रामप्रातःस्मरणम् अथवा रामपञ्चकम् Rama Pratah Smarana

प्रातः स्मरामि रघुनाथमुखारविन्दंमन्दस्मितं मधुरभाषि विशालभालम् ।कर्णावलम्बिचलकुण्डलशोभिगण्डंकर्णान्तदीर्घनयनं नयनाभिरामम् ॥ १॥प्रातर्भजामि रघुनाथकरारविन्दंरक्षोगणाय भयदं वरदं निजेभ्यः ।यद्राजसंसदि विभज्य महेशचापंसीताकरग्रहणमङ्गलमाप सद्यः ॥ २॥प्रातर्नमामि रघुनाथपदारविन्दंवज्राङ्कुशादिशुभरेखि सुखावहं मे ।योगीन्द्रमानसमधुव्रतसेव्यमानंशापापहं सपदि गौतमधर्मपत्न्याः ॥ ३॥प्रातर्वदामि वचसा रघुनाथ नामवाग्दोषहारि सकलं शमलं निहन्ति ।यत्पार्वती स्वपतिना सह भोक्तुकामाप्रीत्या सहस्रहरिनामसमं जजाप ॥ ४॥प्रातः श्रये श्रुतिनुतां रघुनाथमूर्तिंनीलाम्बुजोत्पलसितेतररत्ननीलाम् ।आमुक्तमौक्तिकविशेषविभूषणाढ्यांध्येयां समस्तमुनिभिर्जनमुक्तिहेतुम् ॥ ५॥यः श्लोकपञ्चकमिदं प्रयतः पठेद्धिनित्यं प्रभातसमये पुरुषः प्रबुद्धः ।श्रीरामकिङ्करजनेषु स एव मुख्योभूत्वा प्रयाति हरिलोकमनन्यलभ्यम् ॥

prātaḥ smarāmi raghunāthamukhāravindaṃmandasmitaṃ madhurabhāṣi viśālabhālam |karṇāvalambicalakuṇḍalaśobhigaṇḍaṃkarṇāntadīrghanayanaṃ nayanābhirāmam || 1||prātarbhajāmi raghunāthakarāravindaṃrakṣogaṇāya bhayadaṃ varadaṃ nijebhyaḥ |yadrājasaṃsadi vibhajya maheśacāpaṃsītākaragrahaṇamaṅgalamāpa sadyaḥ || 2||prātarnamāmi raghunāthapadāravindaṃvajrāṅkuśādiśubharekhi sukhāvahaṃ me |yogīndramānasamadhuvratasevyamānaṃśāpāpahaṃ sapadi gautamadharmapatnyāḥ || 3||prātarvadāmi vacasā raghunātha nāmavāgdoṣahāri sakalaṃ śamalaṃ nihanti |yatpārvatī svapatinā saha bhoktukāmāprītyā sahasraharināmasamaṃ jajāpa || 4||prātaḥ śraye śrutinutāṃ raghunāthamūrtiṃnīlāmbujotpalasitetararatnanīlām |āmuktamauktikaviśeṣavibhūṣaṇāḍhyāṃdhyeyāṃ samastamunibhirjanamuktihetum || 5||yaḥ ślokapañcakamidaṃ prayataḥ paṭheddhinityaṃ prabhātasamaye puruṣaḥ prabuddhaḥ |śrīrāmakiṅkarajaneṣu sa eva mukhyobhūtvā prayāti harilokamananyalabhyam ||

॥ इति श्रीरामकर्णामृतान्तर्गतम् श्रीरामप्रातःस्मरणम् ॥

|| iti śrīrāmakarṇāmṛtāntargatam śrīrāmaprātaḥsmaraṇam ||