योगाम्बाष्टकम् Shri Yogamba Ashtakam

उद्यद्भानुसहस्रकोटिविलसद्देहप्रभोद्भासितांमुक्ताहारविभूषितामगसुतां कौसुम्भवस्त्रान्विताम् ।हस्तस्थाक्षसुपुस्तकाभयवरां चन्द्रार्धचूडां शिवांश्रीमदुकुन्दवनालयामनुदिनं ध्यायामि योगाम्बिकाम् ॥ १॥

udyadbhānusahasrakoṭivilasaddehaprabhodbhāsitāṃmuktāhāravibhūṣitāmagasutāṃ kausumbhavastrānvitām |hastasthākṣasupustakābhayavarāṃ candrārdhacūḍāṃ śivāṃśrīmadukundavanālayāmanudinaṃ dhyāyāmi yogāmbikām || 1||

सम्फुल्लत्कमलाननां करधृताम्भोजाभयाभीष्टदांपार्श्वस्थद्विरदेन्द्रवत्ससहितामाकर्णपूर्णेक्षणाम् ।कुम्भाकारकुचातिभारनमितश्रीमध्यभागां शिवांश्रीमत्कुन्दवनालयामनुदिनं ध्यायामि योगाम्बिकाम् ॥ २॥

samphullatkamalānanāṃ karadhṛtāmbhojābhayābhīṣṭadāṃpārśvasthadviradendravatsasahitāmākarṇapūrṇekṣaṇām |kumbhākārakucātibhāranamitaśrīmadhyabhāgāṃ śivāṃśrīmatkundavanālayāmanudinaṃ dhyāyāmi yogāmbikām || 2||

तप्तस्वर्णतनुप्रभां दरहसां कल्हारमध्यस्थितांकाञ्चीनूपुरकङ्कणाङ्गदलसद्ग्रैवेयहारोज्ज्वलाम् ।शुण्डादण्डसमानहस्तचतुरां चन्द्रार्धचूडां शिवांश्रीमद्कुन्दवनालयामनुदिनं ध्यायामि योगाम्बिकाम् ॥ ३॥

taptasvarṇatanuprabhāṃ darahasāṃ kalhāramadhyasthitāṃkāñcīnūpurakaṅkaṇāṅgadalasadgraiveyahārojjvalām |śuṇḍādaṇḍasamānahastacaturāṃ candrārdhacūḍāṃ śivāṃśrīmadkundavanālayāmanudinaṃ dhyāyāmi yogāmbikām || 3||

दीप्यत्कोमलसत्प्रवाललतिकां चित्रप्रभाभासुरांमत्तेपापृथुकुम्भसत्कुचनतां पूर्णेन्दुबिम्बाननाम् ।हस्तैश्शूलकपालकार्मुककशान् सम्बिभ्रतीं त्रीक्षणांश्रीमत्कुन्दवनालयामनुदिनं ध्यायामि योगाम्बिकाम् ॥ ४॥

dīpyatkomalasatpravālalatikāṃ citraprabhābhāsurāṃmattepāpṛthukumbhasatkucanatāṃ pūrṇendubimbānanām |hastaiśśūlakapālakārmukakaśān sambibhratīṃ trīkṣaṇāṃśrīmatkundavanālayāmanudinaṃ dhyāyāmi yogāmbikām || 4||

रक्ताङ्गीं मृगनाभिबिन्दुविलसद्बालेन्दुफालां परांशोणासृग्वसनां पयोधरनतां काश्मीरपङ्काञ्जिताम् ।हस्तस्थाशुगकार्मुकाङ्कुशकशान् सम्बिभ्रतीं श्रीमतींश्रीमत्कुन्दवनालयामनुदिनं ध्यायामि योगाम्बिकाम् ॥ ५॥

raktāṅgīṃ mṛganābhibinduvilasadbālenduphālāṃ parāṃśoṇāsṛgvasanāṃ payodharanatāṃ kāśmīrapaṅkāñjitām |hastasthāśugakārmukāṅkuśakaśān sambibhratīṃ śrīmatīṃśrīmatkundavanālayāmanudinaṃ dhyāyāmi yogāmbikām || 5||

नानारत्नसुवर्णभूषणगणैराढ्यां सुकौशेयिनींवक्षोजस्तबकादिचञ्चललतागात्रीं त्रिनेत्रां पराम् ।हस्तैरिक्षुधनुस्सुमाशुगकशान् सम्बिभ्रतीं शङ्करींश्रीमत्कुन्दवनालयमनुदिनं ध्यायामि योगाम्बिकाम् ॥ ६॥

nānāratnasuvarṇabhūṣaṇagaṇairāḍhyāṃ sukauśeyinīṃvakṣojastabakādicañcalalatāgātrīṃ trinetrāṃ parām |hastairikṣudhanussumāśugakaśān sambibhratīṃ śaṅkarīṃśrīmatkundavanālayamanudinaṃ dhyāyāmi yogāmbikām || 6||

दुग्धाम्भोनिधिमध्यमे सुरतरोर्व्यूहावृते मन्दिरेचिन्तारत्नमयेऽब्जसम्भवमुखैस्संसेव्यमानेऽमरैः ।पञ्चब्रह्ममयेऽतुलेऽतिरुचिरे मञ्चे सुखाध्यासिनींश्रीमत्कुन्दवनालयामनुदिनं ध्यायामि योगाम्बिकाम् ॥ ७॥

dugdhāmbhonidhimadhyame suratarorvyūhāvṛte mandirecintāratnamaye'bjasambhavamukhaissaṃsevyamāne'maraiḥ |pañcabrahmamaye'tule'tirucire mañce sukhādhyāsinīṃśrīmatkundavanālayāmanudinaṃ dhyāyāmi yogāmbikām || 7||

त्वं माता जनकः शिवो मम गुरुर्दैवं सुहृत्सद्धनंसर्वेषामपि जीवनं तनुभृतां सर्वैर्मुनीन्द्रैर्भृशम् ।सन्ध्येयं शरणं भवाब्धिपदतामन्तर्बहिर्व्यापिनींश्रीमत्कुन्दवनालयामनुदिनं ध्यायामि योगाम्बिकाम् ॥ ८॥

tvaṃ mātā janakaḥ śivo mama gururdaivaṃ suhṛtsaddhanaṃsarveṣāmapi jīvanaṃ tanubhṛtāṃ sarvairmunīndrairbhṛśam |sandhyeyaṃ śaraṇaṃ bhavābdhipadatāmantarbahirvyāpinīṃśrīmatkundavanālayāmanudinaṃ dhyāyāmi yogāmbikām || 8||

मर्त्यो यः पठति स्तवं सुफलदं रौक्षायणार्षीरितंजिह्वाग्रे निवसेद्धिताय मुदिता ब्राह्मीन्दिरा मन्दिरे ।शर्वाणी हृदयाम्बुजे नृपतयो दासा महीमण्डलेसर्वार्थाननुभूय सर्वमहितं प्रायात् पदं शाङ्करम् ॥ ९॥

martyo yaḥ paṭhati stavaṃ suphaladaṃ raukṣāyaṇārṣīritaṃjihvāgre nivaseddhitāya muditā brāhmīndirā mandire |śarvāṇī hṛdayāmbuje nṛpatayo dāsā mahīmaṇḍalesarvārthānanubhūya sarvamahitaṃ prāyāt padaṃ śāṅkaram || 9||

इति रौक्षायणकृतं श्रीयोगाम्बाष्टकं सम्पूर्णम् ।

iti raukṣāyaṇakṛtaṃ śrīyogāmbāṣṭakaṃ sampūrṇam |