राधाष्टकम् ३ Radha Ashtakam

नमस्ते श्रियै राधिकायै परायैनमस्ते नमस्ते मुकुन्दप्रियायै ।सदानन्दरूपे प्रसीद त्वमन्तःप्रकाशे स्फुरन्ती मुकुन्देन सार्धम् ॥ १॥

namaste śriyai rādhikāyai parāyainamaste namaste mukundapriyāyai |sadānandarūpe prasīda tvamantaḥprakāśe sphurantī mukundena sārdham || 1||

स्ववासोपहारं यशोदासुतं वास्वदध्यादिचौरं समाराधयन्तीम् ।स्वदाम्नोदरे या बबन्धाशु नीव्याप्रपद्ये नु दामोदरप्रेयसीं ताम् ॥ २॥

svavāsopahāraṃ yaśodāsutaṃ vāsvadadhyādicauraṃ samārādhayantīm |svadāmnodare yā babandhāśu nīvyāprapadye nu dāmodarapreyasīṃ tām || 2||

दुराराध्यमाराध्य कृष्णं वशे तंमहाप्रेमपूरेण राधाभिधाभूः ।स्वयं नामकीर्त्या हरौ प्रेम यच्छत्प्रपन्नाय मे कृष्णरूपे समक्षम् ॥ ३॥

durārādhyamārādhya kṛṣṇaṃ vaśe taṃmahāpremapūreṇa rādhābhidhābhūḥ |svayaṃ nāmakīrtyā harau prema yacchatprapannāya me kṛṣṇarūpe samakṣam || 3||

मुकुन्दस्त्वया प्रेमडोरेण बद्धःपतङ्गो यथा त्वामनुभ्राम्यमाणः ।उपक्रीडयन् हार्दमेवानुगच्छन्कृपावर्तते कारयातो मयीष्टिम् ॥ ४॥

mukundastvayā premaḍoreṇa baddhaḥpataṅgo yathā tvāmanubhrāmyamāṇaḥ |upakrīḍayan hārdamevānugacchankṛpāvartate kārayāto mayīṣṭim || 4||

व्रजन्तीं स्ववृन्दावने नित्यकालंमुकुन्देन साकं विधायाङ्कमालाम् ।समामोक्ष्यमाणानुकम्पाकटाक्षैःश्रियं चिन्तये सच्चिदानन्दरूपाम् ॥ ५॥

vrajantīṃ svavṛndāvane nityakālaṃmukundena sākaṃ vidhāyāṅkamālām |samāmokṣyamāṇānukampākaṭākṣaiḥśriyaṃ cintaye saccidānandarūpām || 5||

मुकुन्दानुरागेण रोमाञ्चिताङ्गैरहं वेप्यमानां तनुस्वेदबिन्दुम् ।महाहार्दवृष्ट्या कृपापाङ्गदृष्ट्यासमालोकयन्तीं कदा मां विचक्षे ॥ ६॥

mukundānurāgeṇa romāñcitāṅgairahaṃ vepyamānāṃ tanusvedabindum |mahāhārdavṛṣṭyā kṛpāpāṅgadṛṣṭyāsamālokayantīṃ kadā māṃ vicakṣe || 6||

यद् अङ्कावलोके महालालसौघंमुकुन्दः करोति स्वयं ध्येयपादः ।पदं राधिके ते सदा दर्शयान्तर्हृदिस्थं नमन्तं किरद्रोचिषं माम् ॥ ७॥

yad aṅkāvaloke mahālālasaughaṃmukundaḥ karoti svayaṃ dhyeyapādaḥ |padaṃ rādhike te sadā darśayāntarhṛdisthaṃ namantaṃ kiradrociṣaṃ mām || 7||

सदा राधिकानाम जिह्वाग्रतः स्यात्सदा राधिकारूपमक्ष्यग्र आस्ताम् ।श्रुतौ राधिकाकीर्तिरन्तःस्वभावेगुणा राधिकायाः श्रिया एतद् ईहे ॥ ८॥

sadā rādhikānāma jihvāgrataḥ syātsadā rādhikārūpamakṣyagra āstām |śrutau rādhikākīrtirantaḥsvabhāveguṇā rādhikāyāḥ śriyā etad īhe || 8||

इदं त्वष्टकं राधिकायाः प्रियायाःपठेयुः सदैवं हि दामोदरस्य ।सुतिष्ठन्ति वृन्दावने कृष्णधाम्निसखीमूर्तयो युग्मसेवानुकूलाः ॥ ९॥

idaṃ tvaṣṭakaṃ rādhikāyāḥ priyāyāḥpaṭheyuḥ sadaivaṃ hi dāmodarasya |sutiṣṭhanti vṛndāvane kṛṣṇadhāmnisakhīmūrtayo yugmasevānukūlāḥ || 9||

इति श्रीनिम्बार्काचार्यविरचितम् राधाष्टकं सम्पूर्णम् ।

iti śrīnimbārkācāryaviracitam rādhāṣṭakaṃ sampūrṇam |