रामाष्टकम् ५ Ramashtakam 5

राजत्किरीटमणिदीधितिदीपितांशंउद्यद्बृहस्पतिकविप्रतिमे वहन्तम् ।द्वे कुण्डलेऽङ्करहितेन्दुसमानवक्त्रंरामं जगत्त्रयगुरुं सततं भजामि ॥ १॥

rājatkirīṭamaṇidīdhitidīpitāṃśaṃudyadbṛhaspatikavipratime vahantam |dve kuṇḍale'ṅkarahitendusamānavaktraṃrāmaṃ jagattrayaguruṃ satataṃ bhajāmi || 1||

उद्यद्विभाकरमरीचिविबोधिताब्जनेत्रं सुबिम्बदशनच्छदचारुनासम् ।शुभ्रांशुरश्मिपरिनिर्जितचारुहासंरामं जगत्त्रयगुरुं सततं भजामि ॥ २॥

udyadvibhākaramarīcivibodhitābjanetraṃ subimbadaśanacchadacārunāsam |śubhrāṃśuraśmiparinirjitacāruhāsaṃrāmaṃ jagattrayaguruṃ satataṃ bhajāmi || 2||

तं कम्बुकण्ठमजमम्बुजतुल्यरूपंमुक्तावलीकनकहारधृतं विभान्तम् ।विद्युद्वलाकगणसंयुतमम्बुदं वारामं जगत्त्रयगुरुं सततं भजामि ॥ ३॥

taṃ kambukaṇṭhamajamambujatulyarūpaṃmuktāvalīkanakahāradhṛtaṃ vibhāntam |vidyudvalākagaṇasaṃyutamambudaṃ vārāmaṃ jagattrayaguruṃ satataṃ bhajāmi || 3||

उत्तानहस्ततलसंस्थसहस्रपत्रंपञ्चच्छदाधिकशतं प्रवराङ्गुलीभिः ।कुर्वत्यशीतकनकद्युति यस्य सीतापार्श्वेऽस्ति तं रघुवरं सततं भजामि ॥ ४॥

uttānahastatalasaṃsthasahasrapatraṃpañcacchadādhikaśataṃ pravarāṅgulībhiḥ |kurvatyaśītakanakadyuti yasya sītāpārśve'sti taṃ raghuvaraṃ satataṃ bhajāmi || 4||

अग्रे धनुर्धरवरः कनकोज्ज्वलाङ्गोज्येष्ठानुसेवनरतो वरभूषणाढ्यः ।शेषाख्यधामवरलक्ष्मणनाम यस्यरामं जगत्त्रयगुरुं सततं भजामि ॥ ५॥

agre dhanurdharavaraḥ kanakojjvalāṅgojyeṣṭhānusevanarato varabhūṣaṇāḍhyaḥ |śeṣākhyadhāmavaralakṣmaṇanāma yasyarāmaṃ jagattrayaguruṃ satataṃ bhajāmi || 5||

यो राघवेन्द्रकुलसिन्धुसुधांशुरूपोमारीचराक्षससुबाहुमुखान् निहत्य ।यज्ञं ररक्ष कुशिकान्वयपुण्यराशिंरामं जगत्त्रयगुरुं सततं भजामि ॥ ६॥

yo rāghavendrakulasindhusudhāṃśurūpomārīcarākṣasasubāhumukhān nihatya |yajñaṃ rarakṣa kuśikānvayapuṇyarāśiṃrāmaṃ jagattrayaguruṃ satataṃ bhajāmi || 6||

हत्वा खरत्रिशिरसौ सगणौ कबन्धंश्रीदण्डकाननमदूषणमेव कृत्वा ।सुग्रीवमैत्रमकरोद्विनिहत्य शत्रुंतं राघवं दशमुखान्तकरं भजामि ॥ ७॥

hatvā kharatriśirasau sagaṇau kabandhaṃśrīdaṇḍakānanamadūṣaṇameva kṛtvā |sugrīvamaitramakarodvinihatya śatruṃtaṃ rāghavaṃ daśamukhāntakaraṃ bhajāmi || 7||

भङ्क्त्वा पिनाकमकरोज्जनकात्मजायावैवाहिकोत्सवविधिं पथि भार्गवेन्द्रम् ।जित्वा पितुर्मुदमुवाह ककुत्स्थवर्यंरामं जगत्त्रयगुरुं सततं भजामि ॥ ८॥

bhaṅktvā pinākamakarojjanakātmajāyāvaivāhikotsavavidhiṃ pathi bhārgavendram |jitvā piturmudamuvāha kakutsthavaryaṃrāmaṃ jagattrayaguruṃ satataṃ bhajāmi || 8||

इति मुरारी गुप्ताविरचितं रामाष्टकं सम्पूर्णम् ।

iti murārī guptāviracitaṃ rāmāṣṭakaṃ sampūrṇam |