अम्बिकास्तवः Shri Ambika Stava

श्रीगिरीशप्रियां चिन्तितार्थप्रदांरत्नताटङ्किनीं राजबिम्बाननाम् ।सैरिभेन्द्रादिमत्तेभपञ्चाननामापदुत्तारिणीमम्बिकामाश्रये ॥ १॥

śrīgirīśapriyāṃ cintitārthapradāṃratnatāṭaṅkinīṃ rājabimbānanām |sairibhendrādimattebhapañcānanāmāpaduttāriṇīmambikāmāśraye || 1||

वारुणीसेवितां कीरवाणीस्तुतांशत्रुसंहारिणीं श्रेयसः कारिणीम् ।वारुणीपारणां चारुसञ्चारिणीमापदुत्तारिणीमम्बिकामाश्रये ॥ २॥

vāruṇīsevitāṃ kīravāṇīstutāṃśatrusaṃhāriṇīṃ śreyasaḥ kāriṇīm |vāruṇīpāraṇāṃ cārusañcāriṇīmāpaduttāriṇīmambikāmāśraye || 2||

सत्रयीकोणमध्यस्थबिन्दूपरिप्रस्फुरद्रत्नसिंहासनाधिष्ठिताम् ।सर्वसौभाग्यसन्धायिनीं मायिनीमापदुत्तारिणीमम्बिकामाश्रये ॥ ३॥

satrayīkoṇamadhyasthabindūpariprasphuradratnasiṃhāsanādhiṣṭhitām |sarvasaubhāgyasandhāyinīṃ māyinīmāpaduttāriṇīmambikāmāśraye || 3||

मातृकाभिः परीवारितां किञ्चिदुन्मीलतां धीवरप्रेक्षणानन्दिनीम् ।मत्तमातङ्गकुम्भोरुवक्षोरुहामापदुत्तारिणीमम्बिकामाश्रये ॥ ४॥

mātṛkābhiḥ parīvāritāṃ kiñcidunmīlatāṃ dhīvaraprekṣaṇānandinīm |mattamātaṅgakumbhoruvakṣoruhāmāpaduttāriṇīmambikāmāśraye || 4||

यक्षगन्धर्वसिद्धाङ्गनामौलिगर्भस्थसूनातिसंवासिताङ्घ्रिद्वयम् ।मातृकारूपिणीं मातृयन्त्रात्मिकामापदुत्तारिणीमम्बिकामाश्रये ॥ ५॥

yakṣagandharvasiddhāṅganāmauligarbhasthasūnātisaṃvāsitāṅghridvayam |mātṛkārūpiṇīṃ mātṛyantrātmikāmāpaduttāriṇīmambikāmāśraye || 5||

वीरमाहेश्वरीं चारुधर्मक्रियांपारगात्रान्तरागारसंवासिनीम् ।किङ्कराशेषसम्पत्करीं शाङ्करीमापदुत्तारिणीमम्बिकामाश्रये ॥ ६॥

vīramāheśvarīṃ cārudharmakriyāṃpāragātrāntarāgārasaṃvāsinīm |kiṅkarāśeṣasampatkarīṃ śāṅkarīmāpaduttāriṇīmambikāmāśraye || 6||

ऐन्द्रवज्रादिकान्तिच्छटारञ्जिनींशेखरीभूतशुक्लेन्दुरेखाभराम् ।मन्जुमञ्जीरशिञ्जत्पदाम्भोरुहामापदुत्तारिणीमम्बिकामाश्रये ॥ ७॥

aindravajrādikānticchaṭārañjinīṃśekharībhūtaśuklendurekhābharām |manjumañjīraśiñjatpadāmbhoruhāmāpaduttāriṇīmambikāmāśraye || 7||

वामहस्तेन जिह्वाञ्चलां वैरिणःपाणिना दक्षिणेनायुधं मुद्गरम् ।बिभ्रतीं पीतवर्णा (म्बरा)लङ्कृतामापदुत्तारिणीमम्बिकामाश्रये ॥ ८॥

vāmahastena jihvāñcalāṃ vairiṇaḥpāṇinā dakṣiṇenāyudhaṃ mudgaram |bibhratīṃ pītavarṇā (mbarā)laṅkṛtāmāpaduttāriṇīmambikāmāśraye || 8||

पुस्तकं पाशमक्षसजं चाङ्कुशंदोर्लताभिर्दधानां त्रिनेत्रान्विताम् ।बालिकां त्रैपुरीपुण्डरीकप्रभामापदुत्तारिणीभम्बिकामाश्रये ॥ २॥

pustakaṃ pāśamakṣasajaṃ cāṅkuśaṃdorlatābhirdadhānāṃ trinetrānvitām |bālikāṃ traipurīpuṇḍarīkaprabhāmāpaduttāriṇībhambikāmāśraye || 2||

ब्रह्मशौरीन्द्रमुख्यामरप्राप्तनानायुधाच्छाननां स्रग्विभूषान्विताम् ।भर्गपत्नीं सुदुर्गामभीष्टप्रदामापदुत्तारिणीमम्बिकामाश्रये ॥ १०॥

brahmaśaurīndramukhyāmaraprāptanānāyudhācchānanāṃ sragvibhūṣānvitām |bhargapatnīṃ sudurgāmabhīṣṭapradāmāpaduttāriṇīmambikāmāśraye || 10||

इति श्रीमत्परमहंसपरिव्राजकाचार्यविरचितमम्बिकास्तोत्रं सम्पूर्णम् ।

iti śrīmatparamahaṃsaparivrājakācāryaviracitamambikāstotraṃ sampūrṇam |