भवानीकवचम् Shribhavanikavacham

श्रीगणेशाय नमः ।श्री पार्वत्युवाच ।भगवन् सर्वमाख्यातं मन्त्रं यन्त्रं शुभ प्रदम् ।भवान्याः कवचं ब्रूहि यद्यहं वल्लभा तव ॥ १॥

śrīgaṇeśāya namaḥ |śrī pārvatyuvāca |bhagavan sarvamākhyātaṃ mantraṃ yantraṃ śubha pradam |bhavānyāḥ kavacaṃ brūhi yadyahaṃ vallabhā tava || 1||

ईश्वर उवाच ।गुह्याद्गुह्यतरं गोप्यं भवान्याः सर्वकामदम् ।कवचं मोहनं देवि गुरुभक्त्या प्रकाशितम् ॥ २॥

īśvara uvāca |guhyādguhyataraṃ gopyaṃ bhavānyāḥ sarvakāmadam |kavacaṃ mohanaṃ devi gurubhaktyā prakāśitam || 2||

राज्यं देयं च सर्वस्वं कवचं न प्रकाशयेत् ।गुरु भक्ताय दातव्यमन्यथा सिद्धिदं नहि ॥ ३॥

rājyaṃ deyaṃ ca sarvasvaṃ kavacaṃ na prakāśayet |guru bhaktāya dātavyamanyathā siddhidaṃ nahi || 3||

ॐ अस्य श्रीभवानी कवचस्य सदाशिव ऋषिरनुष्टुप छन्दः\,मम सर्वकामना सिद्धयर्थे श्रीभवानी त्रैलोक्यमोहनकवचपाठे विनियोगःपद्मबीजाशिरः पातु ललाटे पञ्चमीपरा ।नेत्रे काम प्रदा पातु मुखं भुवन सुन्दरी ॥ ४॥

oṃ asya śrībhavānī kavacasya sadāśiva ṛṣiranuṣṭupa chandaḥ\,mama sarvakāmanā siddhayarthe śrībhavānī trailokyamohanakavacapāṭhe viniyogaḥpadmabījāśiraḥ pātu lalāṭe pañcamīparā |netre kāma pradā pātu mukhaṃ bhuvana sundarī || 4||

नासिकां नारसिंही च जिह्वां ज्वालामुखी तथा ।श्रोत्रे च जगतां धात्री करौ सा विन्ध्यवासिनी ॥ ५॥

nāsikāṃ nārasiṃhī ca jihvāṃ jvālāmukhī tathā |śrotre ca jagatāṃ dhātrī karau sā vindhyavāsinī || 5||

स्तनौ च कामकामा च पातु देवी सदाशुचिः ।उदरं मोहदमनी कण्डली नाभमण्डलम् ॥ ६॥

stanau ca kāmakāmā ca pātu devī sadāśuciḥ |udaraṃ mohadamanī kaṇḍalī nābhamaṇḍalam || 6||

पार्श्वं पृष्ठकटी गुह्यस्थाननिवासिनी ।ऊरू मे हिङ्गुला चैव जानुनी कमठा तथा ॥ ७॥

pārśvaṃ pṛṣṭhakaṭī guhyasthānanivāsinī |ūrū me hiṅgulā caiva jānunī kamaṭhā tathā || 7||

पादौ विघ्नविनाशा च अङ्गुलीः पृथिवी तथा ।रक्षरक्ष महामाये पद्मे पद्मालये शिवे ॥ ८॥

pādau vighnavināśā ca aṅgulīḥ pṛthivī tathā |rakṣarakṣa mahāmāye padme padmālaye śive || 8||

वाञ्छितं पूरयित्वा तु भवानी पातु सर्वदा ।य इदं कवचं देव्या जानाति सच मन्त्रवित् ॥ ९॥

vāñchitaṃ pūrayitvā tu bhavānī pātu sarvadā |ya idaṃ kavacaṃ devyā jānāti saca mantravit || 9||

राजद्वारे श्मशाने च भूतप्रेतोपचारिके ।बन्धने च महादुःखे पठेच्छत्रुसमागमे ॥ १०॥

rājadvāre śmaśāne ca bhūtapretopacārike |bandhane ca mahāduḥkhe paṭhecchatrusamāgame || 10||

स्मरणात्कवचस्यास्य निर्भयो जायते नरः ।प्रयोगमुपचारस्य भवान्याः कर्तुमिच्छति ॥ ११॥

smaraṇātkavacasyāsya nirbhayo jāyate naraḥ |prayogamupacārasya bhavānyāḥ kartumicchati || 11||

कवचं प्रपठेदादौ ततः सिद्धिमवाप्नुयात् ।भूर्जपत्रे लिखित्वा तु कवचं यस्तुधारयेत् ॥ १२॥

kavacaṃ prapaṭhedādau tataḥ siddhimavāpnuyāt |bhūrjapatre likhitvā tu kavacaṃ yastudhārayet || 12||

देहे च यत्र कुत्रापि सर्व सिद्धिर्भवेन्नरः ।शस्त्रास्त्रस्य भयं नैव भूतादि भयनाशनम् ॥ १३॥

dehe ca yatra kutrāpi sarva siddhirbhavennaraḥ |śastrāstrasya bhayaṃ naiva bhūtādi bhayanāśanam || 13||

गुरु भक्तिं समासाद्य भवान्यास्तवनं कुरु ।सहस्र नाम पठने कवचं प्रथमं गुरु ॥ १४॥

guru bhaktiṃ samāsādya bhavānyāstavanaṃ kuru |sahasra nāma paṭhane kavacaṃ prathamaṃ guru || 14||

नन्दिने कथितं देवि तवाग्रे च प्रकाशितम् ।सागन्ता जायते देवि नान्यथा गिरिनन्दिनि ॥ १५॥

nandine kathitaṃ devi tavāgre ca prakāśitam |sāgantā jāyate devi nānyathā girinandini || 15||

इदं कवचमज्ञात्वा भवानीं स्तौतियो नरः ।कल्प कोटि शतेनापि नभवेत्सिद्धिदायिनी ॥ १६॥

idaṃ kavacamajñātvā bhavānīṃ stautiyo naraḥ |kalpa koṭi śatenāpi nabhavetsiddhidāyinī || 16||

॥ इति श्रीभवानी त्रैलोक्यमोहनकवचं सम्पूर्णम् ॥

|| iti śrībhavānī trailokyamohanakavacaṃ sampūrṇam ||