज सेविना ।कृतमष्टाक्षरस्तोत्रं गुरुप्रीतिकरं शुभम् ॥ १०॥

svāminā rāghavendrākhya gurupādābja sevinā |kṛtamaṣṭākṣarastotraṃ guruprītikaraṃ śubham || 10||

॥ इति श्रीगुरुजगन्नाथदासार्यविरचितं श्रीराघवेन्द्राष्टाक्षरस्तोत्रं सम्पूर्णम् ॥

|| iti śrīgurujagannāthadāsāryaviracitaṃ śrīrāghavendrāṣṭākṣarastotraṃ sampūrṇam ||