राधाकृपाकटाक्षस्तवराजः Prayer for the Merciful Sidelong Glance of Shri Radha with meanings

मुनीन्द्रवृन्दवन्दिते त्रिलोकशोकहारिणिप्रसन्नवक्त्रपङ्कजे निकुञ्जभूविलासिनि ।व्रजेन्द्रभानुनन्दनि व्रजेन्द्रसूनुसङ्गतेकदा करिष्यसीह मां कृपाकटाक्षभाजनम् ॥ १॥

munīndravṛndavandite trilokaśokahāriṇiprasannavaktrapaṅkaje nikuñjabhūvilāsini |vrajendrabhānunandani vrajendrasūnusaṅgatekadā kariṣyasīha māṃ kṛpākaṭākṣabhājanam || 1||

अशोकवृक्षवल्लरीवितानमण्डपस्थितेप्रवालबालपल्लवप्रभारुणाङ्घ्रिकोमले ।वराभयस्फुरत्करे प्रभूतसम्पदालयेकदा करिष्यसीह मां कृपाकटाक्षभाजनम् ॥ २॥

aśokavṛkṣavallarīvitānamaṇḍapasthitepravālabālapallavaprabhāruṇāṅghrikomale |varābhayasphuratkare prabhūtasampadālayekadā kariṣyasīha māṃ kṛpākaṭākṣabhājanam || 2||

अनङ्गरङ्गमङ्गलप्रसङ्गभङ्गुरभ्रुवांसविभ्रमं ससम्भ्रमं दृगन्तबाणपातनैः ।निरन्तरं वशीकृतप्रतीतिनन्दनन्दनेकदा करिष्यसीह मां कृपाकटाक्षभाजनम् ॥ ३॥

anaṅgaraṅgamaṅgalaprasaṅgabhaṅgurabhruvāṃsavibhramaṃ sasambhramaṃ dṛgantabāṇapātanaiḥ |nirantaraṃ vaśīkṛtapratītinandanandanekadā kariṣyasīha māṃ kṛpākaṭākṣabhājanam || 3||

तडित्सुवर्णचम्पकप्रदीप्तगौरविग्रहेमुखप्रभापरास्तकोटिशारदेन्दुमण्डले ।विचित्रचित्रसञ्चरच्चकोरशाबलोचनेकदा करिष्यसीह मां कृपाकटाक्ष भाजनम् ॥ ४॥

taḍitsuvarṇacampakapradīptagauravigrahemukhaprabhāparāstakoṭiśāradendumaṇḍale |vicitracitrasañcaraccakoraśābalocanekadā kariṣyasīha māṃ kṛpākaṭākṣa bhājanam || 4||

मदोन्मदातियौवने प्रमोदमानमण्डितेप्रियानुरागरञ्जिते कलाविलासपण्डिते ।अनन्यधन्यकुञ्जराज्यकामकेलिकोविदेकदा करिष्यसीह मां कृपाकटाक्षभाजनम् ॥ ५॥

madonmadātiyauvane pramodamānamaṇḍitepriyānurāgarañjite kalāvilāsapaṇḍite |ananyadhanyakuñjarājyakāmakelikovidekadā kariṣyasīha māṃ kṛpākaṭākṣabhājanam || 5||

अशेषहावभावधीरहीरहारभूषितेप्रभूतशातकुम्भकुम्भकुम्भकुम्भसुस्तनि ।प्रशस्तमन्दहास्यचूर्णपूर्णसौख्यसागरेकदा करिष्यसीह मां कृपाकटाक्षभाजनम् ॥ ६॥

aśeṣahāvabhāvadhīrahīrahārabhūṣiteprabhūtaśātakumbhakumbhakumbhakumbhasustani |praśastamandahāsyacūrṇapūrṇasaukhyasāgarekadā kariṣyasīha māṃ kṛpākaṭākṣabhājanam || 6||

मृणालवालवल्लरी तरङ्गरङ्गदोर्लतेलताग्रलास्यलोलनीललोचनावलोकने ।ललल्लुलन्मलन्मनोज्ञमुग्धमोहनाश्रितेकदा करिष्यसीह मां कृपाकटाक्षभाजनम् ॥ ७॥

mṛṇālavālavallarī taraṅgaraṅgadorlatelatāgralāsyalolanīlalocanāvalokane |lalallulanmalanmanojñamugdhamohanāśritekadā kariṣyasīha māṃ kṛpākaṭākṣabhājanam || 7||

सुवर्णमालिकाञ्चितत्रिरेखकम्बुकण्ठगेत्रिसूत्रमङ्गलीगुणत्रिरत्नदीप्तिदीधिते ।सलोलनीलकुन्तलप्रसूनगुच्छगुम्फितेकदा करिष्यसीह मां कृपाकटाक्षभाजनम् ॥ ८॥

suvarṇamālikāñcitatrirekhakambukaṇṭhagetrisūtramaṅgalīguṇatriratnadīptidīdhite |salolanīlakuntalaprasūnagucchagumphitekadā kariṣyasīha māṃ kṛpākaṭākṣabhājanam || 8||

नितम्बबिम्बलम्बमानपुष्पमेखलागुणेप्रशस्तरत्नकिङ्किणीकलापमध्यमञ्जुले ।करीन्द्रशुण्डदण्डकावराहसौभगोरुकेकदा करिष्यसीह मां कृपाकटाक्षभाजनम् ॥ ९॥

nitambabimbalambamānapuṣpamekhalāguṇepraśastaratnakiṅkiṇīkalāpamadhyamañjule |karīndraśuṇḍadaṇḍakāvarāhasaubhagorukekadā kariṣyasīha māṃ kṛpākaṭākṣabhājanam || 9||

अनेकमन्त्रनादमञ्जुनूपुरारवस्खलत्समाजराजहंसवंशनिक्वणातिगौरवे ।विलोलहेमवल्लरीविडम्बचारुचङ्क्रमेकदा करिष्यसीह मां कृपाकटाक्षभाजनम् ॥ १०॥

anekamantranādamañjunūpurāravaskhalatsamājarājahaṃsavaṃśanikvaṇātigaurave |vilolahemavallarīviḍambacārucaṅkramekadā kariṣyasīha māṃ kṛpākaṭākṣabhājanam || 10||

अनन्तकोटिविष्णुलोकनम्रपद्मजार्चितेहिमाद्रिजापुलोमजाविरिञ्चजावरप्रदे ।अपारसिद्धिऋद्धिदिग्धसम्पदङ्गुलीनखेकदा करिष्यसीह मां कृपाकटाक्षभाजनम् ॥ ११॥

anantakoṭiviṣṇulokanamrapadmajārcitehimādrijāpulomajāviriñcajāvaraprade |apārasiddhiṛddhidigdhasampadaṅgulīnakhekadā kariṣyasīha māṃ kṛpākaṭākṣabhājanam || 11||

मखेश्वरि क्रियेश्वरि स्वधेश्वरि सुरेश्वरित्रिवेदभारतीश्वरि प्रमाणशासनेश्वरि ।रमेश्वरि क्षमेश्वरि प्रमोदकाननेश्वरिव्रजेश्वरि व्रजाधिपे श्रीराधिके नमोऽस्तु ते ॥ १२॥

makheśvari kriyeśvari svadheśvari sureśvaritrivedabhāratīśvari pramāṇaśāsaneśvari |rameśvari kṣameśvari pramodakānaneśvarivrajeśvari vrajādhipe śrīrādhike namo'stu te || 12||

अमुं ममाद्भुतं स्तवं निशम्य भानुनन्दनीकरोतु सन्ततं जनं कृपाकटाक्षभाजनम् ।भवेत्तदैव सञ्चितत्रिरूपकर्मनाशनंभवेत्तदा व्रजेन्द्रसूनुमण्डलप्रवेशनम् ॥ १३॥

amuṃ mamādbhutaṃ stavaṃ niśamya bhānunandanīkarotu santataṃ janaṃ kṛpākaṭākṣabhājanam |bhavettadaiva sañcitatrirūpakarmanāśanaṃbhavettadā vrajendrasūnumaṇḍalapraveśanam || 13||

फलश्रुतिःराकायाञ्च सिताष्टम्यां दश्म्याञ्च विशुद्धधीः ।एकादश्यां त्रयोदश्यां यः पठेत्सशिवः स्वयम् ॥ १४॥

phalaśrutiḥrākāyāñca sitāṣṭamyāṃ daśmyāñca viśuddhadhīḥ |ekādaśyāṃ trayodaśyāṃ yaḥ paṭhetsaśivaḥ svayam || 14||

यं यं कामयते कामं तन्तमाप्नोति साधकः ।राधाकृपाकटाक्षेण भुक्त्वान्ते मोक्षमाप्नुयात् ॥ १५॥

yaṃ yaṃ kāmayate kāmaṃ tantamāpnoti sādhakaḥ |rādhākṛpākaṭākṣeṇa bhuktvānte mokṣamāpnuyāt || 15||

ऊरुदघ्ने नाभिदघ्ने हृदघ्ने कण्ठदघ्नके ।राधाकुण्डजले स्थित्वा यः पठेत्साधकस्तु सः ॥ १६॥

ūrudaghne nābhidaghne hṛdaghne kaṇṭhadaghnake |rādhākuṇḍajale sthitvā yaḥ paṭhetsādhakastu saḥ || 16||

तस्य सर्वार्थसिद्धिः स्याद्वाक्सिद्धिञ्च तथा लभेत् ।ऐश्वर्यञ्च लभेत्साक्षाद्दृशा पश्यन्ति राधिकाम् ॥ १७॥

tasya sarvārthasiddhiḥ syādvāksiddhiñca tathā labhet |aiśvaryañca labhetsākṣāddṛśā paśyanti rādhikām || 17||

तेन सा तत्क्षणादेव तुष्टा दत्ते महावरम् ।येन पश्यन्ति नेत्राभ्यां तत्प्रियं श्यामसुन्दरम् ॥ १८॥

tena sā tatkṣaṇādeva tuṣṭā datte mahāvaram |yena paśyanti netrābhyāṃ tatpriyaṃ śyāmasundaram || 18||

नित्यलीलाप्रवेश्यञ्च ददाति श्रीव्रजाधिपः ।अतः परतरं प्राप्त्यै वैष्णवस्य न विद्यते ॥ १९॥

nityalīlāpraveśyañca dadāti śrīvrajādhipaḥ |ataḥ parataraṃ prāptyai vaiṣṇavasya na vidyate || 19||

इति ऊर्ध्वानायतन्त्रान्तर्गतः श्रीराधाकृपाकटाक्षस्तवराजः सम्पूर्णः ।ंइघ्त्य् मेन्दिचन्त्स् पय् ओबेइसन्चे अत् हेर् फ़ीत्य़ोउर् हन्द्स् अरे लिके लोतुसेस्ऊसिन्ग् चोय् ग्लन्चेस्, योउ कीप् ळोर्द् ख़्रिश्न एन्रप्तुरेद्य़ोउ वेअर् अ थ्री-स्त्रन्देद् नेच्क्लचेळूक्स् लिके अ स्वयिन्ग् गोल्देन् त्विनेंअनिश् ंओदि, ंउम्बै, ख़्रिश्न ज़न्मष्टमी, आउगुस्त् २०२०

iti ūrdhvānāyatantrāntargataḥ śrīrādhākṛpākaṭākṣastavarājaḥ sampūrṇaḥ |ṃighty mendicants pay obeisance at her फ़ītय़our hands are like lotusesūsing coy glances, you kīp ḷord ख़riśna enrapturedय़ou vear a thrī-stranded necklaceḷūks like a svaying golden tvineṃaniś ṃodi, ṃumbai, ख़riśna ज़nmaṣṭamī, āugust 2020