अवलोकितेश्वरस्तोत्रम् २ Avalokiteshvara Stotram (2)

ॐ नमोऽवलोकितेश्वराय ।जटाधरं सौम्यविशाललोचनं सदाप्रसन्नाननचन्द्रमण्डलम् ।सुरासुरैर्वन्दितपादपङ्कजं नमामि नाथं मणिपद्मसम्भवम् ॥ १॥

oṃ namo'valokiteśvarāya |jaṭādharaṃ saumyaviśālalocanaṃ sadāprasannānanacandramaṇḍalam |surāsurairvanditapādapaṅkajaṃ namāmi nāthaṃ maṇipadmasambhavam || 1||

सरोजपत्रायतदिव्यलोचनं कुदृष्टिसंशोधितशुद्धलोचनम् ।कृपामृतार्द्रं जगदेकलोचनं नमामि नाथं मणिपद्मसम्भवम् ॥ २॥

sarojapatrāyatadivyalocanaṃ kudṛṣṭisaṃśodhitaśuddhalocanam |kṛpāmṛtārdraṃ jagadekalocanaṃ namāmi nāthaṃ maṇipadmasambhavam || 2||

हारेन्दुहारार्धहिमाधिकोज्जवलं निघृष्टगण्डामललोलकुण्डलम् ।गभस्तिमालाकुलकोटिसङ्कुलं नमामि नाथं मणिपद्मसम्भवम् ॥ ३॥

hārenduhārārdhahimādhikojjavalaṃ nighṛṣṭagaṇḍāmalalolakuṇḍalam |gabhastimālākulakoṭisaṅkulaṃ namāmi nāthaṃ maṇipadmasambhavam || 3||

प्रबुद्धधर्माध्वनि धर्मधातुकं सहस्रबाहुं द्विचतुश्च षड्भुजम् ।खधातुना तुल्यमनन्तबाहुकं नमामि नाथं मणिपद्मसम्भवम् ॥ ४॥

prabuddhadharmādhvani dharmadhātukaṃ sahasrabāhuṃ dvicatuśca ṣaḍbhujam |khadhātunā tulyamanantabāhukaṃ namāmi nāthaṃ maṇipadmasambhavam || 4||

उपायप्रज्ञोदधिमन्थनोद्भवं त्रिधातुसंरक्षणहेतुसम्भवम् ।जिनेन्द्रमौलिं जिनधातुसम्भवं नमामि नाथं मणिपद्मसम्भवम् ॥ ५॥

upāyaprajñodadhimanthanodbhavaṃ tridhātusaṃrakṣaṇahetusambhavam |jinendramauliṃ jinadhātusambhavaṃ namāmi nāthaṃ maṇipadmasambhavam || 5||

पद्मोपरि गतं नाथं पद्महस्तं जटाधरम् ।आर्यावलोकितं वन्दे सर्वसत्त्वानुकम्पकम् ॥ ६॥

padmopari gataṃ nāthaṃ padmahastaṃ jaṭādharam |āryāvalokitaṃ vande sarvasattvānukampakam || 6||

इति श्रीवासुकिनागराजकृतमार्यावलोकितेश्वरस्तोत्रं सम्पूर्णम् ॥

iti śrīvāsukināgarājakṛtamāryāvalokiteśvarastotraṃ sampūrṇam ||