राधिकायाःप्रेमपूराभिधस्तोत्रम् Shri Radhikayah Premapurabhidhastotram

मधुमधुरनिशायां ज्योतिरुद्भासितायांसितकुसुमसुवासाः कॢप्तकर्पूरभूषा ।सुबलसखमुपेता दूतिकान्यस्तहस्ताक्षणमपि मम राधे नेत्रमानन्दय त्वम् ॥ १॥

madhumadhuraniśāyāṃ jyotirudbhāsitāyāṃsitakusumasuvāsāḥ kḷptakarpūrabhūṣā |subalasakhamupetā dūtikānyastahastākṣaṇamapi mama rādhe netramānandaya tvam || 1||

स्मरगृहमविशन्ती वाम्यतो धाम गन्तुंसरणिमनुसरन्ती तेन संरुद्।ह्ध्य तूर्णम् ।बलसवलितकाक्वा लम्भितान्तःस्मिताक्षीक्षणमपि मम राधे नेत्रमानन्दय त्वम् ॥ २॥

smaragṛhamaviśantī vāmyato dhāma gantuṃsaraṇimanusarantī tena saṃrud|hdhya tūrṇam |balasavalitakākvā lambhitāntaḥsmitākṣīkṣaṇamapi mama rādhe netramānandaya tvam || 2||

मुदिररुचिरवक्षस्युन्नते माधवस्यस्थिरचरवरविद्युद्वल्लिवन्मल्लितल्पे ।ललितकनकयूथीमालिकावच्च भान्तीक्षणमपि मम राधे नेत्रमानन्दय त्वम् ॥ ३॥

mudiraruciravakṣasyunnate mādhavasyasthiracaravaravidyudvallivanmallitalpe |lalitakanakayūthīmālikāvacca bhāntīkṣaṇamapi mama rādhe netramānandaya tvam || 3||

स्मरविलसिततल्पे जल्पलीलामनल्पांक्रमकृतिपरिहीनां बिभ्रती तेन सार्धम् ।मिथ इव परिरम्भारम्भवृत्त्येकवर्ष्माक्षणमपि मम राधे नेत्रमानन्दय त्वम् ॥ ४॥

smaravilasitatalpe jalpalīlāmanalpāṃkramakṛtiparihīnāṃ bibhratī tena sārdham |mitha iva parirambhārambhavṛttyekavarṣmākṣaṇamapi mama rādhe netramānandaya tvam || 4||

प्रमदमदनयुद्धश्रान्तितः कान्तकृष्णप्रचुरसुखदवक्षःस्फारतल्पे स्वपन्ती ।रसमुदितविशाखाजीविताब्धौ समृद्धाक्षणमपि मम राधे नेत्रमानन्दय त्वम् ॥ ५॥

pramadamadanayuddhaśrāntitaḥ kāntakṛṣṇapracurasukhadavakṣaḥsphāratalpe svapantī |rasamuditaviśākhājīvitābdhau samṛddhākṣaṇamapi mama rādhe netramānandaya tvam || 5||

अपि बत सुरतान्ते प्रौढिसौभाग्यदृप्यत्प्रणयधृतसुसख्योन्मादमत्तोरुगर्वैः ।दरगदितमुकुन्दाकल्पिताकल्पतल्पाक्षणमपि मम राधे नेत्रमानन्दय त्वम् ॥ ६॥

api bata suratānte prauḍhisaubhāgyadṛpyatpraṇayadhṛtasusakhyonmādamattorugarvaiḥ |daragaditamukundākalpitākalpatalpākṣaṇamapi mama rādhe netramānandaya tvam || 6||

स्मरदयितनिकुञ्जप्राङ्गणे व्यावहास्यांव्रजनवयुवराजं वक्रिमाडम्बरेण ।सदसि परिभवन्ती संस्तुतालीकुलेनक्षणमपि मम राधे नेत्रमानन्दय त्वम् ॥ ७॥

smaradayitanikuñjaprāṅgaṇe vyāvahāsyāṃvrajanavayuvarājaṃ vakrimāḍambareṇa |sadasi paribhavantī saṃstutālīkulenakṣaṇamapi mama rādhe netramānandaya tvam || 7||

क्वचन च दरदोषाद्दैवतः कृष्णजातात्सपदि विहितमाना मौनिनी तत्र तेन ।प्रकटितपटुचाटुप्रार्थ्यमानप्रसादाक्षणमपि मम राधे नेत्रमानन्दय त्वम् ॥ ८॥

kvacana ca daradoṣāddaivataḥ kṛṣṇajātātsapadi vihitamānā mauninī tatra tena |prakaṭitapaṭucāṭuprārthyamānaprasādākṣaṇamapi mama rādhe netramānandaya tvam || 8||

पितुरिह वृसभानोर्भाग्यभङ्गी बकारेःप्रणयविपिनभृङ्गी सङ्गिनी तस्य देवी ।निजगणकुमुदालेः कौमुदी हा कृपाब्धेक्षणमपि मम राधे नेत्रमानन्दय त्वम् ॥ ९॥

pituriha vṛsabhānorbhāgyabhaṅgī bakāreḥpraṇayavipinabhṛṅgī saṅginī tasya devī |nijagaṇakumudāleḥ kaumudī hā kṛpābdhekṣaṇamapi mama rādhe netramānandaya tvam || 9||

निरवधिगुणसिन्धो भद्रसेनादिबन्धोनिरुपमगुणवृन्दप्रेयसीवृन्दमौले ।अतिकदनसमुद्रे मज्जतो हा कृपार्द्रेक्षणमपि मम राधे नेत्रमानन्दय त्वम् ॥ १०॥

niravadhiguṇasindho bhadrasenādibandhonirupamaguṇavṛndapreyasīvṛndamaule |atikadanasamudre majjato hā kṛpārdrekṣaṇamapi mama rādhe netramānandaya tvam || 10||

नटयति रुचिनान्दीमुन्नयन्सूत्रधारप्रवर इव रसज्ञानर्तकीं रङ्गरूपे ।रसवति दशकेऽस्मिन्प्रेमपूराभिधे यःस सपदि लभते तत्द्वन्द्वरत्नप्रसादम् ॥ ११॥

naṭayati rucināndīmunnayansūtradhārapravara iva rasajñānartakīṃ raṅgarūpe |rasavati daśake'sminpremapūrābhidhe yaḥsa sapadi labhate tatdvandvaratnaprasādam || 11||

इति श्रीरघुनाथदासगोस्वामिविरचितस्तवावल्यांश्रीराधिकायाः प्रेमपूराभिधस्तोत्रं सम्पूर्णम् ।

iti śrīraghunāthadāsagosvāmiviracitastavāvalyāṃśrīrādhikāyāḥ premapūrābhidhastotraṃ sampūrṇam |