भवानीसहस्रनामस्तोत्रम् Shri Bhavani Shahasranamastotram

श्रीगणेशाय नमः ।कैलास शिखरे रम्ये देवदेवं महेश्वरम् ।ध्यानोपरतमासीनं प्रसन्नमुखपङ्कजम् ॥ १॥

śrīgaṇeśāya namaḥ |kailāsa śikhare ramye devadevaṃ maheśvaram |dhyānoparatamāsīnaṃ prasannamukhapaṅkajam || 1||

सुरासुरशिरोरत्नरञ्जिताङ्घ्रियुगं प्रभुम् ।प्रणम्य शिरसा नन्दी बद्धाञ्जलिरभाषत ॥ २॥

surāsuraśiroratnarañjitāṅghriyugaṃ prabhum |praṇamya śirasā nandī baddhāñjalirabhāṣata || 2||

श्रीनन्दिकेश्वर उवाच ।देवदेव जगन्नाथ संशयोऽस्ति महान्मम ।रहस्यमेकमिच्छामि प्रष्टुं त्वां भक्तवत्सल ॥ ३॥

śrīnandikeśvara uvāca |devadeva jagannātha saṃśayo'sti mahānmama |rahasyamekamicchāmi praṣṭuṃ tvāṃ bhaktavatsala || 3||

देवतायास्त्वया कस्याः स्तोत्रमेतद्दिवानिशम् ।पठ्यते निरतं नाथ त्वत्तः किमपरं महत् ॥ ४॥

devatāyāstvayā kasyāḥ stotrametaddivāniśam |paṭhyate nirataṃ nātha tvattaḥ kimaparaṃ mahat || 4||

इति पृष्टस्तदा देवो नन्दिकेन जगद्गुरुः ।प्रोवाच भगवानीशो विकसन्नेत्रपङ्कजः ॥ ५॥

iti pṛṣṭastadā devo nandikena jagadguruḥ |provāca bhagavānīśo vikasannetrapaṅkajaḥ || 5||

ईश्वर उवाच ।साधु साधु गुणश्रेष्ठ पृष्टवानसि मां च यत् ।स्कन्दस्यापि च यद्गोप्यं रहस्यं कथयामि तत् ॥ ६॥

īśvara uvāca |sādhu sādhu guṇaśreṣṭha pṛṣṭavānasi māṃ ca yat |skandasyāpi ca yadgopyaṃ rahasyaṃ kathayāmi tat || 6||

पुरा कल्पक्षये लोकान्सिसृक्षुर्मूढचेतनः ।गुणत्रयमयी शक्तिर्मूलप्रकृतिसंज्ञिता ॥ ७॥

purā kalpakṣaye lokānsisṛkṣurmūḍhacetanaḥ |guṇatrayamayī śaktirmūlaprakṛtisaṃjñitā || 7||

तस्यामहं समुत्पन्नस्तत्वैस्तैर्महदादिभिः ।चेतनेति ततः शक्तिर्मां काप्यालिङ्ग्य तस्थुषी ॥ ८॥

tasyāmahaṃ samutpannastatvaistairmahadādibhiḥ |cetaneti tataḥ śaktirmāṃ kāpyāliṅgya tasthuṣī || 8||

हेतुस्सङ्कल्पजालस्य मनोधिष्ठायिनी शुभा ।इच्छेति परमा शक्तिरुन्मिलति ततः परम् ॥ ९॥

hetussaṅkalpajālasya manodhiṣṭhāyinī śubhā |iccheti paramā śaktirunmilati tataḥ param || 9||

ततो वागिति विख्याता शक्तिः शब्दमयी पुरा ।प्रादुरासीज्जगन्माता वेदमाता सरस्वती ॥ १०॥

tato vāgiti vikhyātā śaktiḥ śabdamayī purā |prādurāsījjaganmātā vedamātā sarasvatī || 10||

ब्राह्मी च वैष्णवी सैन्द्री कौमारी पार्वती शिवा ।सिद्धिदा बुद्धिदा शान्ता सर्वमङ्गलदायिनी ॥ ११॥

brāhmī ca vaiṣṇavī saindrī kaumārī pārvatī śivā |siddhidā buddhidā śāntā sarvamaṅgaladāyinī || 11||

तयैतत्सृज्यते विश्वमनाधारं च धार्यते ।तयैतत्पाल्यते सर्वं तस्यामेव प्रलीयते ॥ १२॥

tayaitatsṛjyate viśvamanādhāraṃ ca dhāryate |tayaitatpālyate sarvaṃ tasyāmeva pralīyate || 12||

अर्चिता प्रणता ध्याता सर्वभावविनिश्चतैः ।आराधिता स्तुता सैव सर्वसिद्धिप्रदायिनी ॥ १३॥

arcitā praṇatā dhyātā sarvabhāvaviniścataiḥ |ārādhitā stutā saiva sarvasiddhipradāyinī || 13||

तस्याश्चानुग्रहादेव तामेव स्तुतवानहम् ।सहस्रैर्नामर्भिर्दिव्यैस्त्रैलोक्य प्रणिपूजितैः ॥ १४॥

tasyāścānugrahādeva tāmeva stutavānaham |sahasrairnāmarbhirdivyaistrailokya praṇipūjitaiḥ || 14||

स्तवेनानेन सन्तुष्टा मामेव प्रतिवेश सा ।तदारभ्य मया प्राप्तमैश्वर्यं पदमुत्तमम् ॥ १५॥

stavenānena santuṣṭā māmeva prativeśa sā |tadārabhya mayā prāptamaiśvaryaṃ padamuttamam || 15||

तत्प्रभावान्मया सृष्टं जगदेतच्चराचरम् ।ससुरासुरगन्धर्वयक्षराक्षसमानवम् ॥ १६॥

tatprabhāvānmayā sṛṣṭaṃ jagadetaccarācaram |sasurāsuragandharvayakṣarākṣasamānavam || 16||

सपन्नगं साच्छिकं च सशैलवनकाननम् ।सराशिग्रहनक्षत्रं पञ्चभूतगुणान्वितम् ॥ १७॥

sapannagaṃ sācchikaṃ ca saśailavanakānanam |sarāśigrahanakṣatraṃ pañcabhūtaguṇānvitam || 17||

नन्दिन्नाम सहस्रेण स्तवेनानेन सर्वदा ।स्तौम्यहं परापराशक्तिं ममानुग्रहकारिणीम् ॥ १८॥

nandinnāma sahasreṇa stavenānena sarvadā |staumyahaṃ parāparāśaktiṃ mamānugrahakāriṇīm || 18||

इत्युक्त्वोपरतं देवं चराचरगुरुं विभुम् ।प्रणम्य शिरसा नन्दी प्रोवाच परमेश्वरम् ॥ १९॥

ityuktvoparataṃ devaṃ carācaraguruṃ vibhum |praṇamya śirasā nandī provāca parameśvaram || 19||

श्रीनन्दिकेश्वर उवाच ।भगवन्देवदेवेश लोकनाथ जगत्पते ।भक्तोऽस्मि तव दासोऽस्मि प्रसादः क्रियतां मयि ॥ २०॥

śrīnandikeśvara uvāca |bhagavandevadeveśa lokanātha jagatpate |bhakto'smi tava dāso'smi prasādaḥ kriyatāṃ mayi || 20||

देव्याः स्तवमिदं पुण्यं दुर्लभं यत्सुरैरपि ।श्रोतुमिच्छाम्यहं देव प्रभावमपि चास्य तु ॥ २१॥

devyāḥ stavamidaṃ puṇyaṃ durlabhaṃ yatsurairapi |śrotumicchāmyahaṃ deva prabhāvamapi cāsya tu || 21||

शृणु नन्दिन्महाभाग स्तवराजमिमं शुभम् ।सहस्रैर्नामर्भिर्दिव्यैः सिद्धिदं सुखमोक्षदम् ॥ २२॥

śṛṇu nandinmahābhāga stavarājamimaṃ śubham |sahasrairnāmarbhirdivyaiḥ siddhidaṃ sukhamokṣadam || 22||

शुचिभिः प्रातरुत्थाय पठितव्यं समाहितैः ।त्रिकालं श्रद्धया युक्तैर्नातः परतरः स्तव; ॥ २३॥

śucibhiḥ prātarutthāya paṭhitavyaṃ samāhitaiḥ |trikālaṃ śraddhayā yuktairnātaḥ parataraḥ stava; || 23||

ॐ अस्यश्रीभवानीनामसहस्रस्तवराजस्य\,श्रीभगवान्महादेव ऋषिः \,अनुष्टुप्छन्दः\,आद्या शक्तिः श्रीभगवती भवानी देवता\,ह्रीं बीजं\, श्रीं शक्तिः\, क्लीं कीलकं\,श्रीभगवतीभवानीप्रीत्यर्थे जपे विनियोगः ।अथ ध्यानम्अर्धेन्दुमौलिममलाममराभिवन्द्यामम्भोजपाशसृणिरक्तकपालहस्ताम् ।रक्ताङ्गरागरसनाभरणान्त्रिनेत्रान्ध्यायेच्छिवस्यवनितां विह्वलाङ्गीम् ॥ १॥

oṃ asyaśrībhavānīnāmasahasrastavarājasya\,śrībhagavānmahādeva ṛṣiḥ \,anuṣṭupchandaḥ\,ādyā śaktiḥ śrībhagavatī bhavānī devatā\,hrīṃ bījaṃ\, śrīṃ śaktiḥ\, klīṃ kīlakaṃ\,śrībhagavatībhavānīprītyarthe jape viniyogaḥ |atha dhyānamardhendumaulimamalāmamarābhivandyāmambhojapāśasṛṇiraktakapālahastām |raktāṅgarāgarasanābharaṇāntrinetrāndhyāyecchivasyavanitāṃ vihvalāṅgīm || 1||

ॐ बालार्कमण्डलाभासां चतुर्वाहुं त्रिलोचनाम् ।पाशाङ्कुशशरं चापं धारयन्तीं शिवां भजे ॥ २॥

oṃ bālārkamaṇḍalābhāsāṃ caturvāhuṃ trilocanām |pāśāṅkuśaśaraṃ cāpaṃ dhārayantīṃ śivāṃ bhaje || 2||

ॐ महाविद्या जगन्माता महालक्ष्मीः शिवप्रिया ।विष्णुमाया शुभा शान्ता सिद्धासिद्धसरस्वती ॥ १॥

oṃ mahāvidyā jaganmātā mahālakṣmīḥ śivapriyā |viṣṇumāyā śubhā śāntā siddhāsiddhasarasvatī || 1||

क्षमा कान्तिः प्रभा ज्योत्स्ना पार्वती सर्वमङ्गला ।हिङ्गुला चण्डिका दान्ता पद्मा लक्ष्मीर्हरिप्रिया ॥ २॥

kṣamā kāntiḥ prabhā jyotsnā pārvatī sarvamaṅgalā |hiṅgulā caṇḍikā dāntā padmā lakṣmīrharipriyā || 2||

त्रिपुरा नन्दिनी नन्दा सुनन्दा सुरवन्दिता ।यज्ञविद्या महामाया वेदमाता सुधाधृतिः ॥ ३॥

tripurā nandinī nandā sunandā suravanditā |yajñavidyā mahāmāyā vedamātā sudhādhṛtiḥ || 3||

प्रीतिप्रदा प्रसिद्धा च मृडानी विन्ध्यवासिनी ।सिद्धविद्या महाशक्तिः पृथिवी नारदसेविता ॥ ४॥

prītipradā prasiddhā ca mṛḍānī vindhyavāsinī |siddhavidyā mahāśaktiḥ pṛthivī nāradasevitā || 4||

पुरुहूतप्रिया कान्ता कामिनी पद्मलोचना ।प्रह्लादिनी महामाता दुर्गा दुर्गतिनाशिनी ॥ ५॥

puruhūtapriyā kāntā kāminī padmalocanā |prahlādinī mahāmātā durgā durgatināśinī || 5||

ज्वालामुखी सुगोत्रा च ज्योतिः कुमुदवासिनी ।दुर्गमा दुर्लभा विद्या स्वर्गतिः पुरवासिनी ॥ ६॥

jvālāmukhī sugotrā ca jyotiḥ kumudavāsinī |durgamā durlabhā vidyā svargatiḥ puravāsinī || 6||

अपर्णा शाम्बरी माया मदिरामृदुहासिनी ।कुलवागीश्वरी नित्या नित्यक्लिन्ना कृशोदरी ॥ ७॥

aparṇā śāmbarī māyā madirāmṛduhāsinī |kulavāgīśvarī nityā nityaklinnā kṛśodarī || 7||

कामेश्वरी च नीला च भिरुण्डा वह्रिवासिनी ।लम्बोदरी महाकाली विद्याविद्येश्वरी तथा ॥ ८॥

kāmeśvarī ca nīlā ca bhiruṇḍā vahrivāsinī |lambodarī mahākālī vidyāvidyeśvarī tathā || 8||

नरेश्वरी च सत्या च सर्वसौभाग्यवर्धिनी ।सङ्कर्षिणी नारसिंही वैष्णवी च महोदरी ॥ ९॥

nareśvarī ca satyā ca sarvasaubhāgyavardhinī |saṅkarṣiṇī nārasiṃhī vaiṣṇavī ca mahodarī || 9||

कात्यायनी च चम्पा च सर्वसम्पत्तिकारिणी ।नारायणी महानिद्रा योगनिद्रा प्रभावती ॥ १०॥

kātyāyanī ca campā ca sarvasampattikāriṇī |nārāyaṇī mahānidrā yoganidrā prabhāvatī || 10||

प्रज्ञा पारमिताप्राज्ञा तारा मधुमती मधुः ।क्षीरार्णवसुधाहारा कालिका सिंहवाहना ॥ ११॥

prajñā pāramitāprājñā tārā madhumatī madhuḥ |kṣīrārṇavasudhāhārā kālikā siṃhavāhanā || 11||

ॐकारा च सुधाकारा चेतना कोपनाकृतिः ।अर्धबिन्दुधराधारा विश्वमाता कलावती ॥ १२॥

oṃkārā ca sudhākārā cetanā kopanākṛtiḥ |ardhabindudharādhārā viśvamātā kalāvatī || 12||

पद्मावती सुवस्त्रा च प्रबुद्धा च सरस्वती ।कुण्डासना जगद्वात्री बुद्धमाता जिनेश्वरी ॥ १३॥

padmāvatī suvastrā ca prabuddhā ca sarasvatī |kuṇḍāsanā jagadvātrī buddhamātā jineśvarī || 13||

जिनमाता जिनेन्द्रा च शारदा हंसवाहना ।राजलक्ष्मीर्वषट्कारा सुधाकारा सुधोत्सुका ॥ १४॥

jinamātā jinendrā ca śāradā haṃsavāhanā |rājalakṣmīrvaṣaṭkārā sudhākārā sudhotsukā || 14||

राजनीतिस्त्रयी वार्ता दण्डनीतिः क्रियावती ।सद्भूतिस्तारिणी श्रद्धा सद्गतिः सत्यपरायणा ॥ १५॥

rājanītistrayī vārtā daṇḍanītiḥ kriyāvatī |sadbhūtistāriṇī śraddhā sadgatiḥ satyaparāyaṇā || 15||

सिन्धुर्मन्दाकिनी गङ्गा यमुना च सरस्वती ।गोदावरी विपाशा च कावेरी च शतह्रदा ॥ १६॥

sindhurmandākinī gaṅgā yamunā ca sarasvatī |godāvarī vipāśā ca kāverī ca śatahradā || 16||

सरयूश्चन्द्रभागा च कौशिकी गण्डकी शुचिः ।नर्मदा कर्मनाशा च चर्मण्वती च वेदिका ॥ १७॥

sarayūścandrabhāgā ca kauśikī gaṇḍakī śuciḥ |narmadā karmanāśā ca carmaṇvatī ca vedikā || 17||

वेत्रवती वितस्ता च वरदा नरवाहना ।सती पतिव्रता साध्वी सुचक्षुः कुण्डवासिनी ॥ १८॥

vetravatī vitastā ca varadā naravāhanā |satī pativratā sādhvī sucakṣuḥ kuṇḍavāsinī || 18||

एकचक्षुः सहस्राक्षी सुश्रोणिर्भगमालिनी ।सेनाश्रोणिः पताका च सुव्यूहा युद्धकांक्षिणी ॥ १९॥

ekacakṣuḥ sahasrākṣī suśroṇirbhagamālinī |senāśroṇiḥ patākā ca suvyūhā yuddhakāṃkṣiṇī || 19||

पताकिनी दयारम्भा विपञ्ची पञ्चमप्रिया ।परा परकलाकान्ता त्रिशक्तिर्मोक्षदायिनी ॥ २०॥

patākinī dayārambhā vipañcī pañcamapriyā |parā parakalākāntā triśaktirmokṣadāyinī || 20||

ऐन्द्री माहेश्वरी ब्राह्मी कौमारी कमलासना ।इच्छा भगवती शक्तिः कामधेनुः कृपावती ॥ २१॥

aindrī māheśvarī brāhmī kaumārī kamalāsanā |icchā bhagavatī śaktiḥ kāmadhenuḥ kṛpāvatī || 21||

वज्रायुधा वज्रहस्ता चण्डी चण्डपराक्रमा ।गौरी सुवर्णवर्णा च स्थितिसंहारकारिणी ॥ २२॥

vajrāyudhā vajrahastā caṇḍī caṇḍaparākramā |gaurī suvarṇavarṇā ca sthitisaṃhārakāriṇī || 22||

एकानेका महेज्या च शत बाहुर्महाभुजा ।भुजङ्गभूषणा भूषा षट्चक्राक्रमवासिनी ॥ २३॥

ekānekā mahejyā ca śata bāhurmahābhujā |bhujaṅgabhūṣaṇā bhūṣā ṣaṭcakrākramavāsinī || 23||

षट्चक्रभेदिनी श्यामा कायस्था कायवर्जिता ।सुस्मिता सुमुखी क्षामा मूलप्रकृतिरीश्वरी ॥ २४॥

ṣaṭcakrabhedinī śyāmā kāyasthā kāyavarjitā |susmitā sumukhī kṣāmā mūlaprakṛtirīśvarī || 24||

अजा च बहुवर्णा च पुरुषार्थप्रर्वतिनी ।रक्ता नीला सिता श्यामा कृष्णा पीता च कर्बुरा ॥ २५॥

ajā ca bahuvarṇā ca puruṣārthaprarvatinī |raktā nīlā sitā śyāmā kṛṣṇā pītā ca karburā || 25||