रामाष्टकम् १ Ramashtakam from Ananda Ramayana
rāmāṣṭakam 1
Ramashtakam from Ananda Ramayana (रामाष्टकम् १): an eight-verse hymn (aṣṭaka) to Rāma, from the ṟamayana. 10 verses in Sanskrit with Devanagari and IAST.
- Stotra
- Aṣṭakam
- Rāma
- ṟamayana
रामाष्टकम् १
1 / 10
अथ रामाष्टकम् ।श्रीशिव उवाच ।सुग्रीवमित्रं परमं पवित्रं सीताकलत्रं नवमेघगात्रम् ।कारुण्यपात्रं शतपत्रनेत्रं श्रीरामचन्द्रं सततं नमामि ॥ १॥
atha rāmāṣṭakam |śrīśiva uvāca |sugrīvamitraṃ paramaṃ pavitraṃ sītākalatraṃ navameghagātram |kāruṇyapātraṃ śatapatranetraṃ śrīrāmacandraṃ satataṃ namāmi || 1||
संसारसारं निगमप्रचारं धर्मावतारं हृतभूमिभारम् ।सदाविकारं सुखसिन्धुसारं श्रीरामचन्द्रं सततं नमामि ॥ २॥
saṃsārasāraṃ nigamapracāraṃ dharmāvatāraṃ hṛtabhūmibhāram |sadāvikāraṃ sukhasindhusāraṃ śrīrāmacandraṃ satataṃ namāmi || 2||
लक्ष्मीविलासं जगतां निवासं लङ्काविनाशं भुवनप्रकाशम् ।भूदेववासं शरदिन्दुहासं श्रीरामचन्द्रं सततं नमामि ॥ ३॥
lakṣmīvilāsaṃ jagatāṃ nivāsaṃ laṅkāvināśaṃ bhuvanaprakāśam |bhūdevavāsaṃ śaradinduhāsaṃ śrīrāmacandraṃ satataṃ namāmi || 3||
मन्दारमालं वचने रसालं गुणैर्विशालं हतसप्ततालम् ।क्रव्यादकालं सुरलोकपालं श्रीरामचन्द्रं सततं नमामि ॥ ४॥
mandāramālaṃ vacane rasālaṃ guṇairviśālaṃ hatasaptatālam |kravyādakālaṃ suralokapālaṃ śrīrāmacandraṃ satataṃ namāmi || 4||
वेदान्तगानं सकलैः समानं हृतारिमानं त्रिदशप्रधानम् ।गजेन्द्रयानं विगतावसानं श्रीरामचन्द्रं सततं नमामि ॥ ५॥
vedāntagānaṃ sakalaiḥ samānaṃ hṛtārimānaṃ tridaśapradhānam |gajendrayānaṃ vigatāvasānaṃ śrīrāmacandraṃ satataṃ namāmi || 5||
श्यामाभिरामं नयनाभिरामं गुणाभिरामं वचनाभिरामम् ।विश्वप्रणामं कृतभक्तकामं श्रीरामचन्द्रं सततं नमामि ॥ ६॥
śyāmābhirāmaṃ nayanābhirāmaṃ guṇābhirāmaṃ vacanābhirāmam |viśvapraṇāmaṃ kṛtabhaktakāmaṃ śrīrāmacandraṃ satataṃ namāmi || 6||
लीलाशरीरं रणरङ्गधीरं विश्वैकसारं रघुवंशहारम् ।गम्भीरनादं जितसर्ववादं श्रीरामचन्द्रं सततं नमामि ॥ ७॥
līlāśarīraṃ raṇaraṅgadhīraṃ viśvaikasāraṃ raghuvaṃśahāram |gambhīranādaṃ jitasarvavādaṃ śrīrāmacandraṃ satataṃ namāmi || 7||
खले कृतान्तं स्वजने विनीतं सामोपगीतं मनसा प्रतीतम् ।रागेण गीतं वचनादतीतं श्रीरामचन्द्रं सततं नमामि ॥ ८॥
khale kṛtāntaṃ svajane vinītaṃ sāmopagītaṃ manasā pratītam |rāgeṇa gītaṃ vacanādatītaṃ śrīrāmacandraṃ satataṃ namāmi || 8||
श्रीरामचन्द्रस्य वराष्टकं त्वां मयेरितं देवि मनोहरं ये ।पठन्ति शृण्वन्ति गृणन्ति भक्त्या ते स्वीयकामान् प्रलभन्ति नित्यम् ॥ ९॥
śrīrāmacandrasya varāṣṭakaṃ tvāṃ mayeritaṃ devi manoharaṃ ye |paṭhanti śṛṇvanti gṛṇanti bhaktyā te svīyakāmān pralabhanti nityam || 9||
इति शतकोटिरामचरितान्तर्गते श्रीमदानन्दरामायणेवाल्मीकीये सारकाण्डे युद्धचरिते द्वादशसर्गान्तर्गतंश्रीरामाष्टकं समाप्तम् ॥
iti śatakoṭirāmacaritāntargate śrīmadānandarāmāyaṇevālmīkīye sārakāṇḍe yuddhacarite dvādaśasargāntargataṃśrīrāmāṣṭakaṃ samāptam ||
॥ इति रामाष्टकम् १ सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Ramashtakam from Ananda Ramayana?
Ramashtakam from Ananda Ramayana has 10 verses on this page, each shown with its number, Devanagari text and transliteration, and meaning where available.
Can I read Ramashtakam from Ananda Ramayana in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Ramashtakam from Ananda Ramayana?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
