शिवकामसुन्दरीसहस्रनामस्तोत्रम् २ Shrishivakamasundarisahasranamastotram From Rudrayamala

॥ पूर्वपीठिका ॥समाहूय परं कान्तं एकदा विजने मुदा ।परमानन्दसन्दोहमुदितं प्राह पार्वती ॥ १॥

|| pūrvapīṭhikā ||samāhūya paraṃ kāntaṃ ekadā vijane mudā |paramānandasandohamuditaṃ prāha pārvatī || 1||

पार्वती उवाचश्रीमन्नाथ महानन्दकारणं ब्रूहि शङ्कर ।योगीन्द्रोपास्य देवेश प्रेमपूर्ण सुधानिधे ॥ २॥

pārvatī uvācaśrīmannātha mahānandakāraṇaṃ brūhi śaṅkara |yogīndropāsya deveśa premapūrṇa sudhānidhe || 2||

कृपास्ति मयि चेत् शम्भो सुगोप्यमपि कथ्यताम् ।शिवकामेश्वरीनामसाहस्रं वद मे प्रभो ॥ ३॥

kṛpāsti mayi cet śambho sugopyamapi kathyatām |śivakāmeśvarīnāmasāhasraṃ vada me prabho || 3||

श्रीशङ्कर उवाचनिर्भरानन्दसन्दोहः शक्तिभावेन जायते ।लावण्यसिन्धुस्तन्नापि सुन्दरी रसकन्धरा ॥ ४॥

śrīśaṅkara uvācanirbharānandasandohaḥ śaktibhāvena jāyate |lāvaṇyasindhustannāpi sundarī rasakandharā || 4||

तामेवानुक्षणं देवि चिन्तयामि ततः शिवे ।तस्या नामसहस्राणि कथयामि तव प्रिये ॥ ५॥

tāmevānukṣaṇaṃ devi cintayāmi tataḥ śive |tasyā nāmasahasrāṇi kathayāmi tava priye || 5||

सुगोप्यान्यपि रम्भोरु गम्भीरस्नेहविभ्रमात् ।तामेव स्तुवता देवीं ध्यायतोऽनुक्षणं मम ।सुखसन्दोहसम्भारभावनानन्दकारणम् ॥ ६॥

sugopyānyapi rambhoru gambhīrasnehavibhramāt |tāmeva stuvatā devīṃ dhyāyato'nukṣaṇaṃ mama |sukhasandohasambhārabhāvanānandakāraṇam || 6||

अस्य श्रीशिवकामसुन्दरीसहस्रनाम स्तोत्रमहामन्त्रस्य ।सदाशिव ऋषिः अनुष्टुप् छन्दः श्रीमच्छिवकामसुन्दरी देवता ।वाग्भवस्वरूपं ऐं बीजम् । चिदानन्दात्मकं ह्रीं शक्तिः ।कामराजात्मकं क्लीं कीलकम् ।श्रीमच्छिवकामसुन्दरीप्रसादसिद्ध्यर्थे जपे विनियोगः ॥षोडशार्णमूलेन न्यासः ॥षोडशार्णध्यानमेव अत्रापि ध्यानम् ।सिद्धसिद्धनवरत्नभूमिके कल्पवृक्षनववाटिसंवृते ।रत्नसालवनसम्भृतेऽनिशं तत्र वापिशतकेन संवृते ॥ ७॥

asya śrīśivakāmasundarīsahasranāma stotramahāmantrasya |sadāśiva ṛṣiḥ anuṣṭup chandaḥ śrīmacchivakāmasundarī devatā |vāgbhavasvarūpaṃ aiṃ bījam | cidānandātmakaṃ hrīṃ śaktiḥ |kāmarājātmakaṃ klīṃ kīlakam |śrīmacchivakāmasundarīprasādasiddhyarthe jape viniyogaḥ ||ṣoḍaśārṇamūlena nyāsaḥ ||ṣoḍaśārṇadhyānameva atrāpi dhyānam |siddhasiddhanavaratnabhūmike kalpavṛkṣanavavāṭisaṃvṛte |ratnasālavanasambhṛte'niśaṃ tatra vāpiśatakena saṃvṛte || 7||

रत्नवाटिमणिमण्डपेऽरुणे चपडभानुशतकोटिभासुरे ।आदिशैवमणिमञ्चके परे शङ्कराङ्कमणिपीठकोपरि ॥कादिहान्तमनुरूपिणीं शिवां संस्मरेच्च शिवकामसुन्दरीम् ॥ ८॥

ratnavāṭimaṇimaṇḍape'ruṇe capaḍabhānuśatakoṭibhāsure |ādiśaivamaṇimañcake pare śaṅkarāṅkamaṇipīṭhakopari ||kādihāntamanurūpiṇīṃ śivāṃ saṃsmarecca śivakāmasundarīm || 8||

लमित्यादि पञ्चपूजा ॥शिवकामेश्वरीनामसाहस्रस्तोत्रमुत्तमम् ।प्रोच्यते श्रद्धया देवि शृणुष्वावहिता प्रिये ॥ ९॥

lamityādi pañcapūjā ||śivakāmeśvarīnāmasāhasrastotramuttamam |procyate śraddhayā devi śṛṇuṣvāvahitā priye || 9||

कामेशीनामसाहस्रे सदाशिव ऋषिः स्मृतः ।छन्दोऽनुष्टुप् देवता च शिवकामेश्वरी स्मृता ॥ १०॥

kāmeśīnāmasāhasre sadāśiva ṛṣiḥ smṛtaḥ |chando'nuṣṭup devatā ca śivakāmeśvarī smṛtā || 10||

ऐं बीजं कीलकं क्लीं च ह्रीं शक्तिः कथिता प्रिये ।न्यासध्यानादिकं सर्वं षोडशार्णवदीरितम् ॥ ११॥

aiṃ bījaṃ kīlakaṃ klīṃ ca hrīṃ śaktiḥ kathitā priye |nyāsadhyānādikaṃ sarvaṃ ṣoḍaśārṇavadīritam || 11||

अनेन स्तोत्रराजेन सर्वाभीष्टं लभेत ना ।॥ अथ सहस्रनामस्तोत्रम् ॥श्रीशिवा शिवकामी च सुन्दरी भुवनेश्वरी ।आनन्दसिन्धुरानन्दानन्दमूर्तिर्विनोदिनी ॥ १॥

anena stotrarājena sarvābhīṣṭaṃ labheta nā ||| atha sahasranāmastotram ||śrīśivā śivakāmī ca sundarī bhuvaneśvarī |ānandasindhurānandānandamūrtirvinodinī || 1||

त्रैपुरी सुन्दरी प्रेमपाथोनिधिरनुत्तमा ।रामोल्लासा परा भूतिः विभूतिश्शङ्करप्रिया ॥ २॥

traipurī sundarī premapāthonidhiranuttamā |rāmollāsā parā bhūtiḥ vibhūtiśśaṅkarapriyā || 2||

शृङ्गारमूर्तिर्विरता रसानुभवरोचना ।परमानन्दलहरी रतिरङ्गवती सती ॥ ३॥

śṛṅgāramūrtirviratā rasānubhavarocanā |paramānandalaharī ratiraṅgavatī satī || 3||

रङ्गमालानङ्गकलाकेलिः कैवल्यदा कला ।रसकल्पा कल्पलता कुतूहलवती गतिः ॥ ४॥

raṅgamālānaṅgakalākeliḥ kaivalyadā kalā |rasakalpā kalpalatā kutūhalavatī gatiḥ || 4||

विनोददुग्धा सुस्निग्धा मुग्धमूर्तिनोहरा ।बालार्ककोटिकिरणा चन्द्रकोटिसुशीतला ॥ ५॥

vinodadugdhā susnigdhā mugdhamūrtinoharā |bālārkakoṭikiraṇā candrakoṭisuśītalā || 5||

स्रवत्पीयूषदिग्धाङ्गी सङ्गीत नटिका शिवा ।कुरङ्गनयना कान्ता सुखसन्ततिरिन्दिरा ॥ ६॥

sravatpīyūṣadigdhāṅgī saṅgīta naṭikā śivā |kuraṅganayanā kāntā sukhasantatirindirā || 6||

मङ्गला मधुरापाङ्गा रञ्जनी रमणी रतिः ।राजराजेश्वरी राज्ञी महेन्द्रपरिवन्दिता ॥ ७॥

maṅgalā madhurāpāṅgā rañjanī ramaṇī ratiḥ |rājarājeśvarī rājñī mahendraparivanditā || 7||

प्रपञ्चगतिरीशानी सामरस्यपरायणा ।हंसोल्लासा हंसगतिः शिञ्जत्कनकनूपुरा ॥ ८॥

prapañcagatirīśānī sāmarasyaparāyaṇā |haṃsollāsā haṃsagatiḥ śiñjatkanakanūpurā || 8||

मेरुमन्दरवक्षोजा सृणिपाशवरायुधा ।शङ्खकोदण्डसस्ताब्जपाणिद्वयविराजिता ॥ ९॥

merumandaravakṣojā sṛṇipāśavarāyudhā |śaṅkhakodaṇḍasastābjapāṇidvayavirājitā || 9||

चन्द्रबिम्बानना चारुमकुटोत्तंसचन्द्रिका ।सिन्दूरतिलका चारुधम्मिल्लामलमालिका ॥ १०॥

candrabimbānanā cārumakuṭottaṃsacandrikā |sindūratilakā cārudhammillāmalamālikā || 10||

मन्दारदाममुदिता रक्तपुष्पविभूषिता ।सुवर्णाभरणप्रीता मुक्तादाममनोहरा ॥ ११॥

mandāradāmamuditā raktapuṣpavibhūṣitā |suvarṇābharaṇaprītā muktādāmamanoharā || 11||

ताम्बूलपूरवदना मदनानन्दमानसा ।सुखाराध्या तपस्सारा कृपावारिधिरीश्वरी ॥ १२॥

tāmbūlapūravadanā madanānandamānasā |sukhārādhyā tapassārā kṛpāvāridhirīśvarī || 12||

वक्षःस्थललसन्मग्ना प्रभा मधुरसोन्मुखा ।बिन्दुनादात्मिका चारुरसिता तुर्यरूपिणी ॥ १३॥

vakṣaḥsthalalasanmagnā prabhā madhurasonmukhā |bindunādātmikā cārurasitā turyarūpiṇī || 13||

कमनीयाकृतिः धन्या शङ्करप्रीतिमञ्जरी ।कन्या कलावती माता गजेन्द्रगमना शुभा ॥ १४॥

kamanīyākṛtiḥ dhanyā śaṅkaraprītimañjarī |kanyā kalāvatī mātā gajendragamanā śubhā || 14||

कुमारी करभोरु श्रीः रूपलक्ष्मीः सुराजिता ।सन्तोषसीमा सम्पत्तिः शातकुम्भप्रिया द्युतिः ॥ १५॥

kumārī karabhoru śrīḥ rūpalakṣmīḥ surājitā |santoṣasīmā sampattiḥ śātakumbhapriyā dyutiḥ || 15||

परिपूर्णा जगद्धात्री विधात्री बलवर्धिनी ।सार्वभौमनृपश्रीश्च साम्राज्यगतिरासिका ॥ १६॥

paripūrṇā jagaddhātrī vidhātrī balavardhinī |sārvabhaumanṛpaśrīśca sāmrājyagatirāsikā || 16||

सरोजाक्षी दीर्घदृष्टिः सौचक्षणविचक्षणा ।रङ्गस्रवन्ती रसिका प्रधानरसरूपिणी ॥ १७॥

sarojākṣī dīrghadṛṣṭiḥ saucakṣaṇavicakṣaṇā |raṅgasravantī rasikā pradhānarasarūpiṇī || 17||

रससिन्धुः सुगात्री च युवतिः मैथुनोन्मुखी ।निरन्तरा रसासक्ता शक्तिस्त्रिभुवनात्मिका ॥कामाक्षी कामनिष्ठा च कामेशी भगमङ्गला ।सुभगा भगिनी भोग्या भाग्यदा भयदा भगा ।भगलिङ्गानन्दकला भगमध्यनिवासिनी ॥ १९॥

rasasindhuḥ sugātrī ca yuvatiḥ maithunonmukhī |nirantarā rasāsaktā śaktistribhuvanātmikā ||kāmākṣī kāmaniṣṭhā ca kāmeśī bhagamaṅgalā |subhagā bhaginī bhogyā bhāgyadā bhayadā bhagā |bhagaliṅgānandakalā bhagamadhyanivāsinī || 19||

भगरूपा भगमयी भगयन्त्रा भगोत्तमा ।योनिर्जया कामकला कुलामृतपरायणा ॥ २०॥

bhagarūpā bhagamayī bhagayantrā bhagottamā |yonirjayā kāmakalā kulāmṛtaparāyaṇā || 20||

कुलकुण्डालया सूक्ष्मजीवस्फुलिङ्गरूपिणी ।मूलस्थिता केलिरता वलयाकृतिरीडिता ॥ २१॥

kulakuṇḍālayā sūkṣmajīvasphuliṅgarūpiṇī |mūlasthitā keliratā valayākṛtirīḍitā || 21||

सुषुम्ना कमलानन्दा चित्रा कूर्मगतिर्गिरिः ।सितारुणा सिन्धुरूपा प्रवेगा निर्धनी क्षमा ॥ २२॥

suṣumnā kamalānandā citrā kūrmagatirgiriḥ |sitāruṇā sindhurūpā pravegā nirdhanī kṣamā || 22||

धण्टाकोटिरसारावा रविबिम्बोत्थिताद्भूता ।नादान्तलीना सम्पूर्णा प्रणवा बहुरूपिणी ॥ २३॥

dhaṇṭākoṭirasārāvā ravibimbotthitādbhūtā |nādāntalīnā sampūrṇā praṇavā bahurūpiṇī || 23||

भृङ्गारावा वशगतिः वागीशी मधुरध्वनिः ।वर्णमाला सिद्धिकला षट्चक्रक्रमवासिनी ॥ २४॥

bhṛṅgārāvā vaśagatiḥ vāgīśī madhuradhvaniḥ |varṇamālā siddhikalā ṣaṭcakrakramavāsinī || 24||

मणिपूरस्थिता स्निग्धा कूर्मचक्रपरायणा ।मूलकेलिरता साध्वी स्वाधिष्ठाननिवासिनी ॥ २५॥

maṇipūrasthitā snigdhā kūrmacakraparāyaṇā |mūlakeliratā sādhvī svādhiṣṭhānanivāsinī || 25||

अनाहतगतिर्दीपा शिवानन्दमयद्युतिः ।विरुद्धरुधा सम्बुद्धा जीवभोक्त्री स्थलीरता ॥ २६॥

anāhatagatirdīpā śivānandamayadyutiḥ |viruddharudhā sambuddhā jīvabhoktrī sthalīratā || 26||

आज्ञाचक्रोज्ज्वलस्फारस्फुरन्ती निर्गतद्विषा ।चन्द्रिका चन्द्रकोटीशी सूर्यकोटिप्रभामयी ॥ २७॥

ājñācakrojjvalasphārasphurantī nirgatadviṣā |candrikā candrakoṭīśī sūryakoṭiprabhāmayī || 27||

पद्मरागारुणच्छाया नित्याह्लादमयीप्रभा ।महाशून्यालया चन्द्रमण्डलामृतनन्दिता ॥ २८॥

padmarāgāruṇacchāyā nityāhlādamayīprabhā |mahāśūnyālayā candramaṇḍalāmṛtananditā || 28||

कान्ताङ्गसङ्गमुदिता सुधामाधुर्यसम्भृता ।महाचन्द्रस्मितालिसा मृत्पात्रस्था सुधाद्युतिः ॥ २९॥

kāntāṅgasaṅgamuditā sudhāmādhuryasambhṛtā |mahācandrasmitālisā mṛtpātrasthā sudhādyutiḥ || 29||

स्रवत्पीमूषसंसक्ता शश्वत्कुण्डालया भवा ।श्रेयो द्युतिः प्रत्यगर्था सेवा फलवती मही ॥ ३०॥

sravatpīmūṣasaṃsaktā śaśvatkuṇḍālayā bhavā |śreyo dyutiḥ pratyagarthā sevā phalavatī mahī || 30||

शिवा शिवप्रिया शैवा शङ्करी शाम्भवी विभुः ।स्वयम्भू स्वप्रिया स्वीया स्वकीया जनमातृका ॥सुरामा स्वप्रिया श्रेयः स्वाधिकाराधिनायिका ।मण्डला जननी मान्या सर्वमङ्गलसन्ततिः ॥ ३२॥

śivā śivapriyā śaivā śaṅkarī śāmbhavī vibhuḥ |svayambhū svapriyā svīyā svakīyā janamātṛkā ||surāmā svapriyā śreyaḥ svādhikārādhināyikā |maṇḍalā jananī mānyā sarvamaṅgalasantatiḥ || 32||

भद्रा भगवती भाव्या कलितार्धेन्दुभासुरा ।कल्याणललिता काम्या कुकर्मकुमतिप्रदा ॥ ३३॥

bhadrā bhagavatī bhāvyā kalitārdhendubhāsurā |kalyāṇalalitā kāmyā kukarmakumatipradā || 33||

कुरङ्गाक्षी क्षीरनेत्रा क्षीरा मधुरसोन्मदा ।वारुणीपानमुदिता मदिरामुदिता स्थिरा ॥ ३४॥

kuraṅgākṣī kṣīranetrā kṣīrā madhurasonmadā |vāruṇīpānamuditā madirāmuditā sthirā || 34||

कादम्बरीपानरुचिः विपाशा पशुभावना ।मुदिता ललितापाङ्गा दरान्दोलितदीर्घदृक् ॥ ३५॥

kādambarīpānaruciḥ vipāśā paśubhāvanā |muditā lalitāpāṅgā darāndolitadīrghadṛk || 35||

दैत्याकुलानलशिखा मनोरथसुधाद्युतिः ।सुवासिनी पीतगात्री पीनश्रोणिपयोधरा ॥ ३६॥

daityākulānalaśikhā manorathasudhādyutiḥ |suvāsinī pītagātrī pīnaśroṇipayodharā || 36||

सुचारुकबरी दध्युदध्युत्थिमौक्तिका ।बिम्बाधरद्युतिः मुग्धा प्रवालोत्तमदीधितिः ॥ ३७॥

sucārukabarī dadhyudadhyutthimauktikā |bimbādharadyutiḥ mugdhā pravālottamadīdhitiḥ || 37||

तिलप्रसूननासाग्रा हेममौक्तिककोरका ।निष्कलङ्केन्दुवदना बालेन्दुवदनोज्वला ॥ ३८॥

tilaprasūnanāsāgrā hemamauktikakorakā |niṣkalaṅkenduvadanā bālenduvadanojvalā || 38||

नृत्यन्त्यञ्जननेत्रान्ता प्रस्फुरत्कर्णशष्कुली ।भालचन्द्रातपोन्नद्धा मणिसूर्यकिरीटिनी ॥ ३९॥

nṛtyantyañjananetrāntā prasphuratkarṇaśaṣkulī |bhālacandrātaponnaddhā maṇisūryakirīṭinī || 39||

कचौघचम्पकश्रेणी मालिनीदाममण्डिता ।हेममाणिक्य ताटङ्का मणिकाञ्चन कुण्डला ॥ ४०॥

kacaughacampakaśreṇī mālinīdāmamaṇḍitā |hemamāṇikya tāṭaṅkā maṇikāñcana kuṇḍalā || 40||

सुचारुचुबुका कम्बुकण्ठी कुण्डावली रमा ।गङ्गातरङ्गहारोर्मिः मत्तकोकिलनिस्वना ॥ ४१॥

sucārucubukā kambukaṇṭhī kuṇḍāvalī ramā |gaṅgātaraṅgahārormiḥ mattakokilanisvanā || 41||