राधिकास्तवराजस्तोत्रम् अथवा ह्लादिनीमहाविद्यास्तवराजः Shri Radhikastavaraja Shtotram Or Shri Hladini Mahavidya Shtavaraja

ॐ अस्य श्रीह्लादिनीमहाविद्यास्तवराजमन्त्रस्य श्रीकृष्ण ऋषिः ।अनुष्टुप् छन्दः । परब्रह्मस्वरूपिणी श्रीराधिका परदेवता ।जपे विनियोगः ॥ध्यायेन्नीलाम्बरीं श्यामां गौरवर्णां वराङ्गनाम् ।वेदगुह्या गुणातीता राधाकृष्णसमन्विता ॥ १॥

oṃ asya śrīhlādinīmahāvidyāstavarājamantrasya śrīkṛṣṇa ṛṣiḥ |anuṣṭup chandaḥ | parabrahmasvarūpiṇī śrīrādhikā paradevatā |jape viniyogaḥ ||dhyāyennīlāmbarīṃ śyāmāṃ gauravarṇāṃ varāṅganām |vedaguhyā guṇātītā rādhākṛṣṇasamanvitā || 1||

मोहिनी सुन्दरी बाला रसरूपा हरिप्रिया ।श्रीकृष्णवल्लभा राधा पुरुषोत्तमधीमतः ॥ २॥

mohinī sundarī bālā rasarūpā haripriyā |śrīkṛṣṇavallabhā rādhā puruṣottamadhīmataḥ || 2||

तरुणा करुणा रक्ता अलङ्कारजितोपमा ।निर्भया कोमला सीमा चन्द्रकोटिनिभानना ॥ ३॥

taruṇā karuṇā raktā alaṅkārajitopamā |nirbhayā komalā sīmā candrakoṭinibhānanā || 3||

नूपुरा सहिता पद्मा पादयुग्ममनूपमा ।केलिगर्भसमाजङ्घा नितम्बिनि मनोरमा ॥ ४॥

nūpurā sahitā padmā pādayugmamanūpamā |keligarbhasamājaṅghā nitambini manoramā || 4||

नीलाम्बरपरीधाना किङ्किणीकटिमेखला ।कृशोदरी चातिनम्रा गोपपत्नी नमस्कृता ॥ ५॥

nīlāmbaraparīdhānā kiṅkiṇīkaṭimekhalā |kṛśodarī cātinamrā gopapatnī namaskṛtā || 5||

त्रिवलीनाभिगम्भीरा पीनतुङ्गपयोधरा ।कस्तूरीमलयालिप्ता चर्चितावर्तुलस्तना ॥ ६॥

trivalīnābhigambhīrā pīnatuṅgapayodharā |kastūrīmalayāliptā carcitāvartulastanā || 6||

रत्नमुक्तामणीमाला कञ्चुकीपरिरञ्जिता ।नानारत्नमयीग्रीवा शोभिता व्रजमण्डला ॥ ७॥

ratnamuktāmaṇīmālā kañcukīparirañjitā |nānāratnamayīgrīvā śobhitā vrajamaṇḍalā || 7||

द्विभुजा सर्वदा शुभ्रा शीतला च वरप्रदा ।कमला अङ्गदा सौम्या कङ्कणैः परिसम्मिता ॥ ८॥

dvibhujā sarvadā śubhrā śītalā ca varapradā |kamalā aṅgadā saumyā kaṅkaṇaiḥ parisammitā || 8||

मुद्रिकाङ्गुलियुक्ता च कोमला पदकारिका ।अमिता अमृता पुण्या किशोरी कमलानना ॥ ९॥

mudrikāṅguliyuktā ca komalā padakārikā |amitā amṛtā puṇyā kiśorī kamalānanā || 9||

मधुरी सरसी वाचा बिम्बोष्ठी कृष्णचुम्बिता ।हसिता लसिता नम्रा नासामुक्तामनोहरा ॥ १०॥

madhurī sarasī vācā bimboṣṭhī kṛṣṇacumbitā |hasitā lasitā namrā nāsāmuktāmanoharā || 10||

चञ्चला चपला स्नेहा मदधूर्णितलोचना ।स्वामिनी सुमुखी चन्द्रा भाले तिलकनिर्मिता ॥ ११॥

cañcalā capalā snehā madadhūrṇitalocanā |svāminī sumukhī candrā bhāle tilakanirmitā || 11||

सिन्दूरकुङ्कुमारङ्गा बिन्दुकी परिराजिता ।बतशोभाकरी धौता कनका कर्णकुण्डला ॥ १२॥

sindūrakuṅkumāraṅgā bindukī parirājitā |bataśobhākarī dhautā kanakā karṇakuṇḍalā || 12||

स्वर्णाम्बरान्विता रत्नशिरोमणिविराजिता ।श्रतिनिर्माणदा श्यामा सुकेशी वेणुबन्धना ॥ १३॥

svarṇāmbarānvitā ratnaśiromaṇivirājitā |śratinirmāṇadā śyāmā sukeśī veṇubandhanā || 13||

सर्वाभरणशोभाढ्या नानारत्नोपशोभिता ।अपादकेशपर्यन्ता दृश्यता लज्जिता रमा ॥ १४॥

sarvābharaṇaśobhāḍhyā nānāratnopaśobhitā |apādakeśaparyantā dṛśyatā lajjitā ramā || 14||

नेतिनेति चतुर्वेदा ब्रुवन्ति श्रुतिगोचराः ।निजकाननमध्यस्था राधिका कृष्णतल्पगा ॥ १५॥

netineti caturvedā bruvanti śrutigocarāḥ |nijakānanamadhyasthā rādhikā kṛṣṇatalpagā || 15||

पयःफेननिभारौप्या कृष्णभाग्यव्रजाङ्गना ।मैथुनीचातुरी श्यामा विपरीतरतिप्रदा ॥ १६॥

payaḥphenanibhāraupyā kṛṣṇabhāgyavrajāṅganā |maithunīcāturī śyāmā viparītaratipradā || 16||

दामिनी मेघसंयुक्ता प्रकाशा व्रजमण्डला ।पीता कृष्णयुताश्लिष्टा उदिता चन्द्रमण्डला ॥ १७॥

dāminī meghasaṃyuktā prakāśā vrajamaṇḍalā |pītā kṛṣṇayutāśliṣṭā uditā candramaṇḍalā || 17||

सुगन्धवासिताङ्गी च सुरभिः पुष्पसंयुता ।लोपिता कुलमर्यादा रासकेलिपराक्रमा ॥ १८॥

sugandhavāsitāṅgī ca surabhiḥ puṣpasaṃyutā |lopitā kulamaryādā rāsakeliparākramā || 18||

स्वप्नकामा महावीर्या ब्रह्मरूपधरा वरा ।मन आकर्षणी भामा आनन्दा कृष्णसेविता ॥ १९॥

svapnakāmā mahāvīryā brahmarūpadharā varā |mana ākarṣaṇī bhāmā ānandā kṛṣṇasevitā || 19||

सुरूपा सुभगा गोप्या रासमण्डलसंस्थिता ।तेजस्विनी परा गौरी भामिनी मोक्षदायिका ॥ २०॥

surūpā subhagā gopyā rāsamaṇḍalasaṃsthitā |tejasvinī parā gaurī bhāminī mokṣadāyikā || 20||

पुरीमार्गस्थिता नित्या पादगुल्मप्रकाशिका ।तरुणी रूपसम्पन्ना सुधासिन्धुरसायना ॥ २१॥

purīmārgasthitā nityā pādagulmaprakāśikā |taruṇī rūpasampannā sudhāsindhurasāyanā || 21||

गोपिका नायिका कन्या कौमारी नवयौवना ।स्वरूपा हेमवर्णाभा व्रजभूषणभूषिता ॥ २२॥

gopikā nāyikā kanyā kaumārī navayauvanā |svarūpā hemavarṇābhā vrajabhūṣaṇabhūṣitā || 22||

उज्झिता वेदमर्यादा निर्मला तनुगर्विता ।आभीरनागरी कन्या कामिनी कृष्णयोषिता ॥ २३॥

ujjhitā vedamaryādā nirmalā tanugarvitā |ābhīranāgarī kanyā kāminī kṛṣṇayoṣitā || 23||

गजिस्तम्भकरी रम्भा आनन्दा रसदायिका ।राधिका मुद्रितज्योत्स्ना कृष्णकेलिस्थिरा मनाः ॥ २४॥

gajistambhakarī rambhā ānandā rasadāyikā |rādhikā mudritajyotsnā kṛṣṇakelisthirā manāḥ || 24||

वल्लवी वनिता मुख्या गोपिका सुखदायिका ।प्रणिता प्रेरिता रम्या रमिता गुणसागरा ॥ २५॥

vallavī vanitā mukhyā gopikā sukhadāyikā |praṇitā preritā ramyā ramitā guṇasāgarā || 25||

मातङ्गिनी महामत्ता मधुपानपरायणा ।वृषभानुसुता राधा दर्पिता कृष्णजल्पिता ॥ २६॥

mātaṅginī mahāmattā madhupānaparāyaṇā |vṛṣabhānusutā rādhā darpitā kṛṣṇajalpitā || 26||

अमोघा प्रियवादिन्या मङ्गला मङ्गलप्रिया ।सुमहा सत्यवादिन्या सखीभिः परिवारिता ॥ २७॥

amoghā priyavādinyā maṅgalā maṅgalapriyā |sumahā satyavādinyā sakhībhiḥ parivāritā || 27||

कृष्णनामसदाध्येया कृष्णनामसदारता ।कृष्णनामसदावक्त्रा कृष्णनामहृदिस्थिता ॥ २८॥

kṛṣṇanāmasadādhyeyā kṛṣṇanāmasadāratā |kṛṣṇanāmasadāvaktrā kṛṣṇanāmahṛdisthitā || 28||

वनचरी वरपुत्री च मदाधूर्णितवल्लभा ।गेहिनी त्वरिता रम्या कृष्णयोग्या महोत्तमा ॥ २९॥

vanacarī varaputrī ca madādhūrṇitavallabhā |gehinī tvaritā ramyā kṛṣṇayogyā mahottamā || 29||

मनस्विनी कृपाकर्त्री कलगीतनि नर्त्तकी ।वन्दिता च स्तुता नम्या पूजिता फलदेवता ॥ ३०॥

manasvinī kṛpākartrī kalagītani narttakī |vanditā ca stutā namyā pūjitā phaladevatā || 30||

दद्ध्योदनसुधाभोज्या कृष्णदर्शनलालसा ।नवेदवेदविज्ञेया ब्रह्मशङ्करवाञ्छिता ॥ ३१॥

daddhyodanasudhābhojyā kṛṣṇadarśanalālasā |navedavedavijñeyā brahmaśaṅkaravāñchitā || 31||

परस्परकृतानन्दा कमला विस्मितानना ।नखाङ्कितकृता देहा सावित्री सम्भ्रमा उमा ॥ ३२॥

parasparakṛtānandā kamalā vismitānanā |nakhāṅkitakṛtā dehā sāvitrī sambhramā umā || 32||

अङ्गदा सुखदा सीमा हेमवल्लीवनोपमा ।ताम्बूलचर्चिता रत्ना सम्पुटा सम्मुखोन्मुखा ॥ ३३॥

aṅgadā sukhadā sīmā hemavallīvanopamā |tāmbūlacarcitā ratnā sampuṭā sammukhonmukhā || 33||

पठिता कृष्णसन्तुष्टा हसिता वृषभानुजा ।राधिकाराधिता राधा राधिका कृष्णदेवता ॥ ३४॥

paṭhitā kṛṣṇasantuṣṭā hasitā vṛṣabhānujā |rādhikārādhitā rādhā rādhikā kṛṣṇadevatā || 34||

इति श्रीगौतमीतन्त्रे श्रीकृष्णोक्त श्रीराधिकास्तवराजः अथवाश्रीह्लादिनीमहाविद्यास्तवराजः सम्पूर्णः ॥

iti śrīgautamītantre śrīkṛṣṇokta śrīrādhikāstavarājaḥ athavāśrīhlādinīmahāvidyāstavarājaḥ sampūrṇaḥ ||