राधाकुण्डाष्टकम् Shri Radhakundashtakam

वृषभदनुजनाशान्नर्मधर्मोक्तिरङ्गैर्निखिलनिजसखीभिर्यत्स्वहस्तेन पूर्णम् । निखिलनिजतनूप्रकटितमपि वृन्दारण्यराज्ञा प्रमोदैस्तदतिसुरभि राधाकुण्डमेवाश्रयो मे ॥ १॥

vṛṣabhadanujanāśānnarmadharmoktiraṅgairnikhilanijasakhībhiryatsvahastena pūrṇam | nikhilanijatanūprakaṭitamapi vṛndāraṇyarājñā pramodaistadatisurabhi rādhākuṇḍamevāśrayo me || 1||

व्रजभुवि मुरशत्रोः प्रेयसीनां निकामैरसुलभमपि तूर्णं प्रेमकल्पद्रुमं तम् ।जनयति हृदि भूमौ स्नातुरुच्चैर्प्रियं यत्तदतिसुरभि राधाकुण्डमेवाश्रयो मे ॥ २॥

vrajabhuvi muraśatroḥ preyasīnāṃ nikāmairasulabhamapi tūrṇaṃ premakalpadrumaṃ tam |janayati hṛdi bhūmau snāturuccairpriyaṃ yattadatisurabhi rādhākuṇḍamevāśrayo me || 2||

अघरिपुरपि यत्नादत्र देव्याः प्रसादप्रसरकृतकताक्षप्राप्तिकामः प्रकामम् ।अनुसरति यदुचाइः स्नानसेवानुबन्धैस्तदतिसुरभि राधाकुण्डमेवाश्रयो मे ॥ ३॥

agharipurapi yatnādatra devyāḥ prasādaprasarakṛtakatākṣaprāptikāmaḥ prakāmam |anusarati yaducāiḥ snānasevānubandhaistadatisurabhi rādhākuṇḍamevāśrayo me || 3||

व्रजभुवनसुधांशोः प्रेमभूमिर्निकामंव्रजमधुरकिशोरीमौलिरत्नप्रियेव ।परिचितमपि नाम्ना या च तेनैव तस्यास्तदतिसुरभि राधाकुण्डमेवाश्रयो मे ॥ ४॥

vrajabhuvanasudhāṃśoḥ premabhūmirnikāmaṃvrajamadhurakiśorīmauliratnapriyeva |paricitamapi nāmnā yā ca tenaiva tasyāstadatisurabhi rādhākuṇḍamevāśrayo me || 4||

अपि जन इह कश्चिद्यस्य सेवाप्रसादैःप्रणयसुरलता स्यात्तस्य गोष्ठेन्द्रसूनोः ।सपदि किल मदीशादास्यपुष्पप्रशस्यातदतिसुरभि राधाकुण्डमेवाश्रयो मे ॥ ५॥

api jana iha kaścidyasya sevāprasādaiḥpraṇayasuralatā syāttasya goṣṭhendrasūnoḥ |sapadi kila madīśādāsyapuṣpapraśasyātadatisurabhi rādhākuṇḍamevāśrayo me || 5||

तटमधुरनिकुञ्जः कॢप्तनामान उच्चैर्निजपरिजनवर्गैः संविभज्याश्रितस्तैः ।मधुकररुतरम्या यस्य राजन्ति काम्यास्तदतिसुरभि राधाकुण्डमेवाश्रयो मे ॥ ६॥

taṭamadhuranikuñjaḥ kḷptanāmāna uccairnijaparijanavargaiḥ saṃvibhajyāśritastaiḥ |madhukararutaramyā yasya rājanti kāmyāstadatisurabhi rādhākuṇḍamevāśrayo me || 6||

तटभुवि वरवेद्यां यस्य नर्मातिहृद्यांमधुरमधुरवार्तां गोष्ठचन्द्रस्य भङ्ग्या ।प्रठयति मिथ ईशा प्राणसख्यालिभिः सातदतिसुरभि राधाकुण्डमेवाश्रयो मे ॥ ७॥

taṭabhuvi varavedyāṃ yasya narmātihṛdyāṃmadhuramadhuravārtāṃ goṣṭhacandrasya bhaṅgyā |praṭhayati mitha īśā prāṇasakhyālibhiḥ sātadatisurabhi rādhākuṇḍamevāśrayo me || 7||

अनुदिनमतिरङ्गैः प्रेममत्तालिसङ्घैर्वरसरसिजगन्धैर्हारिवारिप्रपूर्णे ।विहरत इह यस्मिन्दम्पती तौ प्रमत्तौतदतिसुरभि राधाकुण्डमेवाश्रयो मे ॥ ८॥

anudinamatiraṅgaiḥ premamattālisaṅghairvarasarasijagandhairhārivāriprapūrṇe |viharata iha yasmindampatī tau pramattautadatisurabhi rādhākuṇḍamevāśrayo me || 8||

अविकलमति देव्याश्चारु कुण्डाष्टकं यःपरिपठति तदीयोल्लासिदास्यार्पितात्मा ।अचिरमिह शरीरे दर्शयत्येव तस्मैमधुरिपुरतिमोदैः श्लिष्यमाणां प्रियां ताम् ॥ ९॥

avikalamati devyāścāru kuṇḍāṣṭakaṃ yaḥparipaṭhati tadīyollāsidāsyārpitātmā |aciramiha śarīre darśayatyeva tasmaimadhuripuratimodaiḥ śliṣyamāṇāṃ priyāṃ tām || 9||

इति श्रीरघुनाथदासगोस्वामिविरचितस्तवावल्यांराधाकुण्डाष्टकं श्रीसम्पूर्णम् ।

iti śrīraghunāthadāsagosvāmiviracitastavāvalyāṃrādhākuṇḍāṣṭakaṃ śrīsampūrṇam |