भवानीचन्द्रशेखरस्तोत्रम् Shri Bhavanichandrashekharastotram

(श्रीशृङ्गगिरौ श्रीभवानीमलहानिकरेश्वरकल्याणोत्सवे)वैवाहिकासनासीनौ वैमानिकवरार्चितौ ।वैराग्यदायिनौ दत्तां वैशद्यं मम चेतसः ॥ १॥

(śrīśṛṅgagirau śrībhavānīmalahānikareśvarakalyāṇotsave)vaivāhikāsanāsīnau vaimānikavarārcitau |vairāgyadāyinau dattāṃ vaiśadyaṃ mama cetasaḥ || 1||

भक्तेष्टदाननिरतौ भयवारणदीक्षितौ ।भवेतां भव्यसन्तत्यै भवानीचन्द्रशेखरौ ॥ २॥

bhakteṣṭadānaniratau bhayavāraṇadīkṣitau |bhavetāṃ bhavyasantatyai bhavānīcandraśekharau || 2||

भरताग्रजसंसेव्यौ भवसागरतारकौ ।भर्मभूषौ नमस्यामि भवानीचन्द्रशेखरौ ॥ ३॥

bharatāgrajasaṃsevyau bhavasāgaratārakau |bharmabhūṣau namasyāmi bhavānīcandraśekharau || 3||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितं श्रीभवानीचन्द्रशेखरस्तोत्रं सम्पूर्णम् ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaṃ śrībhavānīcandraśekharastotraṃ sampūrṇam |