गोमत्यम्बाष्टकम् Shrigomatyambashtakam

ॐ श्रीगणेशाय नमः ॥भूकैलासे मनोज्ञे भुवनवनवृते नागतीर्थोपकण्ठेरत्नप्रकारमध्ये रविचन्द्रमहायोगपीठे निषण्णम् ।संसारव्याधिवैद्यं सकलजननुतं शङ्खपद्मार्चिताङ्घ्रिंगोमत्यम्बासमेतं हरिहरवपुषं शङ्करेशं नमामि ॥लक्ष्मीवाणीनिषेविताम्बुजपदां लावण्यशोभां शिवांलक्ष्मीवल्लभपद्मसम्भवनुतां लम्बोदरोल्लासिनीम् ।नित्यं कौशिकवन्द्यमानचरणां ह्रीङ्कारमन्त्रोज्ज्वलांश्रीपुन्नागवनेश्वरस्य महिषीं ध्यायेत्सदा गोमतीम् ॥ १॥

oṃ śrīgaṇeśāya namaḥ ||bhūkailāse manojñe bhuvanavanavṛte nāgatīrthopakaṇṭheratnaprakāramadhye ravicandramahāyogapīṭhe niṣaṇṇam |saṃsāravyādhivaidyaṃ sakalajananutaṃ śaṅkhapadmārcitāṅghriṃgomatyambāsametaṃ hariharavapuṣaṃ śaṅkareśaṃ namāmi ||lakṣmīvāṇīniṣevitāmbujapadāṃ lāvaṇyaśobhāṃ śivāṃlakṣmīvallabhapadmasambhavanutāṃ lambodarollāsinīm |nityaṃ kauśikavandyamānacaraṇāṃ hrīṅkāramantrojjvalāṃśrīpunnāgavaneśvarasya mahiṣīṃ dhyāyetsadā gomatīm || 1||

देवीं दानवराजदर्पहरिणीं देवेन्द्रसम्पत्प्रदांगन्धर्वोरगयक्षसेवितपदां श्रीशैलमध्यस्थिताम् ।जातीचम्पकमल्लिकादिकुसुमैः संशोभिताङ्घ्रिद्वयांश्रीपुन्नागवनेश्वरस्य महिषीं ध्यायेत्सदा गोमतीम् ॥ २॥

devīṃ dānavarājadarpahariṇīṃ devendrasampatpradāṃgandharvoragayakṣasevitapadāṃ śrīśailamadhyasthitām |jātīcampakamallikādikusumaiḥ saṃśobhitāṅghridvayāṃśrīpunnāgavaneśvarasya mahiṣīṃ dhyāyetsadā gomatīm || 2||

उद्यत्कोटिविकर्तनद्युतिनिभां मौर्वीं भवाम्भोनिधेःउद्यत्तारकनाथतुल्यवदनामुद्योतयन्तीं जगत् ।हस्तन्यस्तशुकप्रणाळसहितां हर्षप्रदामम्बिकांश्रीपुन्नागवनेश्वरस्य महिषीं ध्यायेत्सदा गोमतीम् ॥ ३॥

udyatkoṭivikartanadyutinibhāṃ maurvīṃ bhavāmbhonidheḥudyattārakanāthatulyavadanāmudyotayantīṃ jagat |hastanyastaśukapraṇāḷasahitāṃ harṣapradāmambikāṃśrīpunnāgavaneśvarasya mahiṣīṃ dhyāyetsadā gomatīm || 3||

कल्याणीं कमनीयमूर्तिसहितां कर्पूरदीपोज्ज्वलांकर्णान्तायतलोचनां कळरवां कामेश्वरीं शङ्करीम् ।कस्तूरितिलकोज्ज्वलां सकरुणां कैवल्यसौख्यप्रदांश्रीपुन्नागवनेश्वरस्य महिषीं ध्यायेत्सदा गोमतीम् ॥ ४॥

kalyāṇīṃ kamanīyamūrtisahitāṃ karpūradīpojjvalāṃkarṇāntāyatalocanāṃ kaḷaravāṃ kāmeśvarīṃ śaṅkarīm |kastūritilakojjvalāṃ sakaruṇāṃ kaivalyasaukhyapradāṃśrīpunnāgavaneśvarasya mahiṣīṃ dhyāyetsadā gomatīm || 4||

वैडूर्यादिसमस्तरत्नखचिते कल्याणसिंहासनेस्थित्वाऽशेषजनस्य पालनकरीं श्रीराजराजेश्वरीम् ।भक्ताभीष्टफलप्रदां भयहरां भण्डस्य युद्धोत्सुकांश्रीपुन्नागवनेश्वरस्य महिषीं ध्यायेत्सदा गोमतीम् ॥ ५॥

vaiḍūryādisamastaratnakhacite kalyāṇasiṃhāsanesthitvā'śeṣajanasya pālanakarīṃ śrīrājarājeśvarīm |bhaktābhīṣṭaphalapradāṃ bhayaharāṃ bhaṇḍasya yuddhotsukāṃśrīpunnāgavaneśvarasya mahiṣīṃ dhyāyetsadā gomatīm || 5||

शैलाधीशसुतां सरोजनयनां सर्वाघविध्वंसिनींसन्मार्गस्थितलोकरक्षणपरां सर्वेश्वरीं शाम्भवीम् ।नित्यं नारदतुम्बुरुप्रभृतिभिर्वीणाविनोदस्थितांश्रीपुन्नागवनेश्वरस्य महिषीं ध्यायेत्सदा गोमतीम् ॥ ६॥

śailādhīśasutāṃ sarojanayanāṃ sarvāghavidhvaṃsinīṃsanmārgasthitalokarakṣaṇaparāṃ sarveśvarīṃ śāmbhavīm |nityaṃ nāradatumburuprabhṛtibhirvīṇāvinodasthitāṃśrīpunnāgavaneśvarasya mahiṣīṃ dhyāyetsadā gomatīm || 6||

पापारण्यदवानलां प्रभजतां भाग्यप्रदां भक्तिदांभक्तापत्कुलशैलभेदनपविं प्रत्यक्षमूर्तिं पराम् ।मार्कण्डेयपराशरादिमुनिभिः संस्तूयमानामुमांश्रीपुन्नागवनेश्वरस्य महिषीं ध्यायेत्सदा गोमतीम् ॥ ७॥

pāpāraṇyadavānalāṃ prabhajatāṃ bhāgyapradāṃ bhaktidāṃbhaktāpatkulaśailabhedanapaviṃ pratyakṣamūrtiṃ parām |mārkaṇḍeyaparāśarādimunibhiḥ saṃstūyamānāmumāṃśrīpunnāgavaneśvarasya mahiṣīṃ dhyāyetsadā gomatīm || 7||

चेतारण्यनिवासिनीं प्रतिदिनं स्तोत्रेण पूर्णाननां (श्वेतारण्यनिवासिनीं)त्वत्पादाम्बुजसक्तपूर्णमनसां स्तोकेतरेष्टप्रदाम् ।नानावाद्यवैभवशोभितपदां नारायणस्यानुजां मेतेर्?श्रीपुन्नागवनेश्वरस्य महिषीं ध्यायेत्सदा गोमतीम् ॥ ८॥

cetāraṇyanivāsinīṃ pratidinaṃ stotreṇa pūrṇānanāṃ (śvetāraṇyanivāsinīṃ)tvatpādāmbujasaktapūrṇamanasāṃ stoketareṣṭapradām |nānāvādyavaibhavaśobhitapadāṃ nārāyaṇasyānujāṃ meter?śrīpunnāgavaneśvarasya mahiṣīṃ dhyāyetsadā gomatīm || 8||

इति श्रीगोमत्यम्बाष्टकं सम्पूर्णम् ।इति शिवम् ॥

iti śrīgomatyambāṣṭakaṃ sampūrṇam |iti śivam ||