जलन्धराष्टकम् Zalandharashtakam

श्रीमच्छङ्करपादमद्मयुगलं नत्वाऽऽत्मदीपं मुदाविद्याद्याखिलनाकपैरपि सदा सेव्यं मनोरञ्जनम् ।यत्पाठश्रवणानुरक्तहृदयः सद्योऽमृतं याति वैतच्छ्रीनथजलन्धराष्टकमिदं वक्ष्ये सदा शम्प्रदम् ॥ १॥

śrīmacchaṅkarapādamadmayugalaṃ natvā''tmadīpaṃ mudāvidyādyākhilanākapairapi sadā sevyaṃ manorañjanam |yatpāṭhaśravaṇānuraktahṛdayaḥ sadyo'mṛtaṃ yāti vaitacchrīnathajalandharāṣṭakamidaṃ vakṣye sadā śampradam || 1||

श्री नाथाय नमः ॥कटाक्षिपातेन भवन्तीमेऽस्य यच्छक्तितो वै स्थितिपालनाशाः ।श्रीमानराज्ञार्चितपादपीठं वन्देऽन्वहस्तं ककरानतेन ॥ २॥ श्रीनाथ ॥

śrī nāthāya namaḥ ||kaṭākṣipātena bhavantīme'sya yacchaktito vai sthitipālanāśāḥ |śrīmānarājñārcitapādapīṭhaṃ vande'nvahastaṃ kakarānatena || 2|| śrīnātha ||

यस्यामलाजनसदःसु यशोविगीतिःयस्तां शृणोति स जनः शिवमेति तूर्णम् ।तेन प्रजार्तिहनृपेण विशुद्धधाम्नाध्याता सदाकृतिरहं भवभीर्नतोऽस्मि ॥ ३॥ शिव शिव

yasyāmalājanasadaḥsu yaśovigītiḥyastāṃ śṛṇoti sa janaḥ śivameti tūrṇam |tena prajārtihanṛpeṇa viśuddhadhāmnādhyātā sadākṛtirahaṃ bhavabhīrnato'smi || 3|| śiva śiva

गायन्ति यं श्रुतिमुखाः परिहृत्य शेषंध्यायन्ति योगिषु वराश्च निरूढमार्गाः ।नासान्तदेशकृतदष्टय ऊद्विजन्तोऽन्योन्यप्रभाषणभयाद्भवभीर्नतोऽस्मि ॥ ४॥

gāyanti yaṃ śrutimukhāḥ parihṛtya śeṣaṃdhyāyanti yogiṣu varāśca nirūḍhamārgāḥ |nāsāntadeśakṛtadaṣṭaya ūdvijanto'nyonyaprabhāṣaṇabhayādbhavabhīrnato'smi || 4||

त्वत्पादकल्पतरुमूलनिसेवकोऽहंतापत्रयेण पिहतः शरणागतोऽस्मि ।कृत्यात्मनां च सुकृती नु कदा भवेयंश्रीनाथ पाहि भगवन् भवभीर्नतोऽस्मि ॥ ५॥

tvatpādakalpatarumūlanisevako'haṃtāpatrayeṇa pihataḥ śaraṇāgato'smi |kṛtyātmanāṃ ca sukṛtī nu kadā bhaveyaṃśrīnātha pāhi bhagavan bhavabhīrnato'smi || 5||

एनांसि सर्वाणि लयं प्रयान्ति यन्नामकीर्तेः पुरुषस्य नित्यम् ।विद्योदये भ्रान्तिरिवारिषट्कं निवारयाहिं भवभीर्नतोऽस्मि ॥ ६॥

enāṃsi sarvāṇi layaṃ prayānti yannāmakīrteḥ puruṣasya nityam |vidyodaye bhrāntirivāriṣaṭkaṃ nivārayāhiṃ bhavabhīrnato'smi || 6||

पुराऽस्य साक्षिन् बहवोऽपि योगिनो गत्ताः स्वरूपं त्वयि धारितासवः ।भवप्रवाहे पतितं तथापि मां समुद्धर तं भवभीर्नतोऽस्म्यहम् ॥ ७॥

purā'sya sākṣin bahavo'pi yogino gattāḥ svarūpaṃ tvayi dhāritāsavaḥ |bhavapravāhe patitaṃ tathāpi māṃ samuddhara taṃ bhavabhīrnato'smyaham || 7||

सर्वाधारमनारम्भं समं सर्वत्र वै स्थितम् ।तं ध्यात्वा मुच्यते तूर्णं नान्यैः कृत्यैः कदाचन ॥ इतिमनो निवेश्य त्वयि सिद्धिमाप्नुयामितीच्छितं पूरय मे किल प्रभो ।यापङ्कजाङ्घ्रिं भजतां विवेकिनां कुतो न्वरिष्ठा भवभीर्नतोऽस्म्यहम् ॥ ८॥

sarvādhāramanārambhaṃ samaṃ sarvatra vai sthitam |taṃ dhyātvā mucyate tūrṇaṃ nānyaiḥ kṛtyaiḥ kadācana || itimano niveśya tvayi siddhimāpnuyāmitīcchitaṃ pūraya me kila prabho |yāpaṅkajāṅghriṃ bhajatāṃ vivekināṃ kuto nvariṣṭhā bhavabhīrnato'smyaham || 8||

यः श्रीनाथजलन्धराष्टकमिदं भक्त्या पठेदन्वहःसोऽरिष्टारिचमूपमूर्धनि पदं न्यस्याटतीवार्भकः ।विद्वद्भिः परिसेवितं प्रतिदिनं संयोगमार्गेषुभिःतच्छ्रीमङ्गलमातनोत्वलमिति प्रान्तं गतं तत्सताम् ॥ ९॥

yaḥ śrīnāthajalandharāṣṭakamidaṃ bhaktyā paṭhedanvahaḥso'riṣṭāricamūpamūrdhani padaṃ nyasyāṭatīvārbhakaḥ |vidvadbhiḥ parisevitaṃ pratidinaṃ saṃyogamārgeṣubhiḥtacchrīmaṅgalamātanotvalamiti prāntaṃ gataṃ tatsatām || 9||

श्रीनाथाय नमः । शिवाय नमः ॥प्रातरुत्थाय यो भक्त्या श्रीनाथाष्टकमुत्तमम् ।पठेद्वा शृणुयान्नित्यं स नरो मुक्तिभाग्भवेत् ॥ १०॥

śrīnāthāya namaḥ | śivāya namaḥ ||prātarutthāya yo bhaktyā śrīnāthāṣṭakamuttamam |paṭhedvā śṛṇuyānnityaṃ sa naro muktibhāgbhavet || 10||

इति श्रीजलन्धराष्टकं स्तोत्रं सम्पूर्णम् ॥ श्रीनाथाय नमः ॥

iti śrījalandharāṣṭakaṃ stotraṃ sampūrṇam || śrīnāthāya namaḥ ||