राधापटलस्तोत्रम् Shri Radhapatala Shtotram

ईश्वर उवाच ॥प्रणवं पूर्वमुद्धृत्य हृन्मन्त्रं च ततः पठेत् ।रमार्णेन युतो राधाकान्तः प्रोच्यस्ततः परम् ॥ १॥

īśvara uvāca ||praṇavaṃ pūrvamuddhṛtya hṛnmantraṃ ca tataḥ paṭhet |ramārṇena yuto rādhākāntaḥ procyastataḥ param || 1||

शरणं पदमुच्चार्य ममेति पदमुच्चरेत् ।मनुरेष तु श्रीराधाकृष्णयोः परमाद्भुतः ॥ २॥

śaraṇaṃ padamuccārya mameti padamuccaret |manureṣa tu śrīrādhākṛṣṇayoḥ paramādbhutaḥ || 2||

जपमात्रेण जीवानां दृष्टादृष्टफलप्रदः ।अस्मात्परतरो मन्त्रो नास्ति नास्ति वरानने ॥ ३॥

japamātreṇa jīvānāṃ dṛṣṭādṛṣṭaphalapradaḥ |asmātparataro mantro nāsti nāsti varānane || 3||

यस्मिञ्जप्ते तयोरेव स्वीयबुद्धिस्तु साधके ।जायते कृतकृत्योसौ तथा भवति शाम्भवि ॥ ४॥

yasmiñjapte tayoreva svīyabuddhistu sādhake |jāyate kṛtakṛtyosau tathā bhavati śāmbhavi || 4||

ध्रुवमुच्चार्य हृन्मन्त्रं वदेदथ रमार्णकम् ।पावकं शेषसंयुक्तं धनेशं विद्ययान्वितम् ॥ ५॥

dhruvamuccārya hṛnmantraṃ vadedatha ramārṇakam |pāvakaṃ śeṣasaṃyuktaṃ dhaneśaṃ vidyayānvitam || 5||

कामगं विष्णुशय्याढ्यं नभोरे चकया युतम् ।कुबेरं केशवासक्तं बालाक्षीं कण्ठसङ्गताम् ॥ ६॥

kāmagaṃ viṣṇuśayyāḍhyaṃ nabhore cakayā yutam |kuberaṃ keśavāsaktaṃ bālākṣīṃ kaṇṭhasaṅgatām || 6||

चक्रिणं कामरूपाङ्कं जनकोत्तममेव च ।वातारूढं समुच्चार्य षडाननमथानिलम् ॥ ७॥

cakriṇaṃ kāmarūpāṅkaṃ janakottamameva ca |vātārūḍhaṃ samuccārya ṣaḍānanamathānilam || 7||

बालेन्दुनाधिष्ठयन्तु लोहितं वातगं तथा ।ह्लादिनीन्तु समुच्चार्य जपेदेनं महामनुम् ॥ ८॥

bālendunādhiṣṭhayantu lohitaṃ vātagaṃ tathā |hlādinīntu samuccārya japedenaṃ mahāmanum || 8||

देवजाप्यं स्वेष्टदत्तं हैतीयजनगोचरम् ।श्रीराधाकृष्णयोरेव हवात्संयोगदं परम् ॥ ९॥

devajāpyaṃ sveṣṭadattaṃ haitīyajanagocaram |śrīrādhākṛṣṇayoreva havātsaṃyogadaṃ param || 9||

नमस्तस्मै भगवते कृष्णायाकुण्ठमेधसे ।राधाधरसुधापानमत्ताय च नमो नमः ॥ १०॥

namastasmai bhagavate kṛṣṇāyākuṇṭhamedhase |rādhādharasudhāpānamattāya ca namo namaḥ || 10||

मालामन्त्रं प्रवक्ष्यामि सावधानावधारय ।एकविंशाक्षरोह्येष दृष्टा दृष्टफलप्रदः ॥ ११॥

mālāmantraṃ pravakṣyāmi sāvadhānāvadhāraya |ekaviṃśākṣarohyeṣa dṛṣṭā dṛṣṭaphalapradaḥ || 11||

अस्थिसञ्ज्ञश्च रुधिरारूढस्तु सुमुखाङ्कुरः ।रोचिष्मान्मुखवृत्तस्थो धनेशः शेषसंयुतः ॥ १२॥

asthisañjñaśca rudhirārūḍhastu sumukhāṅkuraḥ |rociṣmānmukhavṛttastho dhaneśaḥ śeṣasaṃyutaḥ || 12||

वारिदः केशवारूढो लम्पटश्च पिनाकिना ।युतः श्रीकण्ठसरूढो भरद्वाजो निवृत्तियुक् ॥ १३॥

vāridaḥ keśavārūḍho lampaṭaśca pinākinā |yutaḥ śrīkaṇṭhasarūḍho bharadvājo nivṛttiyuk || 13||

चक्रोयुक्तश्चक्रोधिन्या वामदृक्सङ्गतस्तथा ।सदाशिवो निवृत्तस्थो भुजङ्गेशी च सूक्ष्मगा ॥ १४॥

cakroyuktaścakrodhinyā vāmadṛksaṅgatastathā |sadāśivo nivṛttastho bhujaṅgeśī ca sūkṣmagā || 14||

वज्रमुष्टिश्चन्द्रसंस्थो वृषघ्नो मात्रिकादिगः ।पूर्वार्द्धमेतन्निर्णीतं परार्द्धं प्रोच्यतेधुना ॥ १५॥

vajramuṣṭiścandrasaṃstho vṛṣaghno mātrikādigaḥ |pūrvārddhametannirṇītaṃ parārddhaṃ procyatedhunā || 15||

हृदा रोचिष्मताशाकं नृसिंहास्त्रोरसि स्थितः ।खड्गीशो देवमातृस्थोनुस्वारेण विभाषितः ॥ १६॥

hṛdā rociṣmatāśākaṃ nṛsiṃhāstrorasi sthitaḥ |khaḍgīśo devamātṛsthonusvāreṇa vibhāṣitaḥ || 16||

दाता शेषासनस्थश्च वारुणो वातसङ्गतः ।नरःश्रीकण्ठसंसक्तः समुच्चार्यो मनीषणा ॥ १७॥

dātā śeṣāsanasthaśca vāruṇo vātasaṅgataḥ |naraḥśrīkaṇṭhasaṃsaktaḥ samuccāryo manīṣaṇā || 17||

शङ्कुकर्णः पावकेन सङ्गतो मायया पुनः ।सुरेशः केशवारूढो शौरी श्रीकण्ठसङ्गतः ॥ १८॥

śaṅkukarṇaḥ pāvakena saṅgato māyayā punaḥ |sureśaḥ keśavārūḍho śaurī śrīkaṇṭhasaṅgataḥ || 18||

चञ्चलो व्योमरूपस्थो ह्लादिनीरुचिरेण च ।केशवाङ्कगता चैव परार्द्धोयमुदाहृतः ॥ १९॥

cañcalo vyomarūpastho hlādinīrucireṇa ca |keśavāṅkagatā caiva parārddhoyamudāhṛtaḥ || 19||

इति श्रीराधापटलं समाप्तिमगात् ॥

iti śrīrādhāpaṭalaṃ samāptimagāt ||